Tumkhat chu fellowship-naah tlangval hmel fai ngo ving veng, khi sáng, amah sâng si lo, thiamna aiin rinnaah a sâng zâwk tih hriat tak mai hian thu a sawi a.
“I intawngtaipui tawn thîn ang u. Kan thiante, kan chhûngte, kan thenawmte leh midangte i tawngtaipui ang u. A lawmawm duh êm mai. Han tawngtaipui tak tak lo mah ila, ‘Ka lo tawngtaipui ang che,’ tih ringawt pawh a dawngtu tân a thlamuanthlâk a, ‘Ka lo tawngtaipui che asin,’ tih tawngkamte hi a hlu a nia,” a ti a.
Ka pawm khawp aniang, chuta tang chuan ka tawngtai hun chhûng hi nidang aiin a lo rei ta a. Tawngtaipui miah lova ‘Ka lo tawngtaipui ang che,’ tih ka chîn thinte chu ka bànsan hmak ta zâwk a. Kan tawngtaipui tih kha hre lo mah se, tawngtaina hi chuan a rûkin hna a thawk kheuh kheuh thînin ka ring tlat a ni. Hmasâwnna an neih hauh loh erawh chuan bei a dawng duh deuh.
Tawngkam thuhlaah chuan, ‘Ka tawngtaipui ang che,’ ti-a reh zui ta hmak te hian min tawngtaipui tak tak lo tlângpui a, min tawngtaipui intiama min tawngtaipui tak takte chuan, ‘Ka lo tawngtaipui che asin,’ an ti tlângpui. Chuvangin, ‘Ka lo tawngtaipui ang che,’ tih aiin, ‘Ka lo tawngtaipui che asin,’ tih hi hriat a nuamin a thlamuanthlâk zâwk em em a ni.
Min haw deuhtu an awm chuan, “Mi huat lai ber pawhin i tân ka tawngtai zêl ang,” han ti ila, min huat nachhan tur an hre tawh lo rëng rëng. Kan mi huat deuhte’n chutiangin min ti se, a chiang mai. Hetah hian, ‘I hmêlmate hmangaih rawh,’ tih thu kha a inzep tãt a. Hei hi kan Mizo upate’n, ‘Tawngkam thain sial a man,’ an lo tih kha a ni. Chutih rualin dâwt hmanga sial man tum erawh a fuh lo ngawtin a rinawm, kel pawh zu man pha suh.
I tawngtai tam ang u. Bible hi chhiar reng a theih loh a ni thei, mahse, tawngtai hi chu khawiah pawh, engtik lai pawhin a tih theih reng a ni. Eng anga hna sâng thawk paw’n eng anga hna hniam thawk pawh ni se, a tawngtai lai a tihbuai ka ring lo. Tawngtainaah hi chuan a tu-a pawh kan inhrethiam tlâng vek a ni. Chu chuan riltâm tawh lama darkar khat vel chham duah ang chi kha a huam lutuk turah ngai lo ta ila. Tawngtai hi tlang taka Pathian kan biakna (fakna ni lovin) a ni. Ani chuan hmêl inlanin âw te chhuah nghâl mah suh se, thil tih hmangin min chhâng thîn. Tawngtaina hun kan inpe tlêm em em a, tawngtai ngai lo pawh kan awm hial maithei. Tawngtaina hun nei lo khawpin thil dang i inchîmbuaitîr lovang u. Pathian kan biak tam chuan kan innêl ang a, Ani’n min hria ang a, kan inpawh ang a, kan inkâwmngeih em em dâwn a lo ni; chu chu thian inbe ngai lo aia inbe ngunte-ah a chiang.
Hawh u, kan tih ngai loh ang (ti thîn kan awm maithei bawk) takin misual.commer-te hi i intawngtaipui ang u hmiang. An nick lam ila, tum khat na na na chu intawngtaipui tawn ila, a thlâwn hauh lovang.
“Mi huat lai ber paw’n i tân ka tawngtai zel ang.”
Similar Posts:
- Tawngtaina
- TAWNGTAINA
- I Tawngtaipui ang u
- Pathian tih mi, tawngtai room hran nei
- Tawngtaina chhangtu Pathian
November 12th, 2011 at 9:04 pm
A dik hle mai.
November 12th, 2011 at 9:11 pm
A van tha em (Y)
November 12th, 2011 at 9:22 pm
(Y)
November 12th, 2011 at 9:23 pm
rawtna tha tak a ni…
November 12th, 2011 at 9:26 pm
Zaninah tan ila.. Good Post TS (Y)
November 12th, 2011 at 9:40 pm
a tha hle mai. tu paw’n engti kawng zawng emaw tak chuan tawngtaipui kan ngai theuh awm si a. (Y)
November 12th, 2011 at 9:42 pm
… tha tuk e… mahse ‘ka lo tawngtai pui che asin’ tih leh ‘ ka lo tawngtai pui ang che’ tih hian hun kaltawh leh hun lola awmtur an kawk hran deuh lo maw? hman kawp nawk nawk theih ni in alang lo. Miin aharsatna asawi zo chiah a, ka lo tawngtai pui che han tih nghal deuh tawp chu fuh chiah dawn mi aw??? te kalo ti rilru ve mai mai….
November 12th, 2011 at 9:46 pm
Zanin kan inkhawm chu damlo tawngtai pui ngai an thawh nual a, hming hmerha sawi te, vengchhunga damlo zawng zawng ti te leh damdawi ina damlo zawng zawng tan ti tea thawh an awm a. Kan tawngtai sak ngei tak nain, ‘Ka lo tawngtaipui che asin’ han tih theih ngei mai chu a tak hmel bik riau a ni.
Post tha tak a ni.
November 12th, 2011 at 9:47 pm
Manganna engemaw han tawh hian intawngtaipui hi a thlamuanthlak thin khawp mai. Post tha e.
November 12th, 2011 at 9:48 pm
Hei pawh a tha leh pek mang e.
Ka hming hi han lam mawlh mawlh teh u.
Gud post (Y)
November 12th, 2011 at 9:50 pm
A va tha lehpek em (Y)
November 12th, 2011 at 9:57 pm
A van tha e (Y)
Vawikhat ka nu mu tur tawngtai pawh mutchhuak tawh luttuk bawk si…mutthlu deuh chungin a tawngtai a, Pathian kha kan in panna kawng alo hrilh vel 😀
November 12th, 2011 at 10:01 pm
#7 Thangchhuahpa: A dik alawm. ‘Ka lo tawngtaipui ang che’ tih satliah ai chuan kan tawngtaipui hnua, ‘Ka lo tawngtaipui che asin,’ tih hian hna a thawk zawk ka tihna a nia. Tam tak chuan, ‘Ka lo tawngtaipui ang che,’ an tih hi an hre zui tawh lo va, an tawngtaipui tak tak lo fo va. Chumi ai chuan, ‘Ka lo tawngtaipui che asin,’ tih hian a nih tur ang a nih tawh hnu a ni a, a fuh zawk. Tawngtaipui lo chunga, ‘Ka lo tawngtaipui che asin,’ tih chu thil har ve deuh mai a nia, misual tan pawh. Chutiang tih chîng chu vanram an kai pawh ka ring lo.
November 12th, 2011 at 10:11 pm
Mi nena inrem lohna neih chang hian, anmahni va sawi sel miah si lo va, tawngtaipui leh tawngtaipui tura mi dangte pawh sawm hi a tha ka ti khawp mai. Alphabetical order-in nick ziak thla ila, in tawngtaipui tum tur anih tak hi. Mi mal vei bik neih chuan standing/permanent item? ah nei ta bawk ila.
November 12th, 2011 at 10:15 pm
Pacman te inhnek hi India ramah kan en ve thei dawn em? TV channel? Tan hun?
November 12th, 2011 at 10:20 pm
Mi kan tawngtaipui hian kan fel leh that vang a ni hauh lo, mi kan ngaihsaka kan hriatreng vang zawk a ni. A nihna takah chuan mifel tak tawngtaipui ai chuan misual tak tawngtaipui hi a lawmawm zawk hial maithei asin!
November 12th, 2011 at 10:21 pm
@Ninja, en thei dawn e a. Zing dar 8:30-9:30 velah True Sport in an rawn live dawn an tih kha maw. En theih inbeisei phawt ang.
November 12th, 2011 at 10:30 pm
In tawngtai pui that zia leh tawngtai na in thil a tih theih zia hi a taka hmu tu leh tawngtu ka ni
November 12th, 2011 at 10:32 pm
ee, hei chu a tak a bawhzui char2 chi a nih hi..,
November 12th, 2011 at 10:35 pm
A vawikhat na atan, no comment huhuhhuuuuiiiiiiiizzzz ka rawn enchhin nih hi. 😛
November 12th, 2011 at 10:36 pm
Ka tlin lo! Dawt sawi loah chuan keima tan a ka tawngtai ve pawh hi chiang kelh kawlh hian ka ti thei lo reng reng, a tawp lamah hi chuan a nawi nuaih zel!
Mi tan leh nghal phei chuan..a teuh lo lutuk!
November 12th, 2011 at 10:39 pm
Va tha dap dap ve (Y)
November 12th, 2011 at 10:47 pm
@dolly: Kei tak hian tawngtaina thiltihtheihzia ka hrechiang khawp mai. Tun hnaiah keimahah a thlengin a langchhuak nasa a, chuvangin tawngtaina hlutzia ka hrechiang khawp mai. Tuna chakna tlem ka neih erawh chu ka tawngtaina aiin midang (ka nu etc.) tawngtaipuina vang a niin ka hria.
November 12th, 2011 at 10:48 pm
20, Mizo Lanu, smiley i hmangthiam nghal elo?
November 12th, 2011 at 10:49 pm
#21, keipawh ka zuzi ral ngei ngei
November 12th, 2011 at 10:50 pm
TuaiSialA, a va han ropui ve le! (Y)
A dik chiah. Intawngtai sak tawn hi kan tihmakmawh a ni e. Tin, min hawtute hlei hlei hi tawngtai sak zel tur. A harsat chu a hrsa thin ngawt mai. Mahse ringtuten chaw tha kan hmuhna hnar pakhat zu ni tlat a!
Misual. commer intawngtai sak tawn hi ka thlawp e. Tu tute emaw hi chu ka lo tawngtai sak ve thin a. Mahse i rawn rawt anga a nawlpuia tawngtai sak nachang reng reng ka lo la hre ngai hleinem.
November 12th, 2011 at 10:51 pm
@Mizo Lanu: Welcome! Misual.com-ah hian tlangnel takin rawn tãl rawh khai. Mi tha leh puitling tak tak vek an ni a, i luh ngun poh leh i inchhir lo telh telh ang. I comment hmasakna ber chu ka post a ni kher bawk a, ka va lawmin ka va vannei em! Ka nu mi tawngtaipuina vang a ni ngei ang.
November 12th, 2011 at 10:51 pm
Keipawh tunlai chu mahni tana in dil sak ringawt hi a mahni hmasial thlak deuh ka tia midang tan ka theih anga tam in ka dilsak nasa khawp mai. ‘Kan chunga thil ti sual tute kan ngaidam angin….’kan tih ang deuh hian tawngtai hrim2 ah hian ‘midang te tana kan dil thin angin kan chungah pawh….’tih ngaihdan deuh reuh hi ka nei pek a,mahni tana dil ngawt mai zawng hi ka inthlahrung deuh thin.
November 12th, 2011 at 10:57 pm
25, A mak tak tak ani! camping a kal ve pawn ka tawngtai lai hian thil dang te hi ka ngaihtuah kual a. Kan in concentrate hlei thei lo ani.
November 12th, 2011 at 10:58 pm
A zavai vaia a bold chu le.
lrpa chu thenawmpa lo zuk ni reng che a!
November 12th, 2011 at 11:00 pm
TS, engtin?
November 12th, 2011 at 11:02 pm
Ka’n share mai2 teh ang che u…
Kan school/college kal laia exam lai reng2 hian ka chhungte,a hman2 hian kan tan hunah hian min lo tawngtai pui thin a. Pawl 11 kan zir kum hian Edu. kan neih ni hian(ka theihnghilh thei ta lo) ka chhung te tumah an awm lo a,ka pi tih loh chu…tichuan ka kal pah chuan kan tan hun leh min lo tawngtai pui tur chuan ka sawm a. Ani lo tar ve tawh ta chu,alo theihnghilh pek a,khami tum kan exam kha Edu. ah chiah ka fail a,chu pawh mark khat in. 🙁 English ah te phei chuan fail pui exam an tih hial khawpa an fail hnem tum khan ka pass nalh2 mawle….tichuan,ka fail chhan kha tawngtai loh vangah ka puh ta deuh ber tun thleng hian. Ka pi erawh ka dem hauh lo. A dang pawh ala tam,..dolly sawi ve ni.. 🙂
November 12th, 2011 at 11:09 pm
mi(sual) ho intawngtaipui tawn hi ka va thlawp em! Tawngtaina hian engkim a tithei.
Hetiang a nih chuan tawngtaipui kan ngaihna sawi ta hlawm ila (kan hreh loh chuan). Keiman ka han sawi anga min lo tawngtaipui teh u.
Ka nupui hi SBI ah a thawka, hmanni deuh khan Guwahati-ah an transfer a, flat luah tur kan zawng rei ta viau a mahse duh ang kan la hmu thei lo. An office hlat lo deuh kan duh sia, 3bedrooms tal nise kan ti.
Inthlahrung lo takin ka han sawi ve ngawt a nih hi, min lo tawngtaipui theih chuan ka lawm khawp ang.
November 12th, 2011 at 11:09 pm
Tha khawp mai . (Y) harsat na han tawh a “ka lo tawngtai sak reng che a nia aw ,” min han tih hi chuan , chawplehchilh hian thla a muang huai thei a sin . kei ve hi zawng mi te tawngtaisak tu ni tlak pawh ka ni ve lo in ka hria . . TSa hian nizan khan Vawin 11.11.11 hi kumin a ka hlim ber ni a ti a . eng tak chu i tawng nimaw ? .
November 12th, 2011 at 11:10 pm
Pathian hming lam hi atha!
BSc kan exam tum in question ka en kha ka zir loh hlir mai ani pek a. ka chhiar kha ‘Pathian tanpui kan ngai anih hi’ tih kha ring deuh in ka sawi a, an nui deuh hak a. Phek chanve ka chiah tak tak hi essay type ah khan ka ziak a, multiple choice lah kha ka ‘ingki ingki pawngki’ a, darkar chanve pawh exam hall ah ka thu lo! paper II nen belhkhawm in ka first luau asin le! paper I fail khan fail tho ania..!
November 12th, 2011 at 11:19 pm
(Y) TS, i tan zaninah ka lo á¹awngá¹ai ange. Rawtna á¹ha tak a ni.
November 12th, 2011 at 11:22 pm
33 @muantea, in nupa tan zaninah hian ka lo tawngtai sak ngei ang che u. Ka mut a chhuak ta. Mangtha vek u le.
November 12th, 2011 at 11:38 pm
Chhana & boihapa: A ropui hle mai. Kei pawh in tan ka tawngtai ang, Pu Muantea pawh. Tin, tawngtaipui ngai rawn insawi tih loh chu a nick azawng chuan sawikim sen a ni lovang a, misual.com member zawng zawngte tih hian a huam kim vek ang chu. Sawi tawh ang khan intawngtaipui kan sawi hluaite hi kan fel bik vang a ni hauh lo va, misual tawngtaina hi a hlu a ni tih hriatchian em vang a ni.
@Maya: Han sawi hluai tham pawh a ni lo, midang tan phei chuan a ho lutuk, nuihzatthlak a chang zawk ang. Chuvangin ka ngawihbopui mai zawk ang e. Kumin kum tluan deuhthawa ka tawngtaina/mi min tawngtaisakna chu chhan pumhlumin a awm atin ni.
lrpa: Vawiinah an sawi a. In chhungte or unauah Hindi zirtirtu an awm em?
November 12th, 2011 at 11:40 pm
38, TSa, awm e, kan naute ber hi Hindi zirtirtu a lawm! nghet phei chu a nghet lo a..te ber ti lem ah i U U vel aniang! 🙂
November 13th, 2011 at 12:08 am
Ekhai! Kan lo inthenawm reng a nih chu mawle!
November 13th, 2011 at 12:24 am
40..nia
November 13th, 2011 at 12:29 am
Tuaisial, tu maw kan thenawm chu?
November 13th, 2011 at 12:31 am
41..nia
Thenawm tih lemah kei hi a mimal tak chuan awmhmun nei lem lo, hnahthel ro, thli-in a chhêmna lam lama a lêng ang mai hi ka nia. Kumina ka thenawm chu kumtharah pawh ka thenawm a la ni reng ang tih ka sawi lawk thei thin lo va.
November 13th, 2011 at 12:32 am
SHOCKING!!
ka in a ka chen puipa mexican pa in ‘i am gay’ a ti anih chu!..sawi theih ka nei tlem khawp mai!
November 13th, 2011 at 12:33 am
@dolly: lrpa khi mawle.. Nangni nen pawh in inhlat miah lo a nih chu. Khawnge Shailendra leh Ralte te, zer0 leh Chhakchhuak leh midang dangte lo lut sela, veng chhung committee nei tham kan awm mai ang a..
November 13th, 2011 at 12:34 am
#44: Tawngtaipui a ngai a nih chu. Nang pawh 😛
November 13th, 2011 at 12:38 am
Bethsy Lalrinsangi’n, ‘Tho la, Lalpa hnenah tawngtai rawh,’ tih hla a sak kha ka ngaithla mek a, post nen a inmil kher mai.
Tun hi tawngtai hun chu a ni, thlarauva tawngtai hun chu.
I ram leh kohhranin tawngtai turin an ko che.
Tho la, Lalpa hnenah tawngtai rawh.
November 13th, 2011 at 12:40 am
lrpa@44, gay nen maw in chendun? Va ‘den’ ve. Kan lo tawngtaipui nghal che. Sual a i tlukluh loh nan 😀
muantea@33, flat in hmuh thuai ka beisei in ka duhsak che u. In nu chu transfer satliah nilo in promotion transfer tih kha sawi tel la mawle.
November 13th, 2011 at 12:43 am
@48..in vengfim khur rawh se 😀 😀
November 13th, 2011 at 12:45 am
#49: I kekawr zipper tala-in kalh ang che.
November 13th, 2011 at 12:47 am
On serious note, a mak khawp mai! an sawi zak lo ringawt pawh hi ka ten viau a, mahse Pathian thu han hrilh chiam kha a ni chiah bawk si lo a. Min hrilh chiah kkhan ka sawi chu ‘ lets discuss this from the view of Bible ka ti. a nui mai mai lehnghal!
November 13th, 2011 at 12:49 am
I bul khera a sawi kha a mak ka ti têp.
A ît deuh che a ni lo maw? I îtawm viau em ni? Mipat mipatna hi chu ka ti thei thak lo!
November 13th, 2011 at 12:51 am
Va meng rei hlawm!
November 13th, 2011 at 12:52 am
Aduh, naktuk sunday ania, kan han inthlahdah ve anih hi. Tsa hian recent comment ah a ma hming chauh tlar khah a tum a, ka dang char char mawle
November 13th, 2011 at 12:55 am
52 Ts, Gay hi rinloh deuh hi an lo ni thin a..Kan rindan ang hi ani lo. Bialpa/bialnu fel tak an nei thlap a..anni ang outcast deuh ho phei hi chu an nghet leh zual lehnghal a..Bible in chuti, khati..tih a va pawngpaw hnial ngawt chi ani lo. Mi pangngai thiante ka han zawh fiam deuh a ‘in fate gay nise in duh dawn mi?’ tih pawn direct in min chhang ngai lo..’An hlim chuan..’ an ti mai. Bible hi absolute thruth anga ngai lo te chu hnial an har khawp..!
November 13th, 2011 at 12:55 am
Tawngtaipui tih ai hian tawngtaisak tih a dik lehzual ang em? tih lam ka lo ngaihtuah daih pek. Thenkhat hi chu mahni pawh tawngtai lem lo te awm theih a nia, chutiang mi chu kan tawngtaipui ni lovin kan tawngtaisak a ni zawk.
November 13th, 2011 at 12:56 am
Nia. Miss Aduh, Sheldon nen tawngtaipui tur kan lo la zawng ngar ngar a nih hi. Kha, i lo lang hlawl a, hlawhtling kan inti khawp mai.
November 13th, 2011 at 1:00 am
#56: A ni khawp mai. Mahse, (ka’n ti teh ang) mahnia tawngtai thinte hi kan tawngtaipui ve tho alawm. Mahnia tawngtai ngai miah lo ai chuan tawngtai thin an tam zawk ka’n ring ngawt a. Chuvang chuan tawngtaisak ai chuan tawngtaipui hian a huam zau deuh ngei ang.
November 13th, 2011 at 1:05 am
#58, tawngtaisak tih hian a huam zau zawk ang chu. Anmahnia tawngtai thin leh tawngtai ngai lo te pawh a huam vek zawk alo’m!
November 13th, 2011 at 1:08 am
A dik reng..hehe.
‘Ka lo tawngtaisak che,’ tih ai chuan, ‘Ka lo tawngtaipui che,’ tih chu dawn a nawm zawk ka la ring tho mai!
November 13th, 2011 at 1:12 am
Ts, ‘Ka lo tawngtai sak che’ ti zawk teh, tawngtaipui tih kha chu a dik kim lo thei, amah kha a lo tawngtailo thei a
November 13th, 2011 at 1:13 am
Mahni tan chauh a tawngtai thin te ai chuan midang tawngtaipui thin tute nun a hlim zawk ngei ang
November 13th, 2011 at 1:19 am
@Sheldon: Han ngaihtuah chiang mah teh. ‘Tawngtaipui’ tih hi a tluangtlam zawk mah lo’ng maw… A tul chuan ka tlâwm ral thak mai ang!
@Dolly: Dik lutuk. Thil thlawn pek awlsam leh hlu tak a ni, intawngtaisak leh intawngtaipui hi!
Tawngtaisak hian damlo, an bula an dam theih nana kan tawngtai ang chi hi a kawk deuh lo maw.. An lu chunga kut nghat ang chi hi.
Tawngtaipui chu an bula awm lem lo pawha mahni tawngtainaa telh ang chi hi a ni zawk ang a..
Damlo hi an lu chungah kut nghatin, ‘Ka tawngtaipui ang che,’ tiin an tawngtai ngai lo va, ‘Ka tawngtaisak ang che,’ tiin an tawngtai thin zawk a ni..
November 13th, 2011 at 1:24 am
November 13th, 2011 at 1:27 am
Pu Hva chu ka lo ngaihtuah mek lai chein.. Tawngtaipui i ngai dah law maw..
November 13th, 2011 at 1:34 am
Pu HV, tunah in ramah dar engzat nge le please
November 13th, 2011 at 1:40 am
sheldon170 #66 Chawhnu dar 3:11 chiah chiah
November 13th, 2011 at 1:45 am
Miin ‘i tan ka lo tawngtai thin asin’ min han tih hi chuan a mi den dan adang khawp mai. Mahse, hetih lai hian kuangkuah a ngaih tha taka lo thut veng2 ngawt chu a fuh ber lo maithei ani. Kan tih ve tur a awm ang.
Tawngtai hi Pathian biakna chauh ni lovin Pathian biakna leh fakna ah ka lo ngai asin..:-))
November 13th, 2011 at 1:46 am
Kan Zotlang ramnuam ah chuan zinglam dar 1.47 chiah. Mi pangngai tan chuan mut a hun rem rem khawp mai. Mahse, khawvel lehlama mi te in khawhar kan hlau sia
Tak tak a, mitthi inah ka kal a, ka harh laklawh kur
November 13th, 2011 at 1:51 am
@LR: Kan tawngtaina thu azirin kan fak a ni thei ang. Mahse, tawngtai hian a tlangpui thuin fakna aiin biakna hi a kawk zawk mah ka ti.
November 13th, 2011 at 2:03 am
Fiamthu titak deuhin, “Min lo inkhawm kep mai teh,” tih kan ching fo thin. Tihian ngaihtuah ta ila: Nupa an awm a, an nu chuan an pa inkhawmpui a a sawm hian, “Min lo inkhawm kep mai rawh,” a ti thla zen mai a. Hun a liam zel a, an thi ve ve ta a. Tichuan vanram kawngkhar lam pan alo hun ta a, gate vengtu hmaah an ding dun ta ran mai a.
Vanram kawngkhar vengtu chuan, an nu chu a luhtir a, a pasal erawh chu a luh a remti ve ta hauhlo mai a. Ani chuan a luh phalloh chhan a zawh chuan, kawngkhar vengtu chuan, “Innu in a luh kep tawh che alawm,” a ti ta a.
Ka han sawina chhan chu, tawngtaina te, kan Pathian biak danah te hian ngaihtuah tithui thei tak tak hi alo tam khawp mai hi alo ni a. Tawngpawng basa ngam leh vai liam puat ang chi hian ram ropui min thlen dawnlo a ni tih hriat theihna a tam thei awm e, tih hi.
November 13th, 2011 at 2:04 am
Tawngtai ve tak rau2 chuan mahni in sit deuh chung a, mahni in dil sak ai chuan midang kan chhungte kan zirpui te tawngtai sak hi a zia mai..
November 13th, 2011 at 2:05 am
@ Ts, ani khawp mai…tawngtaina ah chuan biakna thu kan hmang tlangpui thin a. Mahse
Pathian hnena tih takzet a kan tawngtai hian kan faka kan chawimawi nghal niah ka ngai a…:)
November 13th, 2011 at 6:42 am
Tawngtai pui/sak thu-ah chuan a hun azirin hman a ngai ang. ‘tih sak leh tih pui’ atangin ngaihtuahna a neih theih bawk ang.
Ka subject thawh min lo tawngtai puitute chungah lawmthu ka sawi e.
Vawiin hi Pathianni a ni a, ka theih theih ka lo tawngtai pui dawn che u nia.
November 13th, 2011 at 6:56 am
muante #74
Keipawh le
November 13th, 2011 at 7:38 am
Mi hnenah “ka lo tawngtaipui dawn che nia” ka ti ve mai mai ngai lo. A chhan pawh ka hre chuang lo.
November 13th, 2011 at 8:45 am
mr. duhlova pi zawn chu tunah hian a natna khumah serious takin a mu mek a, misual ten tawngtai na ah i hria ang u..
November 13th, 2011 at 12:21 pm
#77, a va pawi tak em! a tha chhuak leh em ang chu maw…? dam thuai turin duhsakna ka hlan e.
November 13th, 2011 at 12:36 pm
#77 A pawi hle mai. I tawngtaipui theuh ang u.
November 13th, 2011 at 1:11 pm
Ka va lawm em! #33 ah khian nizanah subject ka rawn thawha, tuemaw chuan min tawngtaipui tih ka chiang. Tukinah a chhanna kan hmu nghal a, kan duhthusam flat luah tur chu kan hmu ta e. A lo thlen dan pawh Pathian hnathawh a ni tih loh rual a ni lo. Pathian chu fakin awm rawh se!
TS, i post hi a hlu thlawt a ni. Ka tan a hlu lehzuala, midang tan pawh a hlut zel ka beisei.
November 13th, 2011 at 1:14 pm
Kei chu mi tawngtai pui chu hla khawp mai..mahni pawh inthlahrun tawh nak alaiin
November 13th, 2011 at 1:17 pm
Muante, congrast! Ka tawngtai pui che a sin… ti dawn ila, #33 pawh chu tunah ka hmu chauh a ni si a.
November 13th, 2011 at 1:24 pm
@Pu Muantea: A ropui hle mai! Ka lawmpui lutuk che u. Tawngtaina thiltihtheihna a takin kan hmu ta a, a ropui lehzual!
November 13th, 2011 at 9:08 pm
mr.Duhlova (Pu Lura) pizawn, Sangtei nu, Bungkawn (Khatla piah) ami ana viau ani awm e. Kan tawngtai naah i hre theuh ila tih ngenna/rawtna ka rawn siam/thawh e.
November 17th, 2011 at 3:08 pm
@84 a sawilan khian min peihlo san ta..
khawhar chhungte i ṭawngṭai pui ang u…
November 17th, 2011 at 3:14 pm
85 @Pakak, a ni maw, ava zia lo thin tak em! Ka phak ang tawk tawkin ka lo tawngtaipui ve ang e. Ti daih ila, a sawitu HV-a fanu chanchin ve thung hi, hriat i nei mail lo maw?
November 17th, 2011 at 3:22 pm
@86 a zia awm zel chu an tih kha maw le…ICU aṭang pawn an chhuak tawh a ni awm e..ka hre tam lo khawp mai..ṭha zel turah ka lo ngai mai.
November 17th, 2011 at 3:24 pm
Pu Duhlova Pizawn boral ta chu va zialo ve aw.RIP. Pu Hva te pawh hi an buai tak zet niin a lang. Ni 3 zet a misual thei ta lo a nia.I tawngtai pui zel th ang u. Pu Muantea te pawh ka lawmpui e. Ghy atang chuan kan awmna chu darkar 7 kal ani tawh mai a, a hmel hmuh thuai lo beisei teh ang.
November 17th, 2011 at 3:25 pm
87 @Pakak, thanks a lot
November 17th, 2011 at 3:31 pm
@89 nimin khan an chhuak mai thei tih a ni zawk e, vawiin lam chanchin ka la hre lo.. anyway wc