mi(sual).com

Tin, Theipui kung hnah nei hla takah a han hmu a,.. (Marka 11:13)

Marka bung 11 ah hian thil mak ang reng tak kan hmu a. Lal Isua ropui taka Jerusalem a luh hnu khan, tlai lamah Bethani khuaah an kal a. A tukah chuan, Bethani atangin an chhuak leh a, Jerusalem lam panin an kir leh ta a. Engemawchen an kal hnuin Mihring fapa chu a ril a lo tam ta a ni. Chutia a ril a lo tam tak viauah chuan eitur remchang a melh ruai ani ngei ang. Hla deuh takah chuan Theipui kung hnah nei hlap mai chu a va hmu ta a ni. Tichuan phur takin “a rah ka hmu dah law maw?” tiin a va pan ta ruak ruak mai a. Nimahsela, an va thlen hnaih chuan, a hnah chauh lo chu a rah reng reng an hmu ta hauh lo mai a. Chutia, rin anga lo awm lo lutuk chu a thin a ur ve ta phat ni ngei tur a ni. Isuan Theipui kung chu a bia a, “Tun chinah kumkhuain I lakah tuman rah ei tawh suh se,” tiin. A zirtirte lah chuan an lo hre kar mai a.
Jerusalem an han luh leh chuan, Pathian biak inah a va lut leh a, a rin leh beisei loh lutuk thil a va hmu leh pek a, Thinlung leh tihtak zeta tawngtai leh Pathian thu ngaithla a va hmu dawn amaw a tih laiin Tangka thlengtute leh thil eng ilo, Thuro tih vel zuara lo buai nuai nuai a va hmu leh ta bawk si chu, a thin a ur thlu ngang a niang, an dawhkan te leh thutphahte chu a nam thlu ta rum rum mai le. Hetih lai hun vel hian, Jerusalem leh Bethani inkar vel hi an kar tawn sek niin a lang a, Tukkhat, an zing chhuah chuan Isua Theipui kung hau kha a zung thlenga lo thi ro ta vekin an va hmu ta mai a ni.
(more…)

Nula pakhat piangthar chuan China rama kal turin kohna a dawng tlat mai a;mahse a nu chuan a phal tlat lo mai. Nula chu a tum ruh si, a nu lahin a phal lo nasa bawk si. Nu leh fanu inkarah indona a chhuak ta a, a nu chuan, “Ka phal lo a ni. Mi enkawltu tur i ni a, i kal lui dawn a nih pawhin ka ruang i kalsan ang,” a ti a.

A nu thupek leh Pathian kohna indona karah nula chuan duh a thlan a ngai ta a ni. Pathian kohna chhân chu a thlang a, a inbuatsaih zui ta a. A nu nen chuan an thu a inhmutawh lo. Chutiang hun chu kraws-in mihring a ṭhen hun a ni. Kraws kawng zawh tura khawvel kalsan a harsat hian nu leh pa te, u leh nau te nena inthurual theih loh hun a ni.Nakinah chuan a nu chu a damlo ta a, athi ta nghe nghe a.

A thih dawn ṭepah a rilru a lam let hman a. “Ka lo tidik lo ani.Ka fanu hian a lo tidik zawk a ni,” tiin a sawi an ti. Nula chu a nu dam loh vang a la awm pawh a ni lo va, a la inbuatsaih rih vang a ni a. A zirnate a zawh hnu chuan daltu awm lovin a kal ta a. A nu ruang chu a kalsan ta a ni.

(more…)

Khawnge, kei ve tehlul hian kan Mau chang puah chhuah pui ve phawng teh ang.

Zan dar 10 vel a lo ni a, Thlasik lo in tan chho vel, thla de tir nen, chung siar te an de chuaih mai bawk nen, Thlasik kawng(Milky way) in zam phei ruih mai te chu ka leng haw chuan ka thlir vawng2 a, ka lungleng in ka khua hi har tlat mai pek a, tunge ka ngaih awh ti a, ka rilru a in sual lai chuan kei hian ngaihtur ber pawh ka hrelo a nih hi ti in Khawtlang lunglen an tih hi alo nih hi ti in, kan run (in) riangte lam chu ka pan ta zel a,

Tichuan, kan Run (in) a lut tur chuan ka pheichheh chu kan siam rem a, tichuan, kan Run chhung chu ka thleng ta der mai a, lut ta sa sa lut tlang zel law2 mai ang aw?

(more…)

Thlasik rim alo nam  a, zing ni chhuak nem diaite, tlai ni tla tur mawi tak te, boruak vawt raih mai in chhungril atang a min tham er er te hian mi pangai i nih chuan i lungleng ve ngeiin ka ring, kei chu ka lung a leng zual thin, chutiang hun ah chuan he thu bawk hian min hnem thin……….

I LUNGLEN CHANGTU

Engtiang zawng pawh in Lungleng la Kristian i nih a i chhut peih phawt chuan i Lunglenna bul leh tawp chu Pathian nen a in zawm lo thei lo. Pathianin i Lunglen lai a chang a, Lunglen vang a ralta riai riai leh chhunglam chim ta hem hem a i  inhriat lai ngei mai khan Pathian chuan a ko che a sin, i bul ah i kiangah awm a duh. Leilung a din tan tirh lai pawh a Mihring a mah mai a awm tha tilo tu khan i harsatna zawng zawng phurh sak che a duh.

Le…Mathaia 11:28, Sam 116: 1-2, Genesis 18:25b, Jeremia 32: 27  keu rawh le.

Admin note: Previous post Mizo zinga hmasa ber leh a awm chhun:

Rev. Dr. Lalchungnunga, Serampore College Principal (01.01.1999 – 31.10.2011). India independence hnu-a Serampore College Principal hna chelh rei ber chu vawin hian Serampore College ah ropui tak a thlah a ni dawn ta. He hna hi Mozo te zing ah chelh hmasa ber a ni a, a hnu ah hian an awm leh a ngem tih chu zawhna lian tak a ni.

Kum 1951 ah Pu. Lalruanga leh Pi. Thanhliri te fa 10 zinga a upa ber nitur in kawnpui khua ah a lo pianga, Pawl thum (3) thleng Kawnpui ah a zir a, Pawl (4) chu Hmuia veng tuna (Chawnpui) nita ah hian a zir a, pawl 5 leh pawl 6 chu Sialhawk-a apatea (Pu. Zalala) Hindi teacher bul ah awm in a zir zo a ni. Pawl 7 chu Mualvum Middle School ah kal in, St. John School Kolasib-ah pawl 8-10 a zir zo a. School-a inhlawhfa chung in Pachhunga College ah PU 1st. Div. ah pass in,  BA (Hons) pawh class kal tha hman lo chungin tha tak in a zo a ni. M.A. chu private in Guawahati University hnuaiah kum 1976 khan 2nd ah a pass in 4th position ani pha hial a ni. B.Ed, Aizawl ah training leh in Aizawl College hawn alo ni a, kum 1976 atang vekin Aizawl College ah hian a thawk tan a ni.  Heta thawk tura a interview hi an duh hle a ni ang, interview room atanga a chhuak chu kawngka ah appointment letter an lo pe nghal hial a ni. He College ah hian 1986-1991 missionary hna thawk tura a chhuah dawn thleng in Vice Principal hna a chelh a ni. Tin, 1987 khan NEHU a tangin Ph.D a hmu bawk a ni.

(more…)