Hmanni chu Aizawl lamah chawlh hmang te kan ni ve bawk a, University lama ka zirpui te nen kan thiannu inah chuan chawhlui kil ho turin kan kal khawm a. Chaw kan ei hma chuan, an chhungkaw pa berin chhung inkhawm min neihpui a. Bible a chhiar zova, chutah tawngtaina min neihpui a. Tawngtai tura kan inbuatsaih lai chuan, thingthi turin kan zavai chuan min ti ta a.
An chhungkua ina an lo tih thin dan a ni awm e. Min beisei ang chuan kan thingthi ta a. Hetah hian misual ho in ngaihdan ka zawt duh mai mai che u – thingthia tawngtai hi kan tihna chhan nia lang chu – Pathian hnenah kan zahna leh inngaihtlawmna entirna a ni awm e. Chu chu thil tha leh mawi chu a ni lutuk a, amaherawhchu khami tuma thil awmdan kha han zirchiang ta ila:
Kan thian pakhat rawn kal ve chu Krismas chawlh laia keruh titliak, dam fel deuh chauh a ni a. Ani tan ding bik nih a lo inthlahrun ve bawk a ni ang, kan zingah chuan a rawn thingthi ve a. Tin, a ke na ve lo te tan paw’n – tawngtai a lo rei deuh hnuah chuan, a lo tithang ve lo tih takah, khup lam a lo na ta deuh a, tawngtaina lama rilru pek pawh a lo harsa tial tial a. Chuvang chuan, thingthia kan tawngtai chuan Pathian lam min hnaih tir ai mahin, kan rilru la pengtu zawk a lo ni ta der mai a… enge in ngaih ve dan le…?
Similar Posts:
- Ka lo tawngtaipui che asin..
- Pathian tih mi, tawngtai room hran nei
- Maternity Leave ni 160?
- Tawngtaina chhangtu Pathian
- TAWNGTAINA
May 16th, 2010 at 9:26 am
I thingthi peih lo chung an thingthittir che a, i phunnawi ta a ni mai lawm ni..ka ngaihdan pawh ni lovin..a landan a ni.
Thingthi-a tawngtai emaw bawkkhupa tawngtai emaw hi mimal duhthlanna-a innghat liau liau a ni. Vanram a thleng chiang bik ang tih emaw, Pathianin a lo ngaihven bik ang tih emaw ziak khawiah mah kan hmu hran lova. Peih lo chung leh phur lo chunga thingthit phei chu a ho pawh ni satliah mai lovin, thingthit loh aiin a nep zawk fein ka hria.
Report this comment
May 16th, 2010 at 9:32 am
Mahni phak tawk te te in le
Report this comment
May 16th, 2010 at 9:35 am
Suit dum tle zak leh bible fai tle sar nena biakin lam pan hi chu an zahawm bik riau asin, chhunglam nun erawh chu thuhran nise…kan pathian biak danah thenkhat chuan kan la zam mah2 mi chu aw atih theih, kei pawh ka ni tho mai…:-) hindu, muslim..etc te reng hian an uluk mai…mahni hrehawm pawh pawisa lova be tur kan ni si a…
Report this comment
May 16th, 2010 at 9:35 am
Vawiinq chu inkhawm dawn ruaiah khawpuI a rik tak hum hUm. Chu le. Kei chu thringthrit ve kher kha trul ka ti lo an phut bawk lo ang che u. Mahse tunlai hian ka rilruah Pathian kan Biak hian kan zahna kan tilang lo lutuk ka ti deuh ta. Bawp khawkherh te hian ka lo trawngtrai leh mai thrin.
He post chuanka rilru a dek dan keimah lamah ani tlat. Miinah hetiang hi ka tawng toh ka thru hmaks
Report this comment
May 16th, 2010 at 9:40 am
I thingthi peih lo chung chung i zah avangin i thingthi mai tihna a nih chu. i thianpa ke na kha a tawngtai tupa hnenah khan sawi tur a lawm, a thei lo chung te chu thingthit pawh a ngai chuang hlei nem.
A reng reng thu ah, nuamsa taka, pathian biak tum hi chuan kan peih rei lo tlangpui, tharau thianghlim awmpuina chu nei ta la i phunnawi hauh lovang. Lalpa i tan chuan engpawh ka chungah thleng rawhse ti tute hi an lo va ropui tak em tih min hriat chhuah tir zawk.
Report this comment
May 16th, 2010 at 9:53 am
Ho hi ka ti em em a ni he post hi. In chaw eikhawm na hi catholic an nih hmel a, an nih lo vek pom christin chhungkua tha tak an nih hmel. I sawi sel chak si sawi sel ngam tak2 si lo a ang ka ti. NEPSAJU
Report this comment
May 16th, 2010 at 9:58 am
A dik khawp mai..a lan dan chuan pathian i ngaipawimawhna ai mahin i mihringpuite i zah vanga thingthi ve ta mai i nih hmel tlat pathianin engtinnge angaih ang o..??..piangthar chiang vaklo tan pawh kai kim lawmman chu a lak ve theih tho ania tih lam te min ngaihtuah chhuah tir daih chuh…:-)
Report this comment
May 16th, 2010 at 10:40 am
Khup na chung chung engah nge a thingthit ve kher,thatakin lo ding mai se.Rilru leh tihtakzeta tawngtai ani zawk
Report this comment
May 16th, 2010 at 10:48 am
lolz…sunday zing joke…story dang min remind chu…thankyu deAnGeLiZeD
Report this comment
May 16th, 2010 at 11:01 am
@ 6 hiho : ka thlawp a che.
Thingthi theilo chu tuman an phut lui hauh lo ang. Mahni mihringpui te zah vanga kan thingthi a kan tawngtai anih chuan kan tum kan thelh fel der tawh. Pharisai zia kati lo theilo. A lan dan chiaha buai, thinlung lam kha ani zawk… KA UNAU.. lolzz
Report this comment
May 16th, 2010 at 11:22 am
thil ho… NEPSAJU hahaha
Report this comment
May 16th, 2010 at 11:22 am
Mahni zalenna hman thiam a tha, kan tawngtai tawngkam nalh leh nalh loh te, a sei leh a tawi te, kan kut dah dan te, thingthit leh thut leh chaw nghei tih velte hi chu a dawttu vek a ni. Tawngkam thiam chiam tum chi pawh a nilo. Kan chham sei viau hian hlawhtlinga inngaih pawh a ni lem chuanglo, mi tihdanah buai lo ila.
Khawvel zawng zawng siamtu Pathian nen kan inhmachhawn a ni, chumi huna sawi tul nia kan hriat zawng zawng sawi mai tur. Mi ngaihdan a buai a tul lova, mahni ngeiin a sawi tul kan tih kha sawi mai tur. Mahni sual pawh zep kual vel a ngailo, A hre vek tho!
Mi tam berin khum laizawlah, muthilh hmain an ti a, zing thawh ruala ti pawh an awm. Thingthi leh bawkkhupa tih duh zawk an awm nual bawk a. Eng pawh ni se, mi dang thawm hriat nuai nuaina kara tih ai chuan, fianrialah ngei hian ti ila inpawlna hi a famkim bik ti an awm bawk…engpawhnise a tha vek e… Pathian nena inpawlna … ‘tawngtai’ na a nih phawt chuan!
Report this comment
May 16th, 2010 at 11:35 am
“Nang erawh chu i Pindan chhungril ah lut la, i Pa a ruk a ngaithla thin tu hnen ah chuan tawngtai rawh”
Report this comment
May 16th, 2010 at 11:40 am
Vawiina inkhawmlo ho hi kan va nep SAJU tak emm…hhhaahhaaiii !!!
Report this comment
May 16th, 2010 at 11:59 am
Chhungkaw hrang hrang hian tihdan phung hi a neih theih a. Midang kha lo zawm ve zel tur a beisei chi pawh a niin ka hre lo. An mikhual/mihrang chuan an duh dan a an lo zawm ve mai kha tha tawk in ka hria. Hunserh hman lai a an lo tawng lung lung emaw, an lo zai a, an lo nui vak vak te a nih loh chuan… :lol:
Report this comment
May 16th, 2010 at 12:45 pm
a hming khrim khrim pawh khi deangelised ani reng reng a,
hiho in hohi a ti lutuk :lol:
Tawngtai tirah i thu anih a, i khup a lo na ta deuha nih pawn tawngtai tawpah chuan thuthlengah lo thut than mai tur alawm, i nui vur vur anga, i che vat vat anga, subject dang tui deuhin i sawi anga :twisted:
Report this comment
May 16th, 2010 at 12:49 pm
Na chung chuan thingthi lo se, mi dang poh in an hriatthiam ka van ring e..
a nioh loh pon a thingthi a tawngtai rau2 chuan tihtak xet in khup na pawh dam nghal tur in ti se….
Report this comment
May 16th, 2010 at 1:01 pm
Tawngtai laia thing thit hi ka ti thrang lo khop mai…Khum laizawlah pawh ka ti hlei theilo chu a ni e.
An ni chhung chuan an ti thang a, an rilru la peng turin an taksa lam an sawisel kher chuanglo aniang…An tih ang khan ti thang ve ta ila, a rei hnu ah hrehawm kan ti kher lo ang. Tawngtai chhung rei lo te kan thing thi peihlo leh taksa lama harsatna kan neih chhuanlam a kan nei hian ngaihtuahna a ti thui..Pathian kan biak kan zah kan lantirna te kha a tha a lom le..A rei ber ah 15mins pawh a nih ka ringlo..Krsmas laia ke na a ni tih an lo hre si se tohlo pawh a ni mahna. An tawngtai dawn lai chuan hria se an tih luih kher ka ring tlat lo mai. High school kan kal lai Republic Day/independence day a parade ah ka tel ve thin. CM thusawi lai poh in nisa hnuaiah position ngai rengin min dintir reng a, a then tlu phuk2 mah se a thusawi a thrulh chuang lo, tihdanphung poh an thlak phah chuang lo..:) Pathian in kan thinlung chu a en ber tho ang..mahse i thingthit ve chhun lek a sawiselna tur i neih chuan tunge i biak kha ngaihtuah ve tho a tha lo mo???
Report this comment
May 16th, 2010 at 1:06 pm
I thu post a ho deuh nge…ka ho dawn tlat…
Idea tha deuh chu maw…an tawngtai chhung khan thuthleng ah lo thu than la, an tawngtai zawh dawn tepah chhuatah ti tak deuhin i thing thi ang a….chu chu mihring tih lawm dan a ni mai. An ni pawhin nidanga ti ngai hlei-lo, mite hmuh a an intih ‘awih’ na mai mai a ni thei a sin..an pa ber pawh chu alo farisee viau mai thei….in chaw eikhawm hun hian Kohhran upa thlan a hnai te chu a ni lo maw…?
Kei pawh ka tawng leh zauh thin…”an ti thin” tih sawilang kher a “kan lo tih thin dan angin..” pa berin an han ti kher te hian min ti maimitchhing tuilo fo…
Report this comment
May 16th, 2010 at 1:15 pm
@Mr duhlova: Thingthi peihlo chung thingthit tho chu a pharisai tho lo mo? in neitupa hian thingthi tur a a tihluih ka ringlo.!!Lal tawngtai sawi te pawh chhungkaw thenkhat chuan ding chungin,then khat in thu chung in an sawi mai..An tih ah kan zawm mai. An tih thin dan sawilo a thingthit san thup ta se kan soisel tho lo mo??An lo thingthi thin a vang a chutiang em2 va hmuh pharisai nghal rup2 chu..mahni poh kan lo pharisai thrang viau zok ni lo mo???:P
Report this comment
May 16th, 2010 at 1:19 pm
de_beauvoir : Ka han uang mai mai a nia…chaw tak khuk khuk pui chi a ni lo ve…i sawi khi a dik a lawm….kei ve mai mai hii..mi diklo chuan mi hi kan hmu diklo ruih mai a nih hi….
Report this comment
May 16th, 2010 at 1:30 pm
Nia, Chutiang bawkin Chaw ngheia tawngtai aichuan, puar pengpawnga tawngtai hian rilru zawng2 pek a awl zawk bawk. :lol:
Report this comment
May 16th, 2010 at 1:39 pm
zawlnei Amosa leh Hosea te chuan a lan mawina aiin thinglung Lalpan a duh zawk tih thu an puang
Report this comment
May 16th, 2010 at 1:40 pm
@khawlhawk Puar peng pawng… a tra hle mai, camp kan luh laiin kan chuah dawnah thiante chu ruahsur hnuai ah an ttai a, keichu hulhiap ah mwle…
Report this comment
May 16th, 2010 at 2:12 pm
“Thinlung a poimoh ber”kan ti kan kan ti ang a..Pawnlang a inti fel kan tih te nen hian tumloh lamah kan inhmukhawm leh dial2 si ang a….:)
Report this comment
May 16th, 2010 at 2:12 pm
khup kham thu ani deuh ber ani maw, ngaihdan thawh tur pawh ka nei nek lo e,thlahrang lam rawn post teh un , hmulthi ding uaih uaih a chhiar ka chak tlat….
Report this comment
May 16th, 2010 at 2:41 pm
In hmu dial tawh love, Lal Isuan, anni chu “..an lawmman an hmu tawh” a tih kha….an lawmman an iptepui-ah an ak puar/rit tawh a, kan kalna lamah chuan anlo kal ve peih tawh lovang…a kawng a chho a em a.
(fiamthu a ni leh a nia …Nu pakhat pawh fiamthu a manlo ve khawp a, fiamthu an thawh changin fiamthu a ni tih hrilhfiah zel a ngai a..fiamthu a ni tih a hriat hnu chuan a nui ring ve thei nasa ..)
Report this comment
May 16th, 2010 at 3:09 pm
kava inkhawm theks ange.
Report this comment
May 16th, 2010 at 3:25 pm
Maimitchhinga duhthusamah hian tawngtaina hi a tawp mai a nih chuan thingthi (meuh)a diltu hian chan a va nei chau dawn em!!!
Tawngtaia thil kan dil hian, kan dil angin min chhang nge kan mamawh danin min chhang tih hi kan ngaihtuahzui ngai zawk emaw chu?
Ka Bible-ah chuan, (a lehlin a hlui deuh tawh maithei a) “…nang erawh chu i tawngtaiin, i pindan chhungrilah lut la, i kawng khar la…” tiin Lal Isua’n min zirtir a, taksa awmdan lam chu, ka chhiar kim tawk lo nge ni, ka hmu miah lo.
Nitina kan hnathawhnaah te, kan awmdan leh cheziaah te hian kan nun hian tawngtaina a hmang tam zawk niin kei misual hian zu hre tlat ia…
Report this comment
May 16th, 2010 at 3:32 pm
Post hi chhiar chiang thin ta che u maw le
Mihring tih lawm tum vang a thingthi a ni lo va, a In neitupa ber in ” thingthi turin kan zavai chuan min ti ta a” tih a nih khi. In chaweina tur In neitupa in a tawngtai dawnah,” kan zavaiin i lo thingthi ang u” ti ta se, midang thingthi ta sap sap bawk se, tin, chu chu i duhdan ni lo mahse boruak tichhetu nih ai chuan chak lo chung in i thingthi ve mai lovang maw? A nihna takah chuan in thiannu PA hi in thianho chaweinaah a rawn inrawlh hrim hrim hi a over thlak. Tin, thingthi tur a a ti kher kher che u phei hi chu a thing over leh zual. A thlarau mi zia show a tumna che u ah ka ngai. Thalai rual, an thlarau nun hre tawp si lova thingthi tur a lo tih vel reng reng… An Inah chaw eikhawm duh tawh reng reng suh.
Report this comment
May 16th, 2010 at 3:48 pm
Ti zawng hian…i thianpa chuan a ke thatloh thu chu hrilh hre ta se a fin thlak viau in ka ring chu tih anih loh chuan a ke na kha hun hmangtu khan a hrelo theia…Tin, kan Lala Isua kha thingthit chu sawilo an vaw hrepa an la kheng bet zui,Reilo te hrehawm tuar te chu a nep lutuk,cutah kan la thinrim hlur chuan a dik dawn em ni le?
Report this comment
May 16th, 2010 at 3:51 pm
@funny, #28, ka awih lo ber ang :twisted: Mark tih that ngai a awm emaw ni le… Tunlai i fb ngai em… :lol:
Report this comment
May 16th, 2010 at 4:29 pm
Chhungkaw pakhat ka hriatah chuan, chhung inkhawm anneih zawh hian, hun hmangtu khan chibai a sem kual thin. Thingthit ai chuan ke a kham loh deuh ka ring… :lol:
Report this comment
May 16th, 2010 at 4:50 pm
mimal in concentration kan peksan theih ber emaw hi engpawh hmang ila atha mai awm e. Hetih lai hian “tradition” ang hrima hman erawh Pathianin a lawm vak lo mai thei. entirnan, Halleluiah Chorus sak laiin khawthlang ho an ding thin. Mizorama rem leh rem lova, lo din ringawt, chhungrila Pathian zah tak tak si lo hian awmzia a nei vak lo mai thei.
Report this comment
May 16th, 2010 at 4:50 pm
i thianpa pawh chu din mai awm, a keruh tliak te chu…. thingthi kher hi chu duh leh duh lo mai ah ka ngai ..kei ngei pawh hi a changchunan thingthi in ka tawngtai fo tawh, when i am lone
Report this comment
May 16th, 2010 at 5:33 pm
A bengvarthlak khawp mai in ngaihdan te in rawn sawi a. Ka lawm takzet. Huatah engmah ka lova, min rawn rawt thak rawh u in duh phawt chuan
Nia, a dik alawm. Ka phunnawi chu a ni ber ang chu – a zahthlak ve viau na’ngin. Tumkhat fellowship hruai tura min tih laiin hruaitu chuan Pathian hmaa thingthia inhlan phawt turin min ti a – kan zinga pakhat chuan thingthi ve ta lo chuan a ding tluan zarh a… mak ka tih deuh mai chu a hnuah midang chuan a thingthi ve duh lo chu an sawi zui ta neuh neuh mai a. A mak thin khawp mai. Kan lenna te kha Kohhran Upa niin an zahawm em a, engmah kan sawi ta lem lo a nih kha.
Ngaihtuah peih te tan tho a dang rawn sawi leh teh ang – Kan veng Biak Inah chuan inkhawmpui a awm a, kei leh ka thiante nen chuan Ei leh In lamah chanvo neiin kan buai ve em em a. Inkhawm banah chuan pulpit bulah zaipawl te, usher te’n thla an la a. KTP hruaitu leh nihna nei deuh te an ni hlawm. Chutah keini chuan han lak ve kan tum ngawt a – kum lamah kan naupan bikna ka hre lova, KTP member theuh theuh kan ni. Amaherawhchu, zaipawl member kan nih ve loh avang nge, hruaitu nihna kan chelh ve loh vang (an thianghlim bik tihna em ni?) keini chu pulpit bulah thla lak min phal ve ta miah lova. Anni kha Upa emaw minister te ni sela chuan thuhran, amaherawhchu kan thalaipui te an ni a – an nihna avangin an thianghlim zawk tura an inngai em ni aw…? tihte min ngaihtuah tir a. Rawngbawlna hi chawimawina nen kan ngaihpawlh thin em ni aw…? Ka vai thian pakhat chuan – “I believe in God, I don’t believe in religion. I am a spiritual person, not a religious person” a ti a. A tirah chuan engah mah ka ngai lo. Mahse ka ngaihtuah a – what is religion? Is it nothing more than institutionalised and politicised spirituality? Mizo te hian Pathian nge kan biak a, kan sakhua? Pathian duhdan nia kan hriat nge kan ngaihpawimawh zawk Kohhran-a kan tihthan dan eg Pathian mitah chuan kan intluktlang, mahse Kohhran huam chhungah hruaitu chu an thianghlim deuh bik (?), an thla laknaah midangin an la thei ve lo..?
Phaiah chuan Mizo te chu denomination thliar lovin inlungrual takin kan inkhawm ho thin a.. Pathian thu te, Hla te, Sakrament te, Baptisma te, inhnialbuaina awm lovin kan nei ho thin. A nuam thin khawp mai. A then te phei chu an awmnain a zir loh avangin vai inkhawmah te an tel ve thin. Amaherawhchu kan haw hunah chuan hmun khata inkhawm thei kan ni ta lo. Presbyterian te hi kan ‘progressive’ bera inhriatna kan nei chung pawhin, kan bialtu Pastor chuan a thusawiah, “A theih hram chuan, mahni Kohhran chhunga mi neih tur… chutilochu…” te an ti a. Phaia zirlai pakhat tihdan takah – hetia inlungrual taka mi chi hrang hrang kan inkhawm hian, kan Pathian biaka hi a tak bik riau te hian a hriat thin, te a ti a.
Heng te hi kan ngaihdan an ni vek kher lova, mahse zawhna leh ngaihdan cho chhuak tura ka rawn tarlan a ni e
Report this comment
May 16th, 2010 at 9:02 pm
Ke na chu thingthi lo mai se, theilo chung2 Pathian hian a phut ka ringlo.
A thu hrimah Pathian hi a hring hranin kan hmaah hian awm ta se, kan thu ngawt ang em, kan thingthi lek angem. Kan bawkkhup rawp rawp mai hian ka ring asin. Hmu lova ringtu nih hlutna kan zir thin, kan zingah a awm chiah hian kan ring tak tak em le?
Report this comment
May 16th, 2010 at 9:13 pm
36 deAnGeLiZeD: A dik khawp mai…van ram-ah te hian tu tak ding chang ang maw…he lei ang ngawt chu a ni lemlo ang chu maw !!
Mi ramah tute emaw kan han inhmu a, “kristian i ni maw? tih chinah chuan… kan in hnaih sauh a. Kan han in zawt thui deuh a,”Engkohhran nge i nih?” tih alo rik hi chuan KEL leh UI ang deuhvin kan in en tan leh ta lawi si a ang.
Fiamthu a an sawi thin : Pa pakhat piangthar hlim pawh kohhran (denomination) a tel chakin Pastor hnenah membership a va dil ve a, Pastor chuan, “ka buai rih em mai kar lehah lokal ta che” alo ti a. A kar leha a va kal pawh chuan Pastor chuan chhuanlam dang alo nei leh a, a karleh a lokal turin a hrilh leh a… chutiang chuan vawithum lai an inti ta mai a. Piangtha hlim chu Pathian hnenah a tawngtai ta a…” Lalpa i kohhrana ka tel ve hi i remti lo em ni? Hei vawithum lai…a ni ta” tiin.
Pathian chhanna chawplehchilhin a hre ta a,” Lngngai ma ta che..nang chu ka mi diktak i ni e…kei pawh he kohhran a ka tel tawh lohna hi kum 3 lai a ni tawh” tiin. Kohhran program leh thil tamtakah hi chuan Pathian pawh hi kan lo telh meuh tawh lo thin te pawh a niang…fiamthu..
Report this comment
May 16th, 2010 at 9:38 pm
Midang hmuh a Inhmuam-up-na hian min invade zel zawng a nih hi. Isua hunah pawh khan eiru, kil khat a awm chum a lo tawngtai ngawng ngawng kha a ni lawm ni Isua rilru tawk ber kha… Tlawmngai kan tih te pawh hi, midang hriat miah loh a tlawmngai, midangin an tlawmngaihna an hriat hlau ni zawk awm tak a Tlawmngai te hi a ni ‘Tlawmngai’ ka tih chu.
Report this comment
May 16th, 2010 at 10:54 pm
Mr Duhlova#27: Lawmman hi i lo hmu ve si lo vang a,midang judge reng2 mahni inhmu chiang silo hi i ni mai ang a..:) (Fiamthu mai a nia…)
Engpawh chu ni ta se, thil reng2 hi a sawisel tur duh tan chuan sawisel tur a tam a, kan tih peihloh leh kan tih theihloh hi kan sawi sel tlangpui…:) Hetiang chiah hi ka zirpui ve tho ten chaw ei a min sawm in ka tawng ve tawh tho..Ka tih than loh a ni a, ka tawn vawi 1 na a ni bawk..mahse an fanu nen hian hmun khat ah engemaw chen kan awm ho toh a, a nun ah entawn tur tam tak ka hmu ve tlat thung.
Report this comment
May 16th, 2010 at 11:47 pm
Mahni in a chhungkaw tawngtai na ah ngei pawh thingthi meuha han tih chu nuam ka ti meuh lo. Ke kham, khup na tih vel vangin concentration hlauh a ti awl tlat ! lol
Report this comment
May 17th, 2010 at 7:12 am
Pa (in tan Pa ka ni ang a (2 Co.6:18) ber hma a thingthit te hi a tul dan (ngaihdam dil hunah te etc.)a zir leh kan thil dil duh a zir te pawh a ni thei….chawnghei a tawngtaite thlengin. Mi hmuhlai leh mi chaw in eipui laiin thingthiin tawngtai thin rawh u a ti lo. “…nang erawh chu i tawngtaiin, i pindan chhungrilah lut la, i kawng khar la…” inpawlna tak tak a duh.
Kan tawngtaina chhang theitu awmchhun Lal Isua hian engtion nge a sawi le:
“In thil tha tihte mi hmuh atan, mihring mithmuha ti lo turin fimkhur rawh u; chutilochuan in Pa vana mi hnenah chuan lawmman in nei lo vang.”Chutichuan, mi hnena englo i pekin, mi vervekten mi fak an hlawh theihna tura, inkhawmna inahte, kawtthlerahte an tih thin ang hian, i hmaah tawtawrawt hamtir suh. Tih tak meuhvin ka hrilh a che u, an lawmman chu an hmu zo tawh. Nang erawh chuan mi hnena englo i pekin, i kut ding lamin a tih chu i kut vei lamin hre suh se,i englo pek chu arukin a awm theih nan; chutichuan, i Pa aruka hmu thintu chuan a rul ang che.”Tin, in tawngtaiin, mi vervekte angin in ti tur a ni lo; miin an hmuh theihna `turin, inkhawmna inahte, kawtthler peng takahte, ding chunga tawngtai an ngaina si thin a. Tih tak meuhvin ka hrilh a che u, an lawmman chu an hmu zo tawh.Nang erawh chuan i tawngtaiin, i pindan chhungrilah lut la, i kawng khar la, i Pa aruka awm hnenah chuan tawngtai rawh;
Pa min hmangaihtu te tan chuan a der ni lo a tak tak thil -tuar a ngaih pawh a tuar ngam lam a ni zawk. Lawmman chu kan thil tih avangin a petu theitu pek duh leh duhloh lam a ni..keini lawmman beisei vang lam a ni lo. traditional lam a ni lo…inpawlna thuk tak a ni.
“Pathian chibai buktu taktakten thlarau leh tih tak zetin Pa chibai an buk ang, Pain chutiang mi chu a chibai buktu turin a zawng a ni.Pathian chu Thlarau a ni; a chibai buktuten thlarau leh tih tak zetin chibai an buk tur a ni,” Jn.4:23-24)
” Kan Pathian leh Pa mithmuha sakhaw biak dan thianghlim leh sual tel lo chu hei hi a ni, fahrah leh hmeithaite an hrehawm laia kan leh khawvel bawlhhlawh kai lova insiam thin hi. (Ja.1:27)
Ka unaute u, kan Lalpa Isua Krista, Ropuina Lalpa chu ring chungin, mi thlei bik nei suh u.In inkhawmna inah mi rangkachak zungbun bun, puan mawi tak sin lo lut sela, tin, mi rethei puan chhe tak sin lo lut bawk sela;tin, puan mawi tak sin chu in ngaihsak a, a hnenah chuan, “Nang he hmun thaah hian thu rawh,” in tih a, tin, mi rethei hnenah chuan, “Nang chu sawtah sawn ding la, a nih loh leh ka ke nghahchhan hrulah hian thu rawh,” in tih chuan,in rilruah thlei bik neiin ngaihtuahna sual pua sawiseltute in lo ni dawn lawm ni….” Ja.2;1-4)
Mite thingthit tir ai chuan, duhleh mahniin room chhungah lut se…kawngka khar tha se.. ke na te tawngtai sak se…SA tlang te suahsak se….teh duah dawn a na….sermon nghek tham a awm zel dawn mai. Ngaidam… ngaidam…
Report this comment
May 17th, 2010 at 2:57 pm
@mr.Duhlova: A tha khawp mai i thil rawn tarlan hi. Thingthia tawngtai chu tha ka ti teh meuh mai – amaherawhchu thil tih ho-naah chuan mihring kan inang lova, rilru zau zawka thil kan tih te hi a tul takzet a ni. A pawimawh ber erawh chu Pathian nena kan inkar, mimal thil tak, i ti teh ang, a that leh that loh kha a ni zawkin ka hria.
Report this comment
May 17th, 2010 at 7:11 pm
deAnGeLiZeD # A dik ..Amen.
Pawisa in thawh khawma avangin chaw eiturin in va kal a nih mai hmel a. Thalai te inla nih hmel a, memberte in rawn tlangin “pa ber” chu hunserh hmantir tha in ti tlang pawh a niang…upa te alo nih phei chuan, hunserh hmanpui che u pawh a tih tur a ni…..a beram enkawlte nilo mah ula, Kristian theuh in nih avangin…mahse, “….thingthi turin kan zavai chuan min ti ta a..”, tih khian ngaihdan dangdaih min neih tir ta tlat a, an in a nih miau avang in..in zingah alo in la ‘boss’ ta a ni ber awm e. A mission strategy a hniam ka ti khawp mai.
Rawngbawltu inti tamtak te hian, mite thlarau nun level hrechhiang hawt lova, mi chaw eikhawm tur thlenga , kan lo puithiam sak vak thin hian, mi tamtak nun a ti hel fo…nangpawh a surprise che niin a lang…..an chhung kaw tihdan va zawm tura kal in nilo tih kha…makpa interview tura kal in nilo tih tluk zetin a hre thiam tur a ni… fanute len rei tir a duhloh chuan.
Thingthi a tawngtai te, chaw nghei a tawngtai tur chuan thlarau nun a inpeih a ngai a… a nihloh chuan khupna avangin tawngtai chhung reilote pawh … a rei thei khawp ang…sa rim alo nam phei tawh bawk nen…lo kerh kerh zeuh tawh bawk si……standard in anglo hi hawihawmna tello phei chuan….a hah thlak duh khawp mai.
Report this comment