Hman zan chu ‘khawnge an sawi teh chawk bawk a’, tiin Korean serial film, cable tv-a an rawn tihchhuah chu ka’n thlir ve a lawm le.
8: 00 pm, Tv hmaah chuan mahni seat theuh luahin kan kim far tawh a. TV remote control pawh hmeichheho kutah dah hrih a ni ta. Thingpui lum tura tirh kal theih pawh an awm ta lo. ‘A hun tawh a sin maw le….ninawm fakna lah hi’ tiin banga sana inkhai chu an thlir sek tawh mai a.
Tv ah lah chuan cable network neitu te leh fakna siamtute chuan thahnemngai em emin, kan hmuh loh leh hriat loh palh hlau tih hriat ngawih ngawihin ‘thingtlang lam min dawrtute , an thil lei sumo stand thlengin kan dahsak thei’ te an la ti tak tawk tawk a. Advertisement tangkaizia hi kan hretlang teh a nih hi maw.. Heng fakna avang chauha Korean serial film te hi en thei kan ni mahna le?
A enthang ho chuan fakna indawt dan pawh an lo hre khawp mai. ‘He mi zawh chiahah hian a chhuak ang’, an tih hnu lawk chuan, an mahni music ngei mai chu a rawn ri ta riai riai mai le. Ti ti kal lai pawt chatin, hmeichheho chuan “Leee..tumah tawng tawh lo tur” an han ti nghal pang mai a, inthurual ve tak an ni. Tanrual hi chakna an tih thin dikzia pholanin a awm leh ta! Chuvanga, paho chu ngawi mai tur an lo ni reng a lawm le. hahaha
An lo lang ta, TV ah chuan Korean film star ho chu, mizo tawng ngeiin an rawn dak ta zaih zaih mai le. Ehiau! mi fate hian sumdawn an lova thiam tehlul em! A letlingtu pawl an awm anga, anni chuan cable operator ho hnenah an hralh leh mai tihna a lo ni maw, Phalna lak kher a ngai loh phei chuan, hlep hlang a ni mai? tih chu ngaihtuahnaah a lo lut nghal zut zut a.
Tichuan, ngawi karin, ‘inchung chhipa awm’ kher thlang lovin, kan en ta zel a. A karlak faknaah te chuan naupangho lawm zawng catoon network hmeh chhuah palh hlau takin, hmuh pawh hmuh chian hman lovin, remote control incharge chuan channel dang chu an han hmet kual zuai zuai a. Eptu lam pawhin, thamna thingpui kan dawm thei ta hram e.
A film lam chu sawi thui vak tur pawh ka hre lo. Serial dang ang thoin en chhunzawm leh ngei ngei ngai a tawp a ni mai a. Mahse he serial atanga ka hmuhchhuah ve chu, An fai hle a, kan bal hle. Kan hmelhmang leh pumrua chu a inang khawp mai, an nelawm sawt. An culture an vawn nun thatzia leh hna an thawh nasatzia. Kan chhehvela mizo tawng tih lar nan a that phian dawn hi tih vel a ni.
Aw le, thalai chang lo, mitin, hnamtin hian ngaihsan tur ‘hero’ kan zawng vek a. Keini pawh hi kan bang bik lo. Visual media power chak hma kha chuan, hmuh ngai loh sap zaithiam te kan ‘hero’ an nih thin kha. Tin, khawtlanga mi inhmang, tlawmngai, kohhran mi te kan hero bawk thin. Mahse, media power a lo chak hnu hian heng zawng zawng hi a dah ‘nil’ tan ta mek a ni. Kohhran pawhin Lal Isua hi min ‘hero’ tir tumin tan a la reng, mahse kan hlawhtling vak lo ni te pawh a ang tan ta khawp mai. Kan ngaihsan ho lah hi ring lo mi leh Pathian ngaihsak lo tak tak te an ni deuh zel lehnghal!
Media hian thu mai ni lovin, mit ngeiin ramdang min hmuh tir a. An society, an ram nawmzia thlengin. Chu chuan Mumang ram (dream world) ah min chentir a ni ta zawk mai lo maw? Tichuan, kan ngaihsan na na chu kan ‘hero’ an lo ni ta mai a. An vun, sam, inchei dan thlenga entawn (copy) hi kan tum ta zawk mai a lo ni. Ngaihsan tur kawhhmuh tura nu leh pate an awm miau loh chuan, Korean chauh lo pawh, kan rin loh tak tak hi thalaite hian an la ‘hero’ zel ang tih hlauhawm tak a ni.
He Korean serial film hi, kei a en pawh en ngai lem lo hian selna pawh ka nei hran lo. Zofate kan suangtuahna rama min chentirtu ni maiah ka ngai.
Similar Posts:
- Mizoram hian Film Industry kan nei ve thei ang em?
- Korean Movies
- Korean Flu-III
- Korean Film (Serial) Zunzam…..
- Korean flu – II
February 12th, 2013 at 11:40 pm
Ka 1st e
Report this comment
February 13th, 2013 at 12:37 am
Ninawm rean…… pitar putar chena an buaipui chu maw le
Report this comment
February 13th, 2013 at 6:34 am
Tha hle mai
.
Korean serial a chhuah rual chiah hian ka mut a chhuak thin a, a tawp rual hian mutchhuak pawh a reh leh mai thin ha3.
Tukchhuah nuam vek ule
Report this comment
February 13th, 2013 at 7:45 am
Tukchhuah nuam vek u le
Korean film hi chhungkua a en atan pawh a tha ber e an ti thin a, sex scene te a awm ve lova, han infawh ngawr ngawr te pawh. Mahse, kei khawthlang ho film aia a thatna ka hre bik miahlo.
Korean film a thalo langsar em em mai chu an an cheh lutuk hi. Tawngkam an duhtui lo va, a bikin nu ber hi a ang buan buan reng ringawt mai a,an tawngkam hman a vin bawk si, naupang te tan chuan an tawngdan zir mai a awl khawp ang. Inhau leh intai reng rengin hun an hmang ringawt mai.
A that loh lehna pakhat chu hun a heh lutuk hi. A sei lutuk em em vek mai a, en nan hun khawhral vak a awl. Mahse Gobina te kha chu ka enchhuak vek
Report this comment
February 13th, 2013 at 8:21 am
Vaiva, thanks. Rinzo, ka nu kum 65 mi hian a buaipui ras. dtea, kan inang. Sheldon, i sawi zawng zawng hi ka pawm vek. Zirlai paw’n lehkha an zir tlem phah niin a lang.
Ni hman nuam vek u le.
Report this comment
February 13th, 2013 at 11:02 am
Mizoramah hian, a thli a tleh lai a awm tlat thin mai a. (e.g. Sipai, driver, engeneer, pastor, Routmoi, Vanlalsailova, santa barbara, kasauti, korean serial,etc.) a reh hun a awm ve leh mai thin bawk a. Korean serial film era pawh hian tawp chin ala nei turah ngai ila. Tuai(pherh) an pun phah tak tak em, hmeichhe tleirawl ngo dan lep chak avanga damdawi tih phah a, O.D.phah an pun phah hluai tak tak em? tih ang te hi chhut chian ngai tak chu an niin ka hria. Mizote hi chuan korean, chinese, leh Japanese lam ai chuan Thai, Vietnamese, Burmese lam kan pawl zawk tlat a, Korean ho an va tum viauna khan, thil tha lo a hring thei tlat a ni.
Report this comment
February 13th, 2013 at 2:46 pm
Kei chu ang buan buan te,a deuh deuh te,lerh deuh deuh te…character in ang lo tak tak an awm hian a hmuhnawm ka ti.Tharum thawhna lam tam lutuk hi chu ka en peih tawh lo(hmanah chuan ka en duhzawng a ni thin).Harsatna an chinfel dan te,a moral teaching lam te hi kan enchhan ni thei se a tha ngawt ang.Sawisel tur chu tam mahse a siam tuten uluk taka an siam a ni ve awm si a…
Report this comment
February 13th, 2013 at 2:49 pm
Kawre ho chu an ang cheh em mai!! Full house kha ka en chhuak ve a, ka kham der
Report this comment
February 13th, 2013 at 3:24 pm
Jacka Pi nen kan inang… Full House kha kan exam laia an chhuah thin vang nge ni, chhuah tawh chuan ka en ziah a. Exam kan zo te te a, ka en peih leh ta miah lo. Ponyo kha a hmuhnawm feee zawk…
A thalam aia, a chhelam entawn awl zawk tlat thin hi a buaithlak..
Report this comment
February 13th, 2013 at 3:35 pm
lut khat em mai, in register ve lawks. Jack a pi aiin ka la peih hret, Full House, kha ka en a, chuan a dang pakhat (a hming ka hre tawh lo, kawmedi lam vetho :D) ka en bawk, a bak chu tv ka kal pelh pah a ka bih zuai thin hi ni maiin ka hria.. A thratlohna ni a ka hriat chu serial dang ang tho in a eddiktif, kan nau pakhati phei hi chu a en tawh chuan a biak thei loh tawp, thildang theihnghilh vekin thil trullo lutukah rilru, hun etc an pe a, channa hlir channa hlir..
Report this comment
February 13th, 2013 at 3:40 pm
Tun atanga kum 5 hnu vel ah chuan kan tleirawl ho zingah hian ‘ji-yang, ji-hu, jang janga adt.’ tih vel hi an la kat nuk mai lovang maw
Report this comment
February 13th, 2013 at 9:46 pm
Mix fapa i neih hun ah,
Jungkawhbina i sa hial ang a.
Report this comment
February 14th, 2013 at 2:15 pm
Inhauh zirna’n a tha phian, nuho hian an lawm phian mai lehnghal a. Nu hovin inhau hmuhnawm an ti a, pa hovin in tuk deuh chawrh chawth lam. An film reng reng hi a budget a tam lo tih hi a hriat lutuk a, mi paruk velih in pakhatah a chan zawh vek theih, an thiam deuh leh tap der thiam thiam an chang thiam a ni mai, hahaha.
“Engtin nge Pu Zhang-a hi Pu Shu-a nih theih?” an tih lai tak hi ka en fuh ve tawh.
tren tren
Report this comment
February 14th, 2013 at 4:15 pm
Ka en ngai lo..ka ten.
Tak tak a, Mizo a an dub kher hian min ti tui lo,anmahni tawnga an hmelthat hlawm tehreng nen!
Report this comment
February 14th, 2013 at 5:40 pm
Korean serial film a langsar ka tih em em chu ZU hi a ni, an culture in a ken tel te pawh a niang.,zu hi sual ah ngailo in kan pi leh pu te hunlai ang khan lo hmang chho ve ta zel chu ni ila,tun a an leklam ang hian kan leklam ve tawh ring..chuan,pa tan chuan nuber enduh zawng enduh ve keuh ila,chhungkua kan lungrual a ni mai..:-D
Report this comment
February 14th, 2013 at 7:13 pm
Vai serial Kasauti etc buaipui ai chuan Kore serial buaipui chu ka thlawp fe zawk.
Report this comment
February 14th, 2013 at 7:16 pm
Vai serial Kasauti etc buaipui ai chuan Kore serial buaipui chu ngaihmawhawm lo zawk daihah ka ngai.
Report this comment
February 14th, 2013 at 8:10 pm
Ka comment chu ka’n triple law law ang e…
Korean-ho faina leh kawng hrang hranga an changkanna hi mi ṭhenkhat talin an entawn phah hlauh chuan an serial en kan uar viau hi a ṭangkai a ni mai.
Report this comment
February 15th, 2013 at 4:41 pm
In komen a ngaihnawm hle mai. Eng film ah pawh thil tha lo hi chu a inzep tel deuh vekin ka hria. A thalam entawn thiam tura inzirtir a, a chhe lam hnualsuat tura inhrilh taimak zel hi chu kan ngai khawp mai.
Report this comment
February 16th, 2013 at 1:18 am
Dik khawp mai a. Korean flim hi ka hne te mai a nia.
Report this comment