mi(sual).com

Kum 1985 a din, Mizo Society of America chuan a vawi 18 na a tan, Mizo Day chu September ni 1 leh ni 2-ah khan Middletown High School auditorium,Middletown khua, Maryland state ah ropui takin a hmang.

Kan hruaitute, volunteer a Mizo Society enkawltute an fakawm hle mai. State hrang hrang a ṭanga khual ṭha tam tak lokal te pawh an hawihhawmin thlen nawn awn awn an chakawm mai.

A zan hmasa zawkah chuan naupang harh deuhin, fire alarm a lo kuaithla a, thusawi-lai ngaihsak lek lo vin kan chhuah a ngai. Ani thusawitu lah chuan chawl hauh lo vin, an hrilh hma chuan rinawm takin a sawi chhunzawm. Misual lam member Bawmranga chu Missouri aiawhin a rawn ding chhuak a, report felfai tak a pe a ni. hairehai

Chhun lamah football (American handball ni lo) leh volleyball-ah te state hrang hrang, team hrang hrang ten inelna an nei a, kan hlim tlang dar dar hle. Fatu lamin inkhel leh a entute chhunchaw-ah bawngsa, kelsa leh thlai thar tui tak tak min hlui bawk, laipawng thle bur a ei awl tak tur a ni.

Mizo Society of America hian state hrang hrangah branch a hawng zel a, chu’ng branch tin a hruaitute chuan chhun lamah Rev.Rodawla in-ah inhmuhkhawmna neiin, “Central MSA” din an rel thlu bawk. Central MSA a awm chuan chuta kan hruaitu chuan kum 2 chhung a nihna a chelh ang a, branch lam erawh chu kumtin inthlanna a awm thung dawn tawh a ni.

Mikhualte an hawihhawmin, theih nise thlen nawn awn awn an chakawm hle mai. USA ah Mizo tam tak awm mah ila, in kohdan a dan ie:Chin/Mizo/Kuki adt. a vangin Mizo te’n kan hmang ho vek thei ṭhin lo erawh a pawi ka ti takzet. Native American te ang hian inkohdan dang mahse, mi khat kan nih hi keini Lusei ṭawng hmang te, Mizo zing a ṭawng khat hmang tam ber a te hian u zawk kan chan thiam a pawimawh hle niin ka hria. Indiana state lam a MSA hotu Pu Rodinga chuan, “Lusei ṭawng a bible kan neihna ringawt pawh a rei tawh nen kan unau ṭhenkhatte chuan 1975 bawr vel khan an ṭawngbilin an nei ve chauh a ni a, …a tidarhtu leh huikhawm tu kan ni thei a, a huikhawmtu nih kan tum a ngai,” tiin a sawi nghe nghe!

Khawnge thlalak fahrah te te hmangin i han sawi zawm ang hmiang!

Maryland Blue team leh West Virginia team inkhel. WV an chak:

Zan lam a kan thupuang:

MSA president-in MSA pual a Hall sak lam a a ngaihtuahna a sawi:

Naupang ten Mizo naupang te hla (nursery rhymes ang chi kha) an sa:

Naupang ho ten, thiam takin Mizoram a ber kaite hming adt. an sawi chhuak:

Cheraw kan:

Sawlakia (Saw-lâ-kia):

USA a chhungkaw pem hmasa ber, Pu Darrikhuma Hmar te nupa pawh upa lam fashion show an an rawn tel thei:

US Mizo ten, “Grandpa” tia kan hriat lar em em, Sialsuk lal, Pu Thangliana Sailo te nupa:

Rev.Rualchhina Vangchhia (Upa lam te’n minti hlim hle):

Mipui ṭhenkhat:

Hetia nula-in buh a thap lai mek hian, a hnung a puanzar (screen) ah chuan Mizo khawsak zia, ie: puantah dan, la her dan adt. an tilang a, mi pakhatin a sawifiah zel bawk a:

Zaithiam tak tak kan lo nei nual tawh mai. An zai ngaihthlak a manhla hle:

Hetiang a pangpar inpek leh inawrh-tir hi stage tih ṭawpna, zai lai/musician distraction siam theihna leh, thlirtu tam takte mit tikham thei tu ni ngeiin ka ring. Burma (Kawl) milianten bar a zai emaw te hnen a an lo tih ṭhin, bar emaw neitute tan a hlawkna leh an mahni tan pawh intih milenna (ti mai ang), hmeichhia leh mipa kar zau tak a an hnim hnaih theihna thil chin hi Mizo Society of America-in, MIZO DAY a hman ni hi chuan tih ve lo vah ka duh tak zet:

Bonus: Bawmrang te pafa leh kan chhungkua:

Misual pakhat, Leitlang lam “CompuArts” in, hna dang tam tak kar a MSA banner mawi tak min siamsak a vangin kan lawm em em a ni.

Similar Posts:

• Ngaihtuahna ṭawng (Mind language)
• India camp-ah mizo naupang 5 koh an ni
• Chiahpuam a ni ve em?
• Mizo Day 2011 – Nikhatna
• 16th Annual Mizo Day in the USA

Recent Posts:

• Kolasib tuilut an lut
• JANUARY 2016, MIZO(RAM) DIARY
• KAN EK IN
• PATHIAN THU ZIR HI I UAR TEH ANG U
• Bengaluru International Airport

This entry was posted on Tuesday, September 4th, 2012 at 12:07 pm and is filed under Information, Lifestyle, Mizo Society & Culture, Pictures. You can follow any responses to this entry through the RSS 2.0 feed.