-Lt Col Lalramhluna
Byculla, Mumbai
Nunna atana in remna siamna chu thisen ngei chu a ni si a – Levetikus 17:11
Thisen chhuah lovin ngaihdamna renga awm lo – Hebari 9:22
Kum 2000 lai kal ta ah khan, holy thusrday an tih zanah chuan Pathian fapa Isua chu Gethsemani huan mawi tak mai, vawi tam taka alo kal tawhna thinah chuan zan dang ang lo takin lungngai leh thlaphang em em in a Pa hnenah a tawngtai a. Khawvela a lo kal chhan a mission chu tih tlingtlak a hun tawh avangin, a no in tur chuan a mihrinna a ti zam em em mai a. A thlan pawh thisen liantak angin leiah a far hial a. A rawngbawlna atan tirh dawn lama thlaler a Setana thlema ni 40 leh zan 40 a awm lai a Setana’n a hneh loh khan, a thinrimin ‘remchang hun atan a kalsan ta a’ (Luka 4:13) tia kan chhiar thin kha hemi zan hian Gethsemani huan ah hian Setana tan chance a lo thleng ve ta chiah bawk a ni ang.
Puithiam Lalho leh an sipaite chu an lo thawkrip hle mai a. Isua zirtirte lah chu an tlem si, chu bakah ngunhnam pahnih chauh invenna tur an nei a. An hotupa an han man chiah chuan Petera leh a thiante chuan an bei ve ta nghal a. Mahse an tam hneh si an vai kiang zo ngang lo. Mizo hlaphuah thiam Taivela chuan a lo tawrhpui ngnang a niang:
Simon Barion I khandaih chuan
I vaikiang zo lawm ni?
Ka chhandamtu an kal pui ta
Puithiam lal in chhungah.
…a lo ti thlawt mai, tan a na hlawm e. A hma ni tlemte ah khan Isua chuan he Gethsemani huan sira kawngah hian Kodron lui kan in Sabengtungno chungah a chuang a. Mipui tam takin ropui taka chawimawiin an zui kha a ni si a. Tunah chuan misual ber angin chu kawng bawk chu zawhin hriam hrei nen sipai leh sakhaw hotuten diriam takin an zui ve ta thung a, a dang ta ngei mai. Puithiam lal Kaiafa inah an luhpui a, an diriama, an hmusita, sawisa in an cheksawlh, hmusit takin an ti el a: Taivela bawk khan min lo sawisak leh ta a:
Hling lukhu mleh lal puan an pe,
Tinagin chibai an buk,
Tunge vu ache I rin sawi rawh;
Tiin amah an zawt.
Aw ka tlantu a van a em!
Ka tan I tuarna chu
Misual pawhin an khum ngai lo,
I lallukum ang hi.
….tiin. A tuk zirtawpni khua a lo var chuan Jerusalem mipui te chu an sahawk em em a. Kalvari ennawm en tur chuan an phur tak zet zet mai a, an thil tih erawh an hre si lo. Puithiam Lalber hnamte tana sualthawina ran thisen hlan thintu chuan, chu mi zingah chuan enge a tih tih inhre lek lovin, anchhedawng Kross a thi turin Pathian fapa chu Tlanna maichamah chuan a hlan ta.
Rorelna In atang chuan Kross kawng chu an zawhpui ta a. Kan Lalpa Isua ngei chuan nangmah leh keimah a awm, Pathian dan anchhia kan phurh chu min khenbek sakna turin “Mahni Kross puin a kalta, Luruh hmun an tihah chuan, Kross chungah chuan misual bawhchiatna fate chu a bo a bang awm miah lovin Krista ah chuan min lo kheng bet ta a, Krista rualin tihhlum kan ni ve nghal a†Vawiinah hian Kalvari tlanga Kross kha ral thlir mai lo la, khata thi a kha nangmah a lawm, “ I thi ngei tur a ni†tia Pathianin a lo sawi (Genesis 2:16) kha, kha ngei mai kha Kross chungah Krista taksa khenbehah khan a famkimna kan chang ta a ni. Pindan chungnunga chhang sem leh grep tui sem entirna te chu atakin a lo lang ta a. Kross thu a chiang lo chuan chu chu a hre fiah ngai loving. I in hrechiang lo mai pawh a, Krista ruala khenbeh, tiihhlum I ni tawh a sin.
Kross chhinchhiah hi Pathian thiltum leh famkimna a ni lo. Thihna hneha Krista thawhlehna chuan a thihsaka te tan nunthar a pe a. Amahah tih nun kan lo ni ta a. Pathian fate tia vuah tlakin kan lo awm leh ta. Sual pu taksa chu tihboral a a awm tawh avangin . Krista a tih nun kan nih tak avangin kan nunna chu Krista ah a ni. Chu chu hrefiah em em tu Paula chuan ‘Tuna ka nung hi Krista a nung ka ni’ a lo ti a. Chu tho chu keini nunna pawh a ni a. Paula sawi dan hi kan sawi ve dan tur tho ani e. In hre chiang rawh le.
(Note: He thuziak hi Col Lalramhluna, Salvation Army Western Territory a Chief Secy ni mek laiin Easter Sunday a chhuah tura ka request na anga min pek a ni a. Mahse, ka zin bo leh daih avangin ka chhuah hman ta lo va. Sunday sermon-ah ka rawn hmang a ni e – VaiVa)
