Berampu te leh Upate ruang chauh biak ina inkhawmpui bik hi eng nge a tulna? He khawvela ringtute zingah hleihneihna leh inchawimawi bik hi Pathian duh dan a ni ang em? Amah ringtute chuan he khawvelah ni lovin khaw lo la awm turah lawman an hmu ang, tih Bible-ah ziak a ni. Thih ni-a inchawimawi leh, biak ina ropui taka kan vuiliam thinte thlarau hian khaw lo la awm tur a thleng vek bik lo mai thei asin? Biak ina ruang kan inkhawmpui a nih rau rau chuan Berampute leh Upate chauh ni lo, Beramte ruang pawh kan inkhawmpui ve ngei tur a ni. Chu chu ringtu zawng zawngte inchawimawina a ni ang a, kan pheikhai a rual zawk bawk ang.
Zoram hi tlangram a nih angin kan in leh lote hi a rualrem lovin chhiat ni that ni-ah mipui tan thutna a awm thin lo. Tam tak phei chuan in chhung an chang ve lo a, kawtkai-awih-bakbahai takah hrehawm takin hunserh chhung kan inbengkai thin. Hunserh a rei duh hle. Phai lamah chuan Kristian tam zawk te’n mitthi ina hunserh hmang lovin, ruang nen biak inah hunserh an hmang zawk thin. Berampute leh Upate chauh ni lovin Beramte ruang pawh biak inah kan inkhawmpui thin. A hmun te a rem bakah mipui an leng tam a, a remchang zawk bawk. Zoram angin tute emaw chawimawi bik a awm ve si lo.
Source : zozamweeklynews.blogspot.com
Similar Posts:
- Chhiatni Dan
- Presbyterian Kohhran Hmeichhe Inkhawmpui Lian hman tan a ni
- B.Lalhlimpuia, Zobawk ruang hmuh a ni
- Zoram Hmeichhe Inkhawmpui Lian pual in Blog
- Holy Mother of God! What the!!
June 28th, 2010 at 6:41 pm
Kan kaldan pangngai hi a la tha e…
Report this comment
June 28th, 2010 at 6:44 pm
Nia
Report this comment
June 28th, 2010 at 6:50 pm
A dik khawp mai!
Report this comment
June 28th, 2010 at 6:56 pm
Berampu te leh Upate hi ‘full time’ ang/deuh reuh a an thawh avang hian, beram rual ang ngawt lo a han dah ‘special’ deuh hi chu an phu ve chuan ka ngai.
Kohhran hall emaw, YMA etc hall vel a invui/ruang dah hi a awlsam in a zangkhai khawp mai. Mahni inchhung lum atang ngeiin le, tih pawh a awm thei tho a. Mahse, khawpuiah te phei chuan mi in luah, chep taka khawsa te pawh chhiat that tawk vek kannih avangin, punkhawmna hmun atana a hmun erawh hi chu, rilru zau taka ngaihtuah chu a tha khawp mai.
Report this comment
June 28th, 2010 at 7:07 pm
Berampu/upate han dah sial deuh hi an phu khawp mai. Mahse an ruang biakin a inkhawmpui kher lo hian han dah sial deuh dan tur chi dang han ngaihtuah chhuak se tih hi ka ngaihdan a ni. Ruang thil tenawm tak lakluh hi a tha ka tilo………
Report this comment
June 28th, 2010 at 7:17 pm
topic nen a in hnaih thova
BMA executive committee in a lo rel ang in,BMA member Bangalore a boral an awm chuan Kuang tum sak tawh ila tih a ni a.member tin te hnenah Kuang man tur khawn a ni dawn a, kan remchan dan ang zela, a khawntu te hnenah tlawmngai taka lo pe theuh turin kan in ngen a ni.
https://www.smsgupshup.com/messages/47555715
Report this comment
June 28th, 2010 at 7:19 pm
A ho ka ti lutuk a, a “source” pawh hi ka zu en thlithlai peih lo. Sawisel peih, society leh Kohhran thratna tura hma la tak tak peih si lo awm khawm kan nih hi.
Upa te leh pastor te ruang biakina kan inkhawpui hi an phu hliah hliah. Tawngthuchhelovah, kei hi drug addict, OD a thi ni ila, ka ruang hi biakinah la lut ta se ka duh miah lovang. Thih hnu thlengin ka chhungte ka tih mualphona zel zawk ani dawn asin.
Report this comment
June 28th, 2010 at 7:21 pm
Upate Biak Ina vui thin hi kei chu ka thik lo khawp mai. An phu viauin ka hria. Mi nazawng Biak ina vui ve kher hi a tulna ka hre lem lo. Berampute leh Beramte hmun khata vui kher hi a inhmeh lo mai thei…entirnan Beramte hi an talh thin a, Berampute erawh an talh ve ngai lo!
Report this comment
June 28th, 2010 at 7:23 pm
Kan thudang alai chuan Beram sa hi a eitlak khawp mai an ti
Report this comment
June 28th, 2010 at 7:32 pm
Ruaitheh nikhuaa hlim taka, a pui a nawi a kan rik nak nak lai hian, a thawkrim a te vek chuan zingkhawvar hma atang ten an lo buaipui char char a ngai thin, Vantlang tana an in pek na te hi ruai kiltu na zawngin kan hriatpui kher lo. Chawimawi hunah engah nge an kuta sahrang kan hmuh len teh lul ang ni?
A thuhrimah mithi tawh chawimawite chu ala dama ten kan tih a nia. I thih hunah ala dama ten i rual sawngbawl dan tur chu an la rel dawn nia.
Report this comment
June 28th, 2010 at 7:38 pm
Kohrran hruaitute hian chawimawi chu an phu khop mai. Chutih rualin kohhran mite te hi biakinah ngei in vui liam thei ila chu a mawi ngawt ang… te kalo ti ve mai mai thin a.
Chawlhnia in vui dawn chuan inkhom program a ti khaihlak deuh maithei. Mahse mitthi vui te chu inkhom program ropui takah a ngaih theih tho bawk
Report this comment
June 28th, 2010 at 7:39 pm
Kei ka ngaihdan mai mai chuan an phu ve tho ka ti..a kohran kut leh ke an ni a.Inkhawm te hi ‘in khawm’ ai chuan kan peihlo tlangouia ..
Report this comment
June 28th, 2010 at 7:43 pm
#8 ah khian pu keimaha’n ka sawi tum leh ka ngaihdan a sawi tlat, komen hran pe loin ka tawm mai ang e.
Report this comment
June 28th, 2010 at 8:14 pm
Pu Lian Kunga sawi ang deuhva, kohhran upa-te a thiha biakin inkhawm pui a, member dangte inkhawm pui loh hi hleilenna leh inthliarna ang em em chuan ngai lemlo mahila; amah Pastor Thansiama’n a lo sawi angin, ” Kohhran upa, pastor ruang biakin zawn luh leh uipui ruang zawn luh a danglamna ka hre lo ” atih ang deuhin. Nemngheh kohhran upate an thiha, biakin inkhawmpui kher hi a tulna em em atam lo khawp mai.
Report this comment
June 28th, 2010 at 8:25 pm
Kei chu he post hi ka thlawp zawng tak a ni. Kohhran member te chu an lawina Biakin ngei a han vui liam hi tih tur niawm tak a ni. Hei hi ram dang kristian te pawh in an tih vek ka ring ve ringawt bawk. Kohhran member te mimal anga biakin kan hman ni chu inneihni bak a ni lo, hei hi tunah ti lo mah ila kan la ti ang tih ka ring.
Report this comment
June 28th, 2010 at 8:30 pm
Hnam zia leh nunphung a inang lova, hnam tin hian tihdan kan nei theuh.Ram danga an tih dan lo tih ve ngawt hi tha ka ti lem lo. kan kal dan pangngai hi a tha e
Report this comment
June 28th, 2010 at 8:31 pm
Duh leh zawn lut ila duh loh leh zawn lo ila, zawn zawn kual mah ila enge pawi? a zawn tuten an peih phawt ahnu
Report this comment
June 28th, 2010 at 8:35 pm
#1 khi ka thlawp e… Hei hi kohhran dan ani, kristian dan ani kherlo, kohhran hrang hrangah tihdan pawh a hrang thei, vanram kai phahna ani lo bawk… Congress threuh2 poh hi an inanglo hlawm asin, president leh party member satliah phei chu inang lo ngawt ang…
Report this comment
June 28th, 2010 at 8:39 pm
Ngaihdan, duhdan hi tam lutuk a, abuai thlak anih hi!!!!
kei pawh tun a kan kal dan hi tha ka la ti e…
Report this comment
June 28th, 2010 at 8:44 pm
ka pa hi berampu ani ve a, kei aia a kal hmasa anih chuan Biakinah kan vui lovang. Amah pawh ka sawipui tawh a.
Report this comment
June 28th, 2010 at 8:59 pm
Rawngbawl tu te an nih avangin kan thik ve phak a ni lo e. Kan kal dan hi tha ka la ti e.
Report this comment
June 28th, 2010 at 9:33 pm
A tulna phei chu ka hre lem lo va,ka oppose hauh lo bawk,mahse thunei tu ten tul an ti miau si a lawm le :!:
Nakinah chuan mitthi vuina hall pawh kan la nei mahna.
Report this comment
June 28th, 2010 at 10:05 pm
Pastor Thansiaman helam a vuitu ropui aiin khi lama lo hmuaktu an pawi mawh zawk a ti.
Report this comment
June 28th, 2010 at 10:15 pm
Kan kal dan pangngai hi a tha ka ti ve e. Mahse, tun hnai deuh atang khan Upa thenkhat te’n an boral dawn hnaihah Biak Ina vui kher lo tura thuchah an lo neih avanga Upa ni reng si, Biak Ina vui loh kan nei ta zeuh zeuh. Hei hi an thurochhiah a nih si chuan zawm sak loh theih a ni tlat lo.
Upa chu thudang a awm lo a nih chuan Biak In ngeiah hian thlahliam ila ka duh. Midang ho tan hian sawi belh duh ka nei bawk. YMA Hall/Community Hall ah hian vuina programme darkar khat vel hman mai thin hi a tha tawh khawp mai. Mi tam zawk len theihna, a hun dik taka vuina inkhawma tel duhte tel theihna tur hun leh hmun hi kan neih a ngai tawh a ni. Hun hmangin kan nung ve tak tak ta a, hunawl kan nei tlem tlangpui tawh. Chuvangin kan tunlai kalphung mila chhiatni/thatni kan kalpui thiam hi a hun ta a ni lawm ni?
Report this comment
June 28th, 2010 at 10:25 pm
YMA OB chin YMA hallah kan la ti maithei ani.
Report this comment
June 28th, 2010 at 10:27 pm
Kan in sawngbawl mah mah ani loo maw hei hian kan thurin te hi a kalh keuh ka ring thrin. Equality te hi Pathian hian a ngai poimoh khoops lo maw le
Report this comment
June 28th, 2010 at 10:41 pm
@mzvision: Kan ti lutuk rihlo chuan ka hria a. Kohhran Upa te hi hlawh neilo a Pathian rawngbawltu, rimtaka thawk sawiselna chitin reng tawng reng mai an ni a. Kohhran Upa nih hi ka thil chak loh ber ani hial ang. Theih pheise, tun aia especially a thlah liam theih dan hi awm se ka ti zawk hial a sin.
Report this comment
June 28th, 2010 at 11:20 pm
Kohhran upate hi atlangpuiin, Thalai Pawl atanga rawn inhmang chhova, chuta tanga upa nita an ni thin. Thalai hruaitu emaw an nih laia tha tak, thu nung tak taka sawi fo thinte hi;nemngheh an nih hnu hi chuan an danglam viau!
Upa damchhung atana kan nemnghet bur mai hi chu ennawm chu hun tawk tak niin alang. Nemngeh annih hma leh nemngeh nih hnu a inthlau thei thin em mai !
Report this comment
June 29th, 2010 at 3:15 am
beram leh beram pu tih leh ah ka ngaihdan chuan kan Beram Pu Chu Isua chuah a ni lom ni? OD a thi pawh kohhran upa thi pawh ang khat vek kan ni a. thawhleh ni ah Pathian in kan dinhmun tur chu min la hrilh tur ah ka ngai.
Report this comment
June 29th, 2010 at 11:30 am
Kohhran Upa thi leh OD a thi chu engtinnge maw i han khaikhin theih chu le, charlottei? A tih chi loh em mai…
Report this comment
June 29th, 2010 at 12:11 pm
Funeral Home-ah mitthite lawina kohhran Pastor-in vuina hun an hmang mai a. Kohhran member pangngai leh Kohhran hnarkaitute pawh angkhat veka vui an ni tlangpui a.
Mahse, Mizoramah chuan khitiang khi kan la hlat deuh chuan a lang a; Upa leh Pastor ruang Biak Ina thlahna hnuhnunga an nei hi member pangngaiten kan thik deuh a nih hran loh chuan, lo invui ta mai mah se, a pawi hranpa vak em ni?
Report this comment
June 29th, 2010 at 6:26 pm
Kohhran hotute kan chawimawi ve theihna angah ngai ta mai ila… a bak hi chu sawichhiat an hlawh nasa ve si a…
Kan pawm thei mai em?
Report this comment
July 1st, 2010 at 12:08 pm
Biak Inah engang pawn zawn lut in zawn chhuak leh mahse Pathianin an thil tih ang zelin an chungah ro arel don tho si a,chuvangin antih dan ang ang hian ti se pawi vakin ka hrelo.
Report this comment