Ni 28 khan Mo/Monu, Moneitu/Mopa tih ka post tawh a, tun tum chu ‘KRISTIAN NGE KHRISTIAN’ tih hi misual-ho sawiho atan kan post leh ang e.
He thumal “Kristian” tih kher kher hi chu Literature huangah hian sawi leh selna lam ka chhiar ka la hre chiah lo a(ka la chhiar tam lem lo bawk a). He thumal, kan hman tam pawl tak tluk a kan ziah dan ni chiah si lo a a hrul deuh a kan lam ang hi Mizotawng-ah hian a tam lo mai awm mang e ka ti. Mizotawng han tih-ah Mizotawng original phei chu a ni lo maithei, saptawng-CHRISTIAN(CHRIST,CHRISTIAN,CHRISTIANITY etc.) atanga Mizo hawrawp a dah niin a lang.
Kan lam danah chuan H hi a ri tel zel a, kan ziah erawh chuan kan ziak tel tawh si lo, eg. Kristian Tlangau, Kristian Hlabu  adt. Kan ziah dan ang chiah hian lam dawn ila tuna kan lam ang hian a ri chhuak dawn lo a, ama’rawhchu, kan lam dan ang a kan ziah dawn chuan K leh R inkarah H dah hian a dik chiah in a hriat. He thumal hi Mizorama CHanchintha a lo thlen hnu deuh atanga hman tan a nih duh hmel a, kum 116  vel tehmeuh kan lo hman tak-ah hian tih danglam leh chu thil har tak a nih ka ring a. Saptawng thumal atanga Mizotawng hawrawp a kan dah a, kan lam danah H kan lam tel zel bawk si chuan a ziak-ah pawh K leh R inkarah hian H hi dah tel ve ta law law mai ila a fuh zaw phian lo maw??
August 1st, 2010 at 3:38 am
‘Kristian’ tih zel tur a ni e..Mizo tawng ve reng a ni.
A reng reng thuah, tunlai hian ‘r’ hi kan hmang rim ta mah mah..’Tawngtai'(pray) tih tura ‘Trawngtrai’ ti te, ‘Tha’ (good) tih tura ‘thra’ tih hmang te,’Thian'(friend) tihna tura ‘thrian’ hmang nulh nulh chi ho hi an tam thar tlat..Sim vat a tha(thra ni lovin) mange.
[Report abuse]
August 1st, 2010 at 3:41 am
Bibleah chuan Kristian a inti a..chu chu mizo tawng(original chu ni lo mahse,kan ziah dan a mizo tawh tlat a) a ni mai kei chuan ka ti. Khristian tih hi a tul ka ti lo. Khristian kan tih dawn chuan Khrista tih ve a ngai ngei ang. Chuvangin Kristian tih hi a tha ka ti khawp mai. Chuan saptawngah chuti khati tih vel kha a ngai lem lo ka ti..mizo tawnga kan ziah a ngaih chuan mizo tawng ngeia ziah a tha. H belh tih vel kha chu duh leh sap hovin ti rawh se..
[Report abuse]
August 1st, 2010 at 3:45 am
kum tam tak chu kan ziak liam ve ta lo nih chu.. Siam that chu har lovang.. Mahse kei chu kan lo ziah dan leh lam dan ang hian pawm mai tha ka ti.. H han ziah lan hian a letling hu zawk zamah tlat in ka hriat chu. . .
[Report abuse]
August 1st, 2010 at 4:42 am
Chhiar dan kherin hawrawp a inrem vek kher ngai lo ni berin alang. Hetiang, ziak sipel ang chiah kher lova lam ngai hawrawp hi hnamdang ah hian nasa tak a ni. Entirnan: Illinois te pawh Ilinoi ti a lam ania,chutiang deuh chuan Arkansas pawh Arkansa ti a lam tur ani a, an khuaah phei chuan chhiar/lam diklo chu lei chawih theih a ni an ti nghe nghe.
German, French te leh English ngei pawh hi a rik dan lo anga sipel tam tak a ni. Pakhat leh chiah, vai hoin, ‘people’ hi pipal ang deuhin an lam pial pelh a mahse, English/American te chuan ‘pheeple’ ang deuhin an lam daih asin. Kristian pawh kan lam Khristian avangin chutiang anga sipel kher tur tihna a ni bik lovang. Ka lawm e hairehai
[Report abuse]
August 1st, 2010 at 7:41 am
A Hnung kan zui hming ah hian buai lo ang u, a thu min zirtir hi zawm tum in i bei tang tang zawk teh ang u khai.
[Report abuse]
August 1st, 2010 at 7:56 am
Kristian a ni e … hmanah chuan a tlangpui thuin ‘KRI – TIAN’ tiin an lam a ni awm e, a ziakah chuan Kristian a ni tho va. Khristian han tih hian a lam dan a dik theih tho rualin a ziak danah chuan Kristian tih hi a ni reng tur a ni.
[Report abuse]
August 1st, 2010 at 8:03 am
A hmingah pawh la chiang lo chu a thlarau nun chu va la ngaihtuahawm ang reng ve maw le
[Report abuse]
August 1st, 2010 at 8:05 am
Christianos or Xristianos tih Grik tawng atanga rawn chawr chhuak a ni a; a tlukpui chu Hebrai tawng ang tur chuan Meshi-im a ni leh mai a. Ri zulzuia lamrik hrat Mizo-te hian Kristian tiin spelling kan lo nei thang tawh a, H hi lamrikah hian awm tel zauh mah se, spelling kan neih thanah KRISTIAN kan ti ta a ng.
A reng reng thu-ah IAN hi “huho mi thenkhat” tihna a ni a; Paul+IAN etc pawh i hre tawh ngei ang. CHRIST tih chu Grik tawng XRIS atanga lakchhawn, HRIAKTHIH tihna a ni a, Hriakthiha Pawl emaw Hriakthiha Zuitu tih nan CHRIST+IAN tih a ni ta mai a ni.
Hriakthiha kha ISUA (Yahshua) a ni a; Pa Pathian YAHWEH-in Lalber ni tura HRIAK A THIH-a kha a ni a, chuvang takin, “Lei leh vana thuneihna zawng zawng ka hnenah pek a ni tawh,” ti thei khan Tholeh Krista Isua khan a inchhal theih phah a ni.
[Report abuse]
August 1st, 2010 at 8:50 am
Buaipuitham loh em mai.
[Report abuse]
August 1st, 2010 at 11:28 am
7
Zephenath # Ni ngawt mai……….
[Report abuse]
August 1st, 2010 at 11:49 am
A dikna chin tam tak chu a awm thei ang. Amaherawhchu KHRISTIAN tia kan ziah dawn chuan kan Bible hmanlai hi chhut that vek a va ngai awm ve. Kristian tih tak hi chu hmunkhat ah chiah a awm a, mahse Christian tih hi Khristian kan tih dawn chuan Christ tih pawh KHRISTA tih a va tul awm ve?
ISUA KHRISTA ! Nge ISHUA KHRISTA kan ti law law zawk dawn em ni?
Teh talh dawn chuan .. sap awm vei talh talh ! :roll:
[Report abuse]
August 1st, 2010 at 11:56 am
lolzzzzzzzzzz @keimahte #11
Khristian tih chu a rem teh nuai loh hmel e mai KRISTIAN tih-ah hian lungawi mai ang u.
[Report abuse]
August 1st, 2010 at 12:18 pm
KRISTIAN tih zel ka rawt e. H kan belhte chuan kan nula hovin an lam no lutuk ang,
[Report abuse]
August 1st, 2010 at 1:05 pm
#Chhaktiang.. Thianpa tih awm ze neilo ai chuan thra ka ti zawk a sin.. mizo trawnga tr ang kha i type si loh chuan a pawi ka ti viau zawk. Tin,mizo trawng humhalhna a ka tha thawh ve a ni hi ka lo tia cn..beitham viau mah se.. Thrangthar leh zel te hi t leh ‘t _ u v z’ ah anbuai tawh a sin..Tr thr hi hman zel a tha ka ti.. T tih ringawt ai chuan..
[Report abuse]
August 2nd, 2010 at 1:53 am
Sap ho paw’n an tawngah a sipel ang chiah ni lova lam an nei tam ve tho bawk a, ‘Khristian’ tia thlak kher hi a tulna ka hre lem lo ve.
@Leavi Pcresn: Mizo tawngah “tr” tih hawrawp/’alphabet’ a awm miau lova, kan ‘font’ hmanin min daih lo pawh a ni maithei, amaherawhchu ‘tr’ tih hman kan chin hian kan rin ai mahin kan tawng a ti bawrhbang asin. ‘Thra’ tih lova ‘tha’ tia, a dangah te pawh – mi an buai phah vakna hi ka hre lo. ‘Spelling’ dik thlapa ziak a, sms-ah pawh phek thar kai ngam thin ila, buaina tur awm lo a ni mai
[Report abuse]