Hmanni khan Mizo tawng hman dik leh dik loh chungchang ka rawn ziak tawha rin aiin kan tuipui viau a a lawmawm ka ti hle. Tun tumah chuan a hman dan dik leh dik loh lampang sawi lovin mizo tawng danglam bikna ka’n sawi ve thung teh ang.
A thupui atang ringawt pawh hian buaipui tham ani nghal der mai. Zo tawng danglam bik riauna nge, zotawng danglam riau bikna nge, zotawng danglam riauna bik nge, zotawng danglam bikna riau – hriatthiam a har nghal tlat.
A danglamna nasa tak leh tiharsatu; mahse, tifiahtu ni bawk si, ziah ngaihna awm mang lova siamtu chu a “thluk†hi ani. Zotawng hian thluk chi hrang hrang paruk a nei a, chu’ng zinga pali chu a ri sei a ni a, pahnih chu ri tawi ani. Heng thlukte hian ziah a tiharsa mai pawh ni lovin a ziah hleihtheih meuh lo a ni.
Tin, lehlamah chuan a thluk hian Zotawng hi a tifiah em em bawk a,sawi tel loh pawha a hriat nghal theih thin entirna han siam ila :
1) “I bulah a awm kha†tih mai chu kawhhmuhna satliah a ni.
2) Thluk sei ri sang hmanga “I bulah a awm kha…†tih chu kawhhmuhna pawh ani chiah tawh lova, a hmu lo chu a mak a ti tih a tilang deuh ani.
3) Thluk sei ri er hmanga “I bulah a awm kha…†tih chu, “A awm ngei kha,engatinge i hmuh loh?†emaw “Engatinge a awm tak loh?†tihna lam a ni tawh.
Uarna atan pawh a thluk hi a pawimawh khawp mai.
1) “Saw tah†tih mai hi chu a hla fahran lo.
2) “Saw …tah†han tih chaun ahla deuh.
3) “Saw……tah†han tih ngat phei chuan hla tak a ni. Kan hrethiam tlang ang chu maw..
Spelling in ang reng si, a thluk a danglam avanga awmze hrang daih nei mizo tawngah hian a tam em em bawk :
1)Â ‘Sial a rawl’ kan tih chuan sial chu amah chauhin ramhnuaiah a awm bo daih tihna ani. ‘Pu Liana a rawl’ kan tih ve thung erawh chuan ramhnuaia a awm bo thu a kawk lo reng reng, a tihrawl a na threm thrum tihna daih ani leh hlauh si.
2)Â Kan ke-in engemaw kan han zem a, ka kherh kan ti. Mahse tlangval tam tak chuan an khawih phak loh leh an hmuh phak loha nula te an kherh fo lehthung si.
Tawngkau chheh dan pawh hi harsa tak a ni :-
Khuai pakhatin pangang a that a :-
Pangang khuai thah nge?
Khuai thah pangang nge?
Khuai pangang thah..?
Chhiar tute ngaihtuah zawm atan. Duhtawk phawt ang,a sei lutuk palh ange, chhiartu te’n kan hlut viau chuan nidangah a dang kan la chhunzawm leh dawn nia.
Similar Posts:
- Mizo tawng kan hman dan hi..
- Mizo tawng thluk dik
- ‘Zu’ tih thumal hi kan hrechiang em?
- Tawng Chungchanga Chhim leh Hmar
- A hua kan awm lovang chu maw!
hairehai
January 7th, 2009 at 1:29 pm
Han ti zel teh u, ka vei zawng tak a ni. Kei pawhin ka la rawn post ve ang.
[Report abuse]
January 7th, 2009 at 1:50 pm
Thil reng reng hi a danglam bik riauna sawi tur chuan a compare pui tur dang kha kan hriat chian hle a ngai a ni. Mizo tawng danglam biak riauna leh tha bik riaua kan hriat ang chi tam tak hi tawngdang hmang ten an nei ve a, an mother tongue a nih avangin anmahni theuhah chuan a fiah a, an tan chuan a hlu vek a ni. Hindi-a ‘Lal’ tih te, English-a ‘Red’ te hi a awmzia hre tho mah ila, mizo tawng ngeia ‘Sen’ han tih hian kan rilruah a chiang ber a, a sen bik tlat a ni. Hei hian a entir chu kan pianpui tawng hian thil tam tak hi a fuh bik thin a ni.
A danglam bik riauna hi sawi a har a, a subject hi ka duh dan chuan ‘Mizotawng danglam bik riaute’ tih ni zawk se. Kan sawi fo, tawng danga awm ve lem lo double adverb hote hi example pein insawi chhawk hlawm ila. Emaw, word or sentence, a malkhai a keimahnia thatna riau nei leh mizotawng ti hlutu thenkhatte tarlang ila, tha zawkin a nuam awm zawk mange te ka ti mai mai a.
Engpawhnise, Mizotawng hi a danglam bik a, a danglang bik riau em? tih erawh sawi a harsa. He thu confident deuha chhang tur chuan tawng chi hrang hrang 10 tal hnehsawh takin thiam nal ila, a zia deuh ka ring.
Han ti tliar tliar ula, (tliar tliar te hi dang lam riau..) ka rawn ti ve leh ang.
[Report abuse]
January 7th, 2009 at 2:10 pm
Kan tawng hi hnam dang lakah a zahpuiawm lo mai ni lovin a chhuanawm ka ti thin – hla thu-ah ngat phei chuan. Amaherawhchu, mahni pianpui tawng changkansana hnam dang tawng kan leklam ta lutuk erawh hi chu a manganthlak thin ngawt mai. Mizo leh Mizo inkarah chuan a theih chin chinah kan Zotawng ngei mai hi hmang thei hram ila ka ti thin. Tunlai thangtharten mahni tawng kan thiam ta lo lutuk mai te hi hnam boral turte rahbi a ni tih kan inhrilh hriat fo a pawimawhin ka hria.
Mahni pianpui tawng thiam lo kan tam tak em emna chhan nia ka ngaihte chu :
1. Chanchinbu : Journalism lama pen khat pawh la pen ngai reng reng lo ten, a hlawk nia kan hriat avangin thian tha tu tute emaw sawmin chanchinbu fahrah te te kan han tichhuak ve thla zen a. Heng chanchinbu-ahte hian tawng tihhausakna lam aiin tawng hman dik loh inzirtirna a tam em em a ni. Chanchinbu enkawltu, ‘zualko’ leh ‘leiko’ pawh hre hrang lo, ‘vak chhuak’ leh ‘chhuakvak’ te hman pawlh vel mai mai ka hre teuh.
2. Bible : ‘Bible-a ziah dan a ni,’ tia tawng zirna bu ni awm hrima kan Pathian lehkhabu kan chhuah hi thil tha lo tak niin ka hria. Chanchinbu enkawltute leh sikul zirlai bu buatsaihtute zingah pawh grammar bu ang maia Bible ‘ring tlut’-tute tam tak an awm. Bible-ah hian tawngkam hman dik loh, lehlin dik lo, punctuation dik lo hi a ther ve fer fur tih hriat a tha.
3. Visual Media : Cable TV-te hi nasa taka mi hruai sual thei leh kawng dik kawhhmuh thei an ni. A enkawltu/neitu-ahte sawiselna awm lo mah se, a khawl buaipuitu (engineer/technician)-te avangin a sawisel hlawh takin a awm thei. Tawng leh punctuation lam uluk ber tura ngaih Zonet-ah pawh hian tawngkam bungraw hman dik loh hriat tur a awm zauh zauh va, chhiar tura an text display-ah phei chuan awmze bo thak khawpa punctuation hman dik loh a awm fo. Cable TV dangah phei chuan tam tak a ni.
4. ‘Mi tih dan alawm’ : ‘Mi tih dan alawm; chumi pawh chuan ti hian a ti,’ tia mi tih dan ringawt entawna khawsa hi tam tak kan awm bawk.
5. ‘It’s my style’ : Aizawla chanchinbu lar tak pakhat editor chuan, “Chanchinbu ka siam tirh ata tawh hetiang hlir hian ka ziak a, a dik lohna ka hre lo,” tiin ama duh dan danin kan Zo tawng hi zuk suasam a mawle! “Sap tawnga ‘what’ tih chu thumal pakhat a nih avangin ‘eng nge’ tih pawh hi a inzawmin (engnge or enge tiin) ziah tur a ni…” te chu a la ti ta deuh deuh va!
Sawi tur a tam hle mai. Grammar (Tawng zirna bu) hi keu peih ila, kawm peih ila, khal peih ila kan ziaawm ka ring. Bul lawka grammar bu a awm reng laia Bible tih fo mai hi i sim ang u.
[Report abuse]
January 7th, 2009 at 2:18 pm
Hnam dang tawng thiam ka nei tlem hle a, mizo tawng danglamna pakhat nia ka hriat chu ‘double adverb’ kan nei tha hi a ni. Hei hian kan sawi tum chu chiang takin a tarlang nghal bawk.
e.g. Chaw a ei ‘bawrh bawrh’ kan tih chuan riltam takin chaw a ei tihna lam a kawk nghal deuh. Tin kan tawng hi a thluk (tonic) in awmzia a nei tlat hi hnamdang tana a harsatna tur a ni ang.
Hman deuhah ka thian pa Mizorama awm ngai lo chuan, ” Mizorama kan huanah chuan Phuihnam te pawh kan vulh” a ti a. A nuihzat thlak ang reng.
[Report abuse]
January 7th, 2009 at 2:29 pm
A Danglam bikna( a danglamna bik) chu ka rawn post a mi ang hian a spelling leh a thluk in ang reng si-a a awmze hrang daih hi ani. Hetiang hi sap tawngah hian hmuh tur leh hriat tur avang khawpin ka hria(ka hriat sual loh chuan).
Tin,kan hman dik loh tlanglawn tak pakhat chu chhiatni thatni-a aiawha lawmthu sawi tur pakhatin “chumi khami chungah chuan lawmthu sawi kan ba nasa hle a” tih hi ni. “lawmthu kan sawi a” emaw “kan lawm em em a” emaw ti mai se a dik ni mai tur. Lawmthu sawi kan ba a tih chuan lawmthu a la sawi lova a bat thu a sawi ringawt tihna ania, hun dangah a hranpa-in lawmthu kha a hrilh a rinawm tawh chuang si lova.
[Report abuse]
January 7th, 2009 at 2:42 pm
Thumal pakhat mak deuh, sipel ngai renga awmze nei tam deuh chu ‘Lei’ hi a ni awm e.. 1) Lei = Earth 2) Lei = Tongue 3) Lei = Bridge..etc.. a la tam mai.. chhunzawm ila..
Khi thu chhu tur khian ngaihtuah mang lovin ka chhu tan a, tlar khatna khi thi hian kan chhu phawt a.. ‘Word pakhat mak deuh Spelling ngai renga meaning nei tam deuh chu…’ tiin, ka tum leh ngaihtuah lawk pawh ni miah loving english thumal 3 lai a lo tel hman. Hei hian a entir nia lang chu kan duh leh tum reng vangte ni lo hian kan nunphungin a kentel tlat tawh avangin tawng dang hi kan hmang tel teuh tawh a ni. Tawngah hi chu insawisel fo chi ni pawhin ka hre tawh lo, mahse ziakah tal hian fimkhur ta ila, ka la tifan mai. Tum hram chuan Mizo thu hlang deuh thaw hian (pure kan tih leh tep chu ! ) a tih theih a ni.
Ka ngaihpawimawh em em pakhat leh.. SMS inthawn dan hi. Kan naupang ho hian an han chhu maksak thei em em khawp a. A lamtawi hlir hian an sawi duh an chhu zo vek tih theih a ni. A thatna lai a awm ngei ang. Mahse, uar lutuk loh tha ka ti mange. Tih laklawh chuan SMS atan chauh nilo, thil dangah pawh kan la hman hun a la awm anga, upa deuh ho hian thalai ho thuziah chhiar har kan ti fu ang tih hi ka hlau lawk fu mai nia mawle!!
[Report abuse]
January 7th, 2009 at 2:52 pm
Kan thu hman a zirin kan thil sawi kha a fiah deuh nghal mai thin
Eg :
1 ) Saw ta saw lal-pi-blackmagicwoman i a lo kal zan zan mai kan tih chuan ‘ zan zan ‘ khian lal-pi-blackmagigwoman-i pianphung chu a sawifiah tel nghal deuh thei a
2 ) Lal-pu-h-vangchhia an, Pu Jf-a te fapa sai ar talh a puah ‘ suah suah ‘ mai !
3) lal-pi-amanda-i chass saw ta saw alo kal terh terh mai
A pa len vak hmel loh ! A chiang nghal mai ! 
4) Aryan a’n Kangaroo soup a hawp kuang kuang mai
Heng bakah hian, a hmel per pur chu, a chhe bem bum tih ang chite hi hnamdang tam takin an tawnga an neih ve loh ani hmel! Tangkai taka ni !
[Report abuse]
January 7th, 2009 at 3:32 pm
Mizo tawng zir lam kan tui hmel bawk a, tunhma a kan lo sawiho hi , a paih tan leh tangkai pui an awm takin ka rawn dah e.
https://misual.life/2008/09/05/mizo-class/#comments
https://misual.life/2008/07/07/mizo-tawng-hi-engber-nge-dik-ang/#comments
https://misual.life/2008/09/20/mizo-leh-mizo-tawng/#comments
https://misual.life/2008/09/28/mizo-tawng-tih-hausak/#comments
https://misual.life/2008/09/27/mizo-tawng-diklo-nge-a-hausakna-zawk/#comments
https://misual.life/2008/10/23/mizo-tawng-hmasawn-nan-leh-hnam-ro-tling/#comments
[Report abuse]
January 7th, 2009 at 4:08 pm
SMS tawng uluk loh hi chu a pawi thei tih Japan hovah khian a lang. Lamtawi leh tawng awlsam SMS an uar lutuk avangin an tawng dik a tlakhniam phah an ti…
Bible tawng dik teh nana hman tih hi chu a awm ve thovin ka hria. Kan mizo literature ah hian Bible hi tawng dik thei ang bera lehlin/ziah publish hmasa kha a ni miauva. Chanchinbu etc leh lehkhabu dangte chu awm ve bawk mahse Bible anga uluk leh ngunthluka beih hi a awm lawk lo atin lawm. Grammar lamah dik famkim lem bik lo mahse innghahna tlak deuh ber chu a niin ka ring.
[Report abuse]
January 7th, 2009 at 5:51 pm
Ka sawi fo tawh ,Mizo tawng hi ka thiam ber e chu ka ti lo,mahse Misual.com a ka hmuh zin em em,kan hman dik loh chu, A leh E leh I awm ho na entir nan;Hmangaih,tlaivar,ngeih,paih,ekhai.. etc ah te hian A leh E hi kan hman pawlh fo,ka hmuhzin em vanga sawi ka ni.
Hei,tunah pawh Chepa chuan “a peih tan”tihturah”a paih tan” a tih leh tak hi.Ka hmuh apiangin ka sawi ziah dawn,hei kher hi chu a dang nen a inang lo tlat.A dikzawk tih hrereng chung hian hman than tawh lutuk vang a ni thei.In thu thu.
[Report abuse]
January 7th, 2009 at 6:01 pm
taia-pa kei pawh ka lo ngaimawh ve thin khawp mai, eg Bai=Bei, kan= kang, paih=peih, hmangaih=hmangeih, tlaivar- tleivar.
@LVK ka sas chu sangtha zeihzawih asin i chen lovang
[Report abuse]
January 7th, 2009 at 6:08 pm
@taia-pa, ka lawm e. I sawi ang hian kan lo tisual ngun laklawh tawh a,rilruah a dik leh dik lo lam kha a lo awm lo nen, kan lo hman than ang kha ka loziak leh mai thin ni in ka hria.
[Report abuse]
January 7th, 2009 at 6:16 pm
A tawp bera a sawi”Khuai pakhatin Pangang a that a;-” tihah khian á¹awngkau chhehdan harsa ka hre ve lo a,a hnua zawhna a rawn siam khi ka hrethiam lo.Khi sentence (thuhlawm?)khi chuan khuai pakhatin pangang a thah thu hriatthiam harsa miah lovin a sawifiah nghal in ka hria.Nge a harsa lutuk a,a ziaktu sawi tum ka man lo zawk?
A manhla e.
[Report abuse]
January 7th, 2009 at 6:21 pm
@KK:Punctuation zirna atan kher chuan Bible aia tha hi Mizo tawng lehkhabu a awmin ka hre lo ve tlat. A tha zawk a awm chuan min lo hrilh hram teh.Tin,Bible a punctuation dik lo rawn lakchhuah tur i hriat phei chuan ka lawm khawp ang. Kan thupuiah chuan; Pu Viking rawn sawi, double adverb hian kan tawng hi a tidanglam bik khawp mai. E khai!,Aw!, aaa!, eee! tih velte a tidanglam ka ti.Kan thluk dan a zirin a awmzia a danglam tlat zel.Kan la sawi zel ang chu.
[Report abuse]
January 7th, 2009 at 6:32 pm
Bible hi a grammer zawng chuan a dik leh dik loh ka lo chik ve ngai lemlo,an thu hmandan erawh a dikin mawi ka ti khawp mai.Double Adverb leh thu uar nana kan thluk vak zel hi chu a danglam khawp mai.
Tin,mizo á¹awng zawng zawnga ka duh ber mai chu”ka tihna” tih hi ani.Hei hian kan tawng a tidanglam ve hrim hrim bawk.Mizo te min á¹awngsual tir thei lotu a ni.Thil sawisual mah ila,”ka tihna” kan tih tawh chuan a dik thlap tawh mai ani.
[Report abuse]
January 7th, 2009 at 6:41 pm
What a lovely sky…!!!!!
what= Enge
lovely=mawi,duhawm
sky=van
Mizo tawng tluang pangai chuan “Van chu ava mawi em..” tihna daih ani..
Mathematically in, what=enge=em
what=em
A mak khawp mai,mizo tawng hi chu mak ve deuh mai alo ni mawle..:-)
[Report abuse]
January 7th, 2009 at 6:45 pm
Pa ho lo-ah an riak a, ni tam tak a riah hnuah In lam an haw a, an lo ri ten “Kha khawi lam nge?” an han ti a, “In lamah CHHAKKHAI KA VA DAP TENG!” an tih tak hi a fuh ka ti ve khawp mai, a ruk in a ril tlat.
Tin,”Hang(sa a hang)” hi sap leh kawl ho te hian a hranpa in an nei loin ka hria.
[Report abuse]
January 7th, 2009 at 6:45 pm
Cour hian a hawng zau ta sa sa, kei pawh a thupuiah hian ka buai nghal der mai. ‘na’ belhna tutah hian ka buai. ‘Danglam, bik, riau’ hengah te hian ‘na’ kan belh chuan a awmzia chu kan hre thiam vek tho ang, mahse gramar lam atrangin a khawiber khi nge dik ka hre ta lo a ni, a dik vek pawh a ni maithei bawk(a hria ten an la rawn sawi turah ngai ang)
Gramar -ah hian ka pachhe ve khawp maia a thiam te cho chhuah nan;
mizo tawngah chuan verb ah emaw adjective ah emaw ‘na’ kan belh chuan abstract noun kan siam thei a. Tuna kan thupuiah hian a chunga thumal pathum kan sawiah te khian ‘na’ kan belh paw’n a dik tho mai si a, part of speech-ah eng nge an nih ve (adjective vek niin ka hre ve ngawt a)
Hetiang hian ‘na’ belhin noun-ah han siam dawn chhin ila:-
Danglam- Danglamna (hei chu ka hre thiam)
Bik-Bikna
[Report abuse]
January 7th, 2009 at 6:56 pm
chuan, ka la sawi zo hman lo…
Bik – Bikna (a dik leh dik loh ka hre lo, thil special lam a kawk)
Riau- Riauna ( hei pawh ka bo map)
Han sawi ve chhin teh u
Riau tih hi a ril riau in ka hre ta mai
[Report abuse]
January 7th, 2009 at 7:09 pm
Danglam bik riauna=danglamna riau bik chu=a danglam riau bikna chu=a danglam bikna riau chu.A dik thei vekin zu han hre tlat a.
[Report abuse]
January 7th, 2009 at 7:38 pm
Tawng dang aia Mizo tawng a danglam bik riauna chu Mizo tawng anih vang
lal-pi-amanda, alo nih zawk tak chu maw le, ka lo hre sual der a ni zawh zawh tak chu 
[Report abuse]
January 7th, 2009 at 8:24 pm
‘Danglam, bik, riau’ #18 a mi khi . . .
Adverbs leh adjectives hian forms danglam bik riau, “degrees of comparison” (inbuk tawnna tiin kan letling dawn nge ni) an huam tel deuh fo in ka hria.
Sap tawng a examples: “She chose a brighter red color than her friend” (Comparative).
She chose the darkest brown he could get hold of in her neigborhood (Superlative). Chutiang zul deuh zawng chuan a chung a mi te khi thumal te te a lak in han hrilhfiah dawn ta ila,
“danglam” thumal ringawt anih chuan adjective a ni ang a,
“danglamna” kan tih chuan noun (or abstract noun).
“ber” – comparative, “bik” – superlative
riau – adverb
danglam bik riauna – superlative phrase or abstract noun
[niai nuai a!] a ni thei ang em? (my feeble attempt). Mizo tawng hausak zia hi chikngun poh leh ka lawm (appreciative) tulh tulh a ni.
[Report abuse]
January 7th, 2009 at 8:27 pm
she could get hold of tih zawk tur, s ka type hmalh.
[Report abuse]
January 7th, 2009 at 8:50 pm
@Viking, ”Aryan a’n Kangaroo soup a hawp kuang kuang mai”, i tih tak khian Aryan chu riltram deuhva thil ei, tui tih hmel deuh, rang taka fian lian deuhva a hawp a nih duh hmel
( thak ti deuhvin a si deuh hlup hlup tel maithei bawk!)
[Report abuse]
January 7th, 2009 at 9:04 pm
Mizo tawng danglamna pakhat chu kan trawng muang em em mai hi a ni(kemah tiamin
) Trawng rang deuh deuh chu eng emaw zat chu awm mahse a nawlpui hi chu kan trawng muang a ni. TV interview ah te hian kan trawng boh boh thrin a hei hi chu thra lo ka ti, trawng ran hi a zir theih em, hun hman inchen rau rauah kan in sawi tam hleih thei em a sin. Mizo anga trawng muang boh boh hi hnam dang an awm ve em?
[Report abuse]
January 7th, 2009 at 9:23 pm
tripplestar, kan music pawhin “tum boh boh” a ti tlat mai a, tihngaihna vak a awm lo a ni
[Report abuse]
January 7th, 2009 at 9:27 pm
kan trawng hi hnam dang hian an hriat hian, ” zai ( sing) in ang” an ti thrin. kan thluk deuh delh² emaw ni dawn le!
[Report abuse]
January 7th, 2009 at 9:33 pm
@ V-a, Tawi fel khawp mai
@ bmw, Kan trawng thluk neih vang hi a niang hnam dang hian har an tih thrin, tlem a an thluk fuh loh deuh khan an pai a ni zel mai si a, tin chubakah mizo hian hnamdang mizo trawnga kan biak hian a betu keimahni hi kan trawng pai nghal ngawt zel a, hnam dang tan chuan han pai loh ngaihna a awm lo bawk a ni
[Report abuse]
January 7th, 2009 at 9:40 pm
triplestar, ni e tiraw. ‘na na na’ tih hi lawm cial ka lo tih ve em em chu. Ho te si, mi hauh hrep nan a trangkai deuh si. ‘na naaaaaa na’ han tih phei hi chuan insulting deuhin thil a sawi theih!!
[Report abuse]
January 7th, 2009 at 9:51 pm
@bmw, nia, inhauh nikhua te hian ‘na na na na na na’ ti ringawt hian inhau thei ila, mi huat thu te hi kan sawi tlem deuh tur a nia, Israel leh Hamas ho pawh hi “na na na” ti ringawt hian indo se thi an tlem ngawt ang
[Report abuse]
January 7th, 2009 at 10:28 pm
Tawng muang, tawng rang chung chang Tripplestar in a sawi takah chuan, hei hian ngaihtuahna a tithui thei viau. Computer pawh a muan leh a ran a zirin a memory/processor a chak leh chak lo tihna a lo nih si chuan . . . chu mi logic chu lo hmang ta ila, rang tak taka tawng thin ho hi tawng muang churh mi ai chuan an rilru a chak zawk (better IQ?) tihna a ni thei ang em? Mahse Mizo tawng muang tak tak te pawhin khawvel mite nen thluak lamah “na na na” (here we go again na na na na na . . .) chuan rual kan ban zo ve viau a ang lawi si a!
Kan thluak hi computer chip aiin Pathianin a duang chipchiar/famkim tih erawh chu hai rual a ni lo. Mahse kan thluak a Pathian meuhin processor chip a lo dah pawh hi sual a kan lo tluk a chinah a danglam zo ta. Kan lo tar deuh a, natna in min tlakbuak a, zuk leh hmuam chin tha lo avang te’n, balance nutrition ei loh lutuk a zir te’n, inthlahchhawn thil (genetic disposition) avang te’n, eng eng emaw kan thluak timuang, tichak emaw tichhe tu hi a lo tam ve viau a. Mi a lo “tar A ta” (senility) kan tih hian thluak a cell processor dinhmun a kawk a, chutiang bawkin Alzheimer natna te pawh.
I ngaihdan han sawi teh: A tlangpui thu in “tawng rang” hnam te hi “tawng muang” hnam te aiin an IQ a tha bik in i ring em?
[Report abuse]
January 7th, 2009 at 10:46 pm
bmw: thianten min hrilh dan chuan Mizo tawng ah hian thluk nga vel a awm a, Vietnamese ah hian thluk 7 vel an ti tlat ( an sawi dan chiah ka zawt lo thung). Mi sawi ka hriat mai ania, titi phung pangai ah…ka zawh belh chhin chi hauh lovang…ka hriat belh lo. Amaherawh chu Mizo tawng hi thluk nei tam pawl tak ah ka hriat chin ah chuan a nih ka ring hrim hrim thung. Thluk awm diah duah tawng dang a vang em mai…. double adverb neih vang te pawh hian engemaw chen chu a hril ang chu.!!!
[Report abuse]
January 7th, 2009 at 10:47 pm
Vaiin mizo tawng an pai dan te in rawn sawi tel bawka tlem-a-zawng ka’n sawi ve teh ang. Kan awmna-ah hian vaipa,mizo tawng thiam ve ang reng tak hi a awma vawi khat chu kan titi ho na-ah tawng uarna kan hman thin hi a lo hre ve a “London-ah phei chuan” tih a rawn tuma “London pheiah chuan” a rawn ti daih mai a a bul hnaia awm tan chuan a nuihzatthlak duh angreng khawp mai. Engemaw chang hian a thingpui in no hi an lo hman saka sil loh hian an lo dah thrin a “Ka no in hmanga in su leh leh ngai si lova” a ti thrin,sil aia su a rawn hmang daih pawh hi nuihzatthlak duh khawp mai. Voi khat pawh tamil pa nen an lo insuala a hmelah a lo hnek ani awm e
[Report abuse]
January 7th, 2009 at 11:31 pm
Lamrik hriat sual hi a pawi, theater pakhatah pawh thutna an inchan lo va; ‘fight’ tiin an insual phah a; hnuai lama miten ‘fire’ tiin an lo hriat avangin chhuah inchuhin exit-ah minute khat chhung lekin mi 103 an thi ta mai tih ka chhiar tawh a.
Nia, Mizo tawng hi a danglam asin… ‘holy night’ tih awmzia pawh ‘lai takin,’ tihna a ni a; ‘it is well, it is well,’ tih pawh ‘a pawi lo, a pawi lo,’ tihna ani bawk a. ‘Acceptable year of the LORD’ tih pawh ‘LALPA lungawi kum,’ tihna a ni lehzel a … sawi tur a tam lutuk!
Computer chungchangah chuan Random Access Memory (RAM) hmang hmasa ber nia ka hriat chu Abrahama leh a fapa Isaak-a te kha niin ka hria!
Mizote hi kan tawng muang vek lo, Kali Mandir (Aizawl Canteen Square)-a inkahna a awm chiam lai khan tukkhat chu pa pakhat zing leng haweng hian a fate hnenah, “Baw’ru, baw’ru …” a ti a; ralkhatah silai a ri kang kang mai si a. Hlauthawng takin an chhuatah an bawk sap sap mai a. Muangchangin an pa ber chuan, ” ‘Bawk ru ka ti hlei nem; bawkbawn rawh rawh u, ka ti a nih kha!’ ” a ti a lo ni zawk awm asin!
Double adverb-ah chuan a ber kan ni chuang lo, ‘verily, verily …’; ‘amen, amen …’ ti ve hnam hi Tiau kan kan thlak hma pawhin an lo awm daih tawh! Lai-ho pawh thu uar nana rei tak an han thluk vawng vawngte hi kan tawng tihausatu a ni mai! A dik dapa kan inhnial bang thei lo pawh hi kan tawng tihausatu a la ni lehzel!
Punctuation an han ti dek dek a; thiam inti leh dik intite pawh an la inhnial bar bar chauh, common-a hman tlan tur hi chu dap a hun tawh; AXIOM ang hrim leh a DEFINITION han pe thlap thlap tur phei chuan chatuana inhnialna a htleng tho tho dawn.
Mizoram Publication Board Expert-ten chhuah tlaka an ngaih, an han chhuah meuh pawhin, mistakes hi ka hmu hnem lutuk thin a, hnamdang ka thianhote phei chuan, “I va thai rang nasa ve, Mizoram-ah chuan CROSSWORD PUZZLES Bu in va chhuah uar awm ve,” min ti. A bu-a an chhuah diam tawhah “Galley proof-reading” lak a la ngai zel mai khi chu …tawng a hausa (‘mawh’ ni lovin) … MUANG khawp ang.
[Report abuse]
January 8th, 2009 at 12:38 am
Trawng a hausa mawh tih hi a diklohna ka hre lo.
[Report abuse]
January 8th, 2009 at 7:38 am
Tawng muang leh muang lo chu, ka hmuh ve dan chuan Mizoram Mizote hi Khawchhak lam aiin an tawng muangin ka hria. Achhan nia ka rin chu Presbyterian kohhran an tam bera, an upa hote hi thu an puan hian muangban chap a inti kulmuk deuh a thu puan/sawi hi an intihhmuh a mipuite pawn an zir ve niin ka hria. Khawchak lamah pawh Presbyterian kohhran upa ho chu muang ban chap a, inti kulmuk deuh a thu puan/sawi an ching a, an tawng pawh a muang duh tlangpui.
Khawvel tawng zingah chuan Tamil ho hi tawng rang ber a an sawi a nia. Rang lutuk a tawngpawh ngaithlak a nuam chuang lova, muang lutuk a tawng pawh ngaihthlak a hreawm a, tawng ran leh muan hun hi hria ila a awm tawk choh a tawng hi tha berin ka hria.
[Report abuse]
January 8th, 2009 at 10:34 am
Chepa, Mizorama Presbyterian awm hma daih khan kan pi pute kha an lo tawng muang tawh. Hmanlai pi pute khan tawng muang leh thluk fan kual raiha thu sawi kha mi tawngkam thiam leh ti ti thiam an lo tih thin chu an ni chawk. Kan naupan lai thleng khan khun khan deuhva thiam taka an ti ti chuan an tawng pur pur ngai lo. hei hi kan culture ah a inphum anih hmel. Tin hmanlai kan pi pute khan thil ti thawt thawt hi an ngaithei vak ho. ‘Khauphar thawven’ tih tawngkam pawh hi mi ti thawt thawt sawina a ni.
Hmanlaia tawngkam an fimhurna ver hun inneih palaiah hian chu chu a fiah ber. Palai ho tawng sual tum lo tawngkam chhehchhuah dan chu mawi tak ani. Fan reih rawihih hawihhawmleh mi pawisawi hlau takin, lehlamah chuan ngenngawwl thiam tak siin an sawi dap dap thin. Kha kha mizo pi pute tawngkamah chuan a class sang ber a ni hial ang chu.
Nia kan tawng muang hi chu hnamdang tawng zir hian min ti munag tu ani tehmeuh mai. Rang leh fiah tha thova tawng kan zir hi a ngaiin ka hria.
[Report abuse]
January 8th, 2009 at 10:56 am
Tawng muan leh ran thuah chuan kan sawi tawh ang khan kan tawng hi thluk nei, a thluk (tonic) in awmzia a neih miau avangin rang taka tawng hi a harsa ve a, kan tawng ran viau chuan a fiah duh lo lehnghal.
Hmanlai deuh ngaihtuah chuan tunlai thangthar te hi chu kan tawng rang (speed) ve hret tawhin kan hria.
Tamil tawng te chu a rik hian a ri rawk rawk mai a, bottle chhunga marble dah a, thin vak hi ang ka ti ber.
[Report abuse]
January 8th, 2009 at 1:12 pm
@kimas, comment-36 tlar hnuhnung ber hi en la: “Tawng ran leh muan hun hi hria ila, a awm tawk choh a tawng hi tha berin ka hria.” ka tih khi.
paila kalte,lawmthusawite & hmangaih biahthu inhlan ang chi te chu dak zawt2na chi a ni lo tih chu tupawn ka hria ang chu. Tin, tawng ran leh muan thu kan sawi lai a,”thil ti thawt thawt, khaupharthawnven” i rawnsawi hi enge a inkungkaihna ni le? Ka hriat phak ve chinah chuan fiamthu thiam leh titi thiam reng2 chu tawng muang cherhchurh an ni ngailo mahse, tawng ran, muan & thluk hun erawh hre tak an ni zel. Kan Mizo zing a fiamthu thiam milarte hi han en la tawngmuang cherhchurh an ni mang loin ka hria.
I sawi pawh anihna chen a awm ngei ang. Ka sawi pawh hi thil ni ve thei tho a nia. Tin, ukchhuak lutuka thusawi dawn & thupuan dawn a inlak kulmuk vak leh inlak thutak lutuk a muang fan leh lutuk a thu an sawi/puang hi chu ka lo ipik tlat. Tin, inkhawmna a thupuanang chite hi chu hun chep tak kar a paun a nia, felfai taka tluangtlam taka puan mai hi ka ngaihdanah chuan tha ka ti a, Inkhawmna hi lemchannan kan hmang nasa lutuk hi kei tha ka ti hoh lo.
Pakhat leh lawk: “Thatchhia arbawm khai.” tih hi patling pui pui pawh hian ahman hun an hre loin ka hria.Miremhre takin thil mi ai tam remchak tak an khai a, thloh leh tihchhia miahlo tur a an khai ang chi hi chu kei chuan,”remhre arbawm khai” ka ti thin a, heng ang chi pawh hi mithenkhat chuan”I thatche arbawm khai a ni maw?” an ti a, thatchhe arbawm khaiin a akawh tum nen a inmilh loin ka hre tlat.
[Report abuse]
January 8th, 2009 at 2:34 pm
Kan tuipui tlang hle mai maw. Hei hi pu Ben-a hian hlawkpui ber se ka ti!!!!!!
Ka chhiar chhuak vek lo naa Comment 39 zinga no.3 chiah hi tawng dik (ka ngaihdanah) ka hmuh chhun a ni!!!
[Report abuse]
January 8th, 2009 at 11:07 pm
Chepa, ka sawi khi hmanlai mizo pi leh pute chungchang a ni e. Khauphar thawven tih hi chetzia ringawt a ni lo, tawng a keng tel bawk… Mi ti phawr phawr tihna. Ngawi rengin a tih phawr phawr theih loh tlat a.
Kan pi leh pute hun lai khan tawng rang deuh hian nuih an hlawh duh chawk aniang kan hriat ve phak chinah pawh a la ni tho. Fiamthu thawhnan tawng rang taka sawi an ching reng a ni. Mizo pa duhtawka an ti ti in hmanlai chuan rang takin an tawng zung zugn ngailo niin a lang. Tawng ran hian kan mizo tawng mawina (a tone)dik tak a lam kim hman kher lohvang. Mahse kan tawng pawh a rang ve tawlh tawlh a, tawng muang aiin rang lam hi a lar telh telh anih hmel.
[Report abuse]
January 8th, 2009 at 11:13 pm
Leh lawk, thatchhe arbawm khai hi rem hriat leh hriat loh lam ani lova, kal nawn sek peih loh vanga vawikhata tih tawk lam a ni a. Duham taka kal nawn sek pumpelh nana ti vak sawina a ni. Remhre tak pawh nise nawn sek pumpelh nana khai bawr luai anih chuan thatchhe arbawm khai chu a ni tho ang chu maw le.
[Report abuse]
January 8th, 2009 at 11:19 pm
Thatchhe tak chunga arbawm khai peih hi an la taima khawp chuan a lang. “Thatchhe chaw heh,” tih hi Tirhkoh Paula tawngkam a ni.
[Report abuse]
January 8th, 2009 at 11:38 pm
Thatche arbawm khai-in a sawitum chu kal nawn sek peihloh vang a rem leh remlo a, hnuk deuh hrawih hrawih , thloh deuh pheng phung a thil khai hi kawk a. Tun ka sawi remhre aibawm khai chu an thatchhian vang nilovin a awlsam zawk leh hunkhawhral tlem si thil tam tak thiar hman bawk si a felfai taka ti hi a nia.
I ngaihdan ang a ni chuan miremhrehoin mipangngaite ai a hun hmang tlem zawk si a thil tamtak awlsam zawk a khai/phur thei ang chi reng reng chu
“Thatche arbawm khia” i ti vek mai dawn tihna a nimaw? miremhre deuh chu thatchiaah i chhuah vek dawn tihna a ni maw? I nih leh i han thawktu atan ka sawi ang “Remhre arbawm khai”(Nangin thatche arbawm khia i tih tho ang chi) ang a khaithiam nge i duh a? A awlsam zawng leh a rem zawk ngaihtuah miah lo a tlemte te a khai/thiar/phur thintu?
[Report abuse]
January 9th, 2009 at 12:01 am
Chepa, ka sawi dan khi ngun takin en la, i hrethiam lutuk ang. Remhria a remhriatna lam aiin a motif zawk kha ani pawimawh chu. A tawng tobul atanga en hian a fiah mai. Remhriatna lam sawitel a ni lem lo. Fel taka bawr leh buai nuaiha bawr lam thliarhran ani lo alawm. Zawh hma duh vanga bei vak sawina mai a ni. Thlauh phung kher lovin a thatchhe arbawm khai vak theih tho. Kha kha chu a titu fel leh fel lohvah a innghat ang chu.
I chhui dan khi chu a tawng tobulin a sawi loh lam a nih hmel khawp mai. Thatchhe arbawm khaia ti vak apiang hi mithatchhia anni tihna lam a ni lo. Mi taima tak pawhin a thatchhe arbawm khai thei tho. A mihringa mize lam ni lovin a thiltih dan method leh a motif lam kha ani zawkin a hriat.
[Report abuse]
January 13th, 2009 at 5:14 am
Midangin an comment naah an soi tawh nge tawh lo chu ka hre lo.. a thui hlom em a, chhiar ka peih lo deuh…
Ka ngaih ve dan chuan, Mizo tawngah hian a thluk avanga meaning hrang daih thei hi a danglam na pakhat ani.. for example:
Ban : a thluk danglam danin a meaning om thei te chu :
– arm
– pillar
– sticky
– to reach
– to fire someone from a job, etc
… and so on…
[Report abuse]
January 13th, 2009 at 5:17 am
BTW… hemi avang chiah hian alom mizo lovin mizo tawng thiam tak tak hi a har.. Mizo tawng bak hi a PAI theih emawni le te ka ti hial a.. Burmese te, vai ho te etc etc te hian mizo tawng an PAI nachhan chu hei hi ani.. a thluk an hre thiam lo…
vai tawng te, english ah te hian PAI hi a om thei lo, mahse lam nalh loh hi chu a om, mahse kan PAI chuang lo.. hmmm…
[Report abuse]
February 18th, 2009 at 11:36 am
mizo nih hi ati nuam asin.tin lal tih vai trawnga ‘lal’ tih hi hmanlai urdu leh sanskritah te poh kan lal hman nan hian an hmang ve thin tho ani.tin mizo tawng hi a mawiin a nalh ve thlotin a har thokhat hle ani.
[Report abuse]