1. ‘Khawnglung Run’ film kha an TV tharah ngei mai khan an en a, a film-ah in a rawn kâng chiah mai chu nuber chu tui nen, towel huh nen, a chebuai raps! A au chûl mai mawle…
2. ‘Khawnglung Rûn’ kha an chang sual ve chiang raps. A changtunu kha sala an hruai dawnah a changtupa hnenah, “U Alex, I’ll be back!” tiin a au vawn vawn a.
3. ‘Khawnglung Rûn’-a a changtupa bawk kha alawm, thingtlang hla deuhvah a zin a. Lar ve thawkhatin a inhria a, ‘Khawnglung Rûn’ avangin mi’n hre vek turah a inngai bawk a. A ‘Khawnglung Rûn’ dress te kha a keng vei thlap a. Khawlaiah a’n ha chhuak chiah chu, “Ai…ai… Tarzan ka hmu!” an tia, an um luih luih!
4. “Hmanah chuan Khawnglung an rûn a, tunah chuan Khawnglung-in min rûn.” (@Kawlhawk)
5. Vanapa Hall khat hmukin mipui khan ‘Khawnglung Rûn’ an lo en mek a, light an off vek a. Thawklehkhatah hall chhung a rawn êng pup, stage hnung atangin zu rui tih hriat tak pakhat a rawn chhuak hlawl a, “Eh! Hall chhung aiin toilet a lian daih mai, inthiar tur in va tam em em ve!” a rawn ti vei nulh. Toilet chhung kha hall emaw a tia, hall chhung kha toilet emaw a tia!
6. An thianho inkawmnaah ‘Khawnglung Rûn’ film chungchang an sawi a. Pakhat chuan, “Kei chu a film siamtu Mapuia ka fak tawp,” a tia. A thiannu kha thil intihre ngang mai hi a nia, “Kei pawh ka fak a nia aw… Film chan a thiam si, a script a tha thei bawk si. Zirtir nei tha tak tak, Mizo society nena inrem thlap a ni thin bawk sia, en a nuam bik em alawm. Amah hrim hrim hi ka star a nia, thau lampang hi ka duh hrim hrim a. A film chungchang sawi leh thin ila, Chukchu Nite phei kha chu…”
7. Mapuia of Leitlang Pictures khan duhsakin Khawnglung Rûn ticket a pe a, ticket a en vung vung a, “Hei hi ami Khawnglung Rûn chu?” a ti nulh.
8. Nu pakhat paw’n ‘Khawnglung Rûn’ kha a’n en châk khawp a, pawisa a nei si lo va. Antam tel nga nen Vanapa Hall a pan hmiah.
9. ‘Khawnglung Rûn’ a en a, an hmelmate an kahhlum apiangin, “Awi khi khi engineer ni se,” a lo ti hman ziah.
10. ‘Khawnglung Rûn’ film siamtu Mapuia pawh khan a rin ai daihin a hlawhtling ta sia, inrintawkna a ngah ta lutuk a, ‘Jet Fighter-in Aizawl a bomb’ film siam leh a tum.
Similar Posts:
- “Khawnglung Run” film a leak
- Mizo film hautak leh senso tam ber tura ngaih,‘Khawnglung Run’ shooting zo fel ta
- Khawnglung Run ti leak out tu chhui zel dawn
- NOKIA Fashion Fiesta
- Khawnglung Zinkawng
(Y)
September 5th, 2012 at 5:01 pm
#50 hahaha…..he comment(#50) hi paste sual anih hi…ka delete thei tawh lo internet muan vangin.
:jeih jeih:
Ka paste amaw ka tih tak chu: Tuaisial, RÛN tih hi a dik tih ka hre sa renga Mizo ṭawng tih hausaknan mi thinlung ah a dik chiang taka tuh ka duh vangin ka sawisel der anih kha
Report this comment
September 5th, 2012 at 5:04 pm
#50 na ang chiah khi Mizo IT Helpline ah ka hmu
Report this comment
September 5th, 2012 at 5:28 pm
Report this comment
September 5th, 2012 at 6:58 pm
Report this comment