Wai Wai Cup A hmuhnawm tual tual : Vawiin atangin AR Ground-ah
Wai Wai Running Cup 2006 chu khelh mek zel a ni a, Zoram pum huap football-a inelna hmuhnawm leh mit titlaitu hian entu mipui a ni telin a kokhawm tam tial tial a, Vaivakawn Jt.YMA Field leh Ramhlun Sports Complex-ah Mizoram chhimtawp leh hmar tawpa mite, khawthlang leh chhak lama kei ka ni intite innuaiin chak lo a piangten an pawnthuah telin he Wai Wai Cup hi an mangtha zel a ni. Huapzo football kan tih ang ngeiin he tournament-ah hian hei hi a chiang hle a, football-a hmasawnna hian khawpui chhung chauh ni lo, Aizawl khawpawn leh rampum a dapchhuak mek a ni. Wai Wai Cup ente chuan kan hmu veka, khawpui leh thingtlang game a dang lo, a dang lo mai ni lovin khawpui team 2 laite chu an vawikhat khelhnaah an tla nghal der a nih chu.
Mahni bial tana theihtawp chhuahte an fakawm a, kha.. Vaivakawnah Sateek Bial chuan “ Sateek bial tan kawng\ha petchhuahk rawh” tih banner rawn thawhchhuahpuiin boruak an rawn siam hle a, mahse Lungpho lakah an vanduai ta hlauh. Wai Wai Cup a tangin Lungpho chuan an petchhuak ta zawk a, engpawh nise an dinhmun erawh he Zoram hriatah hian an puangchhuak tawh tho tho a, tla nghal mahse an beisei erawh a thleng turah ngaihsak teh ang.
Kan sawi tawh angin khawpui leh thingtlang game a danglam chuang lova, a thiam thiam, a fit fit an chak mai. Inbuatsaihna mumal neih hman lih vanga an nih tur ang ni pha lo engemaw zat an awm ngei ang a, a bikin khawpui bialten inbuatsaihna hun an nei lo zual. Aizawl North II phei chuan an players ten vawikhat chiah practice neia an khelh thu Mizo Aw Sports chuan a dawnga, hei hi an coach pawhin a sawi bawk. Heti chung hian nikum semi finalist Serchhip chu 2-0 in an hneh tho nia! Thlakhat vel tal inbuatsaihna hun awmse an tih thu North II hian an sawi nghe nghe a ni. North I leh West I te paw’n inbuatsaihna hun en neih loh leh fit loh chhuanlam an nei tha hle tho mai.
Inrinni khan :
Inrinni khan Ramhlun-a match hmasa berah Tlabung chu an khingpui tur Suangpuilawn an rawn inlan loh a vangin chaka puan (3-0) an ni a, match 2-naah he tournament-a inhnehna la nasa ber thlengin Aizawl South I chuan Tawipui 7-0 lawihin an sawp a, South I thawm a na hle. Kolasib chuan 3-1 in Ratu an hneh bawk. Vaivakawna match hmasa berah Aizawl East I leh Kawnpui an intumtawk hle a, hun pangngaiah si 1 ve ve inpein tie break hmanga chak zawk zawnnaah East I hi an vannei ta a ni.Hemi hnu hian North II leh Serchhip innuai zuiin inhnehtawk hle tura ngaih an ni a. North II hian senior players an neih that chhawrin 2-0 in hnehna an chang a, Dinthar FC striker Hlutea chuan goal hmasa thunin goal hnuhnung zawk thuntu hi kan hre thei mai ta lo. An Police player neih chhun Rinkhuma pawh a tal na hle e. Defender khauh tak an neih kha an thatna pakhat a ni awm e. Mohun Bagan-a khel thin Malsawma of Bawngkawn pawh kan hmuleh ta. Match hnuhnung berah Mamit leh Champhai an inhnehtawk hle a, Champhai lamah hian 1st Bn.MAP keeper chuan siban nghakin Police striker David-a paw’n a khel nghe nghe a, Mamit lam pawh kumin Inter Branch YMA-a Lengpui player kha an tam hle bawk. Anni pahnih hi an inhnehtawk hle reng a, Champhai lam hian bul an tan fuh dawn viau a, clear chance pawh an hmu nual bawk. Mahse teuh hlirin a ral a, Mamit keeper ropui a che a, an ti goal hlei thei lo a ni ber. Hun pangngaiah goal inpe lovin penalty(Tie Break) hmanga chak zawk zawnnaah Mamit hi an vannei ta a ni. Mamit hi Aizawl North I hnehtute kha an ni a, an chhe lo reng a ni.
Wai Wai Cup khelh zel dan tur
Hetiang hian khelh a ni zel dawn a, Vaivakawn leh Ramhlun Field pan a ngai tawh dawn lo. Aizawl Sipai Lammualah vawiin atangin Wai Wai Cup hi khelh chhunzawm tur a ni e.
Vawiin match : Mamit Vs Vanva(9:30 am), Hnahthial Vs Lunglei North(11:30 am), Aizawl East II Vs Saitual(1:30 pm) Aizawl West II Vs Lawngtlai
Thawhlehni : Lunglei South Vs Tlabung(10:00 am), Aizawl South I Vs. Kolasib(11:30 am), Tlungvel Vs Lungpho(1:30 pm), Aizawl East I vs Aizawl North II(3:00 pm)
Tan a na a, tantu mipui an mamawh thu kan aiawh players te hian an sawi theuh a,. chuvangin kan bial khelh hunah theuh tawiawm kan ba. Lammualah khelh tur a ni tawh dawn a vangin en man kha a awm tawh dawn a, pakhat tan Rs.10/- zel a ni.
Wai Wai Cup Football-a North Vanlaiphai Bial Chak Lohna TZP leh Infiammiten An Pawm Lo
Tuichangral Zirlai Pawl leh North Vanlaiphai MLA bial chhunga infiammite chuan tun laia Aizawla khelh mek Wai Wai Cup Football-a North Vanlaiphai bial an khelh hmasak bera an tlakna chhan chu referee thu tlukna dik loh vang a ni an ti. Kar kal ta ningania an inkhawm chua Saitual bial laka North Vanlaiphai bial inkhelhah field pawn lam atanga entu zawng zawng pawhin an hmuh hand ball (Saitual goal hnihna) chu referee hian a hmu duh tlat lo a ni an ti a, tum hnih Vanlaiphaiin penaltu an hmuhna tur chu referee hian a pe duh lo bawk a ni an ti. Referee hian North Vanlaiphai bial a duhsak loh bakah inkhel control turin physical fitness a nei lo a, chuvang chuan thutlukna a siam ngai lo a ni an ti a, he referee hi inkhel enkawl tlak lohah an ngaih thu sawiin MFA chu he referee-in game a thunun dan ennawn a, referee-in a thil tihsualah a chunga action la turin an phut.
Tuichangral Zirlai Pawl leh North Vanlaiphai bial infiammite chuan he referee hi hi hleih nei tiin an dinhmun angah hian Kawlkulh infiammite, Ramhlun South YMA-te pawh an lo awm tawh nia sawiin an lungawiloh dante an hriatthiampui thu an sawi a, hetiang thil hi a thlen tawh loh nan tun hnua tournament reng rengah official lamte nasa zawka inbuatsaih turin an ngen.
Similar Posts:
- Mizo Aw Sports :: 25 Aug
- Mizo Aw Sports :: Aug. 17
- 2nd Wai Wai Cup tan a ni
- Mizo Aw Sports :: Aug 26
- MzSports :: 30 August
February 19th, 2010 at 2:41 am
The tragedy of the bombings lie in the fact that the IAF bombed their own citizens. Furthermore, the Indian government has not made any gestures of regret. This is the first time I have heard comparisons of Nagasaki and Hiroshima to the bombings by the IAF in Mizoram in 1966. If the writer is whining about exagerations of people around him on how India tried to obliterate Mizos, then he should address them or make new friends. Instead he seemingly justifies the bombings.
Is MZP an anti-Mizo organization?
If MZP wants to promote being Indian or display that Mizoram is an integral part of India, then justifying the bombings of civilians as a rightful means of defense by the Indian government is erroneous.
Report this comment
February 19th, 2010 at 2:44 am
The tragedy of the bombings lie in the fact that the IAF bombed their own citizens. Furthermore, the Indian government has not made any gestures of regret. This is the first time I have heard comparisons of Nagasaki and Hiroshima to the bombings by the IAF in Mizoram in 1966. If the writer is whining about exagerations of people around him on how India tried to obliterate Mizos, then he should address them or make new friends. Instead he seemingly justifies the bombings.
Is MZP an anti-Mizo organization?
If MZP wants to promote being Indian or display that Mizoram is an integral part of India, then justifying the bombings of civilians as a rightful means of defense by the Indian government against a guerrilla group is erroneous.
Report this comment
February 19th, 2010 at 2:46 am
Dah mai a.
Report this comment