mi(sual).com

- Lalramhmingmawii (Ami), Madras University

Do not cut your bodies for the dead or put tattoo marks on yourselves. I am the LORD.
Leviticus 19:28 (NIV)

Tattoo hi tunlai thangthar te hian kan buaipui ta luih luih mai a, Chennai ah pawh hian Tatoo Parlour te hial a lo awm ta a, ( Irezumi, College Road ah sawn) a chhut hi ho te in lang mahse parlour ah chuan a to phian. Irezumi ah sawn colour loh hi a tlang puiin Rs 2500/- to Rs 3000/- vel daih zu nia!

Tattoo hi tunhma atang tawh khan, Egyptian, Phoinician, Chinese ho te hian an lo ching daih tawh a, Archaelogist hovin kum 1891 ah khan Egyptian puithiamnu “Amunet” an laihchhuah khan a ban, ke , kiu leh a lai hnuai ah tattoo a nei a, he mummy an hmuh chhuah hi kum 2160 BC to 1994 BC vela mi ni in an ring. Kum 1991 ah khan Siberia ah ruang pakhat “Iceman” an hmuhchhuah chuan a taksa ah tattoo mark 57 a nei. Tin, Scientists hovin Japan ram ah khuan mihring lem, leitlaka siam ah tattoo mark nia sawi theih tur an hmu bawk.

Tatoo hi hmanlai hnam mawl ho khan puithunaatthlak (Superstitious Belief) atan an hmang thin. America a Red Indian ho chuan, Indona ah an hmai an ti rang thin a, chu chuan a venghim thin in an ngai. Burmese ho chuan thinlung(heart) zawna, tattoo neih hian silaimu meuh pawh ti tawp thei hial ah an ngai ve thung.

Hei bakah hian, thuthlunghlui hun lai khan, taksa chhut hi milem pathian bia chhinchhiahnan an hmang bok thin. Hei vang hi a ni ang, tattoo hi Israel fate hnenah khan Pathianin a khap a ni.
“Mitthi avangin in taksa in zai tur a ni lova, in in tial tur a ni hek lo: kei hi Lalpa chu ka ni.” Levitecus 19:28 (“You shall not make any cuttings in your flesh on account of the dead or tattoo any marks upon you: I am the LORD.”)

Tin, Rome ho hun lai khan, Gladiator, Sal leh Misual (Criminals) ho khan tattoo an chhu thin. 4th Century vela, Constantine-a Rome Lal a lo nih khan, hmai a tattoo neih hi a khap bawk mahse a khap beh theih tak tak loh a ni chek ang chu. Hetih lai hian Rome Sipai ho khan an rawn ching ve tan a, Crusaders ho Ram thianghlim han kal khan Christian tih dan anga in vui liam an duh tih entirnan cross lem te tak te hi an kut ah emaw, an ban ah emaw an chhut tir bawk thin . Hun alo kal zel a, Christianna avangin tattoo leh taksa chei/ziahran hi Europe ah chuan khap a ni thin a, mahse Middle East ah leh hmun dang ah chuan mi hnuaihnung ho thawmhnaw ah ngaih a ni thung.

Hun a lo kal zel a, Europe a rawn ching chhuak leh hmasa tute chu “Lawng mite” (Sailors) ho kha kan ti thei ang. British ho kha tui lam ah chuan roreltu an ni thin a, tribal ho an va run khan lawngsipai ho khan tribal “thilchei” an rawn ching chhuak a. Tin, English milian ho an zin chhuah in tattoo an rawn ching thar ta a, tichuan mihausa leh thiltithei ho khan tattoo hi an rawn uar ta em em mai ni. Mahse hun rei lo te ah, nawhchizuar leh misual ho chhinchhiah nana hman a nih chin ah, tattoo neih chu mi hnuaihnung ho tih chi a ngaih a ni bawk.

Hei bak ah hian, lawng a zin thin ten, tattoo hi an uar em em bawk a, awmze neiin tattoo hi an chhut tir thin bawk a ni. Entirnan , dragon lem chuan China ah lawngmi ni in a awm tawh tih a entir. Thir chakai lem a nih chuan Atlantic Ocean a thleng tawh tihna, satel kawr a nih chuan equator a cross toh tih na.

Tunlai ah chuan mi hausa leh mi rethei in kan nei deuh fur mai a, mahse Miami Ink (Travel and Living) I en chuan tunlai ah pawh hian, a tlang puiin, awmze neiin tattoo hi an chhu thin a. Tatoo hi a nalh a, a tunlai a, a tangkaina erawh a vang hle thung !!(Hmanlai puithuna atthlak kha kan la chhawm reng a nih loh chuan?) chuvangin kan chhut tir dawn a nih pawh in a tangtkainna tur lam hi I ngaihtuah hmasa ang u.

Ami hi MU a M.Phil scholar a nia, viva voce a nghak mek. GM diet a ti ve a, Kg 2 lai a hlauh tawh. Tih leh zel a tum.

Similar Posts:

• David Beckham-a Tattoo Thar!
• Tattoo i nei ve em?
• Zawhna 3 chauh
• Do-Re-Mi
• Khap Panchayat illegal, Supreme Court in a ti tlat

Recent Posts:

• Paula Pawla
• Hmangaih CFL
• MIZO SAKHAW BIAK DÂN LEH A TOBUL ~ 2
• Burma-ah ka zin Part – III
• Mizo Technical Graduates (Architects)

This entry was posted on Thursday, October 12th, 2006 at 6:39 pm and is filed under More than words. You can follow any responses to this entry through the RSS 2.0 feed. You can leave a response, or trackback from your own site.