mi(sual).com

“Karbi lei arsi lian eng mawi tak, Sister Lianchhungi kha amah hmangaihtu bul a eng turin a enna a sawn ta, Aw Pathian, nangman chanchintha min pe. Haleluia! Amen!” – Karbi Anglong

Sister Lianchhungi, kum 82, Durtlang hi hun rei tawh tak atang khan Zunthlum leh thisen sang nei a ni a, han buai leh nat zual changte nei thin mahsela Pathian kaihhruaina in Doctor-te damdawi chawh in a ti ziaawm leh mai thin a. Dt. 16.10.2011 zing dar 2:40 khan heart attack-in min lo peih loh san ta a ni.
A chanchin tlangpui: Upa Hranghleia leh Lianchhungi te nupa hian fa pariat, mipa pahnih leh hmeichhia paruk an nei a, tu leh tuchhuan 46 lai a nei a ni.

Kum 14 mi anih kum 1943-ah Durtlang-ah Nurse zir turin a lut ve a, a hna chak ber zir tura a lut chu a hlimin nuam a ti em em a ni. Missionary sapte zirtirna leh kaihhruaina in tluang takin kum 5 training chu a zo ve a. An hotu ten thawk zui turin duh mahsela Silchar Civil Hospital-ah a u in hna a hmuh sak avangin 1948-ah a zuk zawm a, kum 3 zet hna a thawh hnuin Upa Hranghleia nen inneiin 1950-ah Silchar chu a chhuahsan leh a, kum 1951-ah Durtlang Damdawiin ah thawk tura an sawm avangin a lut leh ta a ni.

(more…)

Mi(sual) te hian thil chi hrang hrang kan hmachhawn in, kan tawng cham chi theuh awm e. Chung zingah chuan a tawngtu tan hrilhhai thlak leh tihbaiawm ber mai, pehhel theih nise, pehhel kan duh theuh tur  chu ‘thihna’ hi a ni awm e. Thihna rau rau ah pawh, ‘thalai’  taksa lama damlohna leh nat lawkna pawh awm hauh si lovin, chatuan hmun an han pan thut mai thin hi chu, mi a barakhaih chiang thin teh e. A tuartu nu leh pa te  dinhmun phei chu, la tem ve ngai hauhlo te tan phei chuan hriat thiam pui a va har dawn tak em? Kan thian, Pu Chawnghilha te chhungkaw chunga thil thleng pawh kha mumang a ang rum rum mai a nih kha maw.

(more…)