Eng emaw chang hian Hyderabad-a thlaruk zet ka zuk awm ve lai kha ka rilruah a rawn lang leh zauh thin. Hmanni lawka thil thleng ni mai awmin ka mitthla-ah hian Samu-a te ui harh zet te kha a la cham a. Pu John-a (IAS ni ta) titi mual mual mai leh nui khi sung mai hmel te pawh kha rilruah a thar leh thin.
Mi tam takin an dai ngam ngai loh ram an daina hmun, mi thenkhat tana an damchhunga an thinlunga hmun lian tak mai chang kum khua tawh tur hmun hi kei erawh chuan ka hrechhuak ve leh zauh thin tih lohvah chuan, theihnghilh sam leh mang lam pawha man ngai loh hmunah a chang chho ta a. Hringnun inlumlet dan hi a mak ka ti thin.
Domulguda kawtthler thianghlim lem lo zetah khan mi inchung zawla in te tak te an sak leh chhawn kha ka thianpa nen kan luah a. Kan hma-a kal tawh leh kan tum ang lo tum ve tawh te paukhauhzia kha nitin inhriatnawntir loh phei chuan khawlum lutuk hnuaia lehkha han zir kha a har ngang mai. Nuam chen tura kal kan ni lova, lehkhazir tura kal kan nih miau avang khan Air-conditioner te chu a melh pawh kan melh duh lova.
Chhun pachanga ni a han sat tak tak lai kha chuan rilru te kha a chawmawlh duh khawp mai. Towel tihuhin kan han khim a, chutah, Administrative Thinkers ho ngaihdan chi hrang hrang chhawpchhuah kha vawn tumin kan chhiar ta tlauh tlauh thin a. Rilruah a lut mawh thei khawp mai.
Hyderabad ka hriatrengna chhan pakhat chu ka thianpa Bona zin dawn ni, vaiho Holi ni bawka thil thleng vang kha a ni. A hma ni-in chawhmeh kan lo inlam lawk lem loh avangin chhun pachangah chawhmeh lei turin ka zuk chhuak a. Vaihovin rawng min theh ang tih hlau tak chunga ka zuk kal kha, dawr atanga ka chhuak leh lam pa pali emaw hian min rawn nangching hram a. An ri hlut a, rawng min chulh a, an phur khawp mai a.
Pakhat phur over deuh khan tomato hi tikehin min chulh a, ka kekawr kawng keuvin, ka kekawr chhungah a thun pek a. Thin ram ve chi lo nih nak alaiin, thinin a tuar ta meuh lova. Kan inmelh ta khaih mai a. Mahse, vai tihbuai hi chu a atthlak em avangin ka inbengdai leh ta a. Hemi hnu hian pawisa te min la dil zui a. Kan inpe lo chiang khawp mai. [Lesson learned : mi thinrim lai pawisa dil hram loh tur.]
Hemi ni chawhnu lam hian Airport-ah Bona ka va thlah a. Hawna tur Auto-rickshaw ka la a, a man zawt lawk lem lova la ka ni a, kan la tlan thui hma chuan a man ka han zawt a. Kan awmna atanga Airport kal man let hnih thawk mai a chhiar a. Kan inhnial buai ta fe mai a. Kan inrem theih loh avangin ka chhuk ta ngawt a. Khua lah chu a dur nasa mai si a. Ka chhukna lai tak chu kawng awl lai tak mai, Auto dang han lak leh maina tur a awm lohna hmun a ni a.
Auto ka chan lai chuan ruahpui vanawn a rawn sur ta chiam mai a. Dawr a inkhar thup avangin dawr chhung han din hulna tur a vang khawp mai lehnghal a. Dawr pakhat kawtah ka ding ta ngawt a. Auto a vang tawlh tawlh a, ruah lah a tam tulh tulh mai bawk si. Darkar khat emaw lai mi dawr kawta ka din hnuah ruah a han tan a. Ruah a han hnu chuan Auto pawh ka hmu ta a, muangchangin ka chenna lam panin kan tlan phei a. Khawlaiah chuan tuihawk a luang nasa mai a, hmun thenkhatah phei chuan Auto ke chanve hmawka dai a ngaihna lai te pawh a awm a. Chutia, muangchanga kan tlan lai chuan Qualis pakhat hian min rawn tlanpel thuak mai a.
Min tlanpelh rual chuan tuihawkin Auto driver nen chuan min bual hlup mai a. Auto driver thin a rim, kei lah thinrim bawk. Theihtawp tak meuhvin Qualis chu kan um a. Traffic red light awmna-ah kan umpha ta a. A rang a rangin ka zuangchhuak a. Qualis-a chuang ho chuan min lo nuih vei thaw a. Driver hmazawn darthlalang chu ka va beng pawp pawp a. Kawngkhar hawng turin ka au tuarh tuarh a. Patling ve uaih, huh zawr vek maiin chutia an kawngkhar ka han ben tak vak vakah chuan chulai car danga chuang ve ho pawh an rawn dak huang huang a. A kawngkhar darthlalang a rawn tihniam chiah chu ka’n ankhum ngial a. Mahse, tih theih dang vak a awm lem lo khawp mai. Traffic Light a rawn hrin hma chuan ka kalsan ta a. Thin erawh a rim a ni.
Huh vekin in ka thleng a. Khawlum hrehawm ti-a kan tal kan talna room ka han lut chu, tui a lo tling pum mai a. Chhuata mu mai thin kan nih avangin kan mattress te chu a lo huh pur mai a. Khatih laia ‘holi’ ka huatzia kha aw! Thinrim teuh chung chuan ka mutbu te chu ka zarpharh a. Khami ni tluka nghilh har kha Hyderabad ka awm chhungin ka tawng leh ta lo.
Similar Posts:
- WT*B* Wednesday: Vai phakar?
- Ka Lawm A Ni 21
- Before and After Accident
- Thlahrang
- Taxi / City bus in HORN min pe ve khanglang a…
November 10th, 2010 at 6:03 am
A nih tak khi maw le.. hetianga bad story ve deuh kan paltlang hi a hun laiin hrehawmin lang mah se, a hnu-ah chhelna min pe-tu, sawi nuam kan tih lai ber a lo ni zawk fo mai..
Report this comment
November 10th, 2010 at 6:19 am
A nih tak khi :), sei hle mai
Report this comment
November 10th, 2010 at 7:14 am
A tuartu tan chuan a hrehawm ngei ang, mahse a chhiartu tan chuan a ngaihnawm phian bawk si :lol:
I tuarchhelna, tumruhna, taimakna leh i insumtheihna khi ka fak thlawt che.
Report this comment
November 10th, 2010 at 7:21 am
Thawnthu nep lo tak —i chhel zia, i insuma i inbengdaih theih zia, dikna i ngaihsan zia, thrifty taka khawsa, buaina duh lo mi, dik lohna ngai thei lo … kha holi ni kha mi-puitling tak i nih zawkzia zir nan ka lo hmang thung a.
Kei, Hyderabad Airport pana 1990 Gulf War hun laia traffic jam nasa lutuk leh, ek cheh thuaka ka khawsak tuk kha … rest room ka thleng chiah chu, a timing cher cher chiang. Split second-in tlai ta ila —mi tan ka va hnawksak dawn e aw!
Khaw lum (scorching heat) inthlak vek khawpa thlipui leh lipui (sea of tempest)-a i hmai-phum tui hleuh inchhek per haw tur chu malsawmna a va ni zawk tak em!
A ngaihnawm hle mai!
That holi-fest could have been a blessed day for you guy! :lol:
Report this comment
November 10th, 2010 at 7:21 am
thu tha tak a ni.. :lol:
Report this comment
November 10th, 2010 at 7:53 am
Chhiar nuam tak a ni. Khi sung chungin ka chhiar zo vek a. Hydrabad leh Chennai khaw lum vanglai chuan engkim mai hian pangtilum an nei vek. Humidity a sang si a, kan ban chuap zel a, Mizoram a ngaihawm thin.
Report this comment
November 10th, 2010 at 8:33 am
…. Engkimmai hian pangtilum an nei vek. Haire……
Report this comment
November 10th, 2010 at 8:48 am
I luckloh ni a ni ve maw….? ngaihnawm ang reng phian.
Tuihawk in chil per i sawi chuan ‘ka luck loh ni’ min ti hre chhuak ve – chu mi ni chuan kei pawh ka thin a rim khawp mai.
School naupang thlah turin Maruti Car in Chaltlang kham thlaah Chandmary panin ka tlan thla a, ruah a sur nasa-in, tui hawk a tam hle. AC car a ni lova, a up deuh avangin tukverh darthlalang tlem ka hawng khanglang a.
Officer pakhat, Department pakhat Director (a hming chu sawilo mai ang, a fam tawh nghe nghe)Gypsy in, chak deuhvin min rawn tlan pel a, tui hawk a rawn chil per thla pur pur mai a, tuihawk chu Car chhung a rawn per lut in , keimah mai nilovin, ka veilama thu School naupang ka phurh uniform
pawh a huh tha hle……ka um thla a,horn ka pe bawk, a lo ding deuh a,tukverh darthlalang chu tlem a rawh hawng ve a, zawi te a tlan pelh ve pah chuan, “engatinge khatia i rawn tlan vak mai, hei kan huh vek a lawm le” tiin ka han hau a, ruah a sur reng a vang chuan ding lovin, kan tlan ta zel a.
Mahse chutia ka han hau chu, a lungawilo aniang chu, chak tawkin min rawn um leh a, horn a rawn pe tuar tuar a, kawng ka kian duh bik si lova, kan in um thla ta zel a, Govt. High School step bulthut zau lai ah chuan min rawn tlan pel, kawng dalin motor a dintir a, a rawn chhuak a, kei pawh Car atanga chhuah ka tum a…mahse, ka naupang phurh khan hlau khur zawih zawih in ka ban ah min pawt a, a hmel ka han a, a thlaphan zia ka hmuh khan….in sum a, thlamuan a tul tih ka hria, ka in beng dai ta a…..naupang ringawt ka ngaihtuah avangin, eng nge a rawn sawi a, eng thu nge a rawn chhakchhuah pawh ka hre meuh lo…ngai kan awh leh deuh a ka han dak chhuah chuan a motor lam alo pan phei ve leh ta…..ka thaw huai a.
Kha Director kha ka ngaihsan na abo chiang hle… :lol:
Report this comment
November 10th, 2010 at 9:18 am
@mr. Duhlova,Han innuai ula, khalai step bul vel kha chu vai film han chan nan pawh a rem nen!
Puitlin hnu hi chuan insual hi pumpelh hram hram tum a tha. Vai film ang ngawt hi a lo ni lova, a chan tha zawk pawh kan sil fe zel a. Pumpelh theih ngang loh thil tawn erawh hi chuan a che hmasa sa tih mai hi a fuh thung a. Tin, a lehlam pakhat aia tam an nih chuan sualpui loh tawp tur.
Monfort Boys Home-ah khan High School kan kal laiin min cho lo chung, mi tlanchhe lai, a hnunglam atangin a beng bulah hian ka hnek tawh a, bawlhhlawh bawmah a tlulut rawp mai a. Ka ngaihtuah chhuah leh chang apiang hian ka la inchhir. A tirah khan min cho va, kan han inti deuh kha a tlanchhe ta kha a ni a. Insual hi chu sawi tawh angin, a pumpelhna zawn thuai zel tur.
Biang lehlama bengtu hnena lehlam dawh leh tih erawh hi chu thil harsa tawp niin ka hria. Lung tea min vawmtu pawh lung lian deuhva vawm pawp mai hi a chakawm thin kha a nia
Report this comment
November 10th, 2010 at 9:36 am
@coolsoul09, van ngaihnawm vee..! Mi chet thratna aiin an chet chhiatna ngaihthlak hi a nuam!!
mi diary chhiar ruk a nuam ang chiah hian an thil tawn an ziahna lam hi chu ka chhiar hmaih ngailou… Ngaihnawm em em..chetchhiat hi a kaltluang ve thei a nia!
Report this comment
November 10th, 2010 at 9:55 am
Ngaihnawm reuh ve, Vai ho hi chu angaihna an awm thlawt lo, mi bum hlum thak lah poi ti lo. Kei poh Holi lai in Rawng sen tui in min lei huh vek tawh….in ah ka haw nal2.
Report this comment
November 10th, 2010 at 10:00 am
Lehkhazir meuhva Hyderabad awm ve si, auto fare zawh hmasak ngachang i hrelo hi vai zia hre ve hle a i inngaihna nen hian a inpersan hle mai. I mawl awm tiah tiah hle mai ka ti.
Report this comment
November 10th, 2010 at 10:04 am
Report this comment
November 10th, 2010 at 11:11 am
A ngaihnawmna phênah zir tur tha tak a awm e.
Report this comment
November 10th, 2010 at 11:47 am
9
coolsoul09 # Kum 1992 daihtawh khan a ni….a lo rei tawh hle mai. Chutih laia ka rilrua phuba ka lak chak dan chu maw… Politics khelh ve a, minister (a awmna department changtu) han nih ve a, ka office a han koh vel a, kha mi ni han sawi chhuahpui vel kha, in khuainuai ai pawhin ka chak zawk….. :twisted:
Report this comment
November 10th, 2010 at 11:54 am
kan tetlai chuan lui kawrah kan in theh thla thin 8O
Report this comment
November 10th, 2010 at 12:37 pm
Heheh i tan chuan Bad Holi Day chu a ni tak meuh a nih khi…
Chetchhiat hi lehlam kawng ah chuan tha ve phian thil kan hriatreng phah a te ka tia..
Midang pawh khan rawn ziak ve teh u…chhiar a nuam…
Report this comment
November 10th, 2010 at 12:44 pm
@ chikus…class 7 vel i school luh na sawi phawt la ..bengali ho zingah a ni em? :mrgreen:
Report this comment
November 10th, 2010 at 2:13 pm
@12, pian tirh ata Kristian te pawn chawei dawn tawngtai a thatzia hrereng chunga han hmaih zauh kan neih thin hi maw..
Report this comment
November 10th, 2010 at 2:27 pm
‘Domulguda’
Lung a va ti leng ve… :wink:
Report this comment
November 10th, 2010 at 2:29 pm
@dawihzep, Hyderabad-ah chuan meter-in auto hi an tlan thin. A tlangpuiin a tira a fare tur zat zawh kher a ngai lo.
Report this comment
November 10th, 2010 at 2:56 pm
@mr.Duhlova, zahngai zahngai.
Che chhe hle mai tak a. Post tupa chu auto driver sual tak i tawng fuh a nih chu. A tlangpuiin Telegu ho hi an fel viau asin, mahse hnamdang hian an chiahpiah nasa ve a sual tak tak hmuhtur pawh khawihmunah pawh hian an awm thin.
Report this comment
November 10th, 2010 at 4:02 pm
A thui em mai nakina chhiarah dahtha ila tha ang, save keuh teng…… mit a kham duh riau. :mrgreen:
Report this comment
November 10th, 2010 at 4:04 pm
Lung i va tileng ve awww.. Begumpet, Hapsiguda, Tarnaka , E, Krismas kan hmanlai te ka ngaihtuah a, ava lunglen thlak e.
Report this comment
November 10th, 2010 at 6:22 pm
bad day ve hle mai maw, mahse experience tha tak i neih phah a tha phian lom i tar kum thleg a hyderabed a k awm lai cuan tih tur te i nieh phah a..lol
Report this comment
November 10th, 2010 at 6:23 pm
sorry type sual “tar kun” and “neih phah”
Report this comment
November 10th, 2010 at 11:05 pm
@coolsoul09,inkhaw lama i haw in sairawkher i hawn thla ve lo ni mo,ralkhat atanginkan perh pawp a, a jia viau, Hostelash lah kungfu in tih thiam viau chuan a zia leh zual, Mizoramah chuan Compulsory Subject han ti ila,chemte te hi han vawm der vel ila min thlir dan a dang duh viau a sin
Report this comment
November 10th, 2010 at 11:50 pm
ngente says hi ka ei zawng tak ani.Hostela a play dan hi.hehehe..Tin,..thinrim viau pawn kan tan a thatna leh hlokna a awm loh chuan thinrim duhmiah lo tur..Inhnial thinrim vanga insual tih velte ai chuan kut min thlak duh khopa an thinrima min an khum tawh chuan ngawih hmiah tur a zia khop ania..A him daih zawk..dawih vang ni hranpa kher lovin..lolzz…
Report this comment