(‘Kan hmuh leh kan hriat te hi sawi lovin kan awm thei lo’ an tih ang deuhin…)
Lawmnaa khat, rilru thianghlim…
A mawi tuktin par aiin tih hla hi nunpui reng thei lo mah ila, Pathian malsawmna a zarah mifel tak takte avang hian hringnun hlimna parzu tlanin ka khi leh vur vur thin. Nunhlimna leh hahdamna hi sum leh pai ngah leh hmelthat avanga neih tur ni ta ngat se, hlim ni kawl a en ngai reng ka ring lo, ka tan hian. Mahse, Siamtu’n duh tak leh tha ti taka min siam ka nih tlat avangin keima tawkah ka hlim ve em em thin, Ama zarah chuan.
Mi(sual) in ti maw?
Mihring emaw, hmun leh ran pawh ni se, hming kan pek hian hriatthiam a awlsam thin. Mi(sual) tia Mizo te’n ka hriat lar pawh hi; a awmzia leh ziak dan man thiam lo chu, han sawi chhuah changin an nui huk fo. Chutih rualin, Mi(sual) zinga tlat nuam ti em em, keini tan zawng khawhar hnemtu a ni lawi si. Kawng tam takin Mi(sual) zar hi ka zo tawh a, ka zo zel bawk. A vai chuan ka sawilang phal rih lo… 
Mi(sual) scooty…
Kumin kum tir khan, chiseh lamin Zawlkhawpui ka zin ve a. Ka cham chhung ni reilo te khan, Mi(sual) zar zovin, confi taka ka khalh thiam tawk Scooty thar tha tak hman mai tur a lo awm remchang hlauh mai kha, ka tana a tangkaizia mai chu(h). Ka tlankual nasat nen, Petrol man tlemte ka sen bak, engmah hman man pawh ka pe chuang lo. Scooty neitu hi Mi(sual) tak, rilru zau leh kawm nuam tak a ni. A hming erawh thup a ni thung…
Mi(sual) vawksa rep, mautuai leh vaimim
Vairamah ka parawl a. Ngaihsam bakah mahni tawka buai chuan eirawng ka bawl awlsam thei viau. Keini ang duang, then leh rual pawl lo ta chuan, Mizoram vawksa rep chu sawi loh, anthur rep tak ngial min thawntu tur pawh kum 4 chuang teh meuh a ral hnu hian ka tawng lo!
Ngai teh! Thla hmasa lawh khan, Mi(sual) em em pakhat, a sakhmel ka la tawn ngai miah loh chuan vawksa rep sipisial tawk, mautuai chhum-han kha deuh fak leh vaimim min rawn hawnsak teuh nia maw le. Ka va’n lawm tak em!
Hei bakah hian, Mi(sual) zar hi kawng tam takin ka zo a. Sawi awm leh awm loh pawh hre chiang lovin, ka’n rawn puak leh phawng phawng mai a ni e.
Mi(sual) zar in zo tawhna sawi ve ula; a zar in la zo lo a nih paw’n, a zar han khel pawr hram ta che u… 
Similar Posts:
- mi(sual).com hi!
- Ka nu chawhmeh siam kha ka va ngai tak em!
- Scooty Tangkaina Pathum
- Camera thar ka lei ve a
- Kumthar chibai u le, mi(sual) ho ;-)
August 6th, 2012 at 11:35 am
tv luck lo, mahse luck deuh tho si post ni maw
Report this comment
August 6th, 2012 at 11:43 am
misual zar ka zo ve chu mit kham, lu na, nupui te hauh, mut chhuak…. Ka hnial hrat ta em em bawk..haha..
Report this comment
August 6th, 2012 at 11:44 am
Eee.., a lo chhuak der a nih hi..
Post thar a awm si lova, chawpchilh tawkin ka thehlut ve tawp.
Mi(sual) zawng zawng, a pui a pang, a lian a te, a hmeltha leh chhe deuh, tu mai pawh, Thawhtan ni hman nuam vek u…
Report this comment
August 6th, 2012 at 11:51 am
ee..a va nuam awm be..
Kei pawh misual zar hi delhi-ah ka zo ve tawh ..hehe aizawl a misual member hriat ka neih pawh ka hre mumal lo..
thil thawn chu kei pawh ka dawng huam reng e
Report this comment
August 6th, 2012 at 12:20 pm
Kei hian mi(sual) zar ka la zo ve lo. Ka zo ve duh a nia
Report this comment
August 6th, 2012 at 12:43 pm
vawksa rep min lo thawn tu tur ka van duh ve….lolzz
Report this comment
August 6th, 2012 at 12:52 pm
Mi(sual)–
A hming ringawt hi chu ka hriatna a rei tawh ngang mai. Mahse englam nge a nih a eng atan a hman nge a nih tih erawh ka hriatna a la rei lo hle.
A tir chuan Frenzo nen ka lut kawp thin
Chhut neuh neuh ila chuan a zar ka zo ve tawh fu ang le.
Report this comment
August 6th, 2012 at 1:15 pm
New Delhi-ah leh Kolkata hmunahte riahna ka neih phah. Chu zawng aia ka lawmna chu ka hriatna nasa takin a zauh phahin mi pangngai nuna nung thei tura min hlangkaitu a niin nun hlimna min pe bawk.
Report this comment
August 6th, 2012 at 1:43 pm
Bansan ka tum ngun tawh dan ngaihtuah chuan ka bansan har ta ngawt mai.
Report this comment
August 6th, 2012 at 1:53 pm
Mi sual zar zova, ka in hriat ve na te. Mah ni in kanui, ka nui, khi vurvur lehthin, Zan ah ka menrei phah, Chhun ah ka mit a kham urhzel, Hnam sakhaw ho, ralthumtur mangang, Chalchang AU thawm, ka hriat phah. Thil tamtak ka hriat ngailoh, ka hriat phah na sa, in hnial ka hrat phah ve dawntan, mah ni chauhva, awm nuam katih phah viau bawk.
Report this comment
August 6th, 2012 at 2:41 pm
Misual awmlo se thu ka ziak miahlo ang. Tsa,cfla, post tupa, U Aduhi, st.samo leh u sheldoni, pu Pka, etc etc..ka lawm e, in zarah hma ka sawn ve bek2 e. “in” tih leh “asin” tih pawh ka hmang tlem tual2.. Chuan U aduhi zarah first person lova ziak ka zir ta bawk. Muah :-*
Report this comment
August 6th, 2012 at 4:07 pm
@ Sihtea & LaMea.. Post ningnel ve tak tak han siam changa, duhsak leh thahnem min ngaihpui taka min fuihna leh selnate hi a tangkai thin ngawtin ka hria…
Report this comment
August 6th, 2012 at 4:09 pm
tha lutuks
Report this comment
August 6th, 2012 at 4:48 pm
Nang hi chu i vannei ngawt mai. Vannei tur chuan fel te hi a tul ve bawk ang. Misual hian khawhar min hnem fo.
Report this comment
August 6th, 2012 at 6:35 pm
Kei tak hian asin zar zo nasa chu. Thu ziak lamah phei chuan mi(sual) tluka ka inzir nasat na hi a awmlo ang tih ka chiang. Chuan, hmuh dan leh ngaihdan hrang hrang han thawhkhawm a, sawiho te hi a nuam a. Kan khua ah phei chuan ka rualpui ho zingah phei chuan mi(sual) vang hian kei aia thil hre zawk an awm lo reng reng.
Report this comment
August 6th, 2012 at 8:30 pm
I mi(sual) ve thin maw? ti a, inhmuh vawi khatna a, ‘sual ve thin e,’ tih tawh hi chuan, titi hi a tawp mai nghal ngai lo. Tleirawl deuh (keini ang te
) pawh hian mi(sual) senior pawh hi ka lo zu kuah ve chawt chawt ngam nghal mai thin a nia. Nitin a kan thian, kan hmelhriat aia mi(sual) connection ngheh zia hre ve pha faih faih tu ka ni… Long Live, mi(sual).com. Comment lo a online thathnem zia hi a hre tu a ni ve in ka in hria. Nick la hriat miah loh pawh in, kan thil zawh hi an rawn chhang zat thei zel. online/ regular comment chuang lo hian.
Report this comment
August 6th, 2012 at 8:39 pm
#16 “Tleirawl deuh (keini ang te ) pawh …” nia tiraw hairehai
Report this comment
August 6th, 2012 at 9:10 pm
@17. huhu huhu…
Report this comment
August 6th, 2012 at 10:19 pm
Mahminga post nih manah comment ve lawk ang!
Scooty chu i la hmang tangkai chuang na nge hehe?..
Misual avang hian ka nui nasa a, thil tamtak ka zir belh bawk a, tin, thlalak mawi tak tak ka hmuh phah bawk a, news ka hriat belh phah fo bawk a… Chuan misual atang hian thian 3 ka chhar phah a, mahse tumah ka la hmu lo!
Report this comment
August 6th, 2012 at 10:25 pm
Mahminga post nih manah comment ve lawk ang!
Scooty chu i la hmang tangkai chuang na nge hehe?..
Misual avang hian ka nui nasa a, thil tamtak ka zir belh bawk a, tin, thlalak mawi tak tak ka hmuh phah bawk a, news ka hriat belh phah fo bawk a… Chuan misual atang hian thian 3 ka chhar phah a, mahse tumah ka la hmu lo!
Report this comment
August 6th, 2012 at 10:26 pm
OOOPS!! didn’t mean to submit twice!
Report this comment
August 6th, 2012 at 11:00 pm
car chahbi ka pe che a, i hnar char2 a… scooty ilo hmuh vang lek lo niin…
Report this comment
August 6th, 2012 at 11:50 pm
A ngaihnawm leh viau mai. Mi(sual) faktu atan i tha viau dawnin ka hria.j
Report this comment
August 7th, 2012 at 12:02 am
@ mamboihi.. Comment double pawh a pawi lo.. Scooty pawh a ngaite a la ni e..
@ kawlhawk.. Car chu a raivertupa ka chhawr a tul dawn si alawm..
Report this comment