Vawikhat chu ui awmkhawmna ah sa ka paih a,ei tu nih inchuhin an insual chiam mai a,engvang nge ni ang le?Inkhel ho te chuan khingpui te ai a chak zawk nih tumin an tawng tai ve ve a,engvang nge ni ta?
Ramthim a rawngbawl tute zingah eng vang nge lar ber nih tumna alo awm?Engvang nge mihring zing ah survival of the fittest alo awm?
Unau leh chhungkua ah engvang nge buaina alo awm,engvang nge midangte aia ropui tumna mihring hian a neih tlat tak le?Engvang nge chapona mihring hian a neih tlat a,chapona chu inrintawknan a hman a nih tak daih mai chu le?
Heng zawng zawng chhang tur chuan zeril zawk atang a ban alo tul ta a,Hebrew leh Greek bu keu kher pawh ngai lemloin Lucifer thil tum chu a hriat thei mai ka ring.
A thupui ah khi khi ka rawn hmanna chhan kher pawh a Lucifer rem hriatna hi kei chuan ka sawi thiam lo a,a finna hi ka man pha heklo a,a kaihza erawh man ruai a ka inhriat avangin(Pathian anpui a siam ka ni) thupuiah ka rawn thlang ve ta chawt a ni(Lucifer chu hming dik tak nilo mahse a awlsam nan hmang tawp phawt ila).
Lucifer Pathian rilru hria a chu:Pathian engkim siamtu chuan amah a sual awm chu lahrangin Lucifer a siam a.Lucifer chu ropuina danglam,Pathianin a hnuai chiah a a siam chu a ni.Lucifer chuan Pathian rilru hi a hre chiang em em a,a thilsiam,a hmangaihte bul ah chuan tlawm berhniam ber,hnuai ber leh sen ber a nih na chu a hre ru kiau a.
Amah Lucifer erawh lunghlu tin reng Sardion, topaz, diamond, berul, onuks, jaspi, sapphir, smarakdin, karbankul leh rangkachak a thuam a ni a(Ezek 28:13). Chubak ah Cherub hriakthih a ni a,Isua pawh kha hriakthih a ni.Hriakthih bik chu Pathianin nihna sang leh ropuiin a din thin a,Lal Saula leh Davida pawh kha an hunlai chuan ropui tak,ruangam ah pawh duhthusam a tha an nih kha maw.
Chu Lucifer chuan a nihna chu rawn hmang chhuakin a fin ver vekna chuan a siamtu Pathian aia ropui leh nalh zawkin a inhre tan ta a.Pathian inphahhnuaina chu hre ran a chance zawng ruin Pathian Lalthutphah chu hnehchhuh a,thilsiam zawng zawng leh Pathian chu a hnuai a kun tir a tum ta a ni.Mahse a hlawhchham ta tho a.
Thupuiah:Hemi chung chang ah hian zawhna inthup alo awm ta a,engvang nge Lucifer khan Pathian vantirhkoh a bum thluk thei ni ang le??Ele,amah ang a siam hi a manifesto chu a ni a,ropui leh nalh,chungnunna leh thuneihna chu a thlemthlukte hnen a a intiamna alo ni ta a,Isua thlalerah thlema a awm pawh khan a manifesto chu a rawn phawrh zuai a nih kha!!
Anih leh Lucifer a manifesto chu a bumthluk vantirhkohte chung ah tih hlawhtlin a ni em?Nilo!An thinlung chu chapona,itsikna leh duhamna,sual lam hlir hawina ah alo chang ta zawk a.Lucifer dawt phuahchawp ah chuan anni chu fa niin ani chu Pa alo ni ta a ni.
Eden huan a Adam leh Evi a thlemna pawh Thei ei thianglo an ei chuan “Pathian ang inlo ni dah ang e” tih hi a ni a,dawt a ni.Mihring chu Pathian anpui a siam na chung kha Pathian ang/anpui tih vekin a thlem nawn sak a nih chu.Anih Pathian anpui chuan an awm ta em?Awmlo!Mihring chu Pathian ang ni sa reng kha Pathian ang a awm chakna a siam a,Chapona in an khat ta zawk a.
Chu chuan Pathian anpui a siam ni reng thinlung thianghlim tak kha Chapona a lehthawk alo ni ta a,an taksa aiin an rilru a convince hmasa zawk a nih chu.Pathian atanga siam thinlung thianghlim tak chu chapona hlirin alo khat ta a,mihring chuan Pathian atanga a chhawm chu hlauh ta vekin mihringin thei a ei khan Rul(Lucifer) fa,Rul thlah chu an lo ni ta chiah a,mihring rilru reng reng chu an Pa Lucifer a nen alo inang ta chiah zel a ni.
Chutichuan a chunglam a sawi tak zawng zawng kha chapona vang a ni a, DAWT hi a hmanrua a ni..Nilo pui ni ang a lan te,mahni chauh tha intihna te,midang chu chhe tur leh chaklo tur a duh tlatna te hi Pathian atang a chhawm nilo,Lucifer hnen atang a dawn a ni a,a hman rua chu Pathian ang tur a min thlemna a ni a,a thiltum tak erawh chapona thinlung min tuh a,dawt min barh hmasa a nih chu.
A sei lutuk dawn ,heti chin ah hian rek bung phawt ila,Lucifer manifestation chu Pathian kan anna chu amah anna ah hmangin a hmatheh ah Pathian ang tih hi a hmang ve ta a ni.
Similar Posts:
- Battle Ground (Mihring)
- Mihring originality..
- Mihringin thlarau a neilo !!
- Eden natna
- Dawt var Pathian huat loh a awm theih in ring em?
November 4th, 2011 at 9:10 pm
Post tha khawp mai.
November 4th, 2011 at 9:13 pm
Tha viau mai
November 4th, 2011 at 9:19 pm
Lucifer – a hming ngawt pawh hi tihbaiawm :-[
Ts, FB chu ka tihreng kha, deactivate ta maw 🙂
November 4th, 2011 at 9:42 pm
@Lta – I thu hlawm hnihna lai khi kan chingpawr teh ang aw. Lucifer-a hi Pathian hnuai chiah a ni lo, khawiah mah chutiang in a inziak lo, vantirhkoh high profile pawh a ni meuh emaw ni le, serafim pawh a tluklo a nia, cherub Messia mai a ni, a domain pawh hi han chik vang vang chuan solar system bak hi a nih hmel loh.
Van mi a ni lo a, Pathian bul a cheng tur a siam pawh a ni lo tlat. Earth bound guardian angel a ang ber. Van ah a awm ngailo a,Van ah lawn a chak ta a, a lawn a, indona a chhuak a, an paihthla ta zawk a nih hmel.A thik ber pa hi YHWH nilovin, Mikaela a ang ber bawk(Who is like El(God)), Pathian right hand Arch-angel*,(angel a ni tihna a ni lo, angel zawng zawng te hotu tihna zawk).
Pathian(YHWH) pawh hi a hrechiang em em lo em ni aw ka ti deuh.Pathian rilru leh ruahmanna hi a hre em em lo ni a a lanna chu Hmeichhe thlah, a lu la ti thitlingtu tur kha a hre hleithei der lo, Abela kha a ni dawn emaw a ti a, Abrahama fapa, Isaka kha a ni dawn emaw a ti leh a, Jakoba kha a ni dawn emaw a ti leh a, Mosia kha a risk leh a. A tawp a Isua a lo lan pawh khan a confi ta lutuk lo a nih hmel, “Pathian fapa i nih takzet chuan” tiin proof a tum tete phawt tlat.
Last days pawh hi a chhut dik hleithei lo niin a lang, a anti-christ tur hi century leh politics inthlak chho zel ah hian a hrang hrang hi a lo duang chhuak hman ve ziah mai a, a la tifuh lo zar zar chu a nih hi.
Mihringte min thik nachhan em em pawh hi amah aia ropui a din kan nih vang leh a domain aia nasa lutuk a zau thuneihna Pathian in kan kut a a dah vang hi a ni thui khawp ang.
November 4th, 2011 at 9:44 pm
Ngaihnawm khawp mai. Keini zawng Mizo Idol Live ngatin, kan en ve chiah 😀
November 4th, 2011 at 9:48 pm
Ka hrethiam teuh khawp mai kei rul thlah hian. (Y)
November 4th, 2011 at 9:48 pm
Vawi hnih ka chhiar chhuak dap a,ka la hrethiam pumhlum tep!
November 4th, 2011 at 9:58 pm
” ‘Pathian fapa i nih tak zet chuan’ tiin proof atum tete phawt a”
#zoho, proof atum vang emaw nile, a hriat chian em vang zawk anilo maw.
November 4th, 2011 at 10:05 pm
@Sheldon: Nia, ka ti ta mai. A la inchhirawm loh em em zui!
November 4th, 2011 at 10:06 pm
Ts-kan va ngai dawn che ve! :-[ :-[
November 4th, 2011 at 10:25 pm
Zoho,ezek 28:17 ah chuan “..lei ah a paih thal ta der che a” a ti a.Leiah paih thlak a awmhma history a nei a ni zawk.verse 13-ah “i pian ni atang reng khan” tih hian a identity a kawk zawk.”Pathian Fapa i nih tak zet chuan” tih pawh hi Lucifer manifestation “hrelo ang taka tihnawn sak na,chapona” neih tir a a thil tihtheihna show tir a tumna chu a ni.Mahse Isua’n a hria a,a thiltihtheihna a hmang ta lo a nih kha.
November 4th, 2011 at 10:38 pm
Lucifera leh Setana hi thil hrang anni awm e!
November 4th, 2011 at 10:41 pm
Mahni nihna leh chantawka lungawi ching mi chu tun apangin Vanram a tem tawh pang a ni.. tih hi kan thupui ni teh se.
November 4th, 2011 at 10:48 pm
Lucifer hnehtu kha Mikael-a a ni tih tê hi kan sawi ve ange. Pathian a cho phak lo hrim hrim. Isaia ziak ah Bible bung thenkhat ah pawh, interpret na (eg. wiki. ah te pawh) en rawh u….Mikael-a a ni tlawma hneh tu chu. A hnehtu Mikaela hian Pathian thu pek a bei chu a ni tho anga, Lucifer-a hian Pathian em chu a fight pha lo a nih hmel.
November 4th, 2011 at 10:50 pm
#13,chantawk a lungawi hi Pathian atanga kan ze hmuh reng chu a ni.Mahse chantawka lungawi tih tawngkam hi sawi a awl a,nunpui erawh a har.Chapona a bet tlat ah kan nunah hian.chu chu midang an tum tlatna hi mihring DNA ah a bet tlat tawh.
November 4th, 2011 at 10:57 pm
#14 Indonaah Lalber an tel ve meuh lo. An Sipai huaisen te zawkin indona tak chu an bei thin zawk reng ani.
#15: min rawn hnial nge min rawn hrilh ka hrethiam chiah lo. A eng a zawk pawh chu nise ka mamawh lo ve ve. (H)
November 4th, 2011 at 11:00 pm
Lta – Isaia 14: 13 “I rilruah chuan vanah ka chho vang a” tih hi han ngaihtuah tha leh teh. Van ah awmsa tan vana chhoh tum thu a awmlo.
Ezek 28:13 “Pathian huan Edenah i cheng” tih hi han ngaihtuah tha leh bawk teh. Lucifera original place, a bawhchhiat hma sawina a nih si chuan….?
Setana’n thlaler a Isua a thlemna ”Pathian Fapa i nih tak zet chuan” tih hi i interpretation khi ka hnawl burh ngam biklo, ka interpretation pawh i hnawl ngam na chhan tur a awm biklo, proof theihlo ve ve, dual meaning neih tir theih anni, nge Setana’n a lo hrilh bik che….. hehe… 😀
November 4th, 2011 at 11:01 pm
Bible chhiar chiang em em lo hian u zawk te min hrilh leh sunday school a kan zirte, thusawitute sawi te kan lo ring ve leh mai thin. Thuthlung hlui phei chu ka hre tam lo. Heng sawihona hi ka hlawkpui thei khawp mai. Post erawh ka man thiam lutuk lo. Pathian engkim siamtu in amaha sual awm chu lahrangin…?
November 4th, 2011 at 11:06 pm
Hmanni a Angels hrang hrang te hming leh chanchin ka chhiarna kha ka hmu mai tawh lova. Chung zinga thuneitu (Archangel) hrang hrang a rawn tarlan te chu Mikaela te, Gabriela te, Uriela te, Raphaela te (anla awm nual)…Lucifera hi chung zinga pakhat ve mai chu a ni a, an vai hian an beilo a nih hmel, Mikaela leh a hote chauh hian an hneh anih hmela (Mikaela hming chauh hi a lang thin). Gabriela te, Uriela…hote hian an bei velo a nih hmel ka lo tia. An ziah dan chuan Mikaela ang tho in anni pawh hian thil an ti thei em em a ni, mahse an hming alang ve ngai meuh lo.
Tin, angels a thlem thluk te pawh kha ama domain a awmsa te chauh annih ka ring deuh a.
November 4th, 2011 at 11:45 pm
Zoho,isaiah 14:13 chu ezek 28:17 ka chhang ang che.Ezek 28:13 ah Eden huan a a chen thu hi chu ka pawm.Mahse paihthlak a nih hnu ah a ni Eden ah a chen zawk.Chuan chuta tang chuan “vanah ka han lawn teh ang” tih word hi alo ri zawk a ni.Setana thlem chungchang ah chuan ka fir khawp mai.Isua kha “kawng ” a ni a,amah khan kan tihdan tur zel a ti a,CHAPONA(DAWTA INTHLEMNA) chu ni 3 thlalera thlemna kha a ni chiah reng a ni.
November 4th, 2011 at 11:55 pm
18#Hre viau a i inngai a nihloh chuan “ka hril che” tih rilru ka pulo,ka hnial zawk che.Achhan chu “survival of the fittest”,hre ber nih kan tum vek a,a chhan chu chapona kan nei vek a,inrintawkna chu.Chu chu Lucifer manifestation a kan tluk vang a ni.
November 5th, 2011 at 12:00 am
Lta- Ezek 28 hi lo chhiar chiang leh teh:
28:13 Pathian huan Edenah i cheng; Lunghlu tinreng i in bel a, Sardion, topaz lung leh diamond. Berul, Onuks, jaspi, sapphir, smarakdin, karbankul, A phûm nghehna a ziak mawina rangkachaka siamte nangmah siam nîa buatsaih tawhte chu.
28:14 Nang chu vengtu cherub hriak thih i ni; Pathian tlâng thianghlimah ka awmtîr chia, Meivam iang lung zingah i leng.
28:15 I tha famkim siama i awm ni ata, NANGMAHA KHwLOHNA A AWM HMA RENG ZAWNG.
( Eden huan a a awm hi a sualhma a ni chiang tih a inziak e, chuan a sual ta chauh tih pawh a chiang e)Nge, chang 13 khi chang 15 dawt a awm tur, an lo ziak hmasa palh… 😛
November 5th, 2011 at 1:12 am
In va inhnial/sawiho ngaihnawm em! Han ti zel teh u. In kam liam ka lo chang e
November 5th, 2011 at 1:13 am
Ziak hmasa palh ka ti.A chhan chu aw.Verse leh Events adawtin a thlen zel chuan lo en ang Ezek 28:13-17:EDEN huan chu LEI ah a awm a,Lucifer pawh a cheng(13),ZION ah a awm thin(14),EDEN atang hnawnchhuah a ni(16).LEI ah chapona a neih avangin paithlak a ni(17).QUESTION:LEI atang LEI ah paihthlak a mi?I sawidan anga ziah sual a nihloh chuan EDEN hi vanah a awm zawk a ni?? (H)
November 5th, 2011 at 3:34 am
A mak e. Nangmah diklo a inpawm ai chuan Bible sequence diklo zawk ah pawm chu i thlang ta mai chu a nia. Lo haw suh aw… ka nau i nih kha 🙂 , hei hi a nia UPC background nei reason pui a hahthlak na em em chu. ka comment i against tawh lo ania, Bible i question ta daih ania, i ngaihdan i defend duh luat ah…chu bak bak a chapona (egocentricism) a awm chuang dawn em ni? Lucifera hi i dah ropui duh hrim hrim em ni? Lei a paihthlak leh a nih hma chiah khian Isaia ziak a van lawn thu hi han zep ta zeuh la a sequence hi a dik thlap ni mai tur,co-relation leh deduction ah hian i weak deuh hret a ni.
Hairehai…haidenrial…. Asteric leh Donald ten han try ve teh se….passivity hi chu a hlauawm reng a ni ka tih ka tih kha.I naupan laiin tawnghriatloh leh taksa chetna lam hi i bei ve thin em ni aw? Reasoning a clear tawk lo. (:fth:) hehe…
November 5th, 2011 at 4:05 am
Haha,upc ka nih leh nih loh hi proof chhin ula ka ti.Pawi tak chu hei hi.Ka ngaihtuahna hi upc pastor suksak pawh nilo a ka shake chhuah a ni a,chauhthubarawh nan a UPC RILRU tih zel hi chu CULT character zawk mah mah lo maw.UPC sawilo hian in-shake thei thawt thin lo em ni..haha,heidenrial.Ka quote ah khian Bible against na ka hre lo,I events leh bible verse, parallel a a kal dawn a nih chuan bible chapter leh verse khi distort a ngai ang ka ti mai zawk a ni(hairehai).Co-relation chu a invuah fuh thlap zawk lo maw..”Lei ah ka paih che a ” tih hian.Lei a awm chu Lei veka paihthlak a nih ka ringlo,figurate i hmang te a nih loh chuan(ten ten). (H)
November 5th, 2011 at 5:20 am
Ka point i man lo nge aw ka tia.VAN ka sawi khian Gen 1-a Van(ha-sha-ma-yim,strong 8064) a mi kha a ni a,Isaiah 14:12 -a VAN pawh “hashamayim” tho a nia. LEI chu ma-a-retz(strong 776) a ni dai a.LEI LEH VAN HI A HRANG HEBREW AH.Chuan Lucifer hi Lei(maaretz) a cheng sa ni loin Van(hasamayim) a cheng a.Ezek 28:13 leh isaiah 14:13 hi a in relate chiah a.I GAP THEORY ka la lut e,EDEN huan awm hmain War of heaven a awm tawh a(gen 1:1-2),Leiah paihthlak a ni a,EDEN huan ah chuan van ah chhoh a chak leh zawk a ni lo em ni le!?? [note:VAN(hashamayim)<sky,heavens] 😛
November 5th, 2011 at 7:43 am
Setana han fin kherek zia hi chu e,dawt ni miahlo,thudik tluan tling thlap hmang pawh hian mi a bum thei tho a nih chu maw le!
November 5th, 2011 at 8:14 am
Post leh comment thenkhat chu space an ren deuh a, chhiar a ti nuam lo/ a kal zaih lo tlat mai, te lo ti ve sek ila. :p
tren tren.
November 5th, 2011 at 8:15 am
Kan Lalpa leh Chhandamtu Isua Krista hi chu, hriat chian zawh poh leh a tana in pumpek thuk zel a phurawm a, Setana ve thung hi chu hriatchian zawh poh leh a huat thla la a, Rawlthar lungmawl leh dawntawi tak tak a han bum a, an vanglaiin an nunna a chhat a, boralnaa a hruai thin hmuh thin ngat phei hi chuan e, a lawm zawng siam a tih nuih vur vur hi ka tha a na tlat. Chuvangin a tùm vuau vuau na tur hlira chet ka duh.
November 5th, 2011 at 10:51 am
POST: “Pathian engkim siamtu chuan amaha sual awm chu lahrangin Lucifer a siam a”
RISK huai deuh vele! Eng sakhaw thurin nge ni ngai? Kristian thurin chu a ni hauh lo mai.
POST: “Lucifer chu ropuina danglam, Pathianin a hnuai chiaha a siam chu a ni”
Hei pawh RISK bawk. Setana or Lucifera hi Pathian hnuai chiaha siam tih hi Bible khawilaiah mah a inziak lo. Sam 8:5-ah tihian kan hmu a, “Ani chu Pathian aia hnuai deuh chauhvin i siam a, ropuina leh chawimawina i khum tir si a.” Hei hi Setana sawina nilovin mihring sawina a ni bawk si.
Pathian thu ang nilova mahni duhdana nun hi chapona a ni a; chumi tlukpui chu Pathian thu, a nihna ang ni lova mahni duhdana kaihlek hi a ni — CHAPONA ve tho a ni.
November 5th, 2011 at 1:32 pm
31#Creator chu engkim siamtu ah i pawmlo a nih hmel(malakia 2:10,kollosa 1:16,john 1:3).Sual hi Pathian siam a nihloh chuan extra -existence ah i puh em ni aw ka ti zawk.
November 5th, 2011 at 1:46 pm
31#setana hi Pathian aia hnuai hret a nihna chu FINNA ah hian a ni.
November 5th, 2011 at 2:06 pm
Pathian mizia pawh i hre thei ang a ti hi chuan…………..mak hle mai.
Survival of the fittest tihvel hi ka buaipui ve peih mang lo, Pathian zarah ka la survive ve zel chu niah………… 🙂
November 5th, 2011 at 2:16 pm
Mahni ngaihdan a Pathian zir tum na sual ah kan lo pil mek a nge aw. Mihring ngaihdan in Bible thu zir hi thil diklo ber te zing a ni a ni e. Sualna a khat Lucifer-a ngei pawh hi a pawl te nen hian an in ngeih vek reng reng lo, sualna leh bumna ah bak an in thurual lo.
Setana’n mi a bum reng reng in a hrelo der thin, a bum a te rilru suk kual a hmin a tum thin. Post mak tak a ni. 😉
November 5th, 2011 at 2:25 pm
@Huau2#35: setana mizia chu han soi zel teh a????
November 5th, 2011 at 2:38 pm
Han sawi thui vak theih poh ka ni lo, a chhan chu min bum ve zel tlat a, ka finna hian a chelh lo tlat ani a chet zel dan hi, ka sawi khi chu a tak a ka tawn tawh te a nih vang a ni e. No offence.. 😉 Setana’n mi a bum reng reng in kan nuam tih zawng, duh zawng, chak zawng etc hlir in min bum thin.
November 5th, 2011 at 2:44 pm
Sawi leh sawi hnu; Bible chang khawi emaw lai te lakchhuaha mahni rin thua lo interpret ve ngawt tur a ni lo.
Malakia bung 2-na kha chang khatna atang khan chhiar thla rawh. Puithiamte (mihring) zilhna a nih kha. Sual siam thu leh hla lam a ni lo. “Pathian pakhat siam pawh kan ni lo vem ni? Engatinge kan pate thuthlung tihbawrbânga, unau leh unau kan in bum thin?” tihte kha i hrethiam lo em ni? Mihringte chu Pathian siam vek kan nihzia a sawina a ni a, Setana sual saa siam lam a kawk lo; tin Setana hi kan unau a ni hleinem.
Kolosa pawh kha ngun takin zir la “amahah(Isuaah) chuan engkim siam a nih thu sawina a ni a, SUAL siam thu a ni lo bawk. Out of context-a quote hi mihring pawh hian kan haw duh khawp mai. Pathian phei chuan a haw lehzual ngei ang. Genesis bung 1 atang khan chhiar la ‘Pathianin a thil siam zawng zawng chu THA a ti hle a’ tih a nih kha. Sual hi Pathianin tha a ti hle lo.
Bible-in engkim Pathianin a siam a tih hian SUAL sa emaw chhe sa-in engmah a siam lo. “Pathian engkim siamtu chuan amaha sual awm chu lahrangin Lucifer a siam a” i tih phei khi chu DAWT a ni mai lo; Pathian sawichhiatna a ni. Pathianah hian sual a awm reng reng lo. I la tang tlat dawn a nih chuan Bible khawi laiah hian nge “Pathianin amaha sual awm chu lahrangin Lucifer a siam” tih chu a awm reng reng?
“setana hi Pathian aia hnuai hret a nihna chu FINNA ah hian a ni” tihte hi khawi atanga i rawn thehchhuah ve ngawt nge? Bible reference han dah teh. RINTHU hi chuan Pathian thu hi i sawi lo hram teh ang u. Atira i sawi dan tak phei chuan “Lucifer chu ropuina danglam, Pathianin a hnuai chiaha a siam chu a ni” tih a nih kha. HNUAI CHIAH tih chu dawttu chiah tihna a ni a, chutiangin Bible-in min hrilh reng reng lo.
November 5th, 2011 at 2:52 pm
@Huau2#37: Din ngheh tang2 mai tur lom le 🙂 . Nge nang hian i bum zok a niang a 😀 .
November 5th, 2011 at 3:02 pm
@donald#38: I comment hi ka pawm dan chiah a ni e.
Pathian in a thilsiam reng reng chhe sa in a siam lo tih hi kan tui hnih ve loks.
Gen 1:1 ah “Atirin Pathianin lei leh van a siam a” a ti a, a chang hnihna(2) ah
“Tin, lei hi achhia a ruak ngawt a ni; ..” tih kan hmu leh a.
Chang 1 na leh chang 2 na inkarah hian kum engzat nge liam ang? A siam zo chiah a, a chang 2 na ah a chhiat thu kan hmu leh si a?
Chuvangin he kan Bible chang tir atang ringawt pawh hian Pathian thu hi a mah rawn lova ngaihdan lo siam ve rikngawt tluk a kal sualna dang a awm lo tih a chiang hle lo mo? Bumna lian ber, chapona tlang a min hintir tu a ni. (Y)
November 5th, 2011 at 3:08 pm
@malsta39:A mah ka bum zawk ang hial a han ngaih tir thei tu che fin vervek zia hi a chiang mange o 😀 😀 .
Kan hmelma pa setana hi a fing vervek a nia, dik a kan ngaih hmang ngei pawh hian min bum hlum thak thei. 😉
November 5th, 2011 at 3:25 pm
@Huau2#41: In kal thui mah2 toh lo maw? 😀
November 5th, 2011 at 3:36 pm
Donald: (Y) (Y)
November 5th, 2011 at 3:37 pm
@malsta27: Nie hriat loh hian ka lo kal thui viau ang tih chu ka hlau khawp mai keipawn. Ringtu te chu in fuih tawn a in ti chak tawn zel tur kan nia lawm, min pui zel teh u. (Y)
November 5th, 2011 at 4:59 pm
Setana khan Mihring hmasate kha dawtin a bum lo thudikin a bum a ni zawk. ‘Thi teh suh e’ a ti a, Pathianah thi mahse amah setana tan an nung a ni zawk. ‘in mit a lo var ang a, a chhia leh a tha in lo hria ang a’ a dik leh thlap; ‘Pathiante ang in lo ni dawn si a’ anmahni an rawn inpathian ta chiah reng a.
Pathian remruatnaah pawh khan setana kha thudika bum a ni ve ta chiah reng a; Lal Isua kha Israel tan chauha rawn kal angin setana pawh khan a ngai a; ni lo se setana khan ama tlawmna turin a khenbehtir duh ang em? israel faten an hnar chiahna kha Juda leh Jentailte tana chhandamna, Pathian kawngruk lo lang chu a ni.
November 5th, 2011 at 5:19 pm
@vakul45: I ti dik.
Bible hian details takin mihring tu poh hriatthiam mai turin a in ziaklo, Word tin deuhtho ah hian Livingword a om vek, Kan topic pawh hi chhandam nih nan a pawimoh ber lo. A ziah ang ang hi ring mawl top mai tur. Pathian mit a ka mawl a, i mawl bawk. A mah tello ngaihtuah na hi a mit hmuh ah chuan puanchhehnangkhai pawh a tluklo. Eng kohhran(pawl) nge i nih reng reng?
November 5th, 2011 at 5:53 pm
Post tupa, misual.com ah hian Theologian thiam ziktluak tak tak, Ramsa kawlh lak atanga kohhran venghim tur pawha iaiawm loh tak tak an awm tih hi hriat reng tur a ni. Bible bung leh chang tanchhan mumal neilo phei chuan mahni rindan huai tak taka puah chhuah pui pawp pawp hi a finthlak lem loh khawp mai. Entirnan:Pathian chuan amaha sual awm zawng chu la hrangin Lucifera a siam tih ngawt ang chi te. Amaherawhchu, discourage phah lutuk lo la, rawn post zel rawh. Pathian thu cöntroversial deuh post hi Pathianin thudik puan chhuahna hmanruaah a hmang hlauh thei tih a chiangin ka hria. He post comment ho pawh hi an ngaìhnawm hlawm khawp mai. Rawn post lo ta la, kan chhiar awm tawp si lo va.
November 5th, 2011 at 6:45 pm
#38,i quote hi bible verse pakhat ah i innghat zawkin ka hria.TUMAH SUAL SA IN AN PIANGLO i tih khi SUAL chu lo awm tawp a ni dawn a mi,nge SUAL(Literally) hi cretion ah i pawmlo.Creation tan chuan YHWH hi PA a ni a sin.
Malakia 2 hi puithiam(mihring) tak a pawm i tum a nih chuan Ezekiel 28 thu pawh hi TURAH(Literal) Lal(Mihring) chung a sawina thu tho a ni a sin.
Gen 1:31 ah creation chu THA a tih hle thu a lang a,chu erawh Van indo na hnu daih a ni a,Verse 24 kha en leh la,LEI CHUAN A CHI AWMDAN TUR ANG THEUHIN CHHUAH RAWH SE a ti a,chu chu Lucifer leh a ho te,leh creation zawng zawng a sawina a ni.
Lucifer hi Pathian hnuai hret a nihna ah chuan a FINNA hi ka ti a ni.
Ezek 28:12 ah “THA FAMKIM TAK,FINNA A KHAT,MAWINA TINRENG!” a ti a.
verse 17,
“I mawina avang a lo chapoin
i ropuina in i finna tikhawloin
Leiah ka paaih che a
Lalte hmaah ka paih che-ennawmah”
He chang atang hian Lucifer chu finna a khat a ni tawp a,chu chu CHAPONA in alo khah takna chhan chu Cretion a nih vang leh amaha SUAL a awm a,chu chu YHWH a nih loh chuan EXTR-EXISTENCE ah ka pawm chuang lo.
Malakia 2:10 kha,
“kan vaiin Pa hmun kan ni lovem ni?”
“Pa pakhat siam pawh”
: PACreator
Chu chu Creation zawng zawng tan PA a ni a,chu chuan a siam te chu mawi a ti em em a,mahse a finna a convince a nih hnu leh alo tluk tak hnu hian Pathian chuan a thilsiam(CREATION) chu THA a ti em em zawk a ni.
November 5th, 2011 at 7:06 pm
#41&44,Gen 1,chang 1 leh chang 2 inkar hi GAP a awm reng em tih ngaihtuah a ngai teh a nia.
Gen 1:24 kha en leh ta ula,khata LEI a awmte kha ANIMAL emaw lam a kawk hauhlo a,Fallen angels(Demons,evils,diamonds etc) te ho sawina a ni daih a.
verse 24 leh 25 inkar hi GAP tak tak,BACK TO THE FUTURE zawk chu a ni e.
Gen 1:1 leh 2 erawh khi chu Lucifer leh mikael siam a an awm thu sawina a ni a.A chhan chu A TIRIN PATHIAN CHAUH ALA AWM A,
Verse 2,
“Lei chu a chhia a ,a ruak ngawt a”
Pathian ah engkim a awm a nih chuan leh engkim siamtu a ni a,CHHIA chu a siam thei ang.
Gen 1:1 leh 2 inkar hi Gap pawh lo tla zep ta se,engvang nge a Lei chu a CHHIA tih tawngkam a hman,War of Heaven vang em ni,nilo!Indo zawh hnu pawn lei chu a ruak ngawt tho a ni a,khawnge LUCIFER LEH A HOTE???
Isaiah 14:12 ah chuan Lucifer leh a hote chu LEI a paihthlak an nih kha..Mahse chuti chung chuan EMPTY tih tawngkam ala rik fo ni.
He Gen 1:1 -2 hi chu FIGURATIVE zawk a ni e,MIkael leh LUcifer siam chung chang mawle.
November 5th, 2011 at 7:34 pm
#49
Pathian hian thil chhia chu a siam thei te meuh mai. Mahse thil a chhe sa a a siam na Bible ah hian a awm em aw? A siam chu tha a ti hle zel zawk lo mo?
November 5th, 2011 at 7:44 pm
Pathian in mihring a siam dan, a tha leh chhia thlang thei a a siam chhan hi a mahah an rinawm takzet em tih a hre duh thin. Zalen na min pe a ni, chutiang chiah chuan Lucifer-a kha a siam. Sual lo chhuah na pawh Lucifer-a atang chiah a ni, Pathian ah sualna a awm reng reng lo, duh thlanna thiang a pek chhan pawh kha amahah sualna a awm loh vang a ni zawk. Rilru thianghlim sualna reng reng neilo a ni kan Pathian hi, a bul atang atawp thleng a ngai reng dawn. Uluk takin ngaihtuah la Bible ah hian a mi te hi a fiah zel ang, a lakah an rinawm takzet em tih. Abrahama poh a fapa ngei inthawi na a hlan tur a a tih chhan te kha enveang nge? Midang pawh an chanchin chhui zel rawh, a finfiah ngei ngei a mi te rinawmna.
November 5th, 2011 at 7:53 pm
#48
Eng ka quote maw Bible verse pakhata innghat? i delusional em emna chhan chu thil i hria/chhiar sual nasa thei em a nih hi (NOI). Khawi laiah nge ‘TUMAH SUAL SA IN AN PIANGLO’ ka lo tih a?
SUAL/SIN hi creation a ni lo asin. I reasoning danah chuan Pathian hi Sual PA-ah i chhuah ta vel mai mai a ni ber alawm le. “Creation tan chuan YHWH hi PA a ni a sin” i ti a, ‘sual hi creation’ i ti bawk si a; i ngaihdan chuan sual PA chu Pathian maw ni a? SUAL/SIN/HAMARTIA hi creation a ni lo tih hi lo chiang teh. SUAL chu dan bawhchhiatna a ni tih Bible-in a sawi a (1 Jh 3:4), chumi awmzia chu dan bawhchhiat hi sual chu a ni a, Pathian siam a ni lo — bawhchhiatna hi sual chu a nih chu; Pathian siam i la ti talh dawn em?
Ezek 28-ah hian Setana hi Pathian hnuai chiah a nih thu reng reng a lang lo. I phuahchawp mai mai a ni. ‘Fing’ tia sawi a nih vang hian ‘Pathian hnuai chiah’ tihna a ni kher lo.
Malakia 2:1-10 kha han chhiar chiang la puithiam ( mihring) chungchang sawinaa i pawm lohin engtia pawm nge maw i tum le? Bible awmze nei taka hrilhfiah hi exegesis an ti a, mahni duh dan dana lo kaihleh hi Eisegesis an ti thung. I dinna zawk chu i hre mai em? Bible chhiar la, Commentary chhiar bawk la, Malakia 2 khan literal takin mihring (puithiam) chuangchang a sawi tih i hre mai ang. Bible-in a sawi loh lo sawi tir phet hi EISEGESIS chu a ni.
Mi ila rawn hnial dawn a nih chuan ka zawhna che khi min han chhang phawt la mawle:
1) Bible khawi laiah hian nge “Pathianin amaha sual awm chu lahrangin Lucifer a siam” tih chu a awm reng reng? A ngial a ngana ziak i hmuh loh pawn a tlukpui tal rawn phawrh teh. Huai tak taka Pathian thu dik mang silova sawi hi Pathianin a hua — ringtute paw’n kan haw ve tur a ni ang.
2) “setana hi Pathian aia hnuai hret a nihna chu FINNA ah hian a ni” tih pawh khawi lai Bible verse nge i reference?
3) ‘Gen creation hi Van indo na hnu daih’ a ni i tih pawh hi khawiah nge a inziah? Thilsiam a nih hma hian van indona a awm reng reng em ni? reference please. I rinthu mai mai a ni zawk lo maw OR mi dawt sawi i lo ring ve ngawt?
4) Malakia 2:1-10 hi puithiam (mihring) tak sawinaa i pawm si loh chuan eng sawina nge?
Hengte hi felfai taka i rawn address duh loa, subject thlak kual i tum leh a nih chuan he discussion hi ti tawp zawk ila that ka ring.
November 5th, 2011 at 9:20 pm
“Gen 1:1 leh 2 erawh khi chu Lucifer leh mikael siam a an awm thu sawina a ni a.A chhan chu A TIRIN PATHIAN CHAUH ALA AWM A”
Risk huai berah puan mai chi i ni.
“Atîrin Pathianin lei leh vân a siam a” – Genesis 1:1
Hei hi Lucifer-a leh Mikaela chungchang maw ni a ? Lei hi Lucifer-a, van hi Mikaela em ni dawn ?
“Gen 1:24 kha en leh ta ula,khata LEI a awmte kha ANIMAL emaw lam a kawk hauhlo a,Fallen angels(Demons,evils,diamonds etc) te ho sawina a ni daih a”
Khaih khaih khaih i ti lutukkkkk.
“Tin, Pathianin, “Lei chuan thil nung anmahni chi awm dân tûr ang theuhvin ran te, rannungte, ram sa te anmahni chi awm dân tûr ang theuhvin chhuah rawh se,” a ti a: tichuan chutiang chu a lo ni ta a” – Gen 1:24
“ran te, rannungte, ram sa te” tih hi Fallen angels (Demons,evils,diamonds (?) etc) maw ni lehzel a!!?
Sawi ngaihna pawh ka hre lo.
Ih maw.. Gen 1:1-2 chungchang hi chu heta in hrilhfiah chi a ni loa, Hebrai tawng thiam deuh lo zawt ta che. Rev. Chuauthuama te paw’n an hrilh fiah thei ang che. Heta Hebrai word order leh syntax hi an hrilffiah che chuan Pathianin lei hi a chhia-in a siam lo tih i hre thiam in ka ring. Verse 1 leh 2 inkarah hian fullstop a awmlo, inzawm vek a ni zawk. Mizo Bible lehlin thar kha lo chhiar la a awmzia chu i hre thei rei ruai ang. Fiah tur erawh chuan Hebrai thiam tak hnen atanga lecture i ngaihthlak a ngai ang.
November 5th, 2011 at 9:46 pm
yessss..a ngaihnawm leh dawn e
November 5th, 2011 at 11:25 pm
#52.Hei hi ka chhan na che aw,i commeny chung zawk khi(I ethical mah mah,ka hrethiam tho che)
1.SUAL hi Pathian siam a ni i tihloh chuan tusiam nge ni ta le tih hi ka zawt let tawh mai ang che(Pathian siam ka ti e).
2.Pathian hi omnisceint a nih chuan engvang nge Lucifer a siam a?MAHNI FINNA CHAPO PUI THEI CHU A NASA TAWK AH KA NGAI A.A chhan chu;
1.gen 3:6 ah A hnuai chiah a siam leh a anpui a a siam mihring hi a finver veknain a bum a.
2.Gen 3:1,Rul chu ram sa zawng zawng ah a fing ver vek ber a.
Rul:
ve·han·na·chashthe serpent
ha-nachash:shining one,snake,Lucifer.
Ram sa:
chai·yatbeast
chai-yat:serpent, life, living, animate.
Heta tang hian Rul chu dual meaning nei Rul/Lucifer alo ni ta a.A fing ver vek ber a/fing ber a.Khawizing ah maw?YHWH tih loh ah chuan Lucifer hi a fing ber mawle.
3.”Van indona” hnu ah Ramsa te hi siam choh an ni a,gen 1:24-25 kha gap dik tak BACK TO THE FUTURE chu a ni.
4.Puthiam khian mi zawng zawng a kawk lo maw ka ti zawk e.(Anih leh TURA LAl sawina Ezekiel kha engvang nge Lucifer i tih?)
ZAWHNA KA LO SIAM VE ANG CHE:
1.Bawhchhiatna chu sual ni se Bawhchhiat tir tu chu enge?
2.Lucifer ai a fing an awm chuan ngati nge Yeshua a lo pian angaihna kher?
3.Sual chu awm tawp tur a mi?
November 5th, 2011 at 11:46 pm
#52.He i zawhna leh i thil hmuh hi mak chu i ti mai thei.Bible zirtirna diklo tak hi rawn siam that ka tum mai zawk a.
1.Gen 1:1-2 hian Gap awin Van indona lo awm a.Lei ah paihthlak an ni(Isaiah 14:12).Mahse gen 1:2 ah chuan Lei chu empty,desolated a in ti daih a,khawinge Lucifer leh a ho te kha??
2.“Gen 1:24 kha en leh ta ula,khata LEI a awmte kha ANIMAL emaw lam a kawk hauhlo a,Fallen angels(Demons,evils,diamonds etc) te ho sawina a ni daih a”
Hemi chungchang hi bible kha ngun zawkin en teh.Chauthuama te lam aimaah chuan Hebrew dictionary a awm kha net ah.lo zawng la,bih ve rawh.Midang atang a hriat hi chu mitin tihdan reng a ni e.Mahni a zawn hi a fiah ber.
Verse leh events parallel in kal kawp tir ang aw;
gen 1:11,thei,thlai,thing a siam a
gen 1:20 ah chhungleng chi a siam a.
gen 1:24 ah ramsa a siam a
gen 1:25 ah ramsa a siam chu an awmdan tur ang theuin a awm tir ta a.
gen 1:26 ah mihring a siam a
gen 2:18,ramsa a siam a,adama hming a phuah tir.
Contradiction awm ta chu Pathian hian vawihnih ramsa a siam tihna ami le???
Gen 1:24 leh 25
November 6th, 2011 at 12:06 am
#55
1) Sual Pathian siam tih chu Bible reference tur i hre lo a ni maw
I ngaihdan bak tanchhan tur i nei lo tih i rawn tichianga, a tha e.
2) Rul chu RAMSA zinga fing vervek ber a nih avang chuan ropuina danglam, Pathian hnuai chiah a ni ta a maw?
RAMSA zinga fing vervek ber a nih avang mai chuan Pathian tih lohah chuan fing berah i ngai chu a nia! RAMSA aia chungnung Vantirhkoh leh mihringte a awm asin mawle 
RAMSA (wild animal) ZINGAH tih a nih khi!!!!!
3) ‘Genesis creation hi Van indona hnu daih’ a ni i tih hi khawiah nge a inziah? tih kha ka zawhna a ni. I chhang lo. Eng nge gap dik tak BACK TO THE FUTURE chu ????
4)Engtikah nge TURA LAl sawina Ezekiel kha Lucifer ka tih a? Han sawi la.. ka va hre mai lo ve. Khawi laiah nge ‘TUMAH SUAL SA IN AN PIANGLO’ ka lo tih pawh khi min han hrilh teh.
I zawhna te kan chhang ve ang che:
1)Bawhchhiatna chu sual ni se Bawhchhiat tir tu chu enge?
Ans:- “Mitin mahni chaknaa hruai bo leh hipa an awm chuan thlemna an tawk a ni zawk e. Tin, chakna chuan no a pai a, sual a hring thin a” [Jk 1:15]. Bawhchhiattirtu chu CHÂKNA a nih chu.
2)Lucifer ai a fing an awm chuan ngati nge Yeshua a lo pian angaihna kher?
Ans: Misualte chhandam turin mawle. Fin vanga misual chhandam ngawt theih ni hek lo.
3) Hei hi eng enge i sawi awmzia ka hre lo tlat. Tha pawh chu awm tawp tur mi?
.. a ngaihna ka hre der lo.
November 6th, 2011 at 12:21 am
56
ltachhakchhuak Says:
“Hemi chungchang hi bible kha ngun zawkin en teh.Chauthuama te lam aimaah chuan Hebrew dictionary a awm kha net ah.lo zawng la,bih ve rawh.Midang atang a hriat hi chu mitin tihdan reng a ni e.Mahni a zawn hi a fiah ber.”
Nuih i ti za mang e. Net atanga i hriat emaw Hebrew dictionary i bih khan “MIDANG ATANG THOVIN” i hria tih i hre lo a ni ang maw??
Chuathuama te chuan Hebrai dictionary an en pawh hian Hebrai tawng kalphung leh awmzia an hre tal asin 
Duhtawk teh ang. Mahni duh ang anga Bible kailek ho hi an mualpho duh khawp.
November 6th, 2011 at 12:38 am
Ka lo inrawlh ve lawk, “1.SUAL hi Pathian siam a ni i tihloh chuan tusiam nge ni ta le tih hi ka zawt let tawh mai ang che(Pathian siam ka ti e).”
Sual concept i man fuh chiah lo chuan ka hria, a sawifiahna pakhat chauh pawn a chiangin ka ring-missing the mark.
Nih tur ni pha lo sawina a ni ber a..khi in sawi hamartia khi, siam lam a ni lo va, awmsa awih loh/phak loh(missing the mark) lam a ni zawk. In kan sak hian inhnuai kan sa lo, in kan sa a, inhnuai chu a lo awm mai a ni zawk-dan a awm a, dan bak zawng kha sual a ni mai-a hrana siam a ni lo.
“Contradiction awm ta chu Pathian hian vawihnih ramsa a siam tihna ami le??? ”
Hrethiam tur chuan JEDP formula atanga sawi a ngai dawn a kual thui lutuk ang. Source hran atanga lak a nih hi Pathian thu zirte thu vuakthlak a ni. Misual.com lo indin chhuah dan hi kei leh donald-a min zawt la, kan sawi dan tur a hrang ang bawk hian creation story pawh source hran a ni a, double narration a lo lang a ni e.
November 6th, 2011 at 12:41 am
A tawpnan #56 khi ka’n chhang leh hram ang che.
Gen 1:24-25 leh Gen 2:18,19 khi contradiction a awm reng reng lova, Pathian hian vawihnih ramsa a siam tihna pawh a ni lo.
Genesis 2:1 atang khan chhiar la:
“Tichuan lei leh vân chu an chunga awmho zawng zawngte nên chuan siam zawh a ni ta a. Tin, Pathianin ni sarih niah chuan a thil siam chu a tizo va: ni sarih niah chuan a thil siam zawng zawng chu a chawlhsan ta a.
Tichuan Pathianin ni sarih nî chu mal a sawm a, a serh ta a: chu mi niah chuan Pathianin a thil siam zawng zawng, thu ngawta a siam leh kuta a siamte chu a chawlhsan tak avângin. Lei leh vân siam dan chu hetiang hi a ni, LALPA Pathianin lei leh vân a siam ni khân” tih a nih kha. Detail zawkin creation story kha a rawn narrate a ni. Mihring vawihnih a siam lo ang bawkin ramsa pawh vawihnih a siam lo.
Bible verse khawi lai emaw te hi thur thin lovin a pum hian chhiar thin la, fallacy of intrerpretation i pumpelh mai ang. A kimloa i chhiar chuan a kimlo in i hre mai ang. Mangtha le.
November 6th, 2011 at 3:04 am
November 6th, 2011 at 2:17 pm
#58.ka nuih i tiza mang e
mi theology ah i innghat lutuk a nih kha aw..
1.ka zawhna ve khi ilo chhan hma chuan lo duh tawk la ni e tiraw.Extra-existence a SUAL lo ngaih hi ka vawikhat hriatna
2.Lo bih tha leh teh,ramsa zingah a fingber a tih khan khang ramsa kha Chaiyah a ni a,living,life sawina a ni e.Science ah chuan mihring finna tluk teuh bertu chu zawng ho hi an ni a,mahse bible fing ber a tih chu rul a ni a,ramsa zing ah a tihkherna hi science dan ah a diklo hul hual a ni tih lo hre tel bawk la.chuan ramsa a tih tel kherna hi ramsa tak tak an nih hmelloh ta tih hi lo ngaihtuah reuh reuh teh(mi ziah sa bih mai mai lo khan)
3.Gap hi gen 1:1-2 inkar ah a awmlo a,verse 24-25 inkar ah a ni zawk.Engkim chu a recreated vek a ni.
4.CHAKNA hi engvang a lo awm nge ni le,amhin alo awm tawp nge external atang?
I chhandan hi a mawl mang mah mah thin.A origin tello chuan lo sawilo hram teh.
November 6th, 2011 at 2:35 pm
#59.
Vakul
A lawmawm khawp mai.Ni e,ngaihdan hrang theuh chu he tah kher hi chuan a neih thei a ni tih hi ka pawm a,ka ngaihdan hi bible kalh a nih ka hre lo a,a dik ber ka ti bawk a,min paihthlakna tur hi thu pakhat mah ka la hmulo a ni.hehe
SUAL CONCEPT: ka hriat duh ber chu a ni a lawm.Chunglam ah khian ka type sual hret a,SUAL PATHIAN SIAM ka tih tlawng mai khi.A tir te,YHWH chauh a awmlai pawh khan sual hi a awm tawh a,engmah pawh a awm hma khan amah chauh a nih chuan amahah sual chu a awm ngei ang a,mahse a foul ve loh ah ka ngai hmiah.Chuan lucifer siamin Lucifer ah hian a dah lut ve ang a,Lucifer chuan tlukpuinan a hmang a ni.
Ezek 28 ah chuan a tir te,sualin a bawh hma a neih thu kan hmu a,chu chu ala thatfamkimlai a ni.Mahse ropuina alo chan leh a finna in alo tih at takna chhan chu amah ah hian sual a awm a ni zawk,Chu chu Pathian AN a chakna tak leh ropui a duh ve na avang a ni.
November 6th, 2011 at 4:00 pm
Dawt sawi ching lutuk hi ka hnial peih lo. Reason pui tlak anni tak tak lo ve. Dawt sawi ching nih i duh loh chuan engtikah nge TURA LAl sawina Ezekiel kha Lucifer ka tih a chu han sawi la, khawi laiah nge ‘TUMAH SUAL SA IN AN PIANGLO’ ka lo tih pawh chu han sawi roh lems.
Biblical reference pe thei mang silova ‘Pathianah sual a awm, Pathianin sual a siam’ tia rak zawrh zawrh ringawta, dawt zak miah lova la sawi zarh zarh zui ngam i nih hi mi’n an hre tam lutuk ang e.
November 6th, 2011 at 4:09 pm
@Donald:
November 6th, 2011 at 4:17 pm
@Ltachhakchhuak
I ril lutuk hi I buai a nih hi. Mahse pawl hran I din loh ngei ka beisei an thisen mawh nangmah ah a in nghat dawn si a. Nangmaha ngaihtuah ngur ngur lo khan tawngtaina nen han bei la i fiah uarh uarh ang, tih hi ka ring tlat a ni.
November 6th, 2011 at 10:04 pm
Another Heretic soundly clobbered
Great job donald
A thuziak kalhmang hrim hrim hi a nawi a ni ber e. Naupang ninhlei thuziak mai mai te pawh a ang.
Chapona, duhamna, sualna hrang2 te setana vanga lo awm a nihzia a han sawi ve duah a, mahse chung zawng zawng bul sualna chu Pathian siamah a puh leh ang lawi a. Pathian chu sualna zawng zawng mawhphurtuah a puh thlu der mai. Tirhkohin Ramhuai zirtirna atih kha heng bak hi a ni chuang lo ang.
Amah aia hre zawk leh thiam zawkte chu a la hnial ang pang pang lehnghal a. Theology a doctorate ti mek te an ni tih a hre lo emaw ni. Mihring hi alo va chapoin alo va zakthei lo ngai ve le. Zahna chang hi hre ve deuh teh un. Zeh zuah hlawm che u hian
November 8th, 2011 at 12:50 am
Doctor of Theology chu nive lemlo mah ila, thiamna leh hriatna hmanga midangte hnehsawh tak leh chaldelh taka tawngkhum chuan, a thu ah dik ngawt mah ila kan chetdan in Pathian a hlat hle tihna a ni.
November 8th, 2011 at 8:31 am
Mr comment chu, ve teh hlawl che chuan… Khawilam thli chhiain nge helama rawn chhem lut leh che. Posttupa hi i nau em ni? (:-d)
Pathian sual siamtua puh hian Pathian chu a hlat hle zawk lo maw? Bible defend tute zawk lo mawchhiat chu rawngbawltu inti ve si tan thil tih chi a nih loh hmel. Pathian thutak an thiamna te hmanga defend tu lo sawichiat emaw ‘Pathian hlat’ tia lo iak ve ngawt kha a Pathian hlat thlak zawk bawk ang a. Pathian hlat tan Pathian thu tak diktaka puan chhuah hi a theih loh asin.
Hmana heresy i post ve (caina kha setana fapa tih vel) biblical taka an paihthlak sak che avang khan phuba lak duhna thinlung i la pu reng a ni maw. Khatiang Thinlung kha Pathian hlat thinlung chu a ni zawk ngai e. Phuba lakna remchang melhrana mimal inbeih tur a ni lo. Thuziak khi diklo a awm a nih chuan biblical takin counter ve mai zawk la a that a rinawm e.
Rawngbawltu theuh theuh a mimal ang zawnga ‘Pathian hlat’ tia rawn inbeih khi chu a tul lo khawp mai. In background lo hre tawh tan phei chuan i motive hi a chiang khawp a nia. A thu hrimah nangai khan an hnaih zawk maithei a sin.. I hre chiah emaw ni le?
November 8th, 2011 at 8:50 am
Hun kal tawh nimahse i rawn thar thawh leh taka chuan i dik loh zia hi ila in hre lo a nih hmela, remind leh che tha in ka hria. I thu post counter tute kha theologian an lo ni fur mai si a, theologian te hi i tan an hnawksak deuh emni a tih theih tlat mai.
https://misual.life/2011/03/.....ihna-sual/
https://misual.life/2011/03/.....ihna-sual/
Hengte hi lo en leh la, tuma’n a chaldelh zawngin an ti che in a lang lem lo, i post a thenin an sawisel a, a thenin Bible hmangin an counter che avang khan nangmah zawk kha i ter ta deuh at a nih zawk kha maw!
November 8th, 2011 at 9:03 am
Tah khian i la inhmu chhuak lo a nih chuan hmun danga i comment te pawh kha a nuihzatthlak ang reng zawk. Thumbs down (unlike) awmzia i hriat loh vanga Pu donald-a i hauh te, ‘thlarau bo pakhat pawh Krista hnena hruai thei silo’ i tih khum chiam te kha.. zoho pawh khan a la hria ang chu. Mi chaldelh ching zawk chu i nih hmel viauin ka hre leh hnuhnawh e.
Hei a link aw:
https://misual.life/2011/03/.....-doctrine/
November 8th, 2011 at 9:04 am
@61 bawngtlaia, i rawn lang khat ta hle mai, lung i tileng tlat. I sawi ang khian Bangalore(Bengaluru) lam mizo ho pawh hi, inthen darh tur niawm takin han inbuatsaih vel se la, mahse han insuihkhawm leh hlauh sela chuan Lucifer-a hi a ropui hmel vak lo tur hi a nia tiraw!
November 8th, 2011 at 10:43 am
@Art:
I vang hle mai. Miss you.
November 8th, 2011 at 11:16 am
Halo Ignatia!
Dam maw? Ni e tunlai chu INHNIAL pui tur an awm lo lutuka, ka inla vang ta vel a nih hi
Tak taka, tunlai chu mahni tawka buai ve lai deuh a nia, ka misual lutuk thei lo a alawm mawle. Silent reader nih bak hi chu tih vak theih rih loh
I comment ho hi chu ka miss bik lo a nia aw.. hehehe.
Zonet/lPS lam hian an interview ve thei trep tawh che em ? Ehh …… Hmani khan Kanpur tlangval an interview-a, ka lo thik ringawt pek a kei misual hian!
November 8th, 2011 at 11:21 am
He video hi in lo en ve tawh em… Physical Law hmang in naupang, Einstein an Evil hi Pathian siam anih leh nihloh a sawi na
https://www.youtube.com/watch?v=2JgpARGvBnc
November 8th, 2011 at 11:52 am
@Art: Nia ti raw. Thawh tur hi a awm zel mai si a. Eng tak chu buaipui che maw. Mizo Christian apologist angin ka lo hmu che u a nia. Donald nen hian ka lo beisei reng thin che u a ni. Mizo tan hna tha tak in thawk reng e. Pathian thu hi pawm dan apui a tam a. Hre deuh nia inngaite lah hian intihtheih nan tak an hmang a, huai tak takin thil an sawi pawp pawp a; ka lo IP CHAWIH CHAWIH thin. Pathian thu nung hi lo veng zel teh u hetah leh in awmna hmun apiangah.
Duh aiin min hre tlat mai.
Keite chu mi tak tak ni turin hun leh ni tamtak ka la mamawh. Nangni hi ka lo hmachhuan viau che u nia.
November 8th, 2011 at 3:42 pm
Welcome back mr.comment.
Mahse i rawn come back dan a va nice lem lo ve. Tumah a inchaldelh zawngin kan inti lem lo; i ngaisual deuh a nih kha. Thudik ṭan avanga ṭawngkam hriam deuh hman a ṭul chang hi a awm ve a nia. Pathian thu a kalh lem lo a sin.
“I unauvin thil a tihsual chuan ZILH rawh” – Lk 17:3
“Thu chu hril rawh; a hunah te, a hun lovah te pawh bei zel rawh; dawh thei taka zirtir chungin an thiam loh hriattir la, ZILH la, fuih rawh. Zirtirna dik an ngaih peih loh hun a la thleng dawn si” — 2Tim 4:2,3
“Dan ang lova awm, thu sawi mai maite leh tihdertute mi tam tak an awm si a…. thu zirtir loh tur zirtirin, mite a chhung chhungin an chawk khawlo si thin a. Chuvang chuan …, rinnaah chuan an dik theihna turin NA TAKIN ZILHHAU rawh” — Tita 1:10ff
“Thunei takin chung thu chu hrilh la, fuih la, ZILH rawh. Tuman hmusit che suh se” — Tita 2:15
ZILH = REBUKE = reprimand sharply, sharp criticism
J.F-a dictionary chuan tihian a sawi:
reprimand; n. na taka hauhna, v.t na taka hau.
Pathian thu a nilo zawnga an sawi a, kan khak/hauh hian mi kan chaldelh a ni ngawt lo. Pathian thu kan zawm mai a ni zawk. Dik tak chuan thil nuam a ni hran lo a sin; hreh chung chungin a ni kan tih ve tho ni. Hnial hrat em em anga lan te hi kan hreh ve tho, chanchin ṭha avanga Pathianin mawhphurhna min pek hi hlenchhuah zel erawh kan tum.