Mihring fa kha Pathian fa ka nih theih nan
Pathian Fa chu mihring faah a lo piang a,
Vanram ka kai theih nan leiram a rawn rap a;
Ka dam theih nan tihnatin a awm a,
Ka nun theih nan a thi a;
Ka thlamuan nan thlaphangin a awm a,
Ka hlim theih nan lungngaihna a tuar a;
Thiam ka chan nan thiam loh an chantir a,
Zalen ka nih theih nan mantirin a awm.
Lallukhum ka khum ka khum theih nan hlinglukhum an khumtir a,
Chawimawia ka awm theih nan hmuhsitin a awm a;
Ka hmel mawi nan hmelhemin an siam a,
Ka hausak nan retheiin a lo awm.
Puan var ropui ka sin theih nan tihelna puan senduk an sintir a,
Misual mifela min siam turin Mi Fel misualah an chhiar a.
Van malsawmna ka dawn theih nan lei anchhedawngin a awm a,
Mithianghlimte zinga ka len ve theih nan misualte karah an khengbet ta!
Kei misual ber, Ama thu awih lo fo tan,
Ani Mifel famkim chu thih thlenga thu zawmin a lo awm ta!
Kraws-a thihna ngei chu!
Aw, Hmangaihna….a va mak em!
LALPA, Ka lawm e!
Similar Posts:
- “Mahse nunhlui dawn changin thinlai ruk a na ngei” tih thluk khan han sa chhin teh…
- Khawhar hla remix
- Misual Intawhkhawm Season – 1
- Pathian kan nihna
- Malsawmna Leilunga Cheng Kan Ni
April 2nd, 2010 at 1:37 pm
a mawiin a funkim tha hle mai…. Pathian ka mamawh zia hre lo khawpa ka awm hi chuan ka lo ro viau zel,… tha tawk thei lo mahila…Amah ka mamawh a ni tih hria a,..ka auh hian ka lo hlim zawk fo kei misual hi!…. @ keimah hla mawi tak min hlui bakah a thawhlehna hi nunga chhiar ka nih tanna a ni tih hre tel bawk ang u hmiang keini misual ho hian.
April 2nd, 2010 at 1:52 pm
Pu keimah,
#38 khi– Eng i hla ber khan nge lo ti ip che le? Kar 3 kal ta-ah khan Sundes Skul zirlai ka tui vak lo bawk nen KHBa i hla te ka en chhuak vek a, a ropuiin ngaihnawm ka ti. Kan zirlai aiin ka thlarau a luh zawk tlat zu nia. A khawi Hla ber khan nge maw lo ti ip che reng reng le awww…?
April 2nd, 2010 at 2:18 pm
@kawlhawk, chutia han sawi fak tur phei chu ka hre tam lo va, remchangah ka la hrilru se se dawn che nia!!
April 2nd, 2010 at 2:22 pm
Hrilhruk chu ngaihthlak a va chak awm ve tho ve…
@kawlhawk,Pu keimah hian a ai a thuk zawk leh chiang zawk a a hmuh fiah hnu hian hetiang hla tha a lo puang chhuak thei mai kha a ngaihtuahin a insit in a ip leh deuh a ni mahna… A ril in a mah a thuk telh telh tihna a niang :!:
April 2nd, 2010 at 2:36 pm
Pu Xai,
Ani khawp ang!? Thlarau lam nun mai bakah Ringtu nunkawng chhukchho a zawh tam tual tual a, a tawnhriat te pawh alo tam tual tual a, a Hla phuah hmasak ho khan a ti ip deuh a niang? :lol:
Pu keimah,
Ka rilru-a awm zawk chu: I hla te hi lo ip-pui tawh suh (ka’n ti ve khanglang ang e). Ka ti tak tak! I hla te hi ip-pui/ zahpui tur a awm reng2 lo a nia…
April 2nd, 2010 at 5:08 pm
Pu keimah nge nge..a ril leh raih mai. a thu inchhep kual vel dan leh a tlar tin thu in relate dante hian he hla phuahtu hian a vawikhat phuahna a ni lo tih a chiang a. Tin, amah hi mi lungleng thei ve tak a ni tih a lantir bawkin ka hria
April 3rd, 2010 at 2:48 am
@kawlhawk & XaiA, in ti lawmawm thin e! Pathian, Puntirthiama hian thil tlawm te tete hi tipungin mite tana malsawmnaah a chantir thiam hi a va faktlak thin em!
@muantea, kan inzui nasa bawk a, min hrechiang bertute zinga chaw kil ve phak chu i ni hrim hrim a lawm!
April 3rd, 2010 at 12:47 pm
@keimah hmangaihna mak a nih zia lantir na’n thu i chherchhuan mawiin, hla thu ril leh nung tak ani e. Pathian in i rawngbawlna tipung a, tinung zel turin duhsakna ka hlan a che.
April 3rd, 2010 at 2:00 pm
Pathian hmangaihna, a khawngaihna… ka tan hian a va han hlu tak em.
April 3rd, 2010 at 3:14 pm
Sawi nawn leh rawh min hrilh leh rawh.
Isua ka tan a tuar na chu
Kalvari ka damna chanchin
Aw, ngaihnawm ka ti bang thei lo ve.
Tih hla hian vawin chu ka lung a va tileng em.