High School kal lai leh College zirlai zingah damdawi hmang sual an pung a, damdawi nghei tawh nghei tun hnai a khawih chhunzawm leh tam tak an awm. Tunhnai a damdawi hmansual lar zingah hian No 4, Proxyvon leh Parvon Spas te hi an lar hle a, zirlai sikul naupang zingah damdawi mum Pepe an tih leh Correction Fluid (Erazex) hnim a lar hle bawk.
Drop In Center pakhat a an Syringe Exchange Programme record-a a lan danin an center a Disposable Syringe 2ml nitin a thleng thin hi April-ah 390 an pekchhuak a, May-ah 445 a kai chho a. Thawktu, PE (Peer Educator) te’n an semah April-a 2,235 an pekchhuah chu May-ah 2245 ah a kai chho bawk. Heng Syringe 2ml hi Proxyvon leh Parvon Spas a inchiu nan a hman thin a ni.
Damdawi hman sual zingah Parvon Spas a hluar hle a, Mizoram Excise & Narcotics Department-in kumin May ni 15 thleng an man leh nikum puma an man khaikhinin mum 85,984 laiin a inthlau a. Kum chanve chanve pawh tling lova khawmin kum khat chhunga an man heti em em a a khum hian he damdawi hmansualna hi a tilang tih sawi a ni bawk.
Parvon Spas hi Spasmo Proxyvon damdawi thuhmun a siam tuten eng emaw an tel belh avanga a hming an tih danglam, nachhawkna chak tak, hmansual theih, hman sual a damdawi hlauhawm tak a ni. Tunlai local rate (street rate) ah chuan Proxyvon hi mum 6, Rs 100 – 120 velin a lei theih a, Parvon Spas hi mum 6, Rs 150 in a lei thei bawk. “A thawh dan a inang deuh reng si a, a tam zawk si a, chuvang chuan Parvon hi kan lei leh mai thin” tiin ngawlvei pakhat chuan a sawi a ni.
Aizawl Narcotics Department thawktute chuan heng damdawite hi Silchar lam atanga rawn lut niin an hriat thu leh Aizawl damdawi dawr atang hian engngemaw zat chu dan lova hralh chhuah a nih an rin thu Zalen an hrilh. Heng an damdawi man te hi eng company siam nge, khawi hmuna siam nge, eng anga khawih danglam nge an hriat loh avangin a hlauhawm zual thu an sawi bawk.
SAKEI -PARVON SPAS
Ngawl vei enkawl a hnathawk Dr. Sanghluna chuan Spasmo Proxyvon leh Parvon Spas te hi nachhawkna chak tak Cancer natna veite an pek thin, a hmandan tur nilova hman leh ei tam lutuk chuan lung na leh (Ulcer) pumpui lawng, Cancer hial pawh thlen thei a nih thu a sawi a. A damdawi hi ngaih (addict) theih a ni, tiin a hlauhawm zia thu a sawi a, inchuina tura siam a nih loh avang leh Over Dose (O.D) pui theih a nih avangin a hlauhawm em em thu a sawi bawk.
A lo ti laklawh tawh (addict) a tel lova an awm thei lo anih pawhin a strip ami ngei, khawih danglam loh tih chiang sa chauh hmang te hram hram se a that thu a sawi bawk. “Proxyvon hi kan sawi mawi hauh lova, mahse Parvon spas ah hian Paracetamol a tel a, vein a direct a an inchiu a nih chuan thin (liver) chuan a tuar bik ang. Ka hmuh dan chuan Aizawl ah No 4 a hluar chho a, Parvon Spas hi Lunglei lamin an buaipui nasa zual,” tiin Dr Chawnglungmuana chuan a sawi bawk.
Damdawi la ti mek ti mek (Running Addict) leh a nghei tawh (Recovering Addict) 5 te chu Zalen chanchinbu in kawmin anni chuan Proxyvon leh Parvon Spas inchiu nana an hman ve ve tawh thu leh Parvon Spas chu inchiuna atana tui nen an han chawhkawi hian Proxyvon aiin a tui chu a hnang zawk a, a b bawk a, Syringe a hipluh a har zawk bakah thisen zam (vein) a tichhe block hma zawk niin an sawi.
Parvon Spas a lo hluar tak zawk nachan hi inchiu nana hmang (running addict) ten Zalen an hrilh danin Proxyvon a inchui hian ‘A |EK’ (climaxtvawrtawp) an tih mai, an inchiu zawh chiah ni deuh chuai thin chu a awm tawh loh vang leh a ruih that theih tawh loh vang niin an sawi. A ei a ei chuan a la ruih theih tho niin an sawi bawk.
Zirlai pakhat ti ve thin chuan zu angin rim a neih ve loh bakah hriat a har vanga damdawi hi ti ve ta mai niin a insawi a. A chhungten an hriat chhuah meuh chuan a lo tlai tawh thu leh hrehawm a ti a, pawi a tih thu a sawi bawk.
MIZORAM EXCISE & NARCOTICS DEPT. RECORD A A LAN DAN
ITEM YEAR
2009 2010 (May 15)
SPASMO
PROXYVON mum 53,990 mum 36,424
PARVON SPAS mum 48,684 mum 1,34,668
Similar Posts:
- Luaithli
- Ruihhlo
- Ka ti ve chhin (in nuih awihloh)
- ‘Drug addict’ Vs ‘Damdawi ngawlvei’
- Ka ti ve chhin – Part 2
June 12th, 2010 at 9:29 pm
Buaithlak thin e aw…
Report this comment
June 12th, 2010 at 9:37 pm
Ruihhlo Do in SRS ten hma an la a, kan sawisel luai2 a,Hei Kum 2 hnu ah a rawn hluar leh ta,Tun lai a Thalaite Thihna an sawi Lungna,etc te hi hman a kan Thihna OD kha a ni ang a!kan la Zep mai2 ani lo maw.Setana Dawibur Ruihhlo hi Kan Hmelma ani a, I DO zel ang u.
Report this comment
June 12th, 2010 at 9:44 pm
Tunlai thalai te hi chuan a pawizia an rual u deuh te atanga zirtur an hmu tha asin mawle
Report this comment
June 12th, 2010 at 10:11 pm
heng ruihtheih thil in unau te leh duh deuh te a tibuai phei hi chuan a thinrim thlak duh teh mai nia..
Report this comment
June 12th, 2010 at 10:13 pm
Van buaithlak tak ve le o……
Report this comment
June 12th, 2010 at 10:14 pm
Hetiang hi aniang chu kati mai a, Parvon Spas chu :-
https://i49.tinypic.com/nnpkrn.jpg
Report this comment
June 12th, 2010 at 10:15 pm
Damdawi hman sual thin anih avangin damdawi thenkhat tha tak tak khuahkhirh anih phah thin. Mamawh viau tan pawh lei a zahthlak lek lek thin.
Report this comment
June 12th, 2010 at 10:23 pm
lo rui borh2 teh se… A mol lel lul hlom eeeem alom..MIZO mimol threnkhat chauh an ni e…
Report this comment
June 12th, 2010 at 10:23 pm
lo rui borh2 teh se… An mol lel lul hlom eeeem alom..MIZO mimol threnkhat chauh an ni e…
Report this comment
June 12th, 2010 at 11:01 pm
kan nih na ai danglam hret duhna/chakna vang hi ni fo thin sin Damdawi/zu etc kan tih thin ni!!kei ka thalai hun(2?yrs)hmang chho mek hian hetiang ka ti lo thei nih chuan,ka thalai puite hian an va ti lo thei dawn em ve aw!!thian te vang/chumikhami vang,TEUHLO mai,kan thiante/ngaihzawng etc..kam mawhpuh dawn nih chuan neihloh mai tha lo maw!!ka thian temualmin liamsan ta awm ve nual tawh,an zingah lah ka teltam..Insum theih hi pawimawh sin hehee,i ruihnawm lai bera i ingaihlai khan,”KA HRING NUN HI”ti in han ingaihtuah teh,anawm vak loh zia i hriathiam phak ka ring!!I nawm luat tumna khan inun kha ti tawi hlauh palh ange!!Mahni chuan tal chhuah har iti maw…exp ka nei ve nual tawh,Mipe nilo hram ang che!!Thatlai hun Lapa tan i tilo rau2 nih chuan!!thil ahman na lo tura hmang vanga thi chu ni lul suh ang che,ithatna duhtu hian Van tangin thli reng che sin!!ka lo ti ve nuah2 a(Thalai puite fuihnan hmang mai teh ang he post chu)
Report this comment
June 12th, 2010 at 11:15 pm
Ruih rau2ah chuan city bus ruih te, kuhva hring ruih te, zarda pan ruih te kha a tlawm alawm le….
Report this comment
June 12th, 2010 at 11:18 pm
Ka hlauh zawng tak a ni. Pathianin chhia leh tha hriatna min pe a, a hmang thiam thiam kan vannei zawng a lo ni e…
Report this comment
June 12th, 2010 at 11:26 pm
Correcting fluid aaa.. lolzz. Hetiang correcting(correction fluid an ti zawk ami?) hi a rim ruih theih na lai ber chu toluene(benzene ring + methane minus H, Benzene ring nen a in join theih natur hian H minus angai) niin ka hria.. hman kan naupan laia Dendrite ruih an uar laia dendrite rim leh correction(or correcting) fluid rim hi in anna an neia, chu an in anna lai ber chu toluene niin ka hria.. a rui duh chuan hetiang ti lo hian market ah toluene lei mai teh se.. lolzzzz :lol:
Report this comment
June 12th, 2010 at 11:26 pm
kan tleirawl ve lai chuan petrol hnim kha a lar ve thei khawp mai.
Report this comment
June 12th, 2010 at 11:26 pm
An duh vang rengin an luhchilha, an buaia, tanpui an ngai leh a, an vei loh theih bawk si loh…buaithlak teh zawng a nih hi :sad:
Report this comment
June 12th, 2010 at 11:43 pm
funny comment khi ka rilru a lo lang hmasa ber. Toluene hi aromatic hydrocarbon ania, inhalant atana hman chuan zu aiin a neurological damage a sang feee feee feee tih vel ani… @funny.. citric acid te pawh citrus fruits ho ah chuan a concentration a sang viak viak hehe lo.. mahse lab a hman tura an zawrh, chi leh eng engemaw nen an pawlh kuala, ACID tiin naupang hoin an ei fo khi mawle
Report this comment
June 12th, 2010 at 11:52 pm
Bitter ( siliper ) thar chhum tui pawh an ruih thin kha ! Kan thianpa chuan khaihni tui sawr hian a in chiu vel. Ngam ve khawp mai. Denrite ruih hian thla zuk chaih theih tlat a!
Report this comment
June 13th, 2010 at 12:55 am
Thi chum chum hlawm mawlh teh se te ti ngawt teh ang.
Report this comment
June 13th, 2010 at 12:55 am
YMA in an khap dawn alom..
Damdawi chiah hi an KHAP BUR dawn in a hriat, zu an khap ve don lo a nih hmel
Report this comment
June 13th, 2010 at 2:17 am
Vawikhat tlangval man ah tih kim ve chhin vek tur a duh chuan hahhhahahhaahahahahahahah.
Ka ti thei vek mahse ka tih duh vek leu.Kum ka tlin hma a tangin zu hi ka in ve thin ka duh hun hun ah ka in lo thei bawk.Tunah chuan ka tan a that zawk a vangin ka in zeuh 2 tawh zawk.
Report this comment
June 13th, 2010 at 2:33 am
ka school kal lai chuan denrite hi ka hnim ve thin tin cold aid hritlang damdawi te ho kha ka lo ti ve thin a mahse rei ka ti hman lo ka nghei leh mahse tun thleng in ka taksa ah ser ka in siam a poi tak tak a ni..
Report this comment
June 13th, 2010 at 2:41 am
Awm na veng azirin
ruihtheihthil kan tih(ruih) thin hi, alo in ang lo thei khawp mai.Report this comment
June 13th, 2010 at 8:37 am
thlarau lam ruih te pawh hi…..
Report this comment
June 13th, 2010 at 9:34 am
Hetiang vel mai mai buaipuia nun chan duh an awmte chuan thi fai vek sela ni mai lawm, a thluak thawl thlak em mai!!!
Report this comment
June 13th, 2010 at 10:40 am
“Parvon Spas chu …Proxyvon aiin a tui chu a hnang zawk a, a b bawk a”
== heta a “b” tih lai hi eng nge maw a awmzia le?
Damdawi inchiu tih vel chu a reh viau tawh emaw kalo ti asin mawle. Kei chu tumah dem tur ka hre hauh lo, SRS reh tak vang pawh niin ka hre hauh lo. Mahse chhungkaw kan in enkawl dan erawh hi chu in her danglam thei se chuan thil chu a danglam mai thei. (Mizo-te hrim hrim kan chhungkaw khawsak kalphung hi kan thlak a ngaiin ka hria)
Report this comment
June 13th, 2010 at 1:39 pm
Ruihna an sawi tawh ah chuan he thil hi a la thing ber awm e, coconut hawng chhung ah Bawngek an thun a, an hnim rui thin ROFL
Mamawh reng vangin kan thianpa in Hardware dawr (Insakbungrua zawrhna) ah Dendrite va lei a tum a, Mistiri nihna lehkha an lo dil!! Mistiri a ni si lova, a lei thei ta lo a ni e
Report this comment
June 13th, 2010 at 9:12 pm
#26 bawngek ruih chu engtin tak awm ang maw? A dangdai lutuk a tih chhin te pawh chakawm lek lek mai dawn alawm mawle. :mrgreen:
Zu ngawl vei nge dem awm drugs ngawl vei le? Zu ruih nge tha lo, drugs ruih le? Misual ho hian zu nge kan huat drugs le. :lol:
Report this comment
June 14th, 2010 at 8:43 am
YMA/SRS duh lo ho khan han do ve thung tawh teh se.
Report this comment