Tuntum inthlan chu Kan rama pawl pawimawh leh Mizo te min hruai tha tu leh eng kim a kan engkim tih mai thin chu LALNA LEH THUNEIHNA DUH LUTUK kan politician ten hmatheh a hmangin YMA tihchhiat mek a ni. YMA hian inthlanah tan bik nei lovin thianghlim taka inthlan anih nan leh sum khawh ral zawnga candidate te an chet loh nan an veng thin. Hei hian nasa takin inthlan senso hautak a veng tawh reng a ni.
Central YMA Ruatkima te Vanlalrema Rokhum te Lunglei lam Sub-hqrs lam mi Dinga te Zorema te etc etc Congress leh MNF te chu candidate turin an sawm. Kan MP Vanlalzawma pawh hetiang kaihbu a lo tang tawh mek a ni. YMA te tan bik nei tur leh he pawl thianghlimna tihchhiat hi kan phal dawn em ni.
Politiks a public office luah duh te chuan party luh chilh sela hetia YMA mi leh sa te mawi lo taka tan lam nei tur a hmatheh ang reng a hman hi a tha kan ti dawn em ni le. Serchhip YMA Conference ah hian hetiang a thlem theih ho kan YMA hotu te hi kan dem ngam dawn lawm ni? YMA hi politiks a nihna duh te platform ah a chang zo mai ang e.
Similar Posts:
- LADC Election
- MTP in “hriatpui candidate” nei dawn
- SDYC ten MTP an thlawpna an hnukdawk?
- ELECTION REFORM
- NLUP Survey hna YMA ten kan kengkawh ang maw?
October 17th, 2008 at 3:39 pm
YMA-ah nihna an chelh tawh loh chuan politic an khelh chu a thiang tur a lawm. Kan minister te pawh Kohhran upa deuh vek an nih hlawm hi. Bial thenkhatah phei chuan Kohhran upa lo chu an iai zamawh zawk ni awm a ni.
YMA vela hming lang chin lo chu ram hruaitu tana iai zawk an awm ve thei a, YMA hruaitu lar tak leh hmingtha tak tan chuan chance pawh a tam zak zamah thei a sin. Mahse YMA hruaitu an nih lai hi chuan politic-ah hian neutral tlatin awm se la, chu chuan ram a kaihruai tha ang.
Report this comment
October 17th, 2008 at 4:10 pm
Central YMA hruaitu thenkhatte political party thenkhatin an lo sawm a vanga “YMA tihchhiat mek a ni” han tih ngawt mai chu… “Thlem theih ho” tih lai pawh hi.. Pol. party te chuan mi tha tur nia an ngaih tupawh an sawm thei a lawm. An sawmte hi a nawlpui in mithaa an ngaih an ni tlangpui zel bawk a. Heta lang chinah hi chuan thil pawi em em a awm pawh ka hmu thiam chiah lo ka ti. Heng hruaitute hian party tan lam neiin thil an ti, tih pawh a ni si lo va…
Hruaitu ni lai chu YMA danin politics khelh a phal lo va, politics luhchilh an duh chuan an ban phawt a ngai. Tichuan politics-a inhnamhnawih lo hruaitu dangin an thlak leh ang. Politics kailawn atana YMA hman erawh tha ka ti lo hle thung.
Report this comment
October 17th, 2008 at 4:25 pm
Nia in sawi dik khawp mai,mahse mithra ringawt ni lo,lo visionary deuh tak leh taima tak tak thu mai mai lo,mahni hma mi hlenchuak thei chauh mi hi thlang se ka ti.
Report this comment
October 17th, 2008 at 5:15 pm
MYA tihchhiat tawh sa tihchhiat lehchuan tur a awm em ni. Zu khap inchhalin hmeithai in an hal a, mihausa leh officer te check ngam lovin. Mi hausate YMA ah an siamna a rei tawh. Mizo tlangval tam tak YMA a tel lo an awm tawh. Credibility an nei tlem tawh lutuk. YMA hruaitu politics a lut phei chu a corrupt pawl anni duh hrep lehnghal.
Report this comment
October 17th, 2008 at 5:36 pm
YMA Zosapte din, a pamhmai ta lua ka ti.
Report this comment
October 17th, 2008 at 5:36 pm
Mi tha leh mi fel nia an ngaih chu han sawm pawp pawp mai se,an lo tha viau anih leh ram hruaitu tha tak kan neih phah ang a,an that lem loh leh vanduaithlak takin hruaitu tha lem lo kan nei ani leh mai.
An that tak tak leh tak takloh chu ringtu tha leh thalo ang deuhin thlemna an tawh hunah emaw eiruthei dinhmuna an din hunah chauh a la hriat ang chu.Ram hruaithat duhna thinlung nei tak takmi annih chuan YMA hruaitu hlei hlei hi politician atan an that ka lo ring ve tawp a……
Report this comment
October 17th, 2008 at 6:20 pm
YMA=You my Actresssss ngati nge an va sual hlawm ve, a ti Zoram lo vek dawn a nih chu sala
Report this comment
October 17th, 2008 at 7:37 pm
Zorunpuia leh adelfos te hi ka thlawp e.YMA hruaitu an nih tawh loh chuan politics ah chuan lut se,Zoram hruai tha rawh se…..an fing tawh don si a!
Report this comment
October 17th, 2008 at 8:06 pm
YMA hi hehe Youth Management Activists ti ta ila a dik awm te ka tia.. YMA hian thatna leh thatloh na a nei nuala, 2 emaw 3 vel aw!! kan in tawiawma,tlawmngaihna,hnamdang pawhin an tawnga thumal an neihloh hian a nuama a hlimawma..mahse chhiatni ah te hian forensic evidence bo vek thin khawpa kan inbuaipui hi a tha lem lo a,engmah a chhui theih thinlo a
Report this comment
October 17th, 2008 at 8:11 pm
tin YMA hi kan ni veka…chhiatni thatni, zu zuar hnawhchhuah…a tha..mahse..hmanah ka duty ve tawh a,kan check sual chiang kher asin, zu zuar emaw anti a,kan check a,Pastor chhungkua khami in luahthar kha anlo ni a, zankhua in ka mittui a far..an thlabar lutuk kha.. kan veng chu ka sawi kherlo anga..kan thianpa pakhat nen tihloh chuan hruaitu te kha an rui vek… lehkha kan dawn vanga duty kan ni a,kan naupang dun ber..
Report this comment
October 17th, 2008 at 8:18 pm
tin…. YMA hi awm zel se ka ti.. a awm zel theih nan kan tanrual angai… vawikhat chu ka thiante nen a (a rei tawh khawp mai) khawhar in kan kal haw hi YMA in drug addict ho anlo zawnga,keimahni min puh a, duty ho kha an rui vek bawk a.. a tukah keimahni kan nihlohzia kan sawia, veng khat kan nia,kan inhre chiang bawka,aia upa mah ni se…an zak hlawm kher asin..Mizo kan nia,tlawmngaihna a thuam..mahse YMA hian kan society a tundin ka ring theilo e..min ngaidam teh u’n
Report this comment
October 17th, 2008 at 8:35 pm
‘PHERH POLITICS’ hian min ei chhe zo tawh a, kawng hrang hrangin kan pherh zel zawng a nih hi. Chuvanin Ek pawh hi pherh mai mai lo tur khal tha ngeng ngawng tum tlang tha taka ek tur, chutiang ek nei mi chu kan ram hian a mamawh anih hi, akekekeke…..
Report this comment
October 17th, 2008 at 9:06 pm
Miin hlawh pawh nei lovin a theih tawpin ram rawng alo bawl ve thin a; ramhruaina hna alochelh thei anih chuan athra ah ka ngai mai.ram tan a enge atih tawh pawh hriat loh;MLAnih chak ve ri ngawt ai chuan kei chaun ka vote chak zawk.
Report this comment
October 17th, 2008 at 9:24 pm
Zu check tu YMA in zu an rui, how YMA. A chhia apiangah burmami mawhpuh a hnawhchhuah ur ur bak thiam an nei lo.
Report this comment
October 17th, 2008 at 9:25 pm
YMA hi ka dem hranpa loa..tawngthu chhelo ah..chhiatni thatni tawk ila..ka pun tur chu YMA..mahse chhiatni..entirnan..ruang chhar etc te hian..ka forensic thiam (B.Sc) ho tal khi chu mobile phone a mi an biak mai2 ai chuan hna kan pe ve anga,CBI koh kher ngai lo in..an thiam tak2 anih ve khanglan chuan..te ka tia…YMA hi dissolve ta ila,kan tlawmngaihna hi bo si lo se a nuam awm..in rel neuh2 a awmlo anga te ka tia..
Report this comment
October 17th, 2008 at 9:33 pm
Kan tetlai/tleirawl lai a YMA ang kha tunlai YMA hi ni leh se ka ti ber mai. Khawtlang in nghah ngam na, tlawmngaihna tak tak lan na, mi rikrap lo etc ngei mai kha.
Report this comment
October 17th, 2008 at 9:33 pm
@Laldyhel:Burma mi an thih a buaipuitu an neih loh hian YMA hian kan buaipui thin asin. Burma mi in inhlawhna an duhin in hlawhna kan siam sak a, an sual chuan kan zilh bawk.Burma mi zawng zawng an sual vek bawklo.
Report this comment
October 17th, 2008 at 9:58 pm
Sawrkar a chak a, DAN felfai tak kan neih hunah chuan YMA kan mamawh tawh lovang. Ram changkangah YMA ang hi an awm kan hre lem lo. NGO an tih ang chi hi chu an hnathawh a hrang daih. Mahse, kan society hi hmanlai nunphung kha tam tak kan la chhawm rih avangin YMA hi kan la mamawh niin alang chauh. Entirnan, hna thawh tur a lo tam a, mitin kan hna theuha kan buai hunah chuan, in ngaihsak tawn tulna a bo tial tial ang a. Thihniah pawh YMA sawngbawl ngai lovin, thlanlai tu pawl an awm tawh ang a, lengkhawm tul ti lem lo leh hun uiawm ti kan tam tulh tulh ang a, Khawhar in riah leh zaikhawm thleng hian tul tihna a bo tial tial ang. Chu chu Hnam upa zawkte kalphung leh an nihna pawh a ni ve tho.
Amaherawhchu, khawtlangah in makmawh tawnna a la lian a, sawrkarah kan la innghat pumhlum thei lo va, mitin kan hna leh thil tihah kan la buai tawk loh avangin Office kal chungin inneihnaah kan kal hman a, Office kal chungin khawharinah kan leng hman tho bawk a.. Sawrkar hna ni kher lo, company leh industry te a rawn awm tak tak hunah chuan tute mah kan zawmthaw thei tawh dawn lo va. A thawk tam a piang an hlawh a tam ang a, duhsak an hlawh bawk ang. Chutih hunah chuan inlenpawh mai mai leh hun khawral mai mai te pawh a bo tual tual dawn a ni.
Chu chu hmasawnna kan tih hian a kentel a ni tlat a, hma kan sawn ang a, kan hnaih tulh tulh zel ang. Khawvel kalphung a ni tlat a ni.
Report this comment
October 17th, 2008 at 10:52 pm
Pu Zorunpui,nia tunah rih hi chuan YMA hi kan mamawha a la tangkai bawk.Mi tlemte vanga YMA pum a hmingchhiat ka phal lo.Kan hnam thang zelin YMA kan mamawh loh tir hun erawh a la thleng ang.Tin,mitha an niha ram tan vision nei an nih chuan ram rorelna kawng hawnsak hi a pawi lem em ni? Tunah hian,XMA sub Hqrs,Lunglei-ah chuan Pre. S.Laldingliana leh Secy. Joseph Lalhimpuia te congress ticket ve vein an ding dawn.Pre. hlui Dr.J.Zorema pawh Babutea leh Suamkhuma’n an lenchilha mahse a hnar fithla. Ka hlauh ber zawk chu miin YMA hi politic platform ah an rawn hmang zel palh ang tih hi a ni.
Report this comment
October 17th, 2008 at 11:02 pm
@muantea, an nihna inhlip hmasa lo va, politica an luh chuan lunglei YMA chu in chhangchhe hle ngei ang. A chhan chu YMA-ah chuan party hrang hrang an awm khawm vek si a. Hruaitute an neutral loh chuan memberte an buai thuai ngei ang. Mahse, an nihna bansan hnuah an zawm a nih chuan a pawina ka hre hauh lo thung.
Report this comment
October 17th, 2008 at 11:10 pm
Zorunpuia asawi hi ka thlawp khawp mai. YMA a nihna/chanvo neih lai ngei a politics a zuanglut an awm chuan thil diklo tak a ni ang. Tin, tupawn YMA atanga mipui hriat an hlawh chu a thiang mahse, politics erawh an chanvo neih lai chuan khel lo se, an demawm lovang.
Report this comment
October 17th, 2008 at 11:58 pm
Zorunpuia Says: A thawk tam a piang an hlawh a tam ang a, duhsak an hlawh bawk ang. Chutih hunah chuan inlenpawh mai mai leh hun khawral mai mai te pawh a bo tual tual dawn a ni.
I sawidik ka ti khawp mai,a hmingin zoram pawnah ka han awm ve a,lehkha zira ka awmlai chuan mizo awm chhun te hi kan inlenpawlh nuai nuai mai a,”zoram pawnah pawh kan zia chu kan paih theilo nih hi”ka ti thin a.Mahse hna ka han thawh hnuah hi chuan mizo awm ve pawh hi ka hre tawh mang reng reng lo,hun ka nei lo tawp mai ani.
Report this comment
October 18th, 2008 at 1:32 am
YMA hi tun hma kha chuan, ka lo OK ve thin a. Mahse SRS vel a tang khan, ka enge maw ta riau a nih chu. Mahse YMA memeber chu ka la ni ve tho chuan ka hria. SRS hun lai kha chu, ka chhungte tawrh chu ni se, Jail bang zut tir chak ka ngah khawp mai. Sawrkar lam dan a tanga thlir chuan YMA hian Right a nei pawn ka se la
Mahse Nakin kum 20 hnu ah chuan Mizoram ah hian YMA hi a la bo ka ring
Report this comment
October 18th, 2008 at 1:54 am
YMA chu bo lo e Kl mahse CYMA hi awm suh se ni mai…
Report this comment
October 18th, 2008 at 6:49 am
@zorunpuia: Lunglei a kan YMA hruaitute hian politics nen chuan chawmpawlh love.Hruaitu tha tak,mi thiam an nih vang hian ni maw party tin deuh thaw hian an rawn sawm alawm.Tichuan, an din dawn takah chuan an nihna pawh an kalsan e. Hetiang hi a nih dan tur pawh a ni e. Ka sawi zawk chu, politic khela MLA nihna chance zawngte hian YMA hi a kal khan tha berah ngaiin YMA hruaitu nihna hi a khelhin an rawn khel ang a,he pawl zahawm tak hian zakhua a rawi hle ang tih hlau a ni.
Report this comment
October 18th, 2008 at 10:00 am
YMA member tlemte zawk an chet khawloh avanga YMA pum pui sawi chhe thinte hi in ngaihtuah chiang lo niin ka hria. Eng pawl pawh, eng hnam pawh, mihring famkim lote din a nih chhung chuan sawisel bo khawpa tha an awm ngai lo. Mizo thenkhat an sual avanga Mizo zawng zawng hnualsuat ang vel tho a ni…a dik lohzia chu kan hria. Chuvangin YMA hi a pawng a takin sawisel zen teh suh u! Kei chu tar kun thlengin ka YMA dawn!!!
Report this comment
October 18th, 2008 at 10:23 am
Mi in an political career launch nana YMA an hman chu enge a pawi vak na? YMA an hmang tangkai ve ani mai lawm ni? Kei ni pawh kan university ah kan Career launch nan pawl chi hrang hrang kan zawma, debate/toastmaster club te, volunteer club te, student association a hruaitu nih te phei chu resume a tan a tha lutuk ringawt. A tam thei ang berin involve turin min hrilh. Hna dil dawnah work experience pakhat mah, volunteer tal i neih loh chuan i chance chu ZERO deuh thaw ani ang. Chutiang bawkin mi in YMA a tling taka hruaitu anlo nih tawh hnu a Politics a an zuang lutduh anih chuan More Power to them!
Tin, YMA hi a post tu sawi ang hian a relevant lo tial tial bawk ang. Ti chhia, ti chuan ka dah lo anga, mahse devolution ti ta zawk ila, entirnan chhuang taka in rawn sawi chhen chhiatni thatni chungchang hi. Mi hausa tam tak chuan chhiatni thatni ah mi an hmelhriat hlei lo ina sun/lawmpui ve niawm fahrana an ina rawn lawi khawm dur dur ( an sunpui/ lawmpui vang pawh nilo, ruaitheh a ei trawk chak vang te, chhang leh artui sem eichak vang te a lo kal hi tam tak an ni) kha an duh reng kher lo mai thei, private taka thiantha te nen emaw, chhungkua chauha chhungte boral ta te sun kerh kerh kha an thlang zawk mai thei.
Thlan laih tih vel pawh YMA ho tih ai chuan funeral parlour in mawihnai taka mithi te chei a, sunna hun tawite hmana phum fel mai kha theih ni se thlang zawk pawh an awm fur tawh ang. Tunah pawh veng thenkhatah chindan hlui Khawhar chhungte riah pui hi an tih chhunawm tawhlo ni in ka hria.
Mizo ni ve lo, YMA hmalakna avanga kuttuar, thihna tuar, in leh lo chan te tan phei chuan YMA hi nationalist leh racist organisation bak ani bik lo.
Report this comment
October 18th, 2008 at 1:48 pm
Mizoram a politics luhna platform hman lar ber chu Pachhunga University a thawh hi a ni.
Mahse Pachhunga University Lecturer nihna atang a politics a lut te hi corruption ah hian an lo qualified ber a nih hi tih tura ni.
YMA pawh platform ah an hmang tan in a lang. An tlin veleh hian bial fan na ah mi an hruai vak zel a , a dawngsawng tu tan a hautak thei khawp. Pu.Zawma pawh hian a hrat khawp .Tul miah lovah ,fiamthu thawh tur pawh ni lovin , Thangkura pu-Mahatma gandhi -mahatma gandhi -ti tu a pawh kha a hruai thin. a ni lah kha a fiamthu thawh lo hmel chu rin ai in a tak ve khawp .
Report this comment
October 18th, 2008 at 3:11 pm
YMA hi a fukhel atana an hman hi a tha lo takzet.Pawl zahawm tak kha politic rilru puin an kaihruaia inthlanna ah pawh campaign in rilru bawlhhlawh tak pua an beih chuan YMA chu a rawih telh telh dawn a ni. University a pawl te te ang a ni lo tlat.Mizo zawng zawng huap zo pawl a nih avang hian a zahawmna chu kan vaia mawhphurhna a ni.
Report this comment
October 19th, 2008 at 12:48 am
YMA dam reng rawh se!
Report this comment
October 19th, 2008 at 7:06 am
@19 Congress candidate tur I tih te khi sub hqrs YMA inthlanah khan Congress hian lo support nita se J Zorema hi MNF khan support ni bawk se or group hnih a inchuh lo ntts sela or Vanlalredma Rokhum or Ruatkima etc te hian CYMA ah lineup te siam vanga tuna MLA candidate tura an sawm chhan te nita se Heng political party te hi YMA a politik lalut tu an ni mai dawn lawm ni. @27 YMA politik platform a kan YMA hotuten an hman hian CYMA Or branch hlutna a tichhia ang. Kohran Upa thlan thleng a nghawng ngei ang. Serchhip Gen YMA coneference ah an dem leh dem loh I thlir ang
Report this comment
October 19th, 2008 at 7:22 am
Ram leh khawtlang rawngbawl nan a ke la pen ngai miah lo;in thlan dawn hnaih a MLA nih chak ve ringawt ai chuan; YMA ah te MZP ah te lo in hmang thin, theihtawp a ram tan a tha leh tui lo seng thin te hian ram kai hruai sela chu kan zia deuh mai awm mange tih te ka ngaih tuah mai mai.mahse an awm na pawl huang hi chhuahsan phawt sela.
Report this comment
October 19th, 2008 at 7:22 am
@zorunpui Kan ram economy hi lo tha se YMA chuan tihtur leh hmalak tur thar non political issue nei zel sela. Mi inpe zo volunteer te kaihruaitu awm zel se tlawmngaihna pawh la vawng nung zel ila Social issue fight tu pawh ni zel se kan va ti em.
YMA HI POLITIK TEL LO IN DAM RENG SE
Report this comment
December 16th, 2011 at 4:05 am
YMA…..Ka ni.
Mahse YMA hminga midang tanpuitu nih aia tanpui ngaia siamtu ho an tam ta lutuk hian YMA hi awm tawh lo se min tih tir.
CYMA office a Taliban style a thuneihna zawng zawng inpechawpa mahni mihringpui an NGHAISAK dan leh hruaitu pawh ni lo, awmawl ho leh putar rilru hmanlai fe fe, mahni kum upat phu lova tawngkam chhia chhakchhuak ho an awm reng saw chuan a pawi thui ang.
Meng la, i hmu ve em em ang.
Minunrawng leh hawizim ho lalna hmun ani ringawt. Ka hmu a, ka hria a, midang sawi ani lo.
Thenkhat saw chuan kutpalh an la tuar khawp ang.
Report this comment