Wai Wai Cup-in hmawr a bawk tep : Aizawl team hnih an tla leh ta
Khawpui team 2 an tlaleh ta. Nimin Lammual boruak a nuam a, khaw awmdan erawh chawhnu lamah duhthusam a ni lo. Malsawm ruah tam tak sur kha thenkhat tan erawh malsawm ruah tih a har mai thei. Match hmasa berah Lunglei South chuan Tlabung 5-1 a sawpin striker Liantluanga chuan hat-trick a siam nghe nghe. Aizawl South I leh Kolasib an innuai tawk hle a, Kolasib hi vanneiin 1-0 in an chak hram a, Sateek petchhuaktu Lungpho chuan Tlungvel 4-0 zeta hnehin match hnuhnung ber diak kawi zet hnuaiah Player nei tha Aizawl North II leh Aizawl East I te innuaiin hun pangngaihah diak khat ve vein an inhnehtawk! 1st half-ah East I hian goal thunin a thuntu hi H.Lalnunzira a ni a, goal thunbelhna remchang an nei nual. Hetihlai hian North II pawh an awm mai mai hauh lova, clear chance an hmuhte goal-ah an chantir thei tlat lo. Second half-ah North II hian an formation thlakin thatharin an bei a, an hlauhawm fua fua thei hle. An nawr huk huk reng a, buai deuh nuaih karah fel fakin an defender Lalbiakliana chuan kawh mar pet pawtin an siphurh a sut mawi hle. North II hian goal thunna remchang(clear chance) an hloh nual a, an la ui vawng vawng teh ang chu tih tur hlir a ni. Hun pangngaiah chak zawk an awm tak loh a vangin tie break(penalty shoot out) hmanga chak zawk zawn a ngai ta a, hetah pawh hian inhnehtawk tak an ni. East I hi an vanneileh ta a, an match hmasaah penalty shoot out hmang bawka Kawnpuia hnawtchhuaktute kha an ni a, an keeper Hriata kha fak tlak a ni e. Mi pahnih ve vein an pet goal loh hnuaah East I hi 6-5 in an chak ta hram a ni.
Vawiinah hetiang hian : Match hmasaber 9:30-ah Saitual leh Aizawl West II an intum dawn a, match 2-na dar 11:30-ah Hnahthial leh Mamit an innuai ang. Chawhnu dar 1:30-ah East I leh Lungpho an innuai leh ang a, match hnuhnung ber hi dar 3:00-ah Lunglei South leh Kolasib ten an khel dawn bawk.
Naktuk-ah Lammualah inkhel en tur a awm dawn lova, kal thlawn duh suh. Assam Rifle-ten rising Day an lawm dawn.
Inkhel a hmuhnawm tual tual a, Wai Wai Cup-ah inthlitfimna ropui awm zelin game hmuhnawm leh mit titlaitu Lammualah a awm. Mahni veng/khua tantu nei tlemte an khawngaihthlak a, players te tan pawh a zahthlak bawk. Chuvangin tawiawm lam mipui chan kan tih tawh kha. Lammualah kal ang.
Similar Posts:
- Mizo Aw Sports :: 25 Aug
- MzSports :: 02 Sept.
- Mizo Aw Sports :: Aug 26
- 2nd Wai Wai Cup tan a ni
- Mizo Aw Sports :: Aug 28
August 30th, 2006 at 3:04 pm
wai wai cup chungchang kan lo thlir a a bengvar thlak takzete.shilong lam atanga zoram chanchin kan hriat theih phah a, zaninah mumang tur neilo kha mang nei theiin min siam ta.mangtha ule loziak zel rawh u.tawk phawt pawisa kan neitawhlo.
Report this comment
August 30th, 2006 at 3:09 pm
j.k. shillong, a lawm awm e.
Do come often!
Report this comment
March 14th, 2012 at 12:17 am
3rd teh ang!
Report this comment
March 14th, 2012 at 12:19 am
hetah pawh . .
Report this comment