Chanchinbu tam taka thuziaktute leh Pulpit tlang meuh a thusawi te leh, Cable TV a ‘Ka vei zawng’ tih programme a thu thawh tu tam tak te hian ‘Mizoram, kristian za a za inti ramah hian’ tih hi kan hmang teh fo thin a , hei hi ni kan in tih vang nge kan in hriatchian tawk loh vang tih ka hre chiah lo naa, mimal tin hi in zawt chhuak te vek ila chuan “Mizoram, kristian za ah za kan ni” ti kan awm chu ka ring hauh lo mai.
Chhiarpui hnuhnung ber leh kan rintheih tharlam ber 2001 Census atang khan kan dinhmun diktak hi enchhin ila, tehfung tur dang a awm chuan bawk loh avangin a rintlak turah ngai theuh bawk ila atha awm e.
Kum 2001 chhiarpuiah khan mizoramah hian mihring 888,573 kan awma, chutah chuan mipa 495,109 leh hmeichhia 429,464 kan awma, kristian zawng zawng kan vaiin 772,809 kan nia, Missionary tirh chhuah tum aia tam daih kristian nilo mizoramah hian 115,764 zet an awm a nih chu!! A percentage zawnga kan lak chuan mizoramah hian kristian 87.00% kan awm tihna a nih chu (Data on religion, 2001 census mizoram, issued by Directorate of census operation).
Chuvangin tun atang chuan ‘mizoram kristian za a za inti ramah ‘ ti fo tawh loin, ‘ Mizoram kristian za ah 87 ramah hian ti zawk tawh ila a tha awme.
Nih leh a dang chu tute nge ni ta ang? Mizoramah hian Hindu 31,562, muslim 10,099, sikh 326, buddhist 70,494, jain 179 leh a dang neuh neuh sakhaw nei lem lo 3104 an awm bawk ani.
India ram state thenkhata kristiante dinhmun hi kan hriat ve reng reng a tan pawh a tha awme. kan thenawm state Nagaland ah kristian 90% an awma, anni hi india ram state a kristian tamna ber state an ni. Meghalaya ah 70.3%, Manipur ah 34%, Goa ah 26%, Andaman & Nicobar island ah 21.7%, kerela ah 19%, Arunachal pradesh ah 18.7 te an awm ani. hei pawh hi tunah chuan engti zawng emaw talin a danglam leh fe tawh ang tih chu kan ring thiam mai awm e.
Lal Isua zirtir Thoma rawn luhna hmun Tamil Nadu ah khuan kristian 6.1% an awm bawka, mahse a mihring zawnga chhut chuan Mizoram mihring aia tam fe maktaduai 3 chuang zet an awm tho. Nagaland-a kriatian zawng zawng pawh khi Mizoram mihring zat aiin zuk la tam fea. India ram a kristian tlemna ber state chu Lakshadweep niin kristian 509 ahauh an awm mawle.
Mizomah pawh kohhran tam tam kan awm a, Statistical handbook of Mizoram 2004 ( P.no 138) ken en chuan kohhran thenkhat hetiang hian kan hmu thei bawk ang. Presbyterian 445,303; Baptist 113,837; Salvation Army 45038; Seventh Day Adventist 16,982; UPC (Mz) 33,171; UPC (NE)77,770; Roman Catholic 24,081. heipawh hi tunah chuan engti zawng emaw tak chuan a danglam leh fe tawh ngei ang. Population atanga Kristian nilo zawng Nuai khat chuang hi Mizo nilo turah lo dah ta ila, an thahnem fu lo maw? He Mizoram zimte, la thawl ru angreng tak siah hian Hnam dangten min chimral mai loh nan tan kan lak a tul hle a ni.
Fa neih tam zawng ringawta Family Planning kalpui loin, engzat pawh nei ila, chumi chawm thei leh chhungkaw inrelbawlna pawhin a tawrh loh dan tur kawng zawng zawka Family Planning pawh kan kalpui a tul lo maw? Mizoram, kan ram neih chhunah hian kan thenawm State te atangin Vai kan tih ho hian nitin min rawn fin ruih ruih renga, Chakma ho mai bakah Pialral kawng lam a tangin an rawn chhuk deuh reng bawk nen.
Hengho min chimral mektu(?) te hian tute in hnuai tak luah hlawm ang maw? Engtik ah emaw chuan Kristian te hi kristian lo ai hian kan tlem zawk ang tih pawh a sawi theih miah loh a ni. Chuvangin tun ang zela kan kal chuan Kumar Singh-a te hi kan YMA hruaitu an la ni palh hlauh ange. Chuvangin nang enge i ngaihve dan?
Similar Posts:
- Mizoramah hel pawl an awm ……lo?
- YMCA Mizoram aiawh zu in
- Mizoram kan dinhmun a hniam lo.
- JNV School, Sihtlangpui a Mandir thiah loh a awm reng hi tu mawh nge?
- Mizoram Census 2011
(Y)
March 7th, 2007 at 5:49 pm
I sawi dik khupz mai…Heng NON-christian ho hi refugees an ni tlangpui an ti bawklo maw?? refugee lo hnawhchhuah ngawt hi a dik si loh avangin tihdan tha tak kan ngaihtuah chu a ngai….an rawn kalna ram te chu i rawn sawi lang tawh a…Vai tih loh kha chu kan chhehvel ram atanga rawn lut a nih hmel a…refugee anga pawm theih an ni tlat a ni…
Vai mistiri, chhangzuar, thirchhezawng, etc. ho hi census ah chuan an chhiar tel tihna a mi??
Report this comment
March 7th, 2007 at 6:43 pm
Tunlai thuziakah chuan kan fimkhur hlawm viau tawhin ka hria. Mizo zingah tih a ni bik deuh kher thin. Mizoram tih ni lovin Mizote hi 100 kan awmna-ah chuan Kristian za kan awm kan tihna a ni thin. Tih fuh loh chang leh tawngkam chhehsual chang chu a awm mai thei. Mahse, mizo thuziakmi tam zawk hi chuan an tisual vak tawh lovin ka hria. Thusawitu tam zawk pawh hian ” Mizote hi Kristian za-ah za kan inti a..” an ti zawk thin lo maw..lolz..Kan ni chiah chuang lo nain, kan la ni tluk chu a nia lawm, zo hnahthlak chu
Report this comment
March 7th, 2007 at 10:46 pm
By birth in za ah za in kristian chu kan ni ngei a mizo hnahthlakte chu,se nun tak2ah chuan kan ni leh vek lo a. Mipa 1 ka hriat poh( a hming chu soi lang lo mai ila) a rei deuh toh na a I.A.S ah a in ziak tling a Pathian om i ring m tih intrvw na ah an zot a ‘ring lo’ t in a chhang. Kha t vel kha kan nia rin thiam toh mai tur se 100% chu i nt chhen toh lo ila tha ka t kei chuan. amhni ni na ang taka lang chhuah hi Kristiante th tr hmasa ah chuan ka ngai.
Report this comment
March 7th, 2007 at 10:55 pm
Mizote hi za a za kristian kan nih avanga thil dik leh tha hlang awm tur anga kan beisei tlat hi a diklo ka ti. Kristian hi keima thuin chi 2 ah ka then ve tawp a Born Christian leh Born again christian tiin. Kan nu leh pa ten kristian sakhua an vawn avanga kristian a inchhal hi kan tam hle awm e. Kristian nih rikngawt hi vanram kalna tur a ni lo, Piantharna hi a pawimawh. Chutiang bawkin kristian 100% kan nih vanga a fel fihlim duak tur kan ni lo a, pianthar kristian eng zat chiah nge kan nih hi inbihchian a tul zawkin ka hre ve mai² a.
Report this comment
March 7th, 2007 at 10:59 pm
Right on Dulrang!
Report this comment
March 8th, 2007 at 12:09 am
a bengvar thlak a, a lawm awm. Mihring chu kan lo va la tlem em em tak ve aw.
Pu Chana pawl kan tih mai te khi chhiar tel an ni ve em? Khawi lamah nge?
Report this comment
March 8th, 2007 at 5:32 am
True stupid_me and dulranga… Nigerian pastor sawi ang deuh in, “the Church in Nigeria is miles wide but an inch deep” Mizoram kan ni ve deuh hlek ang a…
Report this comment
March 8th, 2007 at 10:59 am
Mizo Kristian za a za tih chu a dik ang a, mahse Mizoram Kristian za a za tih chu tunlai khawvelah chuan a dikhlel ta deuh khawp mai. Mizo Kristian za a za tih pawh kei chuan dik ka la ti lo deuh. “Kristian” kan tih chuan “piangthar” hi ka kawh tir deuh a, piangthar lem lo, Kristian religion vuan ve ringawt hi chu “Kristian” tih tlak kan ni meuh em ni aw? “Kristian za a za” tih bakah hian “Kristian piangthar za a sawm” (kan tling ang em?) te pawh hi ti tel tawh ila, kan inbum lo ber awm e.
Report this comment