Ni 6th April, 2010 zingkar dar 5:30 a Electric Veng, Aizawl val upa Pu Thawngliana (Pa thawnga) boral thu veng mipuiin an han hriat chuan thalai mu rei tak tak thin te pawn tlangau au thawm hria apiang chu mu thei tawh lo in tangkaina ka nei dah law maw tiin an theih na na a pui turin Pa thawnga te in lam an pan a.
Zingkara boral a nih avangin hemi ni vek a vui tura tih a ni zeta, amaherawh chu khawtlang hruaitu te leh kohhran hruaitu te in rawn khawm in, kum kha leh chen khawtlang tana a inpekna chu ngaihlu in tlaivar pui a,a tuk ni 7th April, 2010 a vui turin an ti thlu ta a ni. Khawtlang mipui ten phu hliah hliahin an hria a an ui tlangin, thlalai ten an mahni chhiatni/thatni a kai hruai thin tu an awm ta lo chu hrilhhai thlak an ti hle a ni.
Pa Thawnga hi a mimala ka hriat bakah ka ui tak meuh avangin tlaivarpui zanah hian ka kal ve a. Amah atanga ka zir chhuah thenkhat te kan tarlang ve duh a ni e-
1). Mizo pa a ka ngaihsan te zinga mi Pu P.L.Liandinga leh Pu. Ramhmangaiha (Hnam chhantu) ten an thianpa taimak zia leh khawtlang tana a i inpek thin zia an sawi ang khan ka thiante hian lo boral ta ila ka ruang chungah an sawi ve ang em?
2). Lo boral ta ila Pa Thawnga ang hian electric veng khawtlang dan bu pel a in vuina hi ka chungah a thleng ve ang em? (kum 1992 khan a thleng tawh a a hnu chu Pa thanwga hi a thlen tir thei tu awm chhun a la ni).
3). Chhungte nghah vang ni lo a,khawtlang leh kohhran hruaitu ten tlaivarpui tur tia thuthlukna an siam rual na ang hi ka tawng ve ang em.
4). An in khata thalai tlaivar a zaia thu khat tluan ang kha ka ruang chungah hian a thleng ve thei ang em?
5). Tin, amah Pu Ramhmangaiha’n a thianpa ruang chunga “qualification hi khawvelin a chawimawi ber lo, nungchangtha a chawimawi” a tih chhan a thianpa ang hi ka ni ve ang em?
Kan in ngaihtuah vang vanga, tuna ka awm dan kan thlir let hian lo boral ta pawh ni ila zingkara ka thih chuan khami ni vek a khawltlang mipui tam zawk in ui lek lo a an vui liam tur chi, leh tlaivarpui ngai a lo thi pawh ni ila thalai tlem a zawngin ‘hauh dala’ an tlaivar pui tur chi. Tin, thlanlai tu te tan pawh duhsak vak tlak loh ka nih na te kan inhmuh chhuah hian ka zak ngawih ngawih maia, tun atang chuan ka dam a,ka theihna a nih phawt chuan “Pa Thawnga” anga mi viak tha, khawtlang tana mi tangkai leh vengin a thlamuanpui ni thei turin ka rilru ka siam ta.
Similar Posts:
- Maubawk-a in kangah Naupang 2 leh Nu 1 boral
- YMA in a nihna a theihnghilh em ni?
- Breaking News: Tui tla zawngtu tuiah a tlahlum ve leh
- Delhi Mizo te fakawmzia
- Chhiatni Dan
A va tha em! Pu PK-a nge nge....
April 12th, 2010 at 4:34 am
Min an hriat reng na tur che i duh angin nung ang che.
Masawma (Tae-Kwon-Do instructor) u kha a ni maw, a uihawm hle mai. An unau hi mi taima leh tumruh, hawihhawm leh biak nuam, mi inphah hnuai thiam tak an ni.
Report this comment
April 12th, 2010 at 4:52 am
Midang tana i tangkailo a nih pawhin, midang tan hnawksakin awm suh
Report this comment
April 12th, 2010 at 5:32 am
Amah anga fel a chherchhuak hman em aw? Chu chu mi fel ka tehna ve a ni tlat! Dutiful is beautiful!
A uiawm hle mai, May his precious soul rest in our hearts!
Report this comment
April 12th, 2010 at 6:30 am
Hetiang a val upa, mi uihawm deuh hi chu veng hrang hrangah hian sawi tur an awm ve nual thin. Khawtual tan a uihawm dawn hle mai.
Report this comment
April 12th, 2010 at 6:54 am
Hetiang ang an lo awm zel hian Mizo hmel a timawi thrin. Thrangthar te hian hetiang ang tlawmngaihna hi kan inelna ni zel se kan ti nge ti lo le :?:
Tlawmngai nopui dawm te hi chuan mahni hi an indah hnung ber mahni tan ni lovin midang tan an thawk an hun tha leh zung zz an pe thrin.
Tlawmngaih inel avangin he mi ropui ang hi nih vek tum ila tlin lo fe fe kan tam ang. Chawimawi duh vanga tih anih hian fakawmna tluantling ani kher lo.
Mipui, khawhar, rethei, damlo, natna khirh leh benvawn tuar, rilru natna nei, mi-ang lo, tar leh upa enkawlna ang chi hrang2 ah hian nopui a dawm kim sen loh. Mi pakhat tlin leh thiam chi ani lo. Hei vang hian mahni inpekna lamah hian phak tawk tlin tawk hian tih a thra ka ti.
YMA ang hian kan han khaikhawm tak naa a ni ber lo. YMA Br hruaitu ngeng tak tak bawngchal kal ngalh ngalh mai an awm laiin in ngaitlawm tak tih hriat inti hotu em em mai ni lova mipui chhiahhlawh anga inngai tlawm em em taima si trangkai si an awm thei bawk.
Debate tham a awm. Hetiang mihrang tak electric ho in an chan hi an va chan uihawm ve le
Report this comment
April 12th, 2010 at 7:59 am
Nupui fanau nei tan chuan khawtlang lama inhman vak vak chu har tak ani. Mizoram ah hian mahni fate ngaihsak hman lova kohhran lam inhmang kan awm thin a. Hei hi adik ber lo. Naupangin nu leh pate bula hun tam tak an hman a ngai. Midang kuta naupang hnutchhiah hi thil tha ber ani lo. Chhungkaw buai em em atanga chhuak a, Gospel camping lama liam daihte hi ka ngaihsan ber anni lem lo. Zirtirna dik ani pawn ka hre lo. Chutiang bawkin Pu Thawnga te anga inpezo nih loh chuan mahni chhungkaw dah hmasak a tha fo in ka ring.
Mahni resource hmanga nun, midang sum itsak loh, lainate tanpuina lova sorkar hna leh contract hmuh te hi kan ngaihsan a hun.
Chhiatni thatni tana hun kan hmang nasa lutuk pawh hi a tha emaw ni le? Hlawhfa hmanga thlanlaih, khawhar inriah tihtawp tih vel kan sawimawi tan hi a tha.
Ka ‘turn’ a lo thlen chuan cremation ka duh. Thlan laih a ngai lovang. Pu Thawgga chanchin kan sawi ta bawk a, Electric crematorium te hi ania kan mamawh. Thlanmual tur a van tawh hi.
Report this comment
April 12th, 2010 at 8:03 am
Electric veng chu an ti tha hle mai. Chutih rualin mi uihawm an chan lawi si a. Sawi vak ngaihna pawh ka hre lo tlat mai.
@lunglohtui: I rawn ziak tha hle mai. Mahse, sawi tawh thin angin grammatical error a tam deuh hlek a. Kan thiam bik lo na a, proper noun, capital letter tur te leh ‘AW’ aiah ‘O’ te a la tel fo hian edit chhung a duh rei thin. Khawngaihin mahni hian proof reading neih hnuah hian rawn submit thei u la, hun kan insem a ni ngei ang le!
Report this comment
April 12th, 2010 at 8:12 am
Kan veng tlangval senior leh tlawmngai thei tak Tv. H. Lalrintluanga(RTa) ramkang a thelh avanga boral ta, YMA in a ruang thlak hnua kut ansil san mai kha minti hrechhuak zawk mai. In veng khawtlang hruaitute chuan am tih tur an hre chiang hle mai.
Report this comment
April 12th, 2010 at 9:45 am
Chaltlang a branch hruaitu lo ni reng thin Pu Thanga a boral pawh khan thlanlaitute khan a vuizawh ang vel thleng kha an lai a. A thlan lah a chang tha lai, lungral nen a laih a ngaihna ah khan a nia. 10 ft vel chu ni awm e. Pangpar a chhuatah an phah chhuak vek bawk.
Pu Thawnga pawh hi kan veng ni lo mahse vui a nihdan chanchin hi ka lo hre ve tawh a. Hetianga chawimawi tlak leh phute chawimawi hi a ropui a. Chawimawi nachang hre tu elecric veng pawh in inchawimawi ka ti.
Report this comment
April 12th, 2010 at 10:24 am
Kan hmaa mi huai kal tate nun atanga thil tha zir chhuah nachang hriat hi mi fing nihna a ni (@lunglohtui tiamin!)
@ Rascal Crowe sawi: “Hetianga chawimawi tlak leh phute chawimawi hi a ropui a. Chawimawi nachang hre tu elecric veng pawh in inchawimawi ka ti”. Dik chiah!
Report this comment
April 12th, 2010 at 1:05 pm
@vaiva, ka thiamloh a ni e, ka lo en chianglo a,nidangah chuan ka lo en fel tawh dawn nia.Ka lawm e.
In lo hriat ve hlawm atan, Pa thawnga hian fanu 3 a kalsan a, a nupui duh tak chuan 2008 khan cancer vangin a boral san tawha, a fate hi an la naupang khawp mai.
Report this comment
April 12th, 2010 at 1:06 pm
Pu H.V, masawma u ngei chu a ni e.
Report this comment
April 12th, 2010 at 1:12 pm
Masawma (tea kondoo) U anih chuan ka hriat mi tak zuk ni ve mauh a .a vam chhuanawm in a van pamhmai tak em,Electric veng vengchung ngai khi chu ka tlangnel ve na tak veng a sin maw le.HV a nge nge thil hi i hria e ,nangmah zar ah tunge anih ka chian phah ta e.Channa nasa tak anih chu maw le.RIP.
Report this comment
April 12th, 2010 at 1:14 pm
Sony sawi khi “I EAT”. Tun ang hunlaia Tlawmngai tak tak tur chuan hun sen tam a ngai a, chhungkua member thahnem deuh te a ngai a, hna kan thawk anih phei chuan kan hnathawh zawk hi a tuartu ani duh hle bawk. Chu mai bakah chhungkua din tawh tan chuan chhungte tan hun pek tur a awm mumal hman lo. Hei hi thudik tak a ni…Inversely Proportional an tih ang hi a ni.
Ka tlawmngaih viau avanga khawtlang fak ka tawk a, chawimawi hial ka nih laia, ka nupui fanaute tana hun pe hman leh mang si lo, mahni fate lehkha zirtir takngial pawh ti hman lo, ka hnathawhna hmunah lah hna pending ngah em em reng ni bawk, thawhpuite ngaihsan lem loh tak nih ai chuan kei zawng ka TLAWMNGAI lo mai ange! ka han ti ve a ni…
Tlawmngaih vanga chawimawi phu te erawh ka sawi hniamna lam ani hauh lo thung. Min chawimawi leh min faktu an awm dawn anih rau rau chuan ka chenpui chhungte hi ni turin ka duh zawk e ka han ti tuihnih thum li nga vel ani.
Report this comment
April 12th, 2010 at 1:22 pm
lunglohtui,
Val Upa thihna atanga i inhmuhchhuahna khi kan za-a inhmuhchhuahna lo ni mawlh rawh se. I thawh tha thlawt e! ( I nick hian ka khua ati har reuh :lol: )
Report this comment
April 12th, 2010 at 1:23 pm
In val upa chhuanawm hi ka hre ve. A fel bawn tawp. A uihawm hle mai.
Khawtlang leh kohhran hruaitu ten tlaivar pui an tih chu a thrat rual rual in…chutiang nih theina tur criteria ziak in a awm bawk si lo…khawtlang tana inhmang tak, tlawmngai em em an tam bawk sia..midang tan a fair lo thei ang em? Tlaiver pui phu hliah² ve tho chhungten ( an chhungten tlaivar pui an chak ngawih² te) nuam lo an tih phah ang em?…mizo hi vui hrat tak kan lo ni ve bawk nen..
Report this comment
April 12th, 2010 at 2:54 pm
Tlawmngaih na hi a ropui.. chumi rualin i mi ngaihsan i rawn sawi pakhat Pu P.L. Liandinga hi ka lo ngaihsan ve em em thin a ni a. Mahse hman ah a a rei tawh a, Kum chiah ka hre tawh lo, YMA President a nih ta in ka hria, YMA General Conference Champhai a an nghah tumin, Kan Motor nen Khawzawl pelh ah an in tawk a, Kan Motor kawng sir a lo in side sa chu an rawn tlan chak deuh nge a rawn su a, ka la naupang hle a, Ka Nuteii nen kan chuang ve a. Kan driver U Sanga chu Zu pawh in ngailo, Mifel tak, Rilru Huai Vak lo ania. Pu P.L. te chu an rawn in zui thla teuh a, kan thiam loh ni miah loh ah chuan a mah chuan “Police hnenah min rawn su ka ti ang nga min tan zawk ang” a ti a. Chuan a hnunga motor ami te pawh chuan kan driver chu an rawn vau bawk a. Kan driver chuan a thiam loh ni miah loh ah chuan ngaihdam a dil ta zawk a. Kan rilru a na ve khawp mai. Chuta tang chuan Pu P.L.-a hi ka hmuh dan a dang tlat kei misual chuan.
Report this comment
April 12th, 2010 at 2:58 pm
Khawtlang tana mi tangkai leh fel zet mai an han boral hi chuan an uiawm duh ngawt mai…,
Mi tha, fel nih kan duh vek a, mahse thil harsa hi chu a ni ngawt mai…, mihring kan ni miau sia, mi bik deuh hi awm ve a nia…..
Report this comment
April 12th, 2010 at 3:02 pm
@vivi, i thil tawn chu a mak ka van ti ve aw, pa pangngai a ka lo ngaih ve a nia Pu.P.La te hi chu….,,, a van mak dawn thin ve aw, thil hi…, kan lo inhre chianglo hlawm awm ngawt mai…..
Report this comment
April 12th, 2010 at 3:13 pm
@rdchhangte nia ti raw kei pawh naupang te ka la nia, tun tleng hian ka la hre ve ran.. Kei phei chuan ka hlau lutuk a. Pu PL-a Ka ngaihsan em em kha ani tih ka hriat phei chuan mak ka ti leh zual.
Report this comment
April 12th, 2010 at 3:46 pm
Mihring hi han inhriat chian tak tak chuan kan ngaihsan deuh te pawh hi ngaihsanawm lohna riau an lo nei duh khawp nia! Chuvang a lawm, Bible-ah pawh ‘Zawlnei chu ama khuaah chawimawi a ni ngai lo’ a tih kha! Lal Isua meuh pawh Nazareth pa ho chuan an lo ngaisang vak hauh lo! An khaw tlangval pakhat kha a ni ve mai a! Isua khan Nazareth-ah khan thilmak tih pawh a nei meuh lo niin a lang.
Report this comment
April 12th, 2010 at 10:29 pm
Ka sawi tawh kha…tlawmngaihna kan tih hi KAWRAH (covering) hmang kan tam….chu chu thudik a ni.
P.L.Liandinga pawh thu a thiam, mahse a office thawh puite chuan an ngaisang lo raaaapppsss (a thawhpui ni lo kei pawhin ka ngaisang chuang miah lo)! Vanneihtluanga te pawh hi maw? Thu an thiam, thusawi tura sawm pawh an tam, mahse media lama a thawhpui te chuan PHAKAR an ti raaaaapppps, bum a ngah tawh fu ani, chu lam biahthu chu a ni e..tralala!
Tlawmngaihna…..Virtual reality with an obsessive and compulsive inability to accept the whole truth, and nothing but the truth. In inhlan thei hlawm em??
Report this comment
April 12th, 2010 at 10:54 pm
Keipawh mahni thawhpuiten an fak loh zet mai chu ka hre ve. Mahse thu ziakthiam a nia. lehkhabu pawh let fo. YMA viau bawk thin. Duhtawk teh ang, milem chanchin ka sawi peih tawh lo.
Report this comment
April 12th, 2010 at 10:58 pm
A uihawm hle mai,keini chuan a dinhmun ang khi chu kan pha lo hrim hrim ang.
Report this comment
April 13th, 2010 at 12:28 am
Hramtea_pa, ka sawi duh loh, ka hriat chian si i rawn sawi tlats! Mahni thawhpui ten min ngaihsan loh chuan in en chian a ngai. Nitin a min hmutu hian rin aiin min hre chiang duh. CKTP hruaitu in hmanah kan biak inah thu a rawn sawiin, i nupui/pasal tur i hriat chian duh chuan a hnathawhpuite a cc zawh chhin hi a thra, a ti
Report this comment
April 13th, 2010 at 1:09 pm
@kawlhawk; # 15, keipawh ka lung len thin vang a ni e he nick hi ka hman.
Pu P.L-a ngaisanglo tu zawn zawng te, in ngaihsan loh na chhan tha tak chu a awm ngei ang, ka ringhlel hran lo e. Kei chuan kan ti teh ang hnathawk tha a, hna duh a,mi rinawm leh mi dik te hi chu thawhpui te laka tlak tlum a har viau thin. Tin, kum khat chuang ka lo thawhpui ve tawh a ni a, a dik zia leh rinawm zia hi ha hip in ka sawi thin.
Report this comment
April 13th, 2010 at 1:54 pm
Zing karah te chuan thi ve ila(trawng thu chhe lovah!) “a va thi thiam e” min ti anga ngaihtuah buai leh inrawn buai awm miah lovin chhun dar khatah min vui ngei ang le.
Tlawmngaihnaa mi hming thra chawimawi tur an la awm thrin hi a lawmawm ngawt mai.
Report this comment
April 13th, 2010 at 2:04 pm
Ka ngaihsan leh ngaihsan loh pawh ka hre lo, amah hi a ‘hoh’ hmel riau ka ti. Kan lo dah sang lutuk emaw ni a khawsazia leh a chetdan leh a ti ti phung hrim hrim hi. Tin, a inkhawm khat hle an ti bawk. Chu chu uan nan a sawi thin emaw ni lam lam ni.( ‘An ti’ tih a nia :D)
Report this comment
April 13th, 2010 at 4:20 pm
@Lunglohtui- a dik chiah midik leh mi rinawm hi fak chu an phu tlawt, mahse kan ti leh hram teng,a ngam zawng/zuamawm zawng kan nih a vanga a, a thiam loh na zawk a, ngaihdam min dil luih tir tupa kha chu Midik niin ka ngai thei tlat lo mai.
Report this comment
April 13th, 2010 at 4:51 pm
Lar loh hlau, min min hria se, pawl hmanga popularity khel ve hrim2 hi chu an hriat tho tho. Behind the scene a Stuntman ho ang hi ka ngaisang zawk kei po’n!
The faithful – Marine – Period. We dive at dawn ti ho hi an ngaihsan awm lehzual!
Report this comment
April 13th, 2010 at 7:00 pm
@sillyboy, hoh hi chu a ho khawp mai, a mizia ve nia,hahahaha.
@Vivi, a dik a lawm, chutiang te a alo ti chu a ti sual der a nih chu, amah pui roh hi ngam taka tih let te hi a ngai ve a, in hau hrep lo a nih chu, a aw te hi a hmel phu lo hian a sin rat mai a, ngeiawm ve tak thin chu a ni ang,mahse i tarlan angin YMA president engtik kum ah nge a nih min han hrilh thei em?
Report this comment
April 15th, 2010 at 11:01 am
@lunglohtui- YMA President a nih ta in ka hria, ka tih ri ngawt khi.., CYMA ah President/Secretary emaw hruaitu pawimawh tak chu a ni. naupangte ka la ni a, Champhai a YMA Conference an hman tum kha a nia. A kum chiah ka hre ta lo. Rei ve tawh em a. Kan din hmun ah ding ve la, i hauh let hrep bik chu ka va ring lo e. Keini ang mirethei tan chuan thiamna zawk a ngaihdam dil mai kha kan tih theih tawk ani.
Report this comment