Pu C. Pahlira, Mizo Union hruaitu hlui, Mizoram tana vision nei tha berte zinga mi leh Mizoram hmasawnna tura huaisen taka bei a, achievement tam tak nei tawh chuan Kum 87 mi niin tukin zing dar 7:40 khan Chatuan ram min pan san ta. Mizo Politician te zinga ka ngaihsan, tuna politician zawng zawng
te pawhin an zah rawn leh Aizawl leh khaw hrang hranga CP Road sial chhuaktu kan chan ta mai hi Mizoram tan channa nasa tak a ni ngei ang.
C. Pahlira hi District Council hunlai khan term 2 chhung MDC a ni a, EM a ni bawk, UT laiin MLA ah thlan tlin a ni leh bawk. Mi huat leh sawisel pawh tawk nasa hle mah se Mizoram tan a la pawimawh dawn tih a hriat avangin Huaisen takin Aizawl khawpui leh hmun hrang hranga kawngpui sial hna a thawk a, a huaisenna leh thawhrimna avangin vawiina kan kawngpui te hi kan nei thei hram a ni. Pi pamham lo, ram hmangaihtu dik tak hi a dam laiin ka titi pui ve hman a, khatia tar chak lo tak a ni tawh chung pawh khan ram hi a la vei em em mai a, ama hnen atang hian kan political history pawh ka hriat belh teuh a ni.
A ruang hi a thihna hmun, Aizawl Civil Hospital Private Ward atangin ama chenna in, Upper Republic, near City Car Bazar & Rentals-ah lak phei a ni tawh a. Zaninah tlaivarpui a ni ang a, naktuk chhun dar 12 ah vui a ni ang. Hei hi amah uitu zawng zawngte kan inhriattirna ni teh se.
Also from H. Vangchhia –
“Pu C Pahlira hi Kum 1924 January ni 7 khan a pianga, kumin January ni 7 khan kum 87 a tling chiah a ni. Hun reitak atang tawh khan lung lam natnain a tlakbuak a, he a natna hian a ti buai ve thin hle. July ni 15 khan a pum na avangin Vaivenga Hospital (Care Hospital ni thin Civi Hospital bul ami) ah admit a ni a, investigation hrang hrang tih a ni a, Pumpui ulcer a neih bakah Jaundice a nei tih hriat a ni a, tin a pum a puar nasa hle bawk. A natna hi a critical deuh avangin Aizawl Civil Hospital lamah July ni 25 khan dahluh a ni leh ta a ni. Civil Hospital-ah Cabin-ah enkawl a ni a, A pum a puar nasa a, a chau in a hniam chak hle bawk. Doctor te chuan a natna hi cancer a nih ring deuh mahse a ma taksa dinhmun en in hmuhchhuah tuma beih chiam khan awmzia a nei lutuk tawh lo niin an ngai a, nachhawkna te nen theih ang angin an enkawl chho ta phawt mai niin thudawnna chuan a sawi.
Pu C Pahlira hi Mizo District Coucil-ah khan Term 2 MDC a ni a, PC Sorkar lai Bye-Election-ah khan Sateek bialah MLA-ah thlan tlin a ni.
MDC a nih lai khan Aizawl khawpui hi a lo la thang zel anga, lirthei leh mihring kan la pung nasa dawn a ni tih Pu C Pahlira hian a ngihtuah phak avangin theihtawp chhuahin kawngpui sial hna a thawk a. Mimal ram tamtak su tlangin mi an khum leh rel pawh a tawk nasa a, nakinah an la lawm dawn ani tih hriain mi sawiselna te chu pawisa lovin a bei zel a, Iptepui leh chemtum nen amahin hma a hruia a, tunhnu-a Aizawl khawpui ti nuamtu kawngpui pawimawh CP Road ti-a hriat zui tak hi a sial chhuah vek an ni. Pu C Phlira hian Aizawl mai bakah Lunglei, Kolasib, Champhai leh Vairengte-ah te pawh kawngpui sial hna hi nasa takin a thawk bawk. Heng a kawngsial tamtak zinga thenkhat hi chuan CP Road tih hming an pu zui lem lo niin hriat a ni.
Pu C Pahlira sulhnu thangthar ten kan hriat atana pawimawh em em pakhat chu. Tuna new Market Sobji Bazar kan tih hi hmanah chuan Dawrpui Biakin kawt phei kawngpuiah an in chap darh mai thin a, hun kalzel tur thlir thiam Pu C Pahlira chuan hei hi tha ti lovin a thlang sakawr in tuana New Market kan tih takah hian a suan thla ta a ni.
Ram leh hnam tana a theihna zawng zawng hlan tu, Politics hi ram rawngbawlna a nihna anga hmang ngam leh hmangtu, hausak nana hmang velo, mi huaisen Mizo Hnam Pasaltha Pu C Pahlira hi Zofa te tan hian a van hlu tak em.
Source: Vana LPS
Similar Posts:
- C.P. Road
- Mizote leh Sial
- Civil Hospital Cheina tur Rs. vbc 6.50 a bo
- BRTF Kawng ve hi le!!
- Mizoram Mamawh Website Thar leh Business Directory te Tlangzarh a ni ta
July 30th, 2011 at 10:44 am
RIP
July 30th, 2011 at 10:48 am
Muang takin chawl rawh se (W)
July 30th, 2011 at 10:56 am
RIP.. ;-(
July 30th, 2011 at 11:00 am
A va uih awm ve aw. Politician tha kan neih tam loh teh lul nen. Zoram Arsi Lian pakhat a herliam ta ani maw. Zoram dinhmun a thlir ang a, a thin a urin, a rilru a hah ve fo awm si a, Thlamuang takin lo chawl hahdam tawh rawh se.
July 30th, 2011 at 11:00 am
Mangtha le Pu Pahlir,,,,
July 30th, 2011 at 11:03 am
uihawm khawp mai a, zofate zingah chawimawina no dawm phu niin ka hria.
July 30th, 2011 at 11:06 am
Mi tha kan chan leh ta A pawi thin mange.
Pu Pahlira hi ka lo hre ngai lova; Kolasib CP Road-a ka kal fo chinah a awmzia ka zawhin ka hre ve chiah a ni. Kum tam a la vei lo.
July 30th, 2011 at 11:12 am
RIP a uihawm hle mai
July 30th, 2011 at 11:12 am
I say goodbye,too.
July 30th, 2011 at 11:15 am
A va uihawm ve aw……….a chhungte Lalpan awmpui mawlh rawh se
July 30th, 2011 at 11:18 am
Uihawm khawp mai. Thlamuang takin chawl rawh se
A ziaktu hian “Source dahin lo thehlut ta che,” min ti ve bawk a, ilo thehlut hmasa a nih hi 🙂
July 30th, 2011 at 11:18 am
Mangtha. Kanva chan ropui ve, vawiinni chu. Mizofa te tana ‘dairy’ pakhat chu a herliam leh ta maw.
July 30th, 2011 at 11:20 am
kan veng cp road ah hian pu c.pahlira (midang) a awm thin a, chu pa hming chu amaw kan ti char2 naupan lai chuan… kan tlangval hnuah a dik ka hre chauh….! Ka ui hle mai.. RIP
July 30th, 2011 at 11:23 am
A va uiawm ve .Thlamuang tak in chawl rawh se . ‘ C P road ‘ a lunglen thlak riau . .ramhnuai ah te pawh kawng ruh hlui Pu C. Pahlira kawng zawn na te pawh a awm kha mawle .
July 30th, 2011 at 11:44 am
Kan naupan laia kawnglaia inhlawhfa thin ho, CP Labour kan tih thin kha, Pu C.Pahlira kawng lai an lo ni maw?!. Post tha tak ani e.
July 30th, 2011 at 11:46 am
RIP
July 30th, 2011 at 11:50 am
Ka va ui tehreng em. Vawiin ni chu Zoram tana diary tling a lo ni ta maw. RIP Pu C. Pahlira.
” Eternal Spirit of the chainless Mind!
Brightest in dungeons, Liberty! thou art,
For there thy habitation is the heart-
The heart which love of Thee alone can bind.“
July 30th, 2011 at 11:53 am
Kawmthlangpa chu uihawm khawp mai.
July 30th, 2011 at 12:04 pm
Thlamuang takin chawl mawlh rawh.A kalsan tak te Lalpan awmpui rawhse..
July 30th, 2011 at 12:14 pm
Mizorama politician zinga ropui, midang huat pawh pawisa lova zoram thatna ngaituah tu kan chan ta maw! A va uihawm em.
Kolasib CP Road an sial dan te kha ropui ka ti. Lal in bul maiah kawng kal turin midangin an nek ngam loh Lal kha aman hmahruiin Lal compound chhungah kawng an sial ta a. Hmathlir thui tak neiin naking thatna turah chuan hlauh a nei lo.
PUC ram hi midang remti lo chungin college vengah a lo dah a. Ani kha chuan college a awm kha chuan kawng tha takin a pawh mai dawn avang a ni tih hria ink haw daifem a college dah kha a lo thlang a ni. Tunah chuan a that dan kan hriat theuh hi. Thangthar ten amahah zirtur kan ngah hle mai.
Upper Republic, near City Car Bazar & Rentals-ah: advertisement
July 30th, 2011 at 12:15 pm
Mizoram tana hlawk taka thawktu chuan min liamsan ta.
A nun leh a thil tiha thangtharte’n entawn tur leh zir tur tam tak kan neih hi kan rilruin hre thar hlawm ila. Chu chu amah kan chawimawi theih dan ropui leh tha ber a ni ngei ang!
July 30th, 2011 at 12:43 pm
A chanchin kimchang zawk hriat achakawm hle mai…RIP (F)
July 30th, 2011 at 12:51 pm
RIP
July 30th, 2011 at 1:09 pm
RIP le
July 30th, 2011 at 1:30 pm
Pu C.Pahlira chu a uihawm hle mai, ram hruaitu chawimawi tlak kan neihte zinga mi a ni e.
July 30th, 2011 at 1:39 pm
Bazaar bungkawn ami a in a hralh hma khan, hmanah a tupa nen inluah man la tur in min tir thin a, nuam thei raps lol kal man min pe hnem thei khawp mai lol…a chanchin kimchang chu Shabito hian ziak tur hria in a ziak thiam zawk ang.
Mihriat vak loh chu tuna an awmna in bulah kawngpui khi a te deuh a, zauh dawn khan an mahni in kha lak then a ngai sia, a inluah tir te, a insawn tir ringawt, an luah lai kha thiah a ngai sia, mi taima tak ani bawk, a huan chite ami ah khian a riak nasa thei hle.
July 30th, 2011 at 2:03 pm
Amah hrim hrim hi Pa fel tak, kawm nuam tak ani. Ka ui khawp mai. Thlamuang takin chawl rawh se. (W)
July 30th, 2011 at 2:22 pm
ka ui hle mai! ka nu leh pa te inneih hian ‘best man’ a ni a. Pa ropui tak ani…
July 30th, 2011 at 2:34 pm
Kan va chan ropui ve aw ! A mah ang hi a ni Zoramin a mamawh chu………A rawngbawlsak Isua hnenah thlamuang takin hahchawl rawh se….Zoram hmangaihtu PC Pahlir, MANGTHA LE (W) (W)
July 30th, 2011 at 2:57 pm
Pu Pahlira thih thu hian tunlai kan ram hruaitute rilruah thuchah thar sawi sela ka va duh em. A ni anga ram leh hnam hmakhua ngaih vanga vote chan pawh hlau lova huaisen taka hmalak kawngahte hian kawng khat talin kan ram hruaitute hian Pu Pahlira thihna hi hlawkpuinan lo hmang mawlh teh se.
Pu Pahlira ka ui a, a kalsan tak a chhungte Lalpan awmpuiin thlamuan rawh se.
July 30th, 2011 at 3:16 pm
RIP Pu Pahlir… ;-( 🙁
July 30th, 2011 at 3:36 pm
Ava uihawm em…Aizawl kawngpui min sial sak tu RIP (W)
July 30th, 2011 at 3:45 pm
Rambuai lai khan M.U rorelna hnuaiah Dist. Council la nih lai a ni a. Pu Ch.Chhunga, Pu Vaivenga leh Pu C.Pahlira te mual an liam zo ta…..RIP ;-(
Pu Pahlira hi ram buai lai khan Mizo Union memberte kha MNF khan an bitum deuh bik a, mi 300 chuang zet Buhbanah lamah an thawn liam a nih kha…..Mizo Union (MNF hlau tlanchhia)te kha Aizawlah an lut ruih ruih a, CP Road kan tih pawh hi heng pem thar eizawnna la nei lo te inhlawhna thin kha a ni. Vawiin thleng hian Pu Pahlira kawng zawn sa, hlamchhiah tak a tam mai.
Pu Pahlira te ang hi chu hrehawm pawh an tuar ve lo, hrehawm hian a tuar zawk ang tih mai tura chhel a ni.
July 30th, 2011 at 3:50 pm
lushai_er, Ka pu Vaivenga chu min ti ngai thar mange a. A speaker laiin a kiangah ka riak thin. Kan unau hian a quarter Azl college chhak chiah ah khan kan riak chho ngun ve khawp mai.
July 30th, 2011 at 3:55 pm
“Mizo Union memberte kha MNF khan an bitum deuh bik a.”
MNF ho chuan independent an fight a, ram leh hnam tan lu chhum ban chhum huamin an thawk chhuak amaw kalo tia. An mahni hnam pui pawh anlo bi tum ve tho animaw. An va lo tenawm awmve chu. hehehe 😛
July 30th, 2011 at 4:02 pm
Ka ui hle mai…RIP
July 30th, 2011 at 4:07 pm
Tun mai (4 pm) atang khan Aizawl DD ah Pu Pahlira documentary a damlaia an siam an rawn chhuah e.
July 30th, 2011 at 4:13 pm
@funny : MNF te’n Independence an puan hma khan Mihlim pakhat hian Pu Ch.Chhunga kha Aizawlah kalin a hmu a. Zalenna an sual chuan Mizoram hi a thim dawn lutuk tih a hrilh a ni awm e. Pu Chhunga khan Pu Laldenga kha an tum thulh tir tumin vawi tam tak an inbia a….Pu Denga khan hawi kir thei ka ni tawh lo, ka hote hian min dah tha duh mai ang a ti a…Pu Chhunga khan a tul chuan kan pahniha thisen hian sang tam tak thisen luang tur a dan theih chuan kan thi hmasa mai tur lah ni a ti a…..Pu Denga khan Union-ho hian kan kawng dal an tum tih zawng khan vantlang hmaah khan a sawi leh si a…..!
Mizo Union khan, kha tia MNF kut an tawrh nasat hnu khan Silaite kha Pu Chhunga kha an dil nasa a, mahni mahni invennan an ti a. Pu Chhunga khan a phal lo bur mai……Mizo leh mizo thisen kan inchhuah tur ani lo tiin a khap tlat anih kha! India Sipaiho khan ulhbunte kha an sem hman tih te pawh a awm kha maw le.
July 30th, 2011 at 4:13 pm
Pu C.Pahlira hi politician dang ang lo takin a in la lal ve lo a,huaisen thei tur in a dik bawk.A VIP hnu,a la that deu lai phei chuan ke ngat in a la feh thin. CP road tam tak hi eng vanga a hming thlak nge anih ka hre lo,a then te chu MG road ti te in an thlak a ni awm e.Ka rilru a nat pui thin,mahse a phun nawi ngai lo.
July 30th, 2011 at 4:15 pm
Vawiin Putar pakhat, Union mi leh sa thinin min hrilh chu khatia MNF hovin Union ho hnawk an tih ruk riau lai khan, Mizo Union tlem azawng chuan an tuar ta viau mai a. Central Core Committee-ah pawh Mizo Union atangin MNF ho bitum ve tur Sipai din ve mai rawtna a awm a niawm e. Mahse, Pu C. Pahlira hian Mizo zinga thisen chhuak nasa lutuk tur a duh loh avangin a dang tang tang a. Mizo leh Mizo kha an inbei ta vak lo zawk niawmin min hrilh.
Min hmelma tute beih let ve duh lo khawpa mi ropui Pu C. Pahlira kan chan ta !
July 30th, 2011 at 4:22 pm
@teric : “Ava uihawm em…Aizawl kawngpui min sial sak tu”
Aizawl Kawngpui han tih hian ka rilruah chuan Kulikawn atanga Bawngkawn inkar kawng hi a lo lang tlat mai. Hei hi chu British ho siam kha a ni. Pu Pahlira kawng erawh hi chu Veng hrang hrang inpawhna kawng hrang hrang zawk hi.
July 30th, 2011 at 4:56 pm
Aizawl Kawngpui han sawi kai takah chuan Indopui II-na hma zawng khan chuan kan mode of transport kha bawng, Sabengtung, Sakawr leh Bawngtawlailir kha thil phurh nan, Bicycle kha a nei zo deuh khan an nei a ni mai a.
Dawrpui leh Sikulpuikawn inkar hi lungpher hlai pui pui an phah chhuak vek thin an ti. Bawngtawlai kal theih theih loh nan a khat tawk in thir ban 4/5 an phun tlar a, Bawng a kal tlang thei chang chang vel ani an ti.
WWII laiin Japan lo dan nan Mizoramah Sipai motor 10th Sept 1942ah a lo luh khan heng thir ban hi an phawi chiah a ni awm e.
July 30th, 2011 at 5:15 pm
Pu pahlir thlamuang takin chawl rawh (W)
Dan rual loh chungkhuanu ruat ani miau si.
Ram leh hnam tana i thawh rah kan theihnghilh ngai lovang.
July 30th, 2011 at 5:28 pm
In sawi hmangah chuan MNF ho chu freedom fighters nilovin terrorist an ang zawk mah anih dawn chu a. In la ram hmangaih taka an underground chanchin sawi sawi ve tlak pawh an nih loh chu a. 😛
July 30th, 2011 at 5:34 pm
Lyk…superb!!!!
July 30th, 2011 at 5:46 pm
Sorkar tan chuan terrorist an nia , Anmahni ngaih ah chuan freedom fighter .. Point of view mai2 alom … heheh
July 30th, 2011 at 6:08 pm
troxx: ka point of view ka thlak anih hi. 😀
July 30th, 2011 at 6:15 pm
mnf sipai tam tak kha chuan independence an sual tak2 a,mahse an hotu te khan nihna chiah an lo khel si a,khatia thisen tam tak luan hnu a,nihna a thlem lungawi vanga an pu ten peace accord an sign kha vawin thleng hian tamtak rilru a la dam lo.mnf sorkar laia PAMRA an hlamchhiah dan atang te pawh khan a hriat vek
July 30th, 2011 at 7:08 pm
In comment ka chhiar a, MNF ho chu an lo ti mak hle mai a.
Pu Pahlira, RIP
July 30th, 2011 at 8:50 pm
Pu C Pahlira hi E/M a nih lai khan tun laia Minister ang hi a ni deuh ber a. Mei pet kawhin, iptepui ak chungin bawngtuthlawh a pu a. Council labour ho nen kawng an zawng thin. Dawhkan atang ngawta hnathawk chu a ni lo deuh a ni. “Inti politician” a ni lova, a taka ram hmangaihtu niin ka hria.
July 30th, 2011 at 10:57 pm
38
lushai_er # Mi hlim pakhat i tih chu, Pu Saitawna,(Fam) (Chaltlang Pa Tawna tuikhuah neitu thin) Shillong (Happy valley) a awm ta kha a nih hmel.
Amah ngeiin, hetiang deuh a, Pu Laldenga an dawr thu leh Pu Laldenga’n a in lamlet vaih chuan a nunna a tan a hlauhawm tur thu a sawi hi min hrilh thin.
Thudik leh midik, ram hmangaihtu diktak hi chu, hun in a lailang zel chu a nih hi……..
July 30th, 2011 at 11:47 pm
Amah ang Mi huaisen, fing leh remhria, depde si lo hi a lawm mizoramin a mamawh chu. RIP Pu C.Pahlira. Ka ui takzet a ni.
July 31st, 2011 at 12:05 am
CP Road Kolasibah khuan a awm thin a .Kan tet zual lai chuan eng tihna nge ka hre lem lova.Tin ka lo tlangval hnu erawh chuan pu C.Pahliran a lo duan tih kan hriat chuan kan politician zingah ram vei tak tak ani tih ka ringhlehlo ta nghal var a.
UT hnu a politic a a hming lang ta lo hi a pamhnai ka ti thin khawp mai.
Amah hi ka pu Chatuahkhuma te nen Mizo Union ruh rum rut thin an ni a MDC ni ho thin.
A hniakhnung zui ngam ram hruaitu kan va mamawh tak em
Lalpan a chhung a kalsan tak te awmpuiin thlamuan rawh se.
July 31st, 2011 at 12:12 am
#51, mr.duhlo : Muallungthu khua Pu Thanghleia pawh kha thlarauvin a hriattir a, Political Party hrang hrangte kha an inrem a tul zia kum 1965 vel khan a sawi thin an ti.
July 31st, 2011 at 12:14 am
mi ropui tak ni in kaa hria. amah ang mi hi kan mamawh a, kan nei thei tawh lo rih anih hi.pawi ngawt mai
July 31st, 2011 at 1:37 am
Tunlai kan ram hruaitute ho hi chuan pu c. Pahlira kha chu a leh mawl an leh tih ang chu maw le!
July 31st, 2011 at 3:22 am
MNF ho chu an lo van tenom angreng ve mole. Hman deuha Zawngrengte-an ‘Hel’ a ruai an tih poh ka mak poh ka ti vak talo. An lo che thring uih eeeeeeee mai… Terrorist nen danglam na an neilo a lo nih tak chu…
Eng terrorist mah hian ‘terrorist’ an inti duh ngailo hrim hrim. An inla ‘Freedom Fighter’ vek alom.
July 31st, 2011 at 6:09 am
Politics lam a inbeih vak hi thil tha ber pawh a ni lo va, amaherawh chu thil awmdan a hmu leh hria te ziah hi keini thangthate chantawk a ni mai si a.
India Sipaiin inchhung a Hnam Sipai tawm an kah chilh a, Hnam Sipaiin inchhung a Union-ho tawm an kah chilh bawk a.
An mi thah turte an nghawngah an kai a, an thlan tur an laih tir a, an laih zawh khan an kap hlum mai thin tih an sawi te han hriat chuan awih a har letling zawk. Thawnthu ni awm a ni.
MUP buatsaih “Rambuai leh Kei” tih kha lo chhiar ve teh u…! A bengvar thlak khawp mai !
July 31st, 2011 at 7:13 am
C. Pahlira —kan inlengte zinga pakhat, thingpui sen hang dawma rawn lut ve fo a ni. A fate Hmangaiha leh Nunmawia nena inkawm ngeih kan ni lehzel a. Amah Pu C. Pahlira hi chu ka pa aiin a rual u hret a.
A fapa Hmangaiha kha a boral hma a, Shillong-a football kan khelh honaah heading a tihsual avangin a lua thisen-zam a chat a, a boral phah ta a.
Nunmawia nen erawh hi chuan “Boy” tia inko kan ni thung a. Kohhran Thianghlim-ah awm mah se, ka chungah an zia a chhuah chuang ngai lo. A inah pawh hian riak ve ka ni a. A pa hming ni awm taka CP Road tih hi “Community Project” tihna a ni zawk lo maw?
Thenawm leh thenawm inkara vantlang kawng sialtu ropui tak a ni thin a, thenawm leh thenawm intithiam lo rem pahin an ram feet 1½ ve ve vantlang tana pe ve ve turin a remsiam mai thin a. Vantlang kawng zim leh chep tak awmsa kha feet 3-in a lo zau belh phah ta a. Tun hnu lehzelah atira lungawi lote kha lawm taka siam kumkhua theia kha C. Pahlira a ni.
A thil tih tawhah lawmthu sawi nawn lehin ani chu muang takin chawl se. A chhungte Lalpan thlamuanin awmpui zel rawh se.
July 31st, 2011 at 12:07 pm
@Rumtea “Upper Republic, near City Car Bazar & Rentals-ah: advertisement”: Advertisement lam a ni lo, amah Pu C.Pahlira ngei hian a building luahtu City Car Bazar & Rentals hi ama address ziahna ah C/o ah a hmang ziah alawm. Amah uitu leh ngaisangtute’n a vuina in chhim duh takin leh a in awmna lai tak hre lo te tan hriat awlsam dan zawngin ka rawn thailang mai a ni e.
Khunkhan takin darkar hnih vel chu ka titipui tawh a, ka ngaisang hle a ni. A thih khan Damdawiin atanga a chenna in panpui dawna motor-a a ruang zawn luhnaa ka tel ve thei kha vannei ka inti hle a ni.
July 31st, 2011 at 12:42 pm
Mizote tana Model Politician pakhat chuan mual min lo liam san leh ta. Tu nge a hniak hnung zuai dawn le???? Ka ngaisangin ka zah hle mai.
Ask not what your country can do for you,
Ask what you can do for your country.
‘Pu Pahlir, i ram tana i hmathlirte chu tipuitling vek thei lo mahla,Zofate hian kan theihnghilh tawh ngai lo ang che.Zofate zingah nang anga ram hmangaihtu an la rawn chhuak anga, i duhthusam ram, hmuh chaka i thlir fo chu an la tipuitling dawn e. H
reawm leh lungngaih awm tawh lohnaah chuan thlamuang takin chawl mawlh ang che. 