Kar hmasa khan hnalam a ka boss chuan a haw kawng aṭangin min rawn kova. A motor ke (tire) a thêp thu sawiin , a motor insurance (triple A) a koh thu a sawi nghal bawk a. A sawi zel dânin, a motor chu khalh tamlo mahse, a kête chu an rei tawh vangin an chhe tawh hle tih anlo hrilh thu a sawi tel bawk a. A ke-pâi (spare) nen chuan a thlak ta vek nghe nghe a ni.
Engpawh nise, hetiang a motor ke-in damchin a neih hi kalo hre ngai rêng rênglo pek a. Thawhṭanni alo thlen chuan hunawl remchangah motor ke (tire) chungchang chu ka tum lawk angin ka zawt belh ta ngê ngê a.
Motor ke hi a tlangpui thuin, siam anih aṭanga kum 5 anih hnuah lei duh loh a ṭha tih thute chu ka hriat belh ta zel a. Motor lam hriate phei chuan kum 3 aia upa anlo lei duh ngailo fo tihte thlengin ka hreta zel a ni. Fimkhur zual deuhte phei chuan an motor ke leinate hnenah an motor keah emaw a damchin (expire) tur an chhinchhiah tir ṭhin hial alo ni awm a. Tin, a motor a zirin a ke tih puar (pump) tur zat inziak ngaih pawimawh a ṭha ber awm e.
Motor ke puak avangin chetsual a hlauhawm ṭhin bakah, hun khawhralna a nih vangte pawhin a thil dang kan enkawl ang bawk hian uluk tak leh fimkhur taka thlithlai alo ngai dawn ani tih ka hrezual ka sauh a ni.
Motor ke upat lam kan hriat theih dan tur chu hetiang hi a ni e:
Motor ke (tire) tinah hian nambar a intlar diat ṭhin a. Chumi chu “DOT” tih inchhu-in hma a hruai a. A dawt leh ah a siamna number adt. a awm ṭhin. Chumi tlar piahber-ah chuan nambar 4 intlar, entirnan: 0304 tih emaw a awm ang. Khami nambar tawpber 2 (04) kha a siam kum a ni a, a hma ami chiah 2 (03) kha a siam kâr (week) ani thung. A awmzia chu, 0304 tih a inziak a nih chuan, kum 2004 January kar thumna a siam tihna alo nita anih chu. Mahse, kum 2000 hmaa siam anih erawh chuan nambar 4 awm lovin, nambar 3 chauh a ni thung ang a, nambar hmasa 2 chu a siam kar (week) anih laiin a tawpber nambar 1 tê kha a siamkum ani thung ang. Entirnan: “019” anih chuan January kar hmasaber, kum 1999 a siam tihna ani dawn ta thung a nih chu!
Tunlai chhanah motor ke pakhat pawh a to tawh em avangin, lo hretawh pawh awm mah ila la hrelote tan a ṭangkai theih takin tiin ka rawn ziak a ni e.
Similar Posts:
- Air pangngai aiah N2
- Nambar chhiar dan thar
- Motor workshop kal
- Sakawlh Nambar: 666
- Inflation at 0.27%, lowest in 30 years
(Y)
June 26th, 2012 at 1:02 pm
Motor ke pump ang aw.
June 26th, 2012 at 1:17 pm
Worldwide procedure em ni? A that hi le.. Ka motor ke tyre no. hi 10 ania ka bun pan tawh khawp mai keipawh.
June 26th, 2012 at 1:18 pm
Mi tam tak tan thil tangkai tak anih dawn hi
June 26th, 2012 at 1:21 pm
Post hlu tak ani.
June 26th, 2012 at 2:18 pm
A lo nih ngei dawn hi. Nikum khan motor ke 1 thla 3 chauh kan hmang tihin a puak a, a man a tam si a, uìhawm duh tak a ni. Ka fimkhur viau tawh ang. Good post.
June 26th, 2012 at 2:24 pm
Long-run tlan tam tur chi tan phei chan hriat chi a nih hi a……………
.
June 26th, 2012 at 2:25 pm
A va pawimawh kher em! Keini ramah a mam hun hun expire hun emaw kan lo ti a a ziak chu awm ve mah se pawimawh berah kan dah lo, expire thei a ni tih pawh kei phei chuan ka hre lo hrim2. Post bvt. tak a ni.
June 26th, 2012 at 2:28 pm
Post tangkai tak anih hi le. Hetiang taka hria hi chu kan tamlo tawp ang. Keipawh ka vawikhat hriatna. A bengvarthlak khawp mai
June 26th, 2012 at 2:31 pm
Post ṭangkai tak a ni. A code-a number hmasa pahnih khi a siam thla a nih chuan ‘0304’ chu March 2004-a siam tihna a ni zawk em le?
Ni e, motor ke hi ṭhelret (rubber) a nih avangin rei lutuk hman tur a ni lo. Hmun ṭhenkhat (Mizoram tiamin)-ah hian motor ke mam vek thlenga hmang hmuh tur an nawm thin a, hetiang hi a him lo khawp mai.
Hmanni lawk khan Bulgaria kan kal dawnin ka car ke ka thlak vek. A la ral vak lo naa a ṭhelret a khi ṭan deuhin ka hria a, thui deuh tlan dawn phei chuan a ngaihṭhatthlak vak lo. He post hi lo chhiar hman ila chuan a siam thla leh kum lo en tur hi a nia. BMW leh car dang ṭhenkhat-ah hian run flat tyre hi an hmang a, a ke a keh pawhin a tlan zui theih a, a zia viau, Mahse a sawh a na duh deuh.
June 26th, 2012 at 3:05 pm
Hriat atan a tha tak a nih hi. Tha hle mai.
June 26th, 2012 at 3:22 pm
hlatekhua #9 nizawk lo tlat hairehai
June 26th, 2012 at 3:28 pm
H.Vangchhia@ 11, chuti a nih si chuan “Khami nambar tawpber 2 (04) kha a siam kum a ni a, a hma ami chiah 2 (03) kha a siam thla (month) ani thung” i tih khi engnge a awmzia? Ka hrethiam phak lo zawk emaw ni chu le….
June 26th, 2012 at 3:33 pm
Tih dikna:
“0304 tih emaw a awm ang. Khami nambar tawpber 2 (04) kha a siam kum a ni a, a hma ami chiah 2 (03) kha a siam thla (month) ani thung.” tih a “thla (month)” tih khi kâr (week) tih tur zawk a ni e. Ka type sual chiang lutuk, ka tihpalh liau liau a ni. Admin’ te khan rawn tidik hram sela aw!
June 26th, 2012 at 3:35 pm
Va ṭha reuh e. Mi hrilh chhàwn chî.
June 26th, 2012 at 3:52 pm
Bengvarthlak hle mai
June 26th, 2012 at 4:45 pm
tyre lei ve theih hun chu ka va hrereng dawn e aw..haha good post..
June 26th, 2012 at 4:49 pm
lrp #16 ivan sipel sitile bik ve a hairehai
June 26th, 2012 at 4:54 pm
Pu HV, sitail deuh hi a tha! haha kan naupan lai chuan jeep ke hlui hi kan khalh thin..
June 26th, 2012 at 5:02 pm
lrp #18 keini pawh. Motor ke bakah thirsakawr rim hmawlhte hmangin kan khalh chiam thin hairehai
June 26th, 2012 at 5:04 pm
Ka lo hre ngai reng reng hleinem kei
Hriat ve kar tawh tur anih hi
post BVT tak ani
June 26th, 2012 at 5:11 pm
Pu HV, khatiang hun lai kha a nuam ve tho mai! naupan lai hi a lo nuam ber anih hi a..hehe
June 26th, 2012 at 5:12 pm
tha hle tak mai motor ke hi ral zung zung lo mahse han leithat leh hi chuan to tih hi awl duh phian
June 26th, 2012 at 5:19 pm
#19
kei pawh 2009 khan ka tleng a,mile 40000 thleng min warranty saka ka tlan tam lo bawk a,tun tleng ka la hmang.
June 26th, 2012 at 5:20 pm
lrp niin ka hria
June 26th, 2012 at 5:40 pm
E heu, a va bengvar thlak em. Ka motor ke kan en nghal teh ang.
June 26th, 2012 at 5:57 pm
Sangpuiipa #25 iva hmu thiam emaw chu?
June 26th, 2012 at 6:15 pm
Kan motor lian zawk (SUV) ke chu ala thar angreng viau e whew! 2010 a kan lei kha ania, kan lei hma kum chiah a siam alo nih hmel e (Kâr 39 na (September kâr tawp, kum 2009). Mêl pawh kan la tlantam pui lemlo. Ngaihṭha takin awm hrih mai ang hairehai
https://i48.tinypic.com/fa0z7d.jpg
June 26th, 2012 at 6:37 pm
Vawiinah kan motor public carrier ke ka nauvin a rawn tlan puak a, ka va en vat a 2004 may thla a siam daih tawh a lo ni hem mai.
Hetiang lam hre hek lovi, a tyre a la that chhung chu a mam tawh pawhin kan lo retread tlut tlut zel mai a sin, haha 
Ka tan chuan post tangkai leh hlu tak a va ni em, ka lawm e.
tren tren
June 26th, 2012 at 8:19 pm
Motor ke a chhiat chuan siam ṭhat mai tur
June 26th, 2012 at 10:40 pm
A va bengvarthlak ve.
Dam reng ang che post tupa.
June 26th, 2012 at 10:48 pm
MaD #30 nangpawh lehairehai
June 27th, 2012 at 12:03 am
Hei chu a va beng var thlak lehpek ve!
Ka car ke ka va en ngei a. 4910 a ni a. Eng thla leh kar nge ni taang le.
June 27th, 2012 at 12:13 am
#32 bawmrang. Ziaktupa sawidàn kalhmanga chhût chuan kum 2010 chawlhkar 49-na (december chawlhkar hmasa ber vêl tihna/december thlatìr. Kum khatah kár 52 a awm a) a ni.
June 27th, 2012 at 12:25 am
@houdini: ka lawme. Ka hrethiam ta uar mai. HVa sawi fiahna “03” a 0 hi january ah ka lo ngai a. Chuan 3 hi kar thumna ah ka lo ngai bawk.Chu tiang a nih avang chuan ka car a “49” hi April kar 9na tur ni hmiang ka lo ti a. Ka buai zo ta vek a lawm.
June 27th, 2012 at 12:26 am
houdini #33 yay
Mak ve deuh chu thla (month) leh kum (year) in an dah lova, kar (week) leh kum (year) in an dah hlauh thung!
June 27th, 2012 at 12:31 am
I Tai-ar Menufekcharing Deit chu 0304 ani daih maia, a tlo ve hrim hrim nge Eu Es pawna siam ani zawk aw
June 27th, 2012 at 12:33 am
chhangte_ll, #36 ka Tai-ar Menufekcharing date te chu #27 ah khian ka dah ♫tra la la la la♫
June 27th, 2012 at 12:36 am
Keini chu Ri-thred an tih emawni hi Aizawla an siamtheih bak chu Silcharah kan thawnthla zela, kum 4-5 velin kan pawtsei leh a. I 0304 ang phei khi chu kum 20 vel kan hmangthei ngei ang
June 27th, 2012 at 12:38 am
post bengvarthlak tak a ni a, Tire ka en thiam ve tawh ang. Company atsohna mai mai emaw kan tih kha awmzia lo zu nei daihin.
June 27th, 2012 at 12:39 am
#38 i duh leh Thlanvawng tukchawp pawh lo vuah mai mai teh. hairehai
Entirna ka pek khi ka motor ke a nilo ania Sir
Hei erawh a ni: https://i48.tinypic.com/fa0z7d.jpg
June 27th, 2012 at 12:43 am
A eng ke pawh hmang ila chhukzawng vek ania a pawithui vak ka ring lo. I post khi motor…eh, lirthei mawle…ke ni si lo an va siam bial peih ve a. Ka ngaihtuah ngial pawhin englem ka chhutchhuak theilo, dawr changkang tak tak a milim an siam ang hi ni maw ka ti mai….lewlll…
June 27th, 2012 at 4:07 am
Pu HV chu post bengvarthlak thei hle mai! Ka motor ke ka check nghal dawn!
June 27th, 2012 at 6:27 am
Thanks Pu HV, keipoh check nghal teh ang!!
June 27th, 2012 at 8:35 am
keimah & joboty , inhriatsa hlawm ka ring viau nangin ṭhenkhat, keimah(myself) ang mai a la hre ngailo an awm takin tiin ka rawn tar chhuak mai a ni e.
June 27th, 2012 at 11:52 pm
Hmanah internetah ka search chhuak hlauh ….tangkai tak a ni…2nd motor ke lei dawn hian a tha leh tha lo chu ta tang hian chiang khawp mai..
June 28th, 2012 at 9:33 am
Rinasol #25 zawnna chang ivan hre zawk ve, i fing hle mai. Kei chu ka boss khan sawilo sela chuan kala hre tawp lovang hairehai