mi(sual).com

Fur tui a tla Å£an ang a, ruah sur loh zanah chunglam han hawi chho i la, van boruak thiang tak karah Chhohreivung a lo eng sât ang a, Hmar lam han thlir i la Hmar Arsi in a rawn chhuk melh ang a. I han hawi zau deuh ang a, Hrangchhuana leh Chawngmawii in di i han hmu ang. Chutah meuh chuan “Chung siar khi kawp ten an mal len e” ti a i faifuk rut rut a nih pawhin ‘luck lo zia’ an ti bik lo vang che!

He thil hi Mizoram a i awm chuan a takin i tawnhriat ve tawh ngei ang le. Vai ramah zawng van te pawh hi a paw ang phut a, a ţial ang ruan a. Arsi lang chhun pawh hi Kumara ha nawh zawh hlim ni awm vel hian a de ve sét sét a. He tih hunah hian a ni kan ram riang te hi ka ngaih zual thin ni!

Ruah thimpui a rawn hawng dawn a, kawlkilah Å£ek a rawn de zuai zuai a. Rangva inhnuai ngei maiah khan ruah mal hmasa nghakin rizai chhahpui mai han inlu khuh tlat mai i la. Rangva inchung a rawn ri Å£hang Å£hang ta maw tih ah khan automatic khan lungruk a lo vei ruk em em kha rizai chhungah a rawn zam lut chem chem ang a…..
(more…)

Part one kha ka ziahna a rei tawh ang reng a, tara lamah ka’n chhunzawm leh ang e. A hmasaa kan len thinna Lal Rose-i lah chu misualah a rawn lut tha duh mang tawh lo va, Fb lamah a pawt zarh zarh saw, chuta chinah chuan Homea nen chuan Sheldonte in lamah thingpui hang kan lam ta deuh chawt a, amah saw a lo zau deuh huau bawk a.

Tlai khat chu Sheldyte ina thingpuisenhang kan dawm lai chuan misual dot com reh ta riau mai chu kan sawi mai mai a, a chhan tur awm angte sheldoni nen chuan kan inrinsiak vel a. Ngawi rengin Homea chu kan kiangah a thu reng a, kan sawi zawng zawng chu hre lo awm tak hian a thu vung mai a. Chutia kan tawng han deuh lai chuan, “Sheldon, a mak hlei nem, misual.com rehna chhan chu a lang vek a lawm” a ti ta thut mai a, a sawi leh tur chu kan lo ngaithla kar mai a, point nei fel fawk hian a rawn sawi ta a.

1) HVa Mizoram rawn haw kha misualhovin an lo duhsak lutuk a, a polite ta vak mai a anmahni nen an inhre vek tawh bawk nen tumah reng reng a hnial tha ngam tawh bawk si lo-amah duhsaktute vek an ni tih a hre ru vek tawh bawk si…chua chhapah A haw hlim buai nen, a til laksak ang main a duap ru riau tawh mai a, inhnial deuh pung pung loh hi chuan a nawmna a lo tlem deuh bawk si. A tiphuisuitu a pawp laiah a tang ta tlat a, a ti a.
(more…)

Post awm loh lai chuh ve teh ang. Mihring mizia hriat dan hi chi hrang hrangin mi tam takin an lo chhutin an lo chhui nasa hle mai a. Astrology te, pianni te, pian thla te, kut zia, ai en, leh chi dang tam tak hmangin an chhuiin an chhut thin a nih hi. Kan Lalpa Isua meuh pawh khan miten engtin nge an sawi tih kha a hre ve duh tlat a nih kha.

Misual.comer tam tak pawh hi la inhmu miah lo mah ila, an thu leh hla leh an ngaihdan vuak thlak a zirin an mizia awm tur chu kan hmu lawk thei deuh mai nilovin ngainatawm tih riau te pawh kan nei thei hial thin a nih hi.

Kan thupui tak turah lut dawn tawh ila, a pawimawh ta ber chu keimahni mizia hi a ni. Eng ang mize pu nge i nih i chian phawt loh chuan midang mizia i man thei ngai lovang. I mizia chu hei hi a ni. Khawvel hi darkar 24 chhung hi chawllailawk(pause) ta sela, chumi hnuah khawvel hi a kal ngaiin kal leh mup mup tur nise, nangmah chauh kha che thei ta la, i thil tih kha a titu tumahin hre dawn bawk lo sela, eng nge i tih ang le. I tih tum dik tak atang khan i mizia chu i hre thei ang. (ho nawi ang reng )

Mizoram atanga hla ve ang reng deuhvah kan han khawsa a. January atanga kan nghahfak Masi a rawn inherchhuah dawnah Kolkata atangin kan thlawk ve nul nul a, Lengpuiah him pialin kan tum a. Dec 22 a ni. 22 zanah rilru bet lo zetin Aizawlah riah a ngai a. A tukah ngam tawka chakin kan khua, khua nuam ngei mai pan khan kan inkhalh haw a. Khaw thim dawn ruaiah paw thurin kan han thleng a. Dec 23 a ni. 24-ah chuan Saitual velah te inchei zuar chungin nula kan rim mai mai ang chu ti rilru neuh neuh chungin kan mu a.

23 zanah thianpa Dina te Bawng Pu a han dam lo chiam mai a. 24 tukah te chuan Bawng chaw han phur thei zia zang a ni ta si lova. Masi daih ngei tur bawng chaw phurh a ngai a. Mahni chauhva thiante Bawng chaw phur tura liamtir ngawt chu tiin a kuma kum tam kan lo hum tawh loh chemtum kan han lekchhuak a, iptepui leh nghawngkawl nen kan han infam ap mai a. Rilruah Coffee Day tih vel a lang tawh lo. Coffee Day aiin Chempui a pawimawh zawk. Khua atanga hla fe-ah kan kal a. Nike pheikhawk chhe zet bun chungin Nauthak kunga lawn tumin kan indawm a. A har. Nike leh Nauthak a inmil lo. Nike leh KFC ai chuan KZP a pawimawh.

(more…)

Ka thianpa kha a nupui in kuhva a dil a, ka thianpa chuan, “Hamstrublet i tih phawt loh chuan ka pe lovang che,” a ti vei roh a. An nu lah chuan a lo ti duh hauh si lova. Nileng in an in biak loh phah a. A pawi em avangin hemi pual hian thu fahrah te te ka rawn lawrkhawm ve mai mai ani e.

Kan Conference dawn

KTP General conference a zo ta bawk a, keini Tuipuiral Group YMA te pawh amah kan Chief Minister hlui Pu Zoramthanga te khua Samthang ah Ni 6-8 hian conference nei ve turin kan inbuatsaih mup mup tawh mai. Conference ah hian Solfa hla, Lengkhawm zai leh Mizo hnam lam hmanga intihsiak a ni bawk dawn a. Kei pawh kan branch aiawh in a aw thum pawl ah ring tawk in thiante tibuai vek khawp in ka zai ve ang. (Hei chu News category a dah tur ani ang).
(more…)