Eng thilah pawh hian a tha ber leh a chhe ber hi a awm tak tak thei lo va. Thatna leh chhiatna a nei ve ve thin. MNF Movement pawh hian a tha lam leh a chhe lamah nghawng lian tak a nei ve ve a. Tun tumah hi chuan a chhe zawnga a nghawngte ni lovin, a tha zawnga a nghawng thenkhatte lo tarlang ta ila:
1. MIZORAM LEH HNAM HUMHALHNA A NI: MNF te hian Mizoram zalenna sualin bei ta lo se la, tuna kan dinhmun hi kan chang phak lo mai thei a ni. Kum 1966 khan Mizoram hi Assam State hnuaiah District Council pakhat ve mai kan la ni a. MNF Movement avangin kum 1972-ah Union Territory-ah hlan kai kan ni a.
Inremna thuthlung vangin kum 1987-ah State-ah hlankai kan ni leh a. He inremna thuthlungah hian tuna Mizoram leh hnam humhalhna tur dan eng’emaw zat siam a ni a. Chu’ng inremna dante chuan chimrala kan awm lohna turin Mizoram leh hnam hi min humhalh a ni.
2. MIZOTE DIKNA HUMHIMA A AWM THEIHNA A NI: Mizote hi tu thuhnuaiah mah kan kun ngai lo va. Keimahni’n ram hran leh roreltu(lal) hran neiin kan luah chinah kan khawsa mai a. Kan luah chim ram leh hnam humhalh kan duh avangin phaitual thlengin kan pi leh pute’n luchhum ban chhum huamin an lo bei a. British Sorkar an hneh loh avangin mahnia thuneihna sang tak neiin British thlazar hnuaiah kan awm chauh zawk a ni.
3. CHIMRALA KAN AWM LOH NANA KAN HNAM VENGTU A NI: Assam State Sorkar thuneihna hnuaiah Mizote chu chimral tham lekin kan khawsa a. Mautam tam a lo tlak pawhin Assam Sorkar chuan min ngaihsak tha tawk lo hle a. Tampui avangin boral vek mah ila, pawi an ti lo niin a lang.
Khatih lai khan hnamdangte’n min zuamin kan ramah sumdawnna leh politics tha lo hmangin nasa takin min bei a. MNF Movement a lo chhuah khan hnamdangin sumdawnna an neih tam tak chu a lo bo va. Hnam inpumkhatna kawngah Mizote kan thangharh a, ram leh hnam dinchhuahna kulhpui leh chimrala kan awm lohna chu lungrualna a nitih kan hriat thar phah lehzual a ni.
4. THANGTHARTE KAIHRUAITU, ZIRLAI PAKHAT A NI: Mi tam takin MNF Movement kha thangtharte nun kaihruaitu pawimawh tak mai, a tha zawnga thangtharte hmalam hun siamtu niin an ngai a. Kan hnam nuna thil thleng pawimawh ber pakhat, hmanlai kan pi leh pute’n ram leh hnam humhim nana mahni lu zuara an beihna leh an tlawmngaihna kha thangtharte nunah a rawn thar thawh lehzual a. Mizo nun mawi tak, thi lek lek tawh kha thangtharte tan zirlai pakhat a lo ni ta a ni.
5. POLITICS THA INZIRTIRNA A NI: British ho hnen atanga India ramin zalenna a hmuh dawn khan British Sorkar awp Mizoram chuan duhthlang turin thuneihna kan nei a. Amaherawhchu, khatih laia Mizorama political party pahnih Mizo Union leh UMFO(Zalen Pawl)-te khan politics danglam(?) tak kalpuiin Mizoram awmdanah duh an thlang sual a. Mizo Union-in Mizo lalte ban tir leh India hnuaia awm an duh a, UMFO(Zalen Pawl)-in Burma zawm an sawimawi thung a.
Chutah India ram a lo independent ta a; Mizo Union chuan India-ah min hruai lut ta a ni. Kum 1954-ah Mizo lal zawng zawngte pawh ban an lo ni ta a. He politics danglam tak hian Mizote chan tur dik tak zalenna chu min neihtir thei ta lo va. Chumi chu nei turin MNF Movement a lo piang a, chu chuan politics dik leh tha zawk chu Mizote min zirtir ta a. Politics dik lo atangin zirtirna tam zawk kan nei ta a ni.
6. PATHIAN HRIATPUI LEH HUN RUAT NIIN A LANG: MNF Movement kum sawmhnih chhung kha Mizote’n thil kan thlir thiam theihna tura Pathian hun ruat, Pu Laldenga kha chumi atana hmahruaitu niin a lang a. Missionary-te kaltlanga Pathianin a zawnchhuah Mizote chunga MNF Movement hi Pathian hriatpui ngei niin a lang bawk. Pathian hian Amah ringtute kalsual tur venhim nan MNF Movement hi Pu Laldenga kaltlangin a rawn tarlang a ni kan ti thei bawk ang. Chuvangin, Pathian hriatpui leh hun ruat ngei niin a lang a ni.
7. MIZO TAWNG VAWNHIMNA A NI: Mizorama chengte’n inbiak nana kan hman tam ber ‘Mizo tawng’ kan tih(Lusei/Duhlian tawng) hi MNF Movement khan nasa takin a rawn chawi lar a. Mizoram dung leh vanga hnam chi peng hrang hrang, tawng hrang nei thliah thliahte chu hlawmkhatin Mizo tawng min hman tir a. Mizo hnahthlak, Mizoram pawn lama awmte thlengin Mizo tawng hi hnam inpumkhat nan kan hman phah ta a.
MNF Movement hi awm ta lo se la, Mizo hnam chi peng eng’emaw zat, chi peng tawng nei thliah thliahte hian tun ai hian Mizo tawng hi kan hmang tam lo vang a; zirna leh sakhaw rawngbawlna kawngah harsatna kan tawh phahin, inlungrualna lamah pawh kan chhiatphah thei ngei ang.
8. INHUPHURHNA TIBOTU A NI: Kum 1966 hma lamah khan mikhual inthlen chung changah hian Mizo zingah mi hausa leh rethei inkar a zau tawh hle a. Khawpui lama chi seh lam tura thingthlang mi zin thinte harsat tawh tam ber pakhat pawh thlenna chung chang a ni. Mahni mikhualte chhawr leh huphurhna tam tak a lo chhuak a.
Chu chu MNF Movement khan a rawn tibo ta vek a. Khawpuia cheng tam takte thingtlang lamah tlanchhia a, khaw sawikhawm a lo ni a, mitin mai chu intanpui leh inmikhual lo theilo an lo nih takah khan, mikhualte chunga that chhuah leh neih ang ang inhluitawn duhna nun mawi tak chu a lo chhuak leh ta a. Tumah inenhran theih a nih tawh loh avangin chumi chuan tun hnu thlengin kan hnam nun hi a siam tha a. Mikhual thlen kawngah inhuphurhna lam reng reng a lang tawh lo a tih theih ang.
9. INUNAUNA MIN THLEN: Kum 1947-a British Sorkar-in India ram a awp a chhuahsan khan Mizo hnahthlak tam tak chu ramriin min daidang ta a, a then Burma leh Bangladesh-ah awmin, Mizoram pawn India ramchhung sia khawsa tam tak an awm bawk a. Ramriin min daidan avang hian khawtlang nun leh tawng hman duh dante pawh a lo dang tial tial a. MNF Movement hian Mizo hnahthlak chi peng hrang hrangte chu a rawn tipumkhatin, hnam hrang ang hiala awm tawhte inkarah inunauna a rawn thlen a ni. MNF Movement hi awm ta lo se, Mizo hnahthlakte hi tun ai hian kan inunauna a chhiain inlungrualna kawngah kan hnufual hle ang.
10. KAN HNAM ZIA TARLANGTU A NI: Mizote hi Pathian ringtu, Pathian mite leh Pathian kaihhruai kan nihzia tarlangtu a ni a. Kan sakhua ‘kristianna’ chawinunga engkima Pathian hmachhuantu kan nihzia te, ram leh hnam himna atan kan sakhua vawnhim tlat tum mi kan nihzia te, pi leh pute atanga thian chhan thih ngam lu pu-a mahni nunna pawh thap ngam kan nihzia te, tlawmngaihna nun mawi tak chhawmnung thei mi kan nihziate MNF Movement hian a rawn tarlang a.
Mizo hnam ze dik tak, dikna leh rinawmna ze duhawm neitu leh huaisen hnam kan nihzia a taka rawn lantir lehtu a ni kan ti thei bawk ang.
MNF Movement chuan India-in Mizote zalenna a hupbehsak tlat hi a duh lo va. Zalenna tel lovin hlimna leh lungawina a famkim thei lo tih hriain; Mizote pianpui dikna chanvo, kan ram leh hnam hmakhua atana duhthlan theihna ngiatin, pi leh pute atanga an zalenna humhim turin an bei a. MNF Movement-a tel te khan a takin zalenna an sual a, an nunna an hlan a, a takin Mizote’n kan hlawkpui a ni.
November 3rd, 2011 at 11:02 am
a ngaihnawm hle mai
November 3rd, 2011 at 11:13 am
Nia. A ngaihnawm.
November 3rd, 2011 at 11:14 am
nia
November 3rd, 2011 at 11:20 am
(Y) (Y)
November 3rd, 2011 at 11:25 am
Dawt deuh vek.
Point 1: Assam state kha MNF tel lo pawn a keh sawm tho vang
Point 2: 1947 hma khan British empire zinga mi kan ni der tawh a “Mizote hi tu thuhnuaiah mah kan kun ngai lo va” tih theih ani lo.
Point 3: MNF hel lo pawh nise chim ralin kan awm chuang lovang. Mizote chuti maiin kan duai lo.
Point 4: Zirlaite tan history chapter pakhat an siam e. Mahse ngaihdan a in an loh vangin tuten mah 1966-1986 kar history an ziak tha ngam lo.
Point 5: Politics of insurgency chu politics tha alo ni maw? Huh! British empire a awm chin kha automatic in India ram ani nghal a, khawi province mah choice pek anni lo. Assam ram kha Republic of India ah a tel nghal tawp. Choice min pe anga an sawi teivet hi dawt muhlum.
Point 6: Politics thila Pathiam hming lam teivet hi MNF hian an ching bik riau
Point 7: MNF hel lo ta se Mizo tawng a bo ang an ti maw? Really?
Point 8: MNF rotel lai zawk ani lawm ni mi hausa leh rethei inthlauhna kak zau zual. 1966 hma in kan inthlau hran lo.
Point 9: MNF hel ten Mizo tam tawk an that a, chu chuan in unauna a thlen lo. MNF hel in ram danga awm leh Zorama awm min hruai khawmna ka hre lo.
Point 10: MNF awm hma pawn tlawmngaihna ri chu kan hre tawh.
November 3rd, 2011 at 11:32 am
A tha dawn e. Hei chu a thu a pui tham tlat. Opposition bench lamin point by point in an rawn thiat ta hmiah hmiah mai. Movers lam kan ngaichang thup e…
November 3rd, 2011 at 11:35 am
Pâwl/Party zawng in rilru pu lo hram ila… Nationalist feelings tuh thei tur hawizawngin comment thei ila a va lawmawm dawn em… Tin, a hnial kalh duh chuan point tha tak pek theih ni bawk sela…
November 3rd, 2011 at 11:41 am
MNF movement hi Aizawl leh kho dang lian deuh ai chuan Thingtlang a awm kan unaute hian an hre chiang zawk an ti…
November 3rd, 2011 at 11:46 am
Politics ka khel ve dawn lo rengs 😛 Ka kut ka sil hmeks.
A hot phian mai thei, misual.com close up i lo thlir ang 😛
November 3rd, 2011 at 11:48 am
#James Bond, MNF party i huat vang chu a ni em lo maw? nge, ram buailai khan Hnam sipaiho kut ilo tuar tawh zawk.?
November 3rd, 2011 at 11:53 am
political party rilru dahtha in mizo nihna zawk in i thlir ho ang u hmiang..a thatna tamtak awm bok mahse a tha lohna pawh a awm ngei ang..ka ngaihdan chuan kan ram in tun dinhmun kan thlen theihna rahbi pawimawh tak chu ani…
November 3rd, 2011 at 11:54 am
ka ngaihtuah hian a lu mum ho, kum tam ramhnuaia hreawm taka ZORAM tana thawk te kha ani ka khawngaih ni,
November 3rd, 2011 at 11:56 am
MNF movement kha awmlo se kan ram hi tun ai hian a chhe zawk mailo maw
November 3rd, 2011 at 11:59 am
han in hnial bap bap se akhat tawk in lo inrawlh ve leh zeuh zel ila a khap daitu atan (B)
November 3rd, 2011 at 12:00 pm
Ka pu Zadinga PC MLA thin kha MNF(mn efi) in min dahthat(thah) sak.
November 3rd, 2011 at 12:01 pm
M N ka sawi thei lo ZORAM hi kan ram a ni 😛
November 3rd, 2011 at 12:04 pm
A tha dawn e. A hre ril deuh leh phanchang deuh te kha han debate teh u. Hriatna thar chhar tur a awm dawn tlat mai ka ti. 😮
tren tren.
November 3rd, 2011 at 12:06 pm
No.10. MNF kut tuar love. Ka upa tawk lo chutiang turin. Mahse 1998-2003 chhunga an sorkar corruption level khan min la ti thinrim riau. Ka huanthlai an pet miah lo na chungin.
November 3rd, 2011 at 12:07 pm
Hetiang lampang hi chu sawi lo teh ang uuuu…in hnialna tam mai mai…
November 3rd, 2011 at 12:12 pm
Naupang zawk tan: MNF movement hawi ziahna lehkhabu in chhiar chuan ‘Vai sipai nen kan inkapa, kan tlanchhia’ tih vek.
MNF insurender te kha lawm vak tur a ni lo. Awmna tur an nei tawh lo haw duh mai mai.
November 3rd, 2011 at 12:14 pm
1st para. a ka tarlan ang khian a chhe lam hi chu kan hre tam viauin ka hre tawh a. A thatna lam ka rawn thlurbing ta zawk a ni.
MNF Movement kha ka rawn sawichhuah ber a ni a. Kha Movement-a MNF hruaitute thiltih kha a zawng a za chuan ka pawmpui hauh lo. Mahse, a movement hrim hrim thatna lam ka rawn hawl ta zawk a ni.
November 3rd, 2011 at 12:17 pm
Ngaihdan a inang lo leh dawn mange, chhungkua min nghawng dan a inang lo em asin.
Kum 20 chuang zalenna suala rambuai kan nih hnuah State ralmuang ber kan han ni leh hmiah mai a nia(h)… Mizo kan ni tlat alawm.
November 3rd, 2011 at 12:18 pm
ten ten! (C)
November 3rd, 2011 at 12:28 pm
Kei chu ka’n duh Zo khawp a, MNF sorkar ngei pawh kha ka duh aiin an la Vai mah mah ka ti!!
November 3rd, 2011 at 12:31 pm
MNF rammu te kha lehlam zawng tak chuan ka fak angreng, in surrender tur ho tu ten an tia a bo a bang awm lovin an in surrender hmak maia. Mahse dawt phuah chawp leh a tak ram thleng phak tak2 lo tur hmanga an hotu ten an bum thlu hi chu an khawngaih thlak ka ti. Tin helna a awm hian a hel aiin mipuiin an tuar nasa ziah. Hel hi chu atha lo aniang (N)
November 3rd, 2011 at 12:33 pm
Gaidam ngaidam an thil tih sual an hre lo a ni.
November 3rd, 2011 at 12:38 pm
A lumum ho kha an hotute khan an bum hneh ve awm ngawt mai,an rawn haw pawh khan tam tak chuan police leh force lamah an ramhnuai rank ang khan an lut hmiah dawn emaw an inti tlat an tih chu,an khawngaihthlak asin
November 3rd, 2011 at 12:49 pm
Tluanga Chawngthu (No. 21). MNF movement in society a nghawng dan i ziah tum anih chuan ka hrethiam e. Rebel movement hi romantic zawnga lo la an awm chawk ani. A tir lam kha chuan Mizo tam tawk chu a cho tho ve viau an ti. Tun thlenga Mi(sual) zinga vai la hmusit ringawt an tam dan enin khatih lai phei kha chuan MNF movement ngaisangtu an tam viau ang tih chu a chiang.
Mahse Mizo tam zawk hi 1966 hnua piang anni a. Kum 2001 September 11 hnu phei kha chuan rebel movement leh terrorism hi mi hnuh dan a in ang ta tlat mai si a. Chumi hma lam Rebel movement lar deuh deuh ho kha communist lam hawi anni legnghal a. Tunah chuan rebel movement mipui ngaihsan hup chi a vang tawh viau.
MNF sorkarna an chelh laia an che bawraw lutuk khan MNF movement a positive zawng zawng mipui memory atangin a ‘delete’ vek alawm.
November 3rd, 2011 at 12:57 pm
Khang hun lai khan lo tlangval ve tawh ila chuan MNF ah ka trang ve hrim2 ang Capt.Lalhleia ai chuan ka chet turu buru ka ring… 😛 Thang ringngawt pawh in Vaisipai chu 100 chuang ka tihlum thei hrim2 ang (H) MNF Party ka ni lo na a chu, Rammu ve lo ho kha ka dem. MNF Movement awmlo se chuan India sorkar in MIZORAM hi a ngaihsak vak lo ang tih in hriat vek ka ring. Chuang Bangladesh khan Independent hmu lo in Pakistan hnuaiah la awm tareng se chuan thil a danglam nasa viau bawk ang. India meuh supply tu mumal awmlo a do chu hautak dawn em asin. Hmana MNF kha chu ka tran tlat kei chu tun a MNF nen chuan in anglo tak an ni in ka hria. Post ka (Y) e.
November 3rd, 2011 at 1:01 pm
@James Bond: i thu ziah khi a ngaihnawm khop mai.. MNF kher hi chu…ka thiannu pa pawh a thi a..MNF avangin Fahrah in kan awm phah a ti thin.Mizo chu min chim ral kher hi ka ring lo.
November 3rd, 2011 at 1:19 pm
“MIZO TAWNG VAWNHIMNA A NI” chauh ni lovin, “Zohnathlak tawng chi hranghrangte an bo loh nan hma an la a, vawnhim an tum tlat” tih thei tur dinhmun ah an awm chuan, yes, hat off to the movement.
Democracy ram ah chuan, hel ai in mipui voice a chak zawk. Chuvangin Mizoram UT Legislative Assembly ah khan UT atangin State ni tawh tur an lo pass chuan, Central Sorkar in State chu min pe tho ang. UT kha State nih theina tura stepping stone a nih tawh tlat.
MNF sipai ho erawh kha chu ka ngaisang hlawm khawp mai. Ram tana thi ngam a sipai tang kha an ni si a.
November 3rd, 2011 at 1:19 pm
Vai jet-fighter rawn thlok fua2 a. Eeeee.. hei chu kan pawl te an nih hi. Pu Dengan thlohna rawn thloh chuan kan lam kan ta ni ang lo ti sia.. an lo au in an lo byebye vel dur2 a… a dang rawn thlok leh kha chuan an rawn kap ta pop pop sia leh 😀 Mipui leh annaute kha chu bum vek tak chu anni…
November 3rd, 2011 at 1:20 pm
Naupan lai khan MNF movement hmun hrang2 a thleng chanchin kha ngaihnawm ka va ti thin em!
November 3rd, 2011 at 1:34 pm
Kawktu leh MNF hminga thil lo khawn ching an tihlum kha chu awm ka ti khawp mai.
November 3rd, 2011 at 1:37 pm
Kan pu leh kan u, kan pi leh kan ni te tawrhna hi i demin i deu lovang u. Jet Fighter chungchangah phei kha chuan tawngkam hman fimkhur hram hram a tha ang.
November 3rd, 2011 at 2:01 pm
Van ngaihnawm ve le. Party ni lovin movement zawk kha aw! Tual kan that lo, RAL kan that tih te kha a dik em? Movement kha awm lo ta se, Statehood kan hmu tawh ngem?
November 3rd, 2011 at 2:13 pm
Ram leh hnam tana thatna tur tih in thi ngam in an ram ru a, chutilaia vai ho tan pui duh tu ho that kha an tan chuan thil pawimawh tak ni ve tlat.
November 3rd, 2011 at 2:18 pm
mnf sipai kha awm lo ta se assam tanga state hmuh tur chuan hel a ngai leh tho2 ang. .
November 3rd, 2011 at 2:18 pm
Hman a MNF kha lo uanpui ching thrin ho hi chu VAI thisen kai, VAI fa an ni hrim hrim ang 😛 #36 State hood chu hmuh chu kan hmu tho ang, chuan chim pawh min chim ral em lo vang mahse MNF movement kha awm ta lo se chuan AIZAWL ah ngei pawh VAI ho an tam viau ang, Arunachal ang mai in, office poimawh a, officer lian ho chu VAI an tam viau ang.
November 3rd, 2011 at 2:20 pm
MNF Movement hi a lehkhabu ka chhiar ve nual tawh a. Kawktute lo huatthlala tur zia te ka ngaihtuah thin. Kha khan kawng tam takah rammute thin a tichhe deuh ni te paw’n a lang. Pawisawi lo engemaw zat chu ram leh hnam phatsan leh kawktu-a puha mana dahthat an ni. Chutih rualin, kawktute vanga nunna chân an tam zia kan hriat tel a tha ngawt ang. Kawktu nunna pakhatin rammute nunna sawm a hen te ti ta ila.. A lehlamah chuan, he MNF Independent Movement atang hian tualthah, rukruk leh pawngsualte hi Mizote’n kan hmelhriat tak tak chho tan a. He’ngte hi vai sipai hrichhia a ni. Chu chu tun thlengin kan la chhawm zel. Rambuai laia Mizoram ei leh bar dinhmun chu a chhe lutuk! Chu’ng chu vai sipai ho khawkhawm leh khaw hal vang a ni. A hmain kan ram leh hnam intodelh kan ni reng a, khata kan economy tluchhia kha tun thlengin ngai kan la awh ta lo reng reng a. Tu’n nghei duh bik hek suh, intodelh na na na chuan rukruk a tihluar a, tualthah nen a rawn suihzawm leh ta chiah a. Rambuai a rawn zo va, UT kan lo ni a. Mizoram mipui rethei lutuk chu UT sumin min rawn chiah a, retheia sahal thin kha hausak thut dan kan lo thiam tawh mang si lo va. State kan lo ni a, UT hun lai angin sum a lo tam tawh si lo. UT-ah sum neih nawm zia kan lo intemvir laklawh tawh si a, thatchhiat dan awlsam kan lo zir chhuak tawh laklawh bawk nen, tun thlengin awlsam taka sum hmuh kan la tum fan a. Eirukna kan thlah thei tak tak tawh lo a nih hi. A bulpui ber chu MNF Movement (ni lovin) Mizoram buai kha a ni. Tuna Mizorama sualna tam tak leh kan ramin harsatna a tawh tam takte hi rambuai rahchhuah a ni kan ti lo thei lovang. Chutih rual chuan MNF Mizoram Independent Movement kha ka thlawp tlat thung. Khatih lai khan Mizo Union leh MNF vangin Mizo mipuite kha hmun hnihah an inthen phawk a, chu chu movement hlawhchhamna chhan a ni reng a ni. India rama Muslim-ho an lo luh tirha Rajput lalho ang mai kha kan ni e. Kan tangrual lo, keimahni leh keimahni kan indo. A tawpah hnehin kan awm.
November 3rd, 2011 at 2:26 pm
MNF=Monday Night Football tia hriat ber ani, Google ah chuan
November 3rd, 2011 at 2:34 pm
MNF ho khan India sipai aimah chuan an Mizopui/Civil an that hnem mah zawklo maw te ka ti ve khanglang a. Mipuiin kan hnam sipai ai chuan hnamdang sipai kha kan thlamuanpui zawk chang ava tam em.
November 3rd, 2011 at 2:43 pm
Sony (Y)
November 3rd, 2011 at 2:48 pm
Rambuai kha tha ka tihve riauna chu KHAWKHAWM. Siampuii sailo hla eraw a mawi tho.
November 3rd, 2011 at 2:51 pm
OT lawks – Pu PC-a, i post “chhim leh hmar” tih kan schedule mek hi comment close in i rawn submit a… comment hi i close palh nge comment i duhlo hrim hrim?
November 3rd, 2011 at 3:07 pm
A close palh a nih kha.
November 3rd, 2011 at 3:08 pm
MNF hi a ṭha, mahse Pu Zoramthanga chu ṭha lo mawle 🙂 Congress pawh tha, Pu Lalthanhawla ṭha lo mawle..
Thu mu hnu kaithawh tum vak vak hi a hun tawh lo, MNF hunlai, zalenna an sual/sual lo tih mai mai, an sual alo nih chuan an hlawhtling lo hi zah hle tur ani zi ṭhawh mai ani. 😛
November 3rd, 2011 at 3:19 pm
Tuin nge maw vawikhat tiang hian a comment tawh, eng site ah nge tih erawh ka hre tawh lo:
Remna siamtute chu an eng a thawl e, India-mi an la nih dawn si a …
November 3rd, 2011 at 3:21 pm
Ka tlangval lai nise ka in volunteer ve angem aw ka ti? Ka pa te unau ah tlangval 4 an awma mahse an chhia leh tha hriatna buma a awm loh avang in tu mah an in volunteer lo, India sipai ho rinhlelh an kai hle bawk thalai ina awm kha chun, mahse kohran lam khan hel kha an support vak lova kal chi an ni lo.
November 3rd, 2011 at 3:44 pm
Buai lai kha chuan Shillong thleng pawh khan Mizo ho kha chu an hoi cham ve thei khop mai an ti.. Dik em Pu HV
November 3rd, 2011 at 3:45 pm
Silchar vai ho pawh khan min hlau thei lutuk an ti bok…
November 3rd, 2011 at 3:46 pm
Jet-fighter rawn thloh lai a, en tur a kan tlan chhuah hun lai te kha aw… hmanni lok kha nia sia..
November 3rd, 2011 at 4:06 pm
Vai sipai ho pawh kha kan hlau thei lutuk :p
tren tren
November 3rd, 2011 at 4:14 pm
Vai sipai cook pawh kha kan hlau thei lutuk 😀
November 3rd, 2011 at 4:17 pm
E khaiaa, pu sandman comment tam thei ang ber ka duh. Comment close in alo awm thei a ni maw? Kalo bihchiang tawh ang e.
November 3rd, 2011 at 4:21 pm
Rape hi indona hman rua a hman thin ani hi a pawi ngawt mai.
November 3rd, 2011 at 4:24 pm
MNF movement in Mizote a tha zawnga a nghawng dan:
Ram hmangaih tak tak tu, Mizo tan an thisen hlana nunna thap ngam te kan hriat phah. Chutih karah an hotute tenawmzia pawh kan hmuh chian phah viau awm e.
Mizo te hi Hindustan mi kan ni ngai lova, Burma leh Bangladesh mi pawh kan ni ngailo. British ziaktute chuan ‘Nation’ hrang hlak angin min lo ziak thin reng a ni. Tichuan, awpbet a, kan ram an rama rinluh luih sak kan ni tih a rawn chhu nghet. A tha viau a ni.
MNF vang khan thenawm state a zalenna sualtute pawhin min zah phah a, an in surrender erawh kha chu a bik takin Naga hel ten min nuih. (Sawitu: ka Naga thianpa)
1966 kherlo, a hnu 70’s lama vai sipai sual zia te kha a hrepha a tuartute chuan vaingalsin hi tawngpawng nel ngawt hi harsa tak a ni ngeiin ka ring. Keipawh hian mitthla tur ka nei nawk mai.
November 3rd, 2011 at 4:35 pm
MNF in sorkarna an chan chhunga corruption nasa lutuk, hnalak ah political appoinment tam lutuk te kha chu ka huat bakah a tuartu pawl ah ka tang ve ngeiin ka ring. Mahse kan ti teh ang, tuna MNF ni lovin, 1966 a MNF movement kha chu mizo te tan hian a lo tha thlawt. MNF movement kha awm lo se, Assam hnuaiah district council pakhat bak kan la ni lovang tih a sawi theih loh. Pu Chaliha, khatih laia Assam CM kha mizo a ngaihnep zia chu, Mizo union ti chhe turin MNF a vulh lian a, ‘Laldenga leh a toy Soldiers hovin engmah an ti thei hlei long` e’ tih den chhenin mizo leh mizo kha min in do tir a,Assam sorkar hnuai ah min awp ral raih a tum chiang khawp. Amaherawhchu MNF khan Zalenna a sual ta phut sia, MNF movement a tangin India sorkar ropui tak chuan Assam state hnuaia tlang mi te lungawi lohna kha chiang takin a hmuh phah ta zawk a. Pu Chaliha khan a lalthutthleng a tangin mittui tla chungin Assam keh chhia kha a thlir ta zawk a ni. MNF leh India in do chungchangah MNF an tlan chhia tih te chu pu Lalburha, sailo lal hnuaisenin British ho a chhan ang deuhin, an tlan chhia ang chu an ngam lo alawm, ralthuam an in neih that hleih a. An ngam loh vangin khawchhak Burma leh khawthlang Bangladesh thleng rawk in an tlanchhe reng alawm. Ngam zawk seng chu Ganges luipui thleng rawkin vaiho te chu an um thung ang chu. Tun din hmuna Mizoram hi Mizoram a lo nih theihna chhan bulpui ber chu 1966 a MNF movement vang kha ani. 1998-2008 chhunga rorelna an chan chhung leh 1966 movement kha chu a hranpa ve ve a judge chi niin ka ngai.
November 3rd, 2011 at 4:41 pm
58
doc_lib Says:
November 3rd, 2011 at 4:35 pm
“MNF in sorkarna an chan chhunga corruption nasa lutuk, hnalak ah political appoinment tam lutuk te kha chu ka huat bakah a tuartu pawl ah ka tang ve ngeiin ka ring..snip for brevity
PC hi lal ve ta se, corruption tam viau ka ring, an lal lohna rei tawh sia lolzzz ,,,NNF ka tan a or congress I kan tan tihna ni lo in….PC lal se taxi permit pe chhuak teuh se, aizawl khawpui ah motor tawt lutuk vanga cycling uar phah nise ka ti hahaha…mizo fit lo an tam tawh em mai hhihiihi
November 3rd, 2011 at 4:42 pm
#58 (Y) Sony MNF fullform rawn sawi kha chu (N)
November 3rd, 2011 at 4:44 pm
#58 “1998-2008 chhunga rorelna an chan chhung leh 1966 movement kha chu a hranpa ve ve a judge chi niin ka ngai.” NI e 🙂
November 3rd, 2011 at 4:56 pm
Khawnge rilru a tho lak lawh tlat. Pathian ruatin MNF movement a rawn thleng a, independent an rawn sual ta a. ( Pu Chaliha kha chuan MNF leh Mizo union indo tir a tum). Chutah Sipai in mizo mipui nunau an suasam a, chutiang dinhmun a tanga mizo te chhan chhuak turin, sipai lal lo ni tawh Brig. Thenphunga ropui takin sorkarna a chan tir a, mizo te thlavang pawh a hauh nasa. Amaherawh chu Pu Thena kha lal ta zel se, mizo leh mizo indona nasa tak a thleng lo ang tih a sawi theih loh. Tichuan a aiah Chunglamin rorelna chu Pu Hawla kut ah hlan in, ti chuan ani chuan, Mizo leh mizo inkarah remna a lo awm a, India sorkar hnuaia mizo ten kan chanvo kan chan theih nan, a lal thutthleng kianin, MNF leh India chuan inremna an lo ziak ta ani. Remna a tana lalthutphah meuh kian phal chu a hnu ah 1989- 1998 thleng lalthuttleng chu pek let in a awm. Tichuan Mizoram chu India ram hnuai ah State pakhat kan ni tawh a, Kan ram chhiat leh thatah mipuiin mawh kan phur ta. Rorelna an chan chhungin mipui tan thil tha an ti em tiin uluk takin judge ila, a tha lo chu inthlan leh ah paihthlak hmiah hmiah mai tur. Kan chunga thil thleng reng reng kha a tha lama thlir in MNF chuti kha ti, emaw congress chuti kha ti emaw, PC chu ti khati, ZNP chuti kha ti tih bansanin politics party hrichhia hi paihin tun a thangtharte hian kan ram tan party rilru pu hauh lovin tan i la ang u le.
November 3rd, 2011 at 5:02 pm
Ni e, Mizote hi HINDUSTAN mi nilovin, Israel te, American te kan lo ni alawm le 😛
November 3rd, 2011 at 7:03 pm
Ram hnuk khawih post in century a vaw chhuak dawn nange. Oppositon thawm a reh riau mai. Misual ho hian ram kan lo vei tak tak lo ami? Tan tha leh ila
November 3rd, 2011 at 7:06 pm
E he! He post chu ka la chhiar hman lova. Comment sei deuh deuh te pawh khi ka la chhiar hman chuang lova, ram leh hnam vei luangliam a niang maw 😀
November 3rd, 2011 at 7:10 pm
Seki #63 ni ngai love. Tunah chuan, Burma mi te, India mi te, Bangladesh mi te kan ni ta duah mai. Unau hmel lah kan hai ta fo zui :-S ;-(
November 3rd, 2011 at 9:28 pm
gud post…… (Y) (Y)
Nia, MNF movement thatna te pawh sawi ve tur a ni reng a ni. Tunlai a party pakhat in mnf thiltih tha lo te haichhuah leh tuma thil an ti ta mai hi a pawi khawp mai. Rilru a thi tawh chawh thawh leh a, mnf in huattir tumna a ang ka ti .. aaa khai sawi thui lo mai ang…
Post tha e….. (Y) 😀 🙂
November 4th, 2011 at 12:22 am
@66, Korean te kan awm toh lo maw ka ti !!! 😉
November 4th, 2011 at 1:05 am
MNF hi sawrkar leh mahse an ngai reng tho ang, kum nga dang kum sawm ang kha kan nei leh ani mai.
Congress pawh hi 2013 ah hian tling leh mahse tuna mi continuation mai ani tho ang!
ZNP leh MPC hi chu an sawrkar dawn lo hrim hrim!
Enge kan tih tak ang le, ka beidawng e :-[
November 4th, 2011 at 2:07 am
MNF movment avang khan thlen phak loh tur tam tak kan thleng a.Chutih rual chuan tuar loh tur poh kan tuar nasa em em bawk.
Hnam movement Mizote zing a tuh tu an nih a vang erawh chuan an chhuanawm narawh e.A bik in hotute thu sawi a paing tak tak emaw ti a ram leh hnam tan nunana hial pawh chan huam ho te kha an ngaihsanawm em em a.
An hruaitu then khat selfish em em din hmun tha an din na tur ni a an hriat avang a mizo pui te leh an MNF pui te pawh thaht tir ching te avang khan an tawpna kha chu nep ka ti.
State leh UT tih te kha chu Mizo Union ho pawh khan khuangpui nen an vuak chhuah tep kha maw le
UT ai a ka thlan Mizoram state(thingtlang lamah chuan)tet an ti
Zam lo reng reng tur a pawl siam kan lo ni. tih te
Neruji tih hla te hmang khan an vaw chhuak lo chauh a nih kha .
November 4th, 2011 at 2:23 am
MNF ten indipendence suala Rambuai vangin kan in 3 a kang ral vek a tin,kan khua atangin minla hanwt chhuak zui bawk a. Kan hma sawn phahna lam chu tam mahse kan chhungkua in kan chan hi chu rulh leh sen ani lo in ka hre ve . Ka U nuna kan chan phah bawk (ka la thinrim in seh ruh chungin}