In 500 khuaah…
Mi fate Sial ang an sei len laiin, Zu zuar nupa/ Zu in nupa nibawk– tawngkam hriam tak taka an insah sawk sawkna leh zùngchala an inkah thuai thuaina boruak chhe karah, Ui angin ka tal lian ve a. Thleng thlawk thei thawk fùa fùa leh keh ri chhuai chhuai karah, hmunphiah leh tuikawhnaa hawlh puitlin ka ni. Tichuan, tun hun hi ka lo thleng ve a.
Bukna dik lo atang chuan hringnun hi manganna leh lungngaihna mai!
Pathian hian duhsak bik a neih ka hre lo a, duhsak loh bik erawh a neih ka ring thin. Hmangaihtu Nu&Pa fel tak tak, taima leh zahawm tak tak ângchhungah thiante an tual lìm laiin, khati tehhrepa nun hreawm leh rethei tura ‘Hring’ min chan tir bik kha…! Rualpuite hmuhsit leh tirhkaha sei lianin, rualawt reng rengin hun ka hmang a. Zirna run bèl ta lo chu– ‘Tlangval mawl’ tih ka ni a, tunah ‘Pa mawl’ ka lo ni ta!
Chhungkua ka han din ve a. Mite’n In leh Lo ropui tak tak din a, Lirthei changkang ber ber nen an rùm vut vut tawh laiin, kei erawh thlantui nen nitin inhlawh chunga vawk vulh angai a. Mi fate’n Silai lem kah nâ chi an hum fer-fur laiin, water pistol takngial pawh kan inhum tir thei si lo.
Mite’n Suit dak zaih nen an fate an thuam laiin, kawngsir thimhlima Second Hand Sale bak ka bel thei si lo. Keimah anga ‘Pa mawl’ annih ve mai loh nan, ‘Zirna’ lah tihmakmawh a lo ni si. Khawvel tehhrep hi a hreawmin, hringnun hi thawpikthlak ava ni em! Mi vanduai zawng ka lo ni e.
Bukna dik atang chuan lawmna tur hlir a lo ni lawi a!
He khawvel ram zauah hian– tam tuar riltama vak, chaw kawpuar hmuh loh vanga thi mai tur leh thi mek– a nuai tel teh meuh an awm a. Vanduaina/ Chhiatna/ Thihna rapthlak pui pui leh Natna khirh tak takin thla a zar hnan– mi mangang, lungngaia indawmkun tlawk tlawk sang tam tak an awm bawk a. Kei hi, mi vannei ka lo ni e! He chhungkua hi chhungkaw vannei kan lo ni e! Vanduai bik nia inhria a, lungngaia indawmkun tur rèng ka lo ni nèm le!
Ui leh Ar te mahin ‘ka ta’ titu anneih laiin, neitu nei lo– fahrah vakvai kan velah za tam tak an awm. Kei erawh tuisik, chaw leh chi liah tur min petu Nu&Pa kara sei lian ka ni si. Chutah, minung zinga ka duhthusam kawppui leh he leia ro hlu ber– fanau duhawm tak tak nen… Mi nihlawh ka va ni em! Hna thawk thei tura chakna leh thahrui min petu, engkim tithei Pathian chaka tanpuina leh malsawmna zozaite nen… Mi vannei ka va ni tehlul em!
Bukna dik lo hmangtu chu : Amah aia dinhmun sang, kawng engkima phak loh, mi vannei bik nia a hriatte nen patla khatah a inbuk ta thin a. Chù patla atang chuan- mihring vanduai bik, rethei bik, rual ban lo bik niin a inhria a. Hringnun chu lungngaihna leh chungpikna mai niin a hmu a. A nun ram a lo chau a, a thlarau hial a lo sawp thin. Pathian pawh dem rum rum duh khawpin, he leiah hian lawmna leh lungawina reng a hmu zo lo a!
Bukna dik hmangtu chu : Amah aia rethei, vanduai, chanchhia, bawrhsawm nia a hriatte nen a inbuk hlauh thung a. Chù patla atang chuan- mi vannei, mi nihlawh anih zia te, chhungkaw awhawm an nih zawk zia te a hmu a. Malsawmna a dawn zozaite chu chhiarin, lawmnaa khat nun a nei thin a lo ni. A tan khawvel a par mawi a, hringnun chu hlimna a lo ni a, engkim mai chu lawmna tur hlir a lo ni si.
Retheihdan ka thiam ta!
A leina sum nei tûn si a- ei ngam loh vanga vawk sa lei lo ni lo a, a sum lam neih loh vang zawka lei lo mai ka ni te hi ava lawmawm em! A leina ka neih hunah… Chaw eia sawm ka nih hunah… Ruai ka theh hunah… Ka la ei teuh dawn si a!
Ka thian, hringnun hlim taka hmang a, khawvel nuama i chèn theih nan- Bukna dikah ngei lo inbuk thin ang che.
Similar Posts:
- Kan chantawkah kan lungawi em?
- Hringnun hi maw?!!
- Hringnun(Chapter-I)
- Paws mai mai – (Hringnun hi…)
- Hlawhtlinna Kalkawng
October 12th, 2010 at 7:59 pm
He post ka han chhiar phat hian in “Bukin i awm a, I tling ta lo” tih hla kha ka rimru ah a rawn lang HMASA tlat. Mahni nun theuh in enfiah nan hmang thei ila a tha hle ang.
Report this comment
October 12th, 2010 at 8:01 pm
hmmm.Pu Kawlhawk post hi tha thei dap dap lutuk a,comment tur hi a vang thin
Report this comment
October 12th, 2010 at 8:06 pm
I sawi dik chiah, Pu Kawlhawk..
Report this comment
October 12th, 2010 at 8:08 pm
A va tha em e aw. Mi a tiharh sawng sawng thei a lawm le. THUHRILTU ziak a tel ve awm tak pawh a nih hi a.
nia, #2, comment tur a vang khawp mai, Fak bawrh bawrh mai chi zawk a nih hi; spelling mistake(s) tih mai loh khi chu.
Report this comment
October 12th, 2010 at 8:08 pm
bei tha thei khawp mai ..kawlhawka leh Hv ziah chiah hi sei deuh post ah chuan ka chhiar chhuak ziah
Report this comment
October 12th, 2010 at 8:08 pm
Ekhai, a thra leh pek ngei mai! Chhinchhiahtlak, rilru a pai reng chi a nih hi.
Report this comment
October 12th, 2010 at 8:10 pm
Chhiar loh ka tum zet a, Pu Kawlhawk a ziah anih vangin ka chhiar leh hram a… Ka inchhir lo khawp mai
Report this comment
October 12th, 2010 at 8:13 pm
Pu Kawlhawk,i va ziak tha teh reng em!Mahni chantawk a lungawi thiam hi a hlu !(mahse a har).
Report this comment
October 12th, 2010 at 8:18 pm
Retheihdan thiam hi kan vang ngawt ang le!
Report this comment
October 12th, 2010 at 8:19 pm
Misual.com a thuziak tha tak tak hi tlema thlitfim a edit lehin a bu in la chhuah chi tak a nih ka ring. Tlema hlawkna awm thei turin ruahmanna siam thei NGO, pawl etc awm sela chung te chuan buaipui sela, misual.com leh dotcommers ho in a hming tum se! Mi tan a rawngbawlna tha tak a ni mai lawng maw?
Hets, no groupism kan ti tak maw kha. ti leh lo mai ang.
OT loh nan, ka comment khi eng bukna a buk tur nge ni ang lem.
Report this comment
October 12th, 2010 at 8:27 pm
Ziak tha khawp mai a..
Report this comment
October 12th, 2010 at 8:31 pm
Bukna dikin kan buk ngial a, 2STATES hi Zephenathin a rinhlelh ang ngei khan admin anih ka ring ve deuh. Hei Post chhuah rualin a comment leh hman pek e. Ka hnunga lo comment leh tur zawng zawngte lakah chuan ka dinhmun hi ava lungawithlak em. :lol:
Report this comment
October 12th, 2010 at 8:33 pm
A va thra thrin em ! mahni aia neilo lehchhawngte nen a intehkhin hian malsawmna dawn hi chhiar tur a tam leh zual, ai a nei te pawh intehkhin ila…anchhungril nun hriatphei chuan awhawmlo tak2 antam a sin !, vawksa thau leh thithun duhtawk a tam duh hun2 a leina nei pawhin a ei theih tlat loh chuan malsawmna aiin anchhia(hremna) a ni mai lo’ng maw?
Lung natna leh thisensang/zunthlum tih angrengin a tihbuai miah lova duh tawk a peih chen2 kuthnathawk thei a hrisel man te hi chhut dawn ila tam deuh tur a sin..
Report this comment
October 12th, 2010 at 8:36 pm
A va han ril ngaih ngaih ve… vawi 2 ngawt kan chhiar chhuah chu a…
Report this comment
October 12th, 2010 at 8:40 pm
A ziaktu thil ziah hi la chhiarlo mah ila ka thlawp…socialist outlook dik tak…gym ka kal phawt anga chaun nakinah muang changin ka chhiar ang :lol:
Report this comment
October 12th, 2010 at 8:41 pm
Tha thei thuai2 bawk siah.
Report this comment
October 12th, 2010 at 8:45 pm
Post tha tak a ni e….. Pu Kawlhawk i ti tha khawp mai, ka fak a che…..
@Zephenath…. 2STATES -a hian a thlak tlat che in ka hria.. First thei ziah.. han tang deuh teh khai……
Bukna dik leh dik lo tih hian patla lam emaw a sawi dawn ka lo ti a, han chhiar chuan a ki a dang daih mai….
Report this comment
October 12th, 2010 at 8:50 pm
Pu Kawlhawk hian hringnun hi a va lo hre chipchiar tak em. Ka sawi chhuah thiam loh te a rawn hrilhfiah leh ta vek mai.
Report this comment
October 12th, 2010 at 8:58 pm
A va han tha teh reng em pu kawlhawk. Rethei leh hausa, puar leh nuamsaa awm dan thiam hi zirsanna aiin a hlu.
Report this comment
October 12th, 2010 at 9:04 pm
kawlhawk, i sawichhuak thiam hrep mai ka ti hairehai :lol:
Nula tuemaw chu nalh ber nih tum mahse, a aia nalh an la awm zel tho, tawp ber emaw pawh inti sela, aia tawp an awm zel tho. Mahni nih leh phak tawk ang zela nun thiam mi hi abukna dik a tehin an rit berin ka hre ve.
Thuamhnaw hi a man ai mahin kan uluk leh uluk loh hian a mawiin a mawilo thei. Mi inhmeh neih ve tum aiin, mahni pianleh hmel puthmang mil tur zawn thiam a pawimawh. Thuamhnaw to ringawt enkawl uluk loh aiin fai leh uluk taka man tlawm enkawl a nalh zawk
Report this comment
October 12th, 2010 at 9:10 pm
Ka rilru-in a ruangam din ka tum a, ka hlawhchham leh thin chu he post hian a rawn sawifiah ta vek mai. Hetiang hian a ngaihtuah chhuah theih a lo nih hi! clap! clap! clap!
Report this comment
October 12th, 2010 at 9:19 pm
Min ti tap dawn alawm le…I va ziak tha teh reng em.Tunlai a ka mamawh ngawih ngawih mek a ni-Self pity hian ka awm thin a, min be hnai tu apiang hi a chang chuan ka dem a-Ka thin a rim a-Mahse ka ngainat deuh maiin a past life min hrilh chang hian ka vanneihna ka hrechhuak thin.
Nichin deuh mai khan ka Big bro. ka bia a,ka duh ka sawi a-ngawi rengin a ngaithla a-’Hrehawm hi i hrevelo a,tuman kan hau phallo che a,tuna i pasal tur pawh hi keimahni angtho in a care che a nih chu tih hi lo ngaihtuah nawn ang che, ka lo tawngtaisak ang che,’ a ti a, phone a dah daih.Mahse ka chan hi hrethiamtu-ah ka dah chuang lo.
Mi zawng zawng hian hrehawm kan tih/tuar a in ang chuang si lova.A tuartu tan chuan a hrehawm thei vek tho.
Report this comment
October 12th, 2010 at 9:20 pm
kawlhawk a buk-lung hi han hmang thiam ta vek ila, a va han nuam dawn em… John Lennon-a ‘Imagine’ ka rilruah a rawn lan chhuah daih chu a… a in zawm chiang hle mai…
Report this comment
October 12th, 2010 at 9:29 pm
A va tha tehlul em….sum tam tak nei kherlo mah ila mi vannei leh mi hausa chu kan lo ni reng si….bukna dik chu ngaihtuah thiam a ngai a ni
Report this comment
October 12th, 2010 at 9:41 pm
Ka chhiar zo a, post dang ka chhiar leh a, rilru ah a awm tlat, chhiar nawn leh a, ka comment ta e. Soup for the soul..
Report this comment
October 12th, 2010 at 10:07 pm
@Kawlhawk, Hringnun hi i va belchiang bik tak em!
‘Miller of the Dee’ ka hrechhuak ve khang lang..
I envy nobody – no, not I -
And nobody envies me
Report this comment
October 12th, 2010 at 10:15 pm
Pu Kawlhawk chu i seilen dan i sawi ang ngaihtuah chuan pa thuthiam leh hringnun thlir thiam tak mai i lo ni thei hi i fakawm. Resources nei tha apiangin achievment an nei tha chuang lo tih a lang e. Lungawina hi a chhanah a innghat ber lova, malsawmna dawng tam apiangin pathian hnenah lawmthu an sawi tam chuang pawhin a lang lo. Nia, kan bukna hman a zir zawk zel a lo nih dawn hi.
Report this comment
October 12th, 2010 at 10:18 pm
Soup for the soul kan ngai bik dawn mi,Ziak tha thei e mai,Pu Kawlhawka post zawng leh a tha zual thlangchhuah a abu asiam a chak awm ngawt mai.chhiarliam leh ringawt a tan chuan a uihawm a lawm,Hringnun tam tak hi chu a khalhngil chiang alawm PU Kawlhawka hi chuan, a mah vang hian a lawm nunhlui lo kir leh rawh tih mai te hi a chakawm thin.Abu chuan chhuah teh u.Pu Kawlhawk lo dam vawng vawng phawt mai teh aw.
Report this comment
October 12th, 2010 at 10:27 pm
Kawlhawk, It is not the elegant design of clothes one wears, neither the brand of cars one drives, nor the quantity of cash one has in the bank that counts, these mean nothing! The key to happiness is to accept Jesus as your personal Lord and Saviour!
Report this comment
October 12th, 2010 at 10:40 pm
Ka thuziak min lo chhiar sak a, min fak dertute leh komen petu zawng2te chungah ka lawm hluah2 e. :lol:
Report this comment
October 12th, 2010 at 10:46 pm
ziak tha hle mai, “Pianthar vang poh nilo, hrisel loh vang poh nilo,pawisa neih loh vang a zu nghei chu hre awm tak ani”
te poh an tih thin kha maw le
Report this comment
October 12th, 2010 at 10:46 pm
Chantawka lungawi chu a tha alawm. Mahse chu vangin sorkar sum kan chan tur leh ram thatna tur lo eiru ho hi an chungah action lak loh phah tur ani lo.
Report this comment
October 12th, 2010 at 11:06 pm
A rilraih raih ngei mai film a siam chi ka ti hial mai Mizoram a kan lesson a tan tha tak anih khi zirlai bu ah kan telh tir zawk dawn em ni?
Report this comment
October 12th, 2010 at 11:34 pm
nun hi i va sawifiah thiam bik tak em!
Report this comment
October 12th, 2010 at 11:38 pm
Ziak thiam bik e… tha tak a ni. A ril raih mai
Report this comment
October 12th, 2010 at 11:39 pm
Thil thlawn pek ngun takin chhiar la
Pathianin mihring a vur thrin kha
Mal in chhiar la nangma chan mai chu
Mak ti rengin i fak phawt ang a pe tu.
*Count your many blessings, see what God hath done*
tih hla hi rilruah a rawn lang nghal.
Mi kuta sahrang hmuh len hi bukna dik lo hman chuan a awl khawp mai. Mite dinhmun nena inteh kher lo pawhin kan chunga Pathian that zia hmu tu chu a lawm thrin.
Pu Kawlhawk a tha leh hle mai.
Report this comment
October 13th, 2010 at 1:07 am
Tha khop maiiiiii….bukna hi om ta miahlo seng chuan a fihlim ni mai tur mahse a lo om tak si ah chuan……..Aes a soi khi thlop ve teh ang Hairehai…….
Report this comment
October 13th, 2010 at 1:11 am
Retheih hi chu a hahthlak ngawt mai…. ( chhiar chuang loin comment ve tawp phawt teh ang)…. :lol:
Report this comment
October 13th, 2010 at 5:55 am
Thangthar tiau zat ral hnu pawha “Pu Kawlhawka Thufingte” tia hnutchhiah khawp thufing leh ril i pai chiang khawp mai! Han thehchhuak zel teh!
Bukna dika inbuk hi a va lo pawimawh tak ve le!! Thinlung mit i timeng awn awn e, thianpa Kawlhawk! :!:
Report this comment
October 13th, 2010 at 9:24 am
A va han ngaihnawm teh reng em! Hnuk te pawh a ti ulh dawn a lawm le..
Chantawk a lungawina hi tha hle mah se chantawk a lungawi em em, hmasawn zel tura theih tawp chhuah nachang pawh hrelotu chu, amah lungawi em2 mah se a tu leh fate thenrual awt ngawih2 awmtirtu a ni thei ve tlat.
Report this comment
October 13th, 2010 at 10:02 am
He post ka chhiar a ka rilru a thil lo lang hmasa ber chu tun Presbytery a buhfaitham teh nana bukna dik kher hman loh duhna thu lo lang (khawi Presbytery nge ka hre ta mai lo) kha a ni tlat mai.
Report this comment
October 13th, 2010 at 10:29 am
Sava in a êk khum che a, lunghnur mai suh khai. Chunglam en la, Bawng leh Lawi te an thlawh theih loh avangin Siamtu hnenah lawmthu sawi zawk angche
Hlimna ka neih zing a ka lungtiawitu ber mai chu “Chantawk a lawmzêl thei thinlung ka neih hi a ni”.
Report this comment
October 13th, 2010 at 10:57 am
Misual 3… 0oh! Miner 3 an khai chhuak tawh. Mak ka tih chu : He Chile Miners chhanchhuahnaah hian an ram President pawh a hmunah awm ve renga, a bika thutna/hahchawlhna an pe miah lo. Chhanchhuaktu pawl bulah pàwr zetin, darkar engemawzat a ding zum ve reng ringawt. Mi chhiattawh lai leh thinphu dep depa an awm laia Pre. a nih avanga nuam taka lo thut emaw, thutna lo inpek emaw hi mite chuan an ti ve lo ania’ng.
Report this comment
October 13th, 2010 at 12:00 pm
Va thra chiang ve o…
Sam 1:2 nen a inhmeh thlaps 
Report this comment
October 14th, 2010 at 12:09 pm
Hetiang thu tha tak rawn post-tu hi tunge maw a nih le?! A hringnun hi pangpar vul mawi tak ang a ni a, a thinlungah Vanram a awm a nih ber hi mawle!!!
Report this comment
October 14th, 2010 at 12:33 pm
@Kawhawk chu i va ziak tha ve. I bukna dik hi keipawhin lo hman zel ka tum ang e.
‘Hringnun Dictionary’ a bung khat a nih hi.
Report this comment
October 22nd, 2010 at 10:42 pm
He post ka chhiar ber mai awm e….
Report this comment