Hun rei tak la nilo mahse, hman han tih tur chu a ni ve tawh mai ang chu. Intihmualpho na leh insawitheihna lam nilovin, nang nen a hun kan lo hman tawh te kha ka’n sawi ve reng reng teh ang. Min la then dawn tih hre reng chung si khan, keimah chauh i tan a awm ni awm takin, “nanglo chu ka Hmangaih che ka la ti miah lo; engtik lai pawh hian ka rilru ah i awm reng thin a sin; ka ngai lutuk thin che” engtin nge min lo tih theih zawk le.
Kei chu ri phawng phawng chi ka nih kha, thil han thup mawi vel hi ka thiam der silo a. Mi huai famta Pu Tluangtea Hnamte thukhawchang takin, ka thil hmuh leh hriat te hi sawi lo in ka awm theilo mai ni lo in ka ziak kher zel leh nghal a. A pawi ngawt a nia kei kher kher min bum hi chu. Ka ngaihsan thin teh reng che nen hetiang mai mai a nun hmang tur hi chu i nilo a sin maw le, hero atangin Zero ah i insiam a ni ringawt alawm, i nun danin engmahlo ah a siam ta che a ni e.
Diktak chuan, induh em em in, inthlahlel viau thin mahila, nang nen meuh han inngaihzawn chu kawng tin rengah mahni insit a na duh in, ka chan palh mai ang che tih ka hlau thin a, hlim leh inthlahlel tak a kan len dun lai te pawh khan, ka thla hi a phang ru viau thin a sin. Min lo thlauhthla ta la engtin nge ka dam khawchhuah theih ang tih te, ka nun hman zel dan tur pawh hi ka suangtuah ngam ngai lo va. Mahse, tihngaihna dang awm der lo a min han then takah chuan engtia han sawi fiah tur nge ka hre thiam chiah lo a, thlahlel viau chung si che a hlauhthawn rukna te leh hahthlak riau te kha zuk bo daih a. A tawi zawngin a thawventhlak a nih ber chu. Kei kher kher min lo tawng hi chu a pawi teh zawng a ni e.
Nangmah hre tu zawng zawngin fel leh tha an ti che a. Chutiang mi in ka tih hmasak pawh nilo a min han duh mai chu ka tan chuan mak tih loh rual a nilo a, kei chang ka lawm a nilo a, ka thiantha te paw’n min lawmpui ve khawp a sin. Khawtlang, Kohhran leh i nun hrim hrim tun an hai silo. Ni e, nangmah vang hian ka chan phakloh tur tam tak ka chang a, thil tha tam tak i hnen atangin ka zir a, ka chan phak loh tur pawh ka chan hial tak kha.
Mahse, a pawi tih hian a hrilhfiah zolo a ni e…
tih lampang a sawi tumna a nih ka ring Mizo mipa a zaithiam ka tih ber pawl Lalnunmawia hian..
Uanpui changlo ila, ka hril dawn hmana kan nun
Dawnin lo ngai ve la D hlui mahla
Kha leh chen leng dunin samang then min tum siin
Ka duh che ka ngai thin che min lo tih le
Engah nge hetiang reng reng a i len
I in theh dere zo vek a lawm le
Thu khuh thiam chi reng ka ni si lo
Apawi emai kei kher min der hi
I tangnem belh lai khan inthen ni tur dawn vel in
Thinlai rukah ka lo tap ruai ruai thin
Mahse inthen meuh chuan amak e ka hril thiam lo
Lungngaih chhumpui kiang ang a lo ni e
Apawi em mai kei kher min lo der hi
I in theh dere zo vek a lawm le
Thu khuh thiam chi reng ka ni si lo
Apawi emai kei kher min der hi
Lenrual lungduh zawng te’n min lawmpui thin a sin
Kei teh lul nang meuhin min lem duh a
Vailian el phingphihlip siar lak tum ai pawh in
Ka thleng sang zawk awm e nang meuh tawn chu.
Similar Posts:
- Love Story- IV (Ka Thài)
- I kalsan hi engtin nge a awm tak le
- Tha Sensiar!
- In thup kan tum reng thin em?
- Lehkhathawn
August 13th, 2012 at 6:32 am
FIRST CHIANG KUANG,,, HE HE
Report this comment
August 13th, 2012 at 7:01 am
Chibai u…ziak thiam phian mai a, keipawh he hla hi ka lawm thei lutuk, ‘lem ang min der,ka tuar zo lo’ tih leh hnup thin ai chuan a zia
Report this comment
August 13th, 2012 at 8:55 am
Ka der lo che asin!!
I ziak thiam e
Report this comment
August 13th, 2012 at 9:24 am
ziak tha thin e..
Report this comment
August 13th, 2012 at 9:38 am
mizo love song ho lah hi DER lam leh phu loh lam hlir ni mai..!!
Report this comment
August 13th, 2012 at 10:29 am
Kan mizo lengzem hla neih zinga mawi kan tih leh sak hlawh ho hi, derna, ka tling zo lo, lo kir leh rawh adt. lampang a ni duh khawpin ka hria. Hla phuahtu rilru chu a takin an pholang tihna a ni a, kan lo nep tlang viau em ni ang le?
Report this comment
August 13th, 2012 at 10:30 am
He hla an phuah lai(1982?) hian ngaihzawng ka la nei lo tlats. Chuvangin ka fihlim.
Report this comment
August 13th, 2012 at 11:03 am
mizo te hi a lung no leh ti deuh hnep hnep deuh vek kan ni. A bikin 80 hma lama piang te. A chhan chu kan bengin ri mawi a hriat hmasak ber leh kan than lenpui, kan nau awih hle te hi hla nem leh kham phei de de chi vek a nih vang a ni.
Kan puitlin hnuah pawh he leiah hian lal hna thawk tura dah kan nih inhre lo leka vanram a hahchawlh leh hahdam chaka lungleng, thatchhe theology a chawm len kan ni leh bawk si.
Hei vang hian sentimental lam hi kan awn ta dual dual mai a nih hi.
Report this comment
August 13th, 2012 at 11:54 am
Heehee, van lawm awm ve aw, he hla hi ka duh ve lutuk a, kun hnup ai chuan tha hi ka ti khawp a.
Vailian el phingphihlip siar lak tum ai pawhin
Ka thlengsang zawk awm e nang meuh tawn chu.
He lai thu hi a chinchhuakin ka hrilhfiah thiam miah lo nia.
Report this comment
August 13th, 2012 at 12:16 pm
Robert April, Phingphihlip tlai ni tlak vel bawr a an thlawk chhuak chum chum thin hian, Vailen laia sipai lo chhuak nguah nguah kha an el ve khang lang a, ‘Arsi lak an tum e’ an ti thin a ni. Thil awm ang lo lutuk leh a hlawhtlin beiseiawm loh fahran lutuk a nia, a bialnu/bialpa a phuloh zia a phuah elsenna a nih reuh khi.
Report this comment
August 13th, 2012 at 12:23 pm
Nangin in lamah eirawng i lo bawl ang a,
Keiin meihawl ka rawh ang.. hit fu ni!!
Report this comment
August 13th, 2012 at 1:17 pm
Tha fu ni
Report this comment
August 13th, 2012 at 1:34 pm
Tha hle mai.
Report this comment
August 13th, 2012 at 2:20 pm
He hla hi kei pawhin nalh ka ti thlawt. Tunah pawh hian ngaithla pah ngeiin ka rawn comment a ni e.
Good post.
Report this comment
August 13th, 2012 at 2:26 pm
Akhaia! Ka lo chhiar mai lova, a va ṭha reuh e!
Kei pawhin hë hlä hi ka hre ve tak asin! Mahsé a thunawn tlar hmasa 2 bâk khi ka thlûk thiam lo.
TZṬ
Report this comment
August 13th, 2012 at 3:43 pm
A thluk hriat a van chakawm ve…a phuah tha khawp mai.
Report this comment
August 13th, 2012 at 4:20 pm
# 17, a thluk chu hmm..hm… hmm… hmm… hmm…. hmmm… tih ang deuh a ni in ka hria..noi
Report this comment
August 13th, 2012 at 8:09 pm
ha ha, n va nawi hlawm reuh e, hringnun hi nawi deuh in hmang ila a hlimawm phian te’n ka ring ta deuh.. chuan..#3 ka der lo che..haihjish
Report this comment