Mizoram a awm khat deuh hi chuan KTP General Conference hi kum 2 danah an lo nei tawh tih pawh kan lo hre hleinem. Hmanni ka Aizawl rawn haw khan ka lenna ah a kal ve tur ten an sawi a ka hre ve chiah. Phai a lehkha zirtur a Mizoram ka chhuahsan hma kha chuan KTP ah hi chuan ka inkhawm ve zak zak thin a mahse Gen Conference ah hian ka la kal ngai miah lova tichuan phai a han awm char char takah chuan kalna chance kha ka nei ta ngai miah lova tunah hian kal chakna riau ka nei thar leh ta.
Theih chuan kum 40 tlin hma in kal ngei chu ka tum. Tun kum hian Mamit in a thleng ve dawn a. March 4-7 hian Conference hi neih a ni dawn. Misual.com member kal tur in awm em aw? Kal tur in awm a nih chuan an official website a kalturte mamawh tur an rawn tarlan hi han chhiar ve reng reng teh u . (Point 4-na hi a pawimawh khawp mai 
)
1. Mamit khua hi khawdungsei tak mai a ni a, Pandal sakna hmun hi khaw tawntirh lam deuh a ni a, Pandal atanga Counter hla ber Counter No 18 (Mangkhawngdai field) hi Km – 4 vel a ni a. Counter No 15 chin hnunglam ho tan chuan Motor a inkhawm a ngaidawn tih kha hriatlawk a tha ang.
2. Mamit khua hi Luipui kar cheh a awm anih avangin Malaria a hlauhawm a, thosilen tha tawk tak i rawn keng dawn nia, tin khua a vawh tawh lem loh a vangin mutbu kha chu duham lutuk angai lo mai thei.
3. Mamit khua ah hian hmasawnna kawng chaktak in a kal mek a, chung zing ah chuan kawnglaih zau hna thawh mek a ni a, chuvang chuan hmun thenkhat chu a khu viau mai thei, thawmhnaw fai nena inkhawm duh tan chuan in hrukfaina emaw han in vuakfai thuak thuak na tur chi ken a sual lo mai thei bawk.
4. Mikhual neitam deuh chhung kua chuan inthiarna a in daih dawnloh avangin Mizo ekin kan siam chawp mek a,khawpui nula leh tlangval tan chuan hman pawh a harsa mai thei, mahse Lal Isua nen engkim a ropui kan tih thin kha.
5.Tui lama kan harsatna sutkian ni a, inthlahrun lutuk angai lovang
6. Mamit khua hi Mikhual (Palai) thleng turin kan in huam thui em em a, theihtawp kan chhuah mek a ni, tunlai ah thalai ten hmangchang kan hriat tawh em kha, thenkhat chu Conference lo kal fo tawh kan nih kha, chuvang chuan tunhma a kan lo tih dan tawh ang thin khan thlenin te chhawk zangkhai theih na tur thil ei leh bar ah emaw kan hum tel thin kha i la vawng nung reng ang u.(He thil hi chu mimal thahnem ngaihna a ni e, admin)
7.Counter 13 atanga hmar lam ah hian Airtel hi duhthusama tha niin, Pandal leh a bul vel ah chuan Aircel,BSNL,Reliance a that thung avangin, i inring lawk thiam mai dawn nia
- https://www.ktp2010mamit.org/
Pandal sak lai – (Hei hi chu Shailendra/Xaia/Benjamina lak ni awm tak ani)
Pandal
Pics via KTP Mamit Website Gallery (Click pics for larger size)
Similar Posts:
- KTP Gen. Conference Pandal sak hna tan
- Lo Kal Ve La?
- YMA General Conference ka chhim ve a
- YMA General Comference hmanna tur Pandal chu
- Tun kum YMA General Conference Pandal chu Kingfisher thlawhna a ang khawp mai
March 1st, 2010 at 9:44 am
Zemabawk field-a CKTP Conference Inrinni chhun ka inkhawm ve kha ka CKTP Confe kal ve chhun chu a la ni hrih a, kei pawh riaklut meuha kal hi vawi1 tal chu ka la tum viau a ni.
Report this comment
March 1st, 2010 at 10:07 am
Ni e ti rawh u kal a chak awm khawp mai….KTP.TKP.etc in khawmpui hi CYMA conf ai in a khawi lam lam ah poh an na sa zawk fe an ti a sin….a tiah zan ah phei chuan khawi lai lai ah emaw te hian eng eng emaw te hi chhar tur a awm nualzel an ti…………..tak tak e maw??????
Report this comment
March 1st, 2010 at 10:10 am
lehlang in kal thaks teng tuntum chu :lol:
Report this comment
March 1st, 2010 at 10:24 am
kei pawh @Zephenath iangin zemabawk ah khan ka kal ve a,kha bak chu ka kal leh ta lo reng reng, hman tak leh langa zuk chhim ve tur ni. Airtel leh BSNL ken kawp a ngai ni maw,hahaha.Tha khawp mai a an inthiarna ruahman dan chu.
Report this comment
March 1st, 2010 at 10:54 am
#2 spa jongte. tiang te chu a awmve bawk ang chu, mithianghlim lawr ala ni hleinem. (smiley k dah thiamlo). KTP leh YMA conf kal kawp la i hrethiam mai ang. atawp zanah pandal pawnah awmla. mahse a sual ai chuan afel an tam ziah hi maw. ala lawmawmah ngai ang
Report this comment
March 1st, 2010 at 11:18 am
KTP lam chuan comment a va hlawh nep deuh ve!
KTP conference chu ka kal chak, Mamit erawh ka kal chak lutuk hran lo. NOI
Report this comment
March 1st, 2010 at 11:23 am
@lianchhiar: an la hman hrih hlawmlo nih hi :lol: Funny te ho an rawn hman anga Zemabawk field a conference an kal chanchin vel kha a sawi tur a rawn ngah leh viau mai ang :lol:
Report this comment
March 1st, 2010 at 11:51 am
Kal ve ka lo rilruk viau laiin ka hman leh dawn ta si lo a. Mamit ah hian thla 2 chuang, 2008 khan ka awm tawh a, kal leh ka duh tho. KTP gen conf, Kolasib, 96 kha a nuam ka ti.
Report this comment
March 1st, 2010 at 12:13 pm
Pandal chhungah hian Wifi internet a awm a ngem?
Report this comment
March 1st, 2010 at 12:21 pm
A tumkhatna atan kal ve ngei ka tum a. Ka phur khawp mai. Mahse, khawthlang lam hian ka lung chu a len vaklo a. Chhim lam nise ka phur lehzual ngawt ang.
Report this comment
March 1st, 2010 at 12:30 pm
Sunday zingah chhuak in lehlang a kal kan tum ve a, thian za ho in,Misual ho awm inlo awm ve a ngem aw :lol: lungen hnem tur in :lol:
Report this comment
March 1st, 2010 at 12:53 pm
Buhfai KG5 leh Dal Kg 1 theuh pai turin ka order a che u. Chaw in heh hmel hiam huam sia, thingtlang khua Mamit a mi rethei ve tak tak ten harsa taka thlantla zawih zawih a an thawh chhuah a tanga an lei ve trawk trawk nghathu rawt te kha ei duak duak loh tur ania.
Report this comment
March 1st, 2010 at 12:57 pm
Mamit kal ho tan a ka thuchah ve:
1/ Mamit khaw hming put chhan rawn hre teh u.mit chu ka hria,enge MA tih lai hi? :lol:
2/ Mamit ka kal hmasak ber chuan Ngawpui chhungah kawngpui a kal si a,sava hram mawi leh ngawpui dur chhura rual thing lian pui pui khan ka lung min len ta a le,motor tidingin ngaw chhungah minit 15 vel ka va vak kual maw le!.Ramngaw nawmna leh hlutna rawn paw chhuak vek teh u.
3/ Thil thar a tha lam rawn hawn vek ru-nun thar,lam style thar,chhass thar pawh pawi lo! :lol:
Report this comment
March 1st, 2010 at 1:00 pm
#13, i thuchah No.3 na khi ka target :lol:
Report this comment
March 1st, 2010 at 3:13 pm
2002/03 khan Republic Venga conference ah khan ka kal ve ngei tawh, a nuam ve mai mai. Aizawl pawnah erawh ka la kal lo, kal ve chu a chakawm.
Report this comment
March 1st, 2010 at 3:32 pm
Aryan sawi khi a tha khawpmai, chhungkaw khat in mikhual 10 te an thleng thin ania, thlenin te tan chuan phurrit a tling takzet. vawikhat chu zemabawk ah khan tlaiah chaw ka ei ve a, ka inthlahrung zawk tak tak ani. hawihawm takin min sawm chu ni bawk mahse an in sen nasat tur zia a hriat mai.
Report this comment
March 1st, 2010 at 5:53 pm
Spajongte..khatiang lampang kha chu dahthra hrih ta ila t ro.anih loh chuan a ho zo vek ang..i sawi langzuai a,tok teh se..kati ve ngot a..Mahni lamah hlawkna neitum ranin..thinlung kawngkhar te hawngin in hmang dawn lawmni?
Report this comment
March 1st, 2010 at 7:32 pm
Kal ve turin ka senior tawh si, thalaite u, kal vek turin ka fuih a che u, in inchhir loh ka beisei!
Report this comment
March 1st, 2010 at 9:11 pm
Kan Branch an zai dawn, kei erawh ka zirlai avangin ka kal ve thei dawn ta lo a ang hle. 2004 Vaivakawn, 2006 Lungdar East kha nuam ta ti. 2008Bilkhawtlhir pawh ka kal tawh lo. Kal tur zawng zawngte duhsakna sang ber ka hlan a che u.
Report this comment
March 1st, 2010 at 11:22 pm
Pandal chu mawi khoops turu hmel bawk, Manchester City rawng khoops.
KTP khawmpui chu tel ve hma hma in ka kum a over jeih. Mamit mikhual thusawi chu – Mamit khua in kan thleng dawna; kohran dang zawng zawng pawh hnatlangah leh theih ang angin kan telve vek a ti. A ropui ka ti hle mai.
Report this comment
March 1st, 2010 at 11:30 pm
#13
Heihi mobile-a misual te tan kan paste ange Mamit khaw hming pian dan hemi https://www.ktp2010mamit.org/in.....;Itemid=53 atranga lak -
Mamit khaw hming put chhan :
Mamit khaw hming phuah chhan hi sawi dan hrang hrang a awm a, a dik ber hriat a har khawp mai. Thawnthu nena inzawm deuhva sawi pawh a awm a, Sawi dan pakhatah chuan : “Mamit khua dinna hmasa chu tuna Hmunsam Veng Biak I n (Presbyterian) chhim lam hi a ni a, chuta an awm lai chuan Charkawn saw ngaw thim rup ‘Ramhuai liam kawn’ an ti a. Zanah Chakai chhita an kalin MATHE a tam em em a, meichher a bawh mit thak thei a, a men pawh a men hleih theih loh va, maimitchhin a ngai a, “Maimitchhin kawn” an ti ta a, Khua a lo din tirh chuan Maimit an ti phawt a (Hei hi Indopui 1940-1945 vel pawh khan Maimit ti hian an la lam fo a ni) Tun hnu ah, engtik lai atang emaw khan Mamit an ti maiin an sawi. Heng ka mi rawnte hi Mamit mi hlun an ni a, kei chuan ka pawm ber mai” (Upa H.Kaphranga sawi dan- Mamit khaw hming put chhan by K.Dova). Upa H.Kaphranga hian Mamit pa hlun, Pu Zakhuma (RIP) te, Upa Tlangliana (RIP) hnen atanga a hriat a ni .
“Mi thenkhat chuan Mamit khaw hming hi khaw ram tihna a ni a, chu chu Darlawng ho tawng, a luah hmasatu hi Hrangkhawl lam pang an ni a, khaw ram tawh luah an ni a,an ti a, Mi thenkhat chuan an tuipuiin ni ngeiah an ngai a. Chu chu a hmanlai lo khawp mai. U Zakhuma (RIP) kha Mamita awm hmasa, Lal ruala Mamita lut hi an ni a, Lal ruala lut hi In 7 vel an ni awm e.. Ka pu (ka nu pa) pawh hi an lut ve a. U Zakhuma sawi dan chuan, ‘Mamit awmzia chu Mathe hi a tam a. Thal April thla velah te hian meichher han chhit pawh bawh hlum khawp hian an tam a, chumi hming chawi chu a ni, Ka pu-in a ti,’a ti. Pu Zakhuma pa thlan chu Mamit Hmunsam Biak In kawtah sawn, lungphun lian hlai pui a awm thin. Maimit tih hi kan naupan lai pawhin upate sawi chu ka hria ” .
“Mi thenkhat leh chuan hman laia Maimite Thi chharna a ni a, chu chu a hming put chhan a ni, an ti a. Thenkhat chuan an ring viau a, hei hi chu a thawnthu em mai a, ka pawm lo.”
“U Zakhuma’n a pu sawi atanga a hriat dan hi Mamit hming put chhanah chuan mi awih lo lam ni mahse kei chuan ka ring ber mai. A dang hi chu a thawnthu em mai a, ka pawm vak lo.” (Interviewwith Upa Sangkunga on 3.12.2009)
“Mamit leh a chhehvel (Mizoram khawthlang lamah) hian tun hmain Hrangkhol chu an lo awm tawh ngei a, Hrangkhol thenkhat chu Reng Lal belin Tripura lamah an chhuk a, Hrangkhol thenkhat leh Biate ho erawh chu Haflong (North Cachar, Assam) lamah an kal thung a ni. Hrangkhol tawngah chuan “Maimit” tih hi ‘duh loh kalsan’ ‘rauh san’ tihna a ni a. Puithuna thil engemaw avanga awm duh tawh loh avanga kalsan/rauh san tihna a ni. Hei hi a hming putchhan chu niin ka hria. Hming ziah dan leh lam dan hi chu a danglam ve fo mai. Calcutta tih pawh Kolkata tih ang deuh hian”. ( Interview Through Phone with Pu B.K.Hrangkhol, Tripura M.L.A- Dt. 2 & 3.2.2010)
Report this comment
March 1st, 2010 at 11:50 pm
Conference-a kalte tan hei hi lei a manhla viau mai thei -
https://img705.imageshack.us/im.....mcover.jpg
Report this comment
March 2nd, 2010 at 10:07 am
Ka kal ve ta zeuh zeuh a, a inchhirawm loh khawp mai. Thlenna a fuh phei chuan a nuam lehzual. Kawnpuia an nghah kum khan kan thlenna Pa ber khan (kerh kerh phat chungin) Pathian hausakzia hi ka hre chiang tawh a… a ti chhen mai a, Vawksa rep leh Arsa hlir min hmehpui. Pathian hausakna chawpchilhin a zar kan zo
Report this comment
March 4th, 2010 at 10:41 pm
ka kal ve chak nen ka kal ve hman lo a. Thiante a kal hoin min la rawn in tih theih khum zui. Site lamah tlawh teng tih lahin a tlawh theih bawk si loh. A kal te zawng zawngin thlarau nunah leh thlidangah pawh hlawkna an chan vek nan duhsakna ka hlan e..
Report this comment
March 4th, 2010 at 10:46 pm
Kan nu te thrianho lehkhabu zuar turin naktuk an kal ve dawn. Aizawl a lum tran hle mamit phei chu a lum leh zual ka ring.
Report this comment
March 6th, 2010 at 11:05 am
a va nawm hmel ve aw! conference website khian malware warning min pe tlat mai..chanchin leh thlalak vel rawn update thei an awm chuan a va lawmawm dawn em!
Report this comment