Khawvel eng hmu tur a kan nu te pum chhung atanga kan han chhuah phat atang reng hian kan hma lam a min lo hmuaktu te an inang lo hle. Mi thenkhat chu pi leh pu atang reng a mi ropui leh hausa chhungkua, in leh lo tha pui pui rochun tur nei sa a lo piang chhuak an ni a.
Mi tam zawk erawh chuan nu leh pa lak atang in ropuina leh nawmsakna rawn beisei tur an nei lo va, an nu leh pa rethei tak te chuan an retheihna sal atanga hruai chhuak tur in an lo beisei let zawk a ni. Chutiang chuan nausen mai an nih lai atang in an ko ah mawhphurhna lian tak nghah in a awm nghal a ni.
A vanduai zual tak tak te phei chuan nu leh pa hmel pawh hmu lovin, TNT leh hnuchham chawmna in an belh nghal mai a tul thin. Kumpinu lal fapa te, Bill Gates- a fa te leh he Aizawl khawpui ngei a milian fa lo piang chhuak te nen chuan kar a va hla em!
Milian leh thiltithei fa te tan chuan hlawhtlinna kawng zawh pawh a hahdam bik thin. A tul hun apiang a tanpui thei tur in an chhung leh khat te an lo in kau reng a. Anmahni in rilru an nei a nih phawt chuan, zirna kawng ah emaw, sumdawnna lam ah emaw, politics khawvel ah thleng in khum an harsa thei thin hle. Entirnan, mi thenkhat in examination fee ringawt pawh an manganpui laiin, mi neinung tu leh fate chuan lehkhabu tha ber ber an lei thei a, zirtirtu thiam apiang an in lamah an ruai thei a ni. Mi rethei te rilru tibuaitu thil tam tak in a tihbuai ve phak loh vin hlawhtlinna kawng an zawh thei bik a ni.
Mi pangngai chin chuan hlawhtlin duh in nitin hun kan hmang a, mut hmun ah te thil tam tak kan suangtuah thin. Hlawhtlinna ti a kan vuah chu sorkar emaw, company hnuai ah emaw a thawh a, eizawnna ngelnghet tak neih te ani mai thei. A then tan chuan mahni kut kawih ngei a sumdawnna/huan lo ram ngelnghet din a, midang hna siam sak tu dinhmun a din pawh a ni thei e. A eng pawh chu ni se, chu hlawhtlinna tlang chhip han chuang chhuak tur chuan rethei leh hausa te thil tawn tur a inang lo va, harsatna in a tlakbuak hun a tanpui tu an neih dan tur pawh in ang lo.
Mi rethei tan chuan hlawhtlinna tlang panna chu a chho bik a ni. Kan Kristian Hla Bu a mi kan sak fo thin-
“ Ka van in nuam tak kawng chu kraws a ni,
Chu lo chu kawng dang a awm lo”
tih hla ang mai hian, kawng bumboh, hling bawn leh tul pik sut en chawp ngaihna kawng lo chu rethei tan kawng dang a awm lo. Hnual lo leh rilru pachang tak a kal tauh tauh tur ani tawp mai a ni. Pumpelh leh kawng awlsam a awm lo va, chhungte tha chakna hmachhuan tur a awm hek lo.
Harsatna vanga an tlu a nih pawhin, an mahni tha chakna hmang chauh a tho chhuak leh tur an ni. Chutiang chu hlawhtlinna tlang han lawn chhuak ve tur a an tan a khuarel dan chu a ni. Vuivai emaw, inngaihtuah lungpuam emaw, mahni in khawngaihna te chu an hmelma an ni zawk. Hei lo hi chu an tan tactic dang apply tur dang a awm chuang lo.
Nimahsela, chutiang khawp chuan kawng harsa zawh mahse, mi hausa te ngei pawh in sum leh pai a an fa te an leisak theih bik loh thil- tuarchhelna, teireipeihna leh beiseina nung an neih tlat si chuan hlawhtlinna tlang chu an lawn chhuak ve tho tho dawn a ni. Chutiang nei tu te kawng erawh chu mihring dal zawh rual a ni lo thung. Chu chu Mizoram leh khawvel hmun dang a mi hlawhtling te chanchin atang pawh in a chiang hle a ni.
May 26th, 2011 at 12:37 am
Taimakna pawh!!
Report this comment
May 26th, 2011 at 12:45 am
chhiar ang aw……….
Report this comment
May 26th, 2011 at 12:52 am
Pharsssssssssssssss ……. lo deuh
Chhiar ila hlawhtlin ngei tum nghal teh ang. Ka hman hmawh tlat.
Report this comment
May 26th, 2011 at 1:02 am
Kapa hi MCS hmasa kha ani ve mai a, a hlawh engtham ni heklo le. Milian fate angin nuamsa takin awm lo mah ila, a theih ang tawka min lo enkawlna zarah tun hi ka thleng ani a, ka lawm hle. Thlen chin sanglo hle mahse, ka tun hun kalkawng ka hrechiang, ka thlen chin chinah Chunglam hnenah ka lawm em em a ni tawp mai.
Report this comment
May 26th, 2011 at 1:07 am
Excellent post. Tuna ka mamawh tak i rawn post a nih hi a. Keini miretheite tan hi chuan beiseina hi kan chaw tui ber a ni mai tak si a. Mahse mi khawsa thei pawh an survive theih chuan kan theih lohna tur bik ka hre lo. An ni aia beih nasat erawh a ngai a ni mai.
Report this comment
May 26th, 2011 at 1:08 am
Dik khawp mai . nihna intluk rau rau ah retheihna a tang a harsa tak a sual chhuak te hi mi dik an nih chuan an zahawm dan a ril tlat .
Report this comment
May 26th, 2011 at 1:08 am
#4 Hahahahaha Kapa chuan a van duat awm em em che ve le!!! i pa nau a mi?
Report this comment
May 26th, 2011 at 1:12 am
Hlawhtlinna kawng hi a kual thei e.
, ka teirei peih lutuk hi ka chhungte an mangang tawh in ka hria. 
Tak takah post tha tak ani e.
Report this comment
May 26th, 2011 at 1:20 am
Hmani chu mi hausa deuh ni a ka ngaih thin khan cheng nuai 30 vel leiba a neih thu ka’n hrethut mai chu! In leh Lo leh Lirthei ilo fahran te chu nei tha hle mahse kei aiin ka dah rethei fe tawh! Kei chuan leiba nei heklo i! OT lo deuh tho em??
Report this comment
May 26th, 2011 at 1:21 am
Ozima, i chukchu
Kâpa ka sawilo, kapa ani ka sawi ni.
Report this comment
May 26th, 2011 at 1:27 am
#10: I pa maw?
Ka’n ho kual vel mai mai nih khi, lak thutak awih…………….loh 
Report this comment
May 26th, 2011 at 1:27 am
#10 @H.Vangchhia: tweet zeuh
Report this comment
May 26th, 2011 at 1:28 am
#10, ‘kapa’ tilo in ‘ka pa’ ti ve mai la! hairehai!
Report this comment
May 26th, 2011 at 1:29 am
Post tha tak a ni.Hlawhtlinna kawng sawi hi a namai lo a nia. Sum leh pai hai luha kan teh chuan kan pianna chhungkua atanga kan bul tan dan tur pawh a in sei hleih thei viau a ni. Sawrkar hna te, company hna te, sumdawnna te atanga hlawhtlinna teh chuan a dik theilo a ni, pianna atanga tlin theilo tur an awm teuh ang. Hlawhtlinna kawng chu Pathianin min din chhan hriat chiana chumi anga nun chu a ni ber zawk.
Report this comment
May 26th, 2011 at 1:35 am
Eng ang hahthlak, chhuk, chho pawh nise….a sap tawng takin, ‘no matter how tough it is,the tough gets going ‘.hlawhtling tur chuan aman pek a ngai …..
Report this comment
May 26th, 2011 at 1:36 am
Post tha khawp mai.
Hlawhtlinna erawh khawvel thilah chauh ni lovin a piah lam ram hi thlir tel ve fo a ngai. 
Report this comment
May 26th, 2011 at 8:39 am
Thu tha tak tak leh fing tak tak te hi umphak an har thin e,thu tha tak a ni,umpha tura ka tlan zel a ngai a ni;hun te,tha leh zung te,sum leh pai te hlawhtlinna tura sacrifice a ngai a ni.
Report this comment
May 26th, 2011 at 9:48 am
Tiang article hi chhiar tam ka mamawh lutuk. Mahse ka chhiar tha peih mang
tlat lo..hahah Good post
Report this comment
May 26th, 2011 at 11:58 am
A nia lawm. Chhiar loh ai chuan engemaw ti tak chuan kan hlawk pui tho ang
Report this comment
May 26th, 2011 at 3:44 pm
Tuna Aizawla mi hausa kan tihte hi thingtlang atanga rethei taka bul tan anni fur asin. Hausa sa aiin rethei atanga hausate hi an chhuanawm bawk.
Eiru hlawhtling leh taima hlawhtling hi tunlai chuan thliar hran an har ka ti.
Report this comment