mi(sual).com

Mizo te hi USA lamah khuan tunge kal hmasa bera engtiangin nge an lo than chhoh zel dan ka hre lo. Mahse tunah hi chuan Mizo Society of America (MSA) nghet takin an ding tih erawh ka hria. Kum 25 cham an lawm phei chuan Chief Guest atan Mizo te’n kan Chief Minister ni mek Zofate’n kan intawm, kan CM te nupa hian he Jubili hi an zuk hmanpui.

(pics via alexx fender)

Mizo te hi hnam ingaina, chhiat leh that ni-a in tawiawm tel tel kan ni. Kristian kan ni deuh vek bawka kohran hi min khaidingtu pakhat ani. MSA pawh hian Mizo tlawmngaihna tha leh Mizo te kan hmasawnna tur an ngaihtuah hle ang tih ka ring. Mizoram hi ralkhat atangin an vei ngei hlawm bawk anga. Ram changkang takah an awma, an thil hmuh leh hriatte hi Zoram lamin kan chhawr theih tura kan thawhpui thiam pawh a tul ngei ang.

Mizo USA awmte hi thilphal tak tak, mikhualte chunga theihtawp chhuah peih deuh vek an ni. Mahni phak tawk, taima taka hnathawk, in leh lo tha tak din thei an ni deuh vek. Chumi piah lamah chuan an zarzo-tu mi tamtak an dawmkang bawk.

Mizo Day an hmandan kimchang hre lo mah ila, USA state hrang hranga awmte pawhin an chhim mai bakah, ziak lama kan pasaltha PL-a te pawh an tel ani awme. Alexxfender-a Mizo Internet World-a kan pasaltha te leh USA-a Mizo state hrang hrang a awm engemaw zat te pawh-in he hun hi an chhim ani.

Mizo Day thlalak hemi LINK ah hian a en theih (alexxfender-a chungah ka lawm) Mizo te hian Inkhawmpui kan uar, Kut leh Day hrang hrang kan hmang, khaw-chhuak te te pawhin tihkhawm kan ngah. Hetiang hun kan hmandan hi a inang put put mai, hma kan sawn theih nan hetiang ang kan huaihawt dan tur chi hrang hrang guideline hi awm sela, check-list te siamin chung atang chuan kan duhdan hmandan tur hi thai (tick/click) keuh mai ila, a tha phian lawng mawle ka ti kei misual hian

MSA website tlawh duh te tan LINK hi click keuh mai

Similar Posts:

• Mizo Day 2010
• YZTP Sweet December 2007
• Zalen website revamped
• Mizoram sorkar leiba – “Vaibelchhe 3,611″
• Mizo class

Recent Posts:

• Ka Mit Laa, Ka Rilru Khawihtute
• mi(sual) member piancham!
• Kal dem dem.
• Nova’n Anchhia A Lawh Sual Emni? {:Sunday Pual:}
• Beiseina nung (Pathianni pualin)

This entry was posted on Wednesday, September 8th, 2010 at 12:30 pm and is filed under Event, Pictures. You can follow any responses to this entry through the RSS 2.0 feed. You can leave a response, or trackback from your own site.