Wai Wai Cup-ah Aizawl team 1 an tlaleh ta : Mipuiin an hlut, karleh atangin Lammualah
Aizawl khawpui atangin team 3 an tla ta. Hei hian thingtlang leh khawpui kan inthlauh loh zia a tichiang a, khawpui team hnehtute hi football thiam khuaa kan sawi an ni ngai em? Mahse hnehna chu an ta a ni a, Aizawl khawpui team an lakah kan chak lo. Tlawm erawh an tlawm kher lovang. Mahse hei erawh kan hria. Football-a Mizoram hmasawnna hian Zoram pum a huap a, huapzo football a nih ang ngeiin Zoram hian he hmasawnna hi kan hmu mek a ni.
A tantir niah Aizawl West I an tla nghal a, Hnahthialin football an zirtir a ni ber. Mamit lakah Aizawl North I an tla nghal bawk. Tin, nimin khan Aizawl South II lakah Tlungvel Constituency chuan hnehna hlado an chham bawk. Fitness lamah chhuan tur nei lo Aizawl South II khel hi a hmuhnawm lova, an khel rei tulh tulh a, Tlungvel hian an hneh tawlh tawlh a ni ber. |an luatah South II player pakhat hnawhchhuah a la ni zui. Vaivakawn Joint YMA Field-a match hmasa berah Lunglei North leh Zawlnuam inkhel a hmuhnawmin an inhnehtawk kher mai. Hun pangngaiah 1-1 a in draw-in tie breaker hmanga chak zawk zawnnaah Lunglei North hi an vannei ta a, 5-3 a chakin kan sawi tawh Aisawl South II chu Tlungvel lakah an tlawm zui bawk a. Match hnuhnung bera Sateeek leh Lungpho inkhel pawh a hmuhnawm kher mai. An inhnehtawk a, vannei zawk zawk an chak dawn tih chu thlirtute hmuhdan leh ngaihdan a ni. Lungpho hian si an pe hmasa nghe nghe a, Sateeek hian an siphurh sutin goal an khung zui bawk a, si phur Lungpho tan khawh chevel kha mitthlaaah a cham reng dawn a ni. An siphurh sutin hun pangngaiah 2-2 in an in draw ta. Penalty(tie break) hmanga chak zawk zawnnaah vanneiin Lungpho hian 3-2 in hnehna an chang a nih kha. Lungpho kan lawmpuia, Sateek vanduaina kan tuarpui bawk. Sateek Constituency tan kawngtha pet chhuak rawh tih banner rawn thawhchhuahpui Sateek bial pasal\hate hi chak lo mahse kawngtha erawh an petchhuah ngei kan beiseipui a, an khaw kawng thatna tur an pet chhuak zo lo a nih paw’n anmahni tana kawngtha(football-ah) tal an petchhuah ngei kan ringin Mizo Aw Sports chuan duhsakna a hlan.
Ramhlun Sports Complex-a match hmasa berah Aizawl West II chuan Khawzawl 2-1 a hneh hramin Lawngtlai chuan 1-0 in Kawrthah an hneh bawk. Match hnuhnung berah Bilkhawthlir leh Lunglei South inkhelin Chaltlanga inkulh Lunglei South hian 3-1 in hnehna an chang a, Ramhlun leh Vaivakawna inkhel entuten Wai wai Cup hmuhnawm zia hriain inkhel en an bansan thei lo. Tichuan vawiiahah match hetiang hi a ni ta-
Pool A : Vaivakawn
Kawnpui Vs. Aizawl East I 10:00AM
Aizawl North II Vs. Serchhip 12:00 Noon.
Pool B : Ramhlun
Tlabung Vs. Suangpuilawn 10:00 AM
Aizawl South I Vs. Tawipui 12:00 Noon
Ratu Vs. Kolasib 2:00 PM
Vawiinah 1st round match khelh zawh a ni dawn a, karleh thawntanni atangin 2nd round khelh tan a ni dawn a, Aizawl Sipai Lammualah khelh a ni tawh dawn e. A hmuhnawm a zual tawh dawn a, en man pawh a awm tawh dawn. Ticket pakhat Rs.10/- zel a ni ang.
Mizoram Basketball Sub-Junior team-ten Kolkata an pan ta
Mizoram Basketball Sub-Junior team (players 12) te chuan 33rd Sub-Junior National Basketball Championship, Aug. 28 atanga Sept. 4, 2006 chhunga Netaji Subhas indoor stadium, Kolkata a khelh tura tel turin august 25 (Ningani), 2006 khan Aizawl chhuahsanin Kolkata an pan. Mizoram Basketball Sub-Junior team, 33rd Sub-Junior nationalbasketball Championship khe tura kalte chu heng mite hi an ni -
1. Andrew Lamalsawma, s/o Lalawmpuia, Republic veng
2. Andrew VL, Malsawmtluanga, s/o V.L. Biakhnuna, Republic veng
3. BC Lalremruata, s/o Dr. BC Thanthuama, Bawngkawn
4. Jerry Biakhluzuala, s/o Biakzami, Chanmari
5. K. Vanlalruata, s/o K. Lalthlamuana, Kanan Veng
6. Lalzawmliana, s/o H. Lalrinawma, Chawnpui
7. Lalhruaitluanga, s/o K.L. Rammawia, Chawnpui
8. Lalhmangaiha, s/o Lalremliana, Chanmari
9. Lalruatpuia Hnamte, s/o L.Muansanga Hnamte, Zemabawk
10. R.Lalfamkima, s/o R.Laldhawma, Kolasib
11. Steven V.Lalruatliana, s/o Vanlalhuala, Dawrpi
12. V. Lalnunsanga, s/o Vanlalfaka, Khatla
Heng players 12 bakah hian heng officials te hian an kalpui-
Coach : Reuben Lalchhandama, Chanmari
Asst. Coach : John Malsawmtluanga, Chawnpui
Managers : 1) Lalrinfela, Republic Veng
2) Lalbuanga sailo, Chawnpui
Similar Posts:
- MzSports :: 30 August
- Mizo Aw Sports :: 25 Aug
- Mizo Aw Sports :: Aug 28
- BMA Football Tournament
- Mizo Aw Sports :: Aug. 17
August 25th, 2006 at 8:15 pm
Basketball Team chu official hovin anmahni vengte an thlang deuh bik animo!!??
Report this comment