Kan veng awmna hi Aizawl tlaklamah Dawrpui hnuai ani deuh ber mai e. Veng tlabirh viau e ti lo chuan kan veng hi zuk laili zek lawia. Kan veng kawn atrang hian ropeway phei chu awm sela reilo teah Civil hospital te chu kan thleng thei mai ang.
Kan veng ah hian Vaitlang tih hi a awma, an sawi dan chuan Bristish hoin Surveyor (Tlangsam kan pi leh pu ten an lo tih mai) ho labour ho kha helai hmunah hian an dah. Kelsa an duh hle maia Lal Chhinga Veng (Lal Singh tuna Babu tlang Basket ball Court awmna vel) atrang hian kel an tawlh thla thrin. Chuvang chuan helai kan veng hmun hi Keltawlh Veng hming a lo pu ta ani an ti.
(click pics for larger size)
Kan Veng hi tlabirh hle mahse kan ep chiah ah hian Green Belt hmuh tur a awm :!: A chhan chu Assam Rifles ho thing tuah tur lakna hmun atana Bawrhsapin (Britisher) a hman hawh tir. Tunhma chuan a ngaw khup thrin. Ramparva thang te kan kam, sava an tam thei khawp mai. Tunah erawh a chereu ta hle mai. Kan veng leh he Green Belt hi Tuikual luiin min daidang. Tunah chuan New Capital Complex nen kawngpui zau takin kan inzawm ta der, veng tlabirh tak kha veng laili kan nih phah ta.
Kan Veng hi Dawrpui tlaklam ah a awma, damdawiin thli leh Bazar sumdawng ho bawlhlawh paih zawng zawng Zarkawt, Jail hlui leh Bazar Bungkawn atranga kawrpui intran atrangin thli tenawm tak tak a rawn luangthla thrin. Thawk khat lai phei kha chu kan veng mithi nei zing lutuk kha, Damdawiin thli tuikhur kan tlan vang aniang ti pawl an awm hial.
Kan Veng hi thingtlang atranga pemkhawm veng kan nia. Aizawl-ah hian rambuai hnu a pem thar hi 75% chu kan nih tawh ka ringa. Pa fel tak tak leh remhre tak tak te thrahnemngaihna avangin kan veng hi a lo nuam ta hle mai nia. Kan Veng ang veng tlabirh ve tak tak a aia mawng awm tawh chuang lo atrang pawh hian, kan ram riangte hi kan hmangaih ve viau tho ania.
Similar Posts:
- CM in Dawrpui Veng a lo tiam em?
- Sailam Bengkhuaia Khua
- Dawrpuiin Demand Day hmang dawn
- Ngaihawm Zoram
- Thlir mai mai ila…
October 20th, 2009 at 7:02 am
A hnuai ber khi va nalh ve! Colour khi fuh hle mai…
Report this comment
October 20th, 2009 at 8:07 am
Hetiang ka thlir hian lung a leng zual thin!
Report this comment
October 20th, 2009 at 8:50 am
Keltawlh veng. Beng a var leh ta sawt mai. Ni e, a hnuai ber pic khi a nalh hle a ni. Chawhnu ruahsur hnu lawk, ni chhuak lehsi laivel a lak a ni lo maw??
Report this comment
October 20th, 2009 at 9:00 am
in veng hming Keltawlh tih bak i sawi si lo a, chutiang chuan ngai ta ila a, hman chu thuhran ni se a mihring chengte tanrualna avangin tunah chuan veng ropui tak, thawm nei tha thei tak a ni e, in vanglai hle mai.
@HV, pic hnuhnung ber khi khalama i thiante en tir la mak an ti viau lawng maw? kham panga building rit pui2 bei fur mai te hi chu a hmu ngai lo tan chuan a hmuhnom dangdai ve thei tlats.
Report this comment
October 20th, 2009 at 9:16 am
As Khi, Ka entir fo alawm hetiang pic hi chu. Mawi an ti thei vawng vawng khawp mai.
Report this comment
October 20th, 2009 at 9:36 am
A mawi hle mai. Biak In atanga New Capital Complex inkar kawngpui a zau a, mahse Biak In chhaklam kawngpui a zim deuh a ni.
Report this comment
October 20th, 2009 at 9:52 am
in veng chu kan veng ni lo na in,nuam k ti in k lo ngai ve vawng2 thin sin, lang lo liam atangin hmangaihte len na chu thlir hian alang silo ti in..hi..hi
Report this comment
October 20th, 2009 at 10:18 am
In thlang lamah veng dang a tam tawh em mai. Tun hmaa veng tlabirh ni thin kha tunah chuan vengchhak/vengsang in ni daih tawh a lawm.
Report this comment
October 20th, 2009 at 10:27 am
The other side o’ Keltawlh Veng.
Ruah tham loh Pic, taken just now from my Veranda. Shot with N95. Then compressed image for easier uploading.
Ka seilenna veng a nih hi. A nuam ve mai mai teh a nia. mzvision te in chu Biak In hmalama thingbuk phenah hian kan thukru daih!
https://img14.imageshack.us/img14/8977/keltawlh.jpg
Report this comment
October 20th, 2009 at 10:57 am
Kan veng hi Zarkawt atranga kawrpui lokal leh Jail hlui (Millenium Bldg) liam atranga kawrpui lokal karcheh ah a awm.Veng lu lamah Zarkawt leh Dawrpui te riin Hmar lamah Dawrpui Vengthar, chhim lamah Tuikual a ri thung.
Zarkawt kawrpui hian Vaivakawn field atranga hnar nei Chhingapa Lui nen Tuikual lui ah an infinkhawm. Jail hlui bul atrang kawrpui chhuk zel hian RM High School hnuaiah Tuikual lui a fin. Tuikual lui luangthla zel kamah hian chhungkaw tam tak an cheng a bak zawng hi Thlanmual ram ani thung.
Kan veng thlanmual a thingphun pawh a hmuhnawm ve ta khups mai.Tuktin YMA-pa kan tih mai hian a phiatfai ziah peih nia :!: Faina kawngah pawh hian kan veng thlitu hi trawp viau mahse, phiatfai reng peih, kawr trawp thian a midang phut lova ti peih kan nei reng, chung zingah chuan kohran upa te pawh an tel.
Ka veng loleng te hi chuan faina kawnga kan tran tlan nasat zia an hmu ngei ang, hma kan sawn zel dawn.Kan vengah hian Primary leh Midlle School 2 ve ve English Medium School thratak 2 bawk leh High School te pawh a awm. YMA hall thra ve tak kan neia, chumi hnuaiah chuan Bazar intodelh tak, veng dang te pawh an rawn bazar ve na kan nei. Hall hnuaiah hian Gym thuam famkim, intihcher ka tumna hmun pawh a awm, tunlai ka kal khat deuh.
Kan vengah hian Presbyterian Biakin 2, Baptist 1, Zomi Baptist 1 UPC NE leh Mz 1 ve ve 7 Day 1, Salvation 1 avaiin 8 lai a awm. veng khata biakin tamna ber ani maithei.
Pic # 3 hi hmelchhe len hun vela ka lak ani, a dang 2 te khi chu chawlhni chawhnu inkhawm lo tithtur hre lovin ka lak ani.
Report this comment
October 20th, 2009 at 11:06 am
PASSWORD PROTECTED: mzvision te in chu Biak In hmalama thingbuk phenah hian kan thukru daih kan tih kha. Kan thuhruk dan Techno. hi software thar, mi(sual).com product thar a ni a. A ck khawp mai. Password hre lo chuan mzvision In hi in en mai mai thei lovang. Mahse, he software hi chu 2020 velah release a nih hmel.
See: Password Protected
https://img9.imageshack.us/img9/6643/keltawlhii.jpg
Report this comment
October 20th, 2009 at 11:07 am
Presbyterian biakin 2!!! veng(VC leh YMA tihvel) indang lovin kohran chauh a indang tihna mi.?
Report this comment
October 20th, 2009 at 11:08 am
Lung i ti leng e, Keltawlh vengah Primary Sikul kan kal a, Midumbuk ah Middle sikul
Report this comment
October 20th, 2009 at 11:08 am
Pic 1 & 2-a vanrang chhum khi a nalh ka tih zawng tak a ni. Pic 3 hian Veng Tlabirh i tih hi a finfiah deuh emaw ni chu aw, ka ti.
Zoram_Genesis’ pic pawh a mawi hle mai.
Report this comment
October 20th, 2009 at 11:54 am
Vawiin chu eng ti zai zia nge a ‘lem’ a lang thei hauh lo mai, ka thiam a tawp der. Mahse a ‘tak’ a ka hmuh fo thin a nia, a pawi lo ve.Lung i ti leng hle mai, kan naupan lai chuan Keltawlh tih hlir khan kan sawi thin tak a, mahse naupan lai chuan a veng thenawm mai ni mah ila, hla tak ni khan kan lo hre thin a, kan leng ngai lem lo. Nia Assam Rifles ram hi chu Forest Dept pawh in ‘City Lung’ atan develope te pawh an tum thin, mahse huan ah an nei a, an lo hal leh thin vang in thing a thi zel. Tunah a zia awm tan ta e.
Report this comment
October 20th, 2009 at 11:57 am
@funny – i ring dik nge ka tih dawn i hre dik
Vai Biakin pawh a awm. Puja lai chuan an ri beng beng thrin, tunhma deuh te kha chuan an bati chhit te hi eng ve thrat zel. An pem darh bakah kan chiah hneh ta em ani.
Kan veng a school awm hmasa ber chu Gari Gaun Vai Primary school daih asin :!: 1892 vel khan Kumpinu labour chhawr, Surveyor team puitu ho a tam ber Gurkhali ho an dahkhawmna a ni. Tlangsamin an va thangbo char char, lo hawng leh kha, kan vengah hian an hahchawl thrin ani. Chung labour ho threnkhat te chu awmngheh phalna pek an ni Kumpinu sawrkarin.
McDonald Hill ah hian Kumpinu vailian kha an inbeng bela. Chumi te bela inhlawh duh ho kha Lalchhinga Veng tiin Zarkawt tlangah khian awmhmun an khuar bawk. Heta awm hmasa ho pawh hi Vai an tam avangin Bengali School pawh din ani reng ani.
Mizoram Survey hi 1911 khan official-a publish ani ta nghe nghe. Kan Veng awm hmasa te hi chu Indopui zawh lama Aizawl belh hlawk hre hmasa ho in, Vai hnaih hreh lovin, in leh lo an din tran.
@hltau Midumbuk hi Porter ho awmna ani, an awm rei hle. Rangvamual leh kan Veng midumbuk vel hi Porter ho awmna hmunpui ani thrin reng ani.
Report this comment
October 20th, 2009 at 12:11 pm
Vaitlang,Keltawlh Veng han tih takah chuan khua leh veng hming put chhan hi a ho thei viau awm e.Hmanlai pi leh pute nau hming an sakte pawh kha a mak thei viau.Lal hming sak dal lo turin an lo sa thin kha a nia. Tunlaiah pawh hian khua leh veng hming thlakte pawh a awm ta nual a. Sorkar lamah hian Naming Authority hi an awmin ka hria a,eng deptt ber hi nge maw ni le, hria kan awm em? LAD lam hi Dist. level-ah hian niawm tak an nih lai hian anmahni lam hian an nih leh nih loh hi an chiang bawk si lo.
Report this comment
October 20th, 2009 at 12:16 pm
Pu mzvision: kan veng ah rau rau pawh kan in awmna pawh hi a location chu a chhuanawmloh khawpmai
mahse seilenna leh awmna hmun nghet hi chu nuam kan ti ve zel zawng anih hi.
ka naupan laia ka primary sikul kalna phei chu lui atanga meter 30 vel lek ah ania, chawlhlawk lai tehian tui kan cheng thin mawle. ngaihawm ve tho mai khan hunlai tekha.
Report this comment
October 20th, 2009 at 12:18 pm
muantea, Mizoram khua leh veng hming hi an lo phuah thiam ka ti zawk. US hi a mak phuahtu an tlachham nge mawni dawn ni, mak thei tak a ni. Burning Bush Street tih te, Beautiful man Court tih te, Lebanon Pensylvania tih vel hairehai
Report this comment
October 20th, 2009 at 12:18 pm
Image ka upload ve thei tlat lo. Dinthar veng hi Football thiam veng tiin an sawi thin. Ram pum huap Pawl (FMGE, YMA etc.) hruaitu pawh an awmin ka hria.
August thla khan Vaitlang (Gurkhali tlang) an tih ah mitthi kan ral. Helai tlang hi Vaiho awm thinna tlang a ni awm e. Pu Semu-a an tia mi te..
Report this comment
October 20th, 2009 at 12:22 pm
Mizoramah hian khaw hming leh veng hming thlak a awm ta nual mai. Khatla Veng te pawh hi kan naupan lai chuan Hmeichhe Veng/Vai hmeichhe Veng kan ti thin.
Report this comment
October 20th, 2009 at 12:41 pm
sillyBoy: football an thiam hlawm chuan, thildang tih thrulh a inkhel, eizawnna tur khawp ema thiam leh silo an awmve treuh dawn chu. kan vengah pawh hian an tam asin.
Report this comment
October 20th, 2009 at 1:08 pm
Refugee veng, Tuitu veng tih te hi electric veng hming hmasa niin ka hria ka hriat sual loh chuan, Mirawng veng tih kha veng hmingah chuan a turu berin ka hria.. hman deuh kha chuan keltawlh veng tih khan an lawm lo thrin khawp mai mole.
Report this comment
October 20th, 2009 at 1:13 pm
Venghlui tih saw veng hming mak pawl tak niin ka hria, a hlui tawh em vangin Venghlui an ti ta ngawt em mo ni dawn le!!
Report this comment
October 20th, 2009 at 1:35 pm
funny, thil awm thei a sin. Tlai tin boot nena field lama inkhai chhuak ve ziah, mahse tipuitling leh tak tak lo infiammi/ footballer hi mizo zingah hlui tam fe daih an awm ka ring
In vengte chu an tam vak dawn em ni? Police khela-ah an lut jeih mai a lawm. Hairehai
Report this comment
October 20th, 2009 at 2:29 pm
A nalh hlawm ve a,i thiam tulh tulh mai,bakah a lak hun ni awm dan vel hi thlan uluk a ngai a,feeling nei raih thla lak i rawn chhawp chhuak a nih hi :!:
Vai Sikul kawtah hian pathum leh pathumin hockey ah VBC hmingin cup kan la ve ngat tawh..
Report this comment
October 20th, 2009 at 2:49 pm
Kan naupan lai khan Vengkeltil, Vengtlabirh,tih angreng kha kan duhlo thin khawp mai. Veng mawng deuh kha deuhsawh nan kan hmang thin a. An thin a rim ve thin raps.
Report this comment
October 20th, 2009 at 3:46 pm
Zoram_Genesis & mzvision te veng lo ni reng a. Lung in va tileng ve. Kum 30 dawn lai a liam ta, tlai lam regu-na. Dinthar veng khan an nei tur thei teh a nia. Mahse, mzvision soi ang khian an khawtlang hruaitute an fakawm. Tunah chuan hmuh tur a vang toh khop ang.
Report this comment
October 20th, 2009 at 4:25 pm
Kan Veng tun ang dinhmun thleng tur hian an hming sawisen loh mi inpe leh thrahnemngai tak tak an awm, chungte chuan – KNSP, JAC tih ang te leh Kohran leh YMA hmalakna in veng nuam takah an chhuah ta anih hi. In threnawm khawven kawng leh chiatni thratni te hlei hlei hian kan veng chu kan inlungrual.
Kum 34 chu kan awm tling ani ve ta der maia, Dawrpui Vengthar VC leh YMA leh Kohran atranga indang kha tunah chuan in 1000 inchhal ve thei veng a lo nita. Chhungkua ang zawng phei chuan 1000 a pelh fe ka ring.
Keltawlh tih hming hi thlak duhna rilru a lo pian hian, hming thar tur an rawt nual zingah Dinthar tih hi Pi Rohmingliani (RIP) in a rawta thra tih a hlawh hle a a pu hlen ta ani.
Kan Veng Canteen Kual atrangin
https://img196.imageshack.us/im.....554213.jpg
Report this comment
October 20th, 2009 at 4:28 pm
Mobile charger 2-pin hi ka wall socket ah saftey lock awm sia ka ning lutuk, 3-pin multi plug leipahin Canteen kual atranga kan veng mawng lam leh veng threnawm te in lo en ve mai mai ah
https://img30.imageshack.us/img30/1937/13696249.jpg
Report this comment
October 20th, 2009 at 4:44 pm
@ mzvision: A kua chungberah khan pen a maw hawlh lut la a in hawng mai ang.
Report this comment
October 20th, 2009 at 4:59 pm
Phone Complain pah leh bill pek pahin Mizo Idol top 5 ami Desy Khawhai chhas ka tawng – thla kan laksak keuh kha mi(sual)aiawhin. As Khiangte chuan a awih phal lo maithei
https://img199.imageshack.us/img199/5021/20awc.jpg
Report this comment
October 20th, 2009 at 5:25 pm
@Smitten
nia pen ka hawlh luhna pawh a rang ruai tawh. mahse pen han hmuh mai loh te hian … buai-an-thlak ve duh rura
Report this comment
October 20th, 2009 at 5:33 pm
@ mzvision: Thildang pawn hawlh la, mahse current a kal leh kalloh kha tulthirin hawlh chhin phot la….
Report this comment
October 20th, 2009 at 5:40 pm
@Mzvision – ngawiteh, Desi hi ka pa thianpa pa Dengkhuma tunu a nia, kan la in hnaih khup asin.hehe
Report this comment
October 20th, 2009 at 5:46 pm
@pu mz, a kaw chung ber a lut tur pin kha tan keuh la, a mil vek toh mai ang!
Report this comment
October 20th, 2009 at 5:51 pm
@Smitten
min ti nui misual zinga tel awm reng i ni
Report this comment
October 20th, 2009 at 5:53 pm
Pu mz, electric hi chu i engineer na a ni lo a i problem hi ka hriat thiam pui che.
Report this comment
October 20th, 2009 at 6:00 pm
Pu mzvision: i nula thlalak ron post chu ka coment chak khermai, mahse rokhawlhna avangin ka coment lo mai teh ang, ngamloh nei kanni sia. Hairehai
Report this comment
October 20th, 2009 at 11:19 pm
@mzvision, in vengah hian thrianpa ka nei, a lar rura bon top!!!! Rotluanga aka Mapuia
Vaitlang Sap in nei elo? he he he, an soi huai huai thrin!!!! pheikhawk hnuai bun chhah thei deuh, sam rang deuh thrin kha,
Report this comment
October 20th, 2009 at 11:29 pm
Dinthar veng chu Rotluanga hian tihpui re re ah min tihlim thrin khups mai. Vaitlang sap i tih chu ka man lo mahse rin ka nei
Report this comment
October 21st, 2009 at 8:28 am
Keltawlh Veng (Dinthar) ah hian u Saliana ruiin nihliap a phuahchawp pui khawp mai.
Ruah a sur nasa si, a huh zo dawn takngial… Dinthar ho inrinni bawng talh tur an thlun chu a thlunna phelh in a hnuai ah a kun lut ta a. A bawng thlunna kha a mawng lam atangin a ke inkar ah ala lut, bawng mei nen chuan. Tuikual lam tichuan apan chho alawm. Bawng mei a herh khan, a kal chak deuh sawt zel e a ti e an tih kha.
Tuikual “C” mualah mi inhnuai zu dawr te reuh te ah hian bawng huh zawr tak nen chuan an lut dun ta a, (bawng chu kawngkhar ah alenchian loh vangin a nawr lut lui). Zu in ho ruah nghah han tum ti ti mur mur chu an reh ta thap mai. A mah an en ha hlawm mai a. U Saliana chuan, bawng chu a kawk va mai a, “roast chiah ila,” a ti
Report this comment
October 21st, 2009 at 8:34 am
HV, lolzzz, hre thring triah2
Report this comment
October 21st, 2009 at 8:47 am
@pu mzvision: I nula post te chu a chhiat loh hia!!!.. LOL , A tal tal hi, nula pic in nei thra a vala lu a hei tih hla, Zorock sak te a ngaihawm a lawmle.
Report this comment
October 21st, 2009 at 9:59 am
Nia tar ho pawh hian, luangno tho an melh an lo ti mathlawn lovin, tleirawl kum 16 mi lek Cl X zirlai zaithiam si thla kan la keuh anih kha, in awmna ram lama nalh deuh ho inpho chhuak duh si lova
Report this comment
October 21st, 2009 at 10:25 am
dinthar veng lung a va leng ve ka lehkha zir ve laiin thingtlang atang dinthar ah hian in kan luah a,ka tlangnel ve hman khawp asin,Swimming pool(Ar farm) a hnai a,school chawlh ni apiang in kan zu cheng thin.Tuikual naupang ho nen kan inngeih loh thin zia kha aww…dawrpui vengthar lam nen kha chuan kan in tithei fu lawi si.
Report this comment
October 21st, 2009 at 11:59 am
@mzvision :Desi thlalak chu save keuh teh ang, i phal em ang chu. As khiangte lah in sawi luh tum hmel hle leh nghal.
Report this comment