Mizo thalai te zinga 70s 80s chho vel a lar lutuk mai thin Cowboy phawirang Suddena bu, leh Cowboy bu Dollar series te leh novel ngaihnawm lutuk mai The Count Of Monte Cristo tih vel thiam lutuk mai leh ngainawm tak mai a Mizofa te tana Mizo tawnga lo let thin tu Pu Lalsangliana Kulikawn chu vawin January ni 28, 2013 hian Kulikawn thlanmualah vui liam a ni ta.
Pu Lalsangliana ni Dr H.K. Thanglura(L)leh Pi D.C. Kimi(L) te inkarah an fa 6 zinga a 3na ni in 29th December 1934 khan Durtlang damdawiinah a lo piang a. A mah hi lehkha thiamthei tak ni in St Edmunds College Shillong atangin BA a passed chhuak a. Kum 1958-59 khan Govt.Mizo High School ah zirtirtu hna te thawk in hemi hnu hian eizawnna dang dap in motor workshop te a siam a. 1958 khan a nupui Pi Varhmingliani(L), Rev Dr Vanlalnghaka farnu hen innei in fa 7 an nei a. Amah hi khawtlanga mi inhmang tak mai ni in Kulikawn veng chhungah YMA leh VDP lamah te hruaitu nihna lo chelh reng thin ni in halpuah hal khap rawt chhuak a ti hlawhtling tute zing ami a ni.
Pu Lalsangliana hi thuziak lamah te tui in Saptawng lehkhabu hrang hrang 50 chuang a letling a. Cowboy bu Sudden-a Chanchin te, Dollar series ho te phei chu a hunlai chuan Aizawl tlangval tamtakin phawirang ve turah an lo inngaih phah ve hial thin in Count of Monte Cristo a leh te pawh a tluka lehkhabu lar a aem bik chuanglo a ni. Amah hi pa thu thiam tak anih avangin a thu ziak te chhiar an nuam em em thin a ni. Tin amah hi kan Mizo musical band hmasa Sensiari Boys dinchhuak tute zing ami ni in acordian a tum ve thin a, music lam ngaina tak a ni bawk a ni.
Pu Lalsangliana hi hrisellohna hrang hrangin a tlakbuak a, 1954 khan Dibrugarh Hospital ah a kal lehlam paih a ni a, 1984 atang khan zunthlum natna in a tlakbuak leh a, chutah 2004 khan Heart Attack a nei leh a, Escort Heart Centre ah heart bypass an nei a, hemi hnu hian natna dang dang vangin vawi 4 lai zai a tawk leh a, chutah a chuapa tui tling hmuhchhuah leh ni in vawi 10 zet an siak sak hnuah January ni 27, 2013 zan dar8 vel khan amah ui em em tu a chhungte leh Kulikawn vengchhung mipui te chu nat leh hrehawm awm tawhlohna hmun Chatuan chawlhna hmun min lo pan san ta a ni.
Pu Lalsangliana hi Facebook lam leh chanchinbu lam a kan thuziak mi kan Mizo mithiam Pu Hriata Chhangte nupui Pi Lalhlimpuii pa a ni. Tin Pu Lalsangliana hi Sports and Youth Services hnuai a Adventure Wing a Organizer Pu. Vanlalruata(Pu. Ruattea) Adventure Sport lama inhmang tawh phawt ina a hming kan hriat lar em em pa hi a ni bawk.
Kulikawn mipui in kan ui takzet a ni.
Similar Posts:
- Wanted: Cowboy, Dead OR Alive
- Churachandpur ah Mizo tlangval sawisa hlum
- Hmeichhe naupang thattu police in man. Amah ngei a in puang.
- Kit Carson
- Aizawl/Mizoram/Mizo thil thenkhat!
February 2nd, 2013 at 12:02 pm
#50, Rawn a tum tih engtin nge I lo hriat theih zawk a? Mi rilru I van hre thei em em! A dictionary thuhmahruai kha chhiar ula mi a rawn tum chu khatih hunlaia sap tawng thiam bera an sawi Pu Sangliana leh Mizo tawng thiam bera an sawi Pu Vankhama te kha an ni. Pu Sangliana hi chu amah pawhin sap tawnga buaina ka tawh apianga ka rawn ngam a ti hial. I awih loh chuan old English usage-a infinitive hmaa ‘for to’ an belh thin leh thin loh chungchanga a chian ngam loh tuma Pu Sangliana a rawnna pawh ka rawn ti lang tel ang. Pu Sangliana nen hian tunge English thiam zawk che u tia an zawh pawhin ani JF-a chuan ,”Pu Sangliana’n BA (hons) English-ah leh nghal a zir zawh khan kei chuan St Placid’s High School-ah zirna ka tan dawn ek ek chauh a, keiin matric pawh ka pass loh laiin ani chuan BA a pass a, ani chuan rual kawm aiin lehkhabu kawm nuam a tih laiin kei zu hrut vel mai mai thin hian engtin nge Pu Sangliana chu ka tluk ang ni?” tiin a chhang thla thin. I awih loh chuan a love letter bu te kha lo bih ve teh khai. Pu Lalsangliana zawk I sawi hi chuan JF-a khan lehkha a zir tan lai khan BA a la pass pha lo hrim hrim. Tu pa zu khawn chang lo dawt sawi ni awm tak hi phulpui hlut thin teh suh u.. hairehai (hehe)
Report this comment