Lo hal khu leh chhûmin hmuntin mai chu a bawm chuk a, lungngaia awm mekte tan chuan thinlung a na zual ngawih ngawih ngei ang. Turnipui lah chu a thinrim ta emaw tih turin a sen phut mai bawk a. Chutihlai tak chuan hmeichhe naupang pahnih hi an lokal a, “Sir, kan room-ah hei hi i theihnghilh a,” an ti a, Notebook min pek pah chuan, “ Ihmaw, Sir, Class- X a mi Lalhma-i leh Sangtei’n an chhiar” an ti a, an kalsawn leh nghal a.
Dar a lo ri a, inchung atang chuan ka chhuk a, Class- X Room-ah ka lut a. Chair ah chuan ngawi rengin ka thu vang vang a, ka nui miah lo va, ka thinrim bawk hek lo. Naupangho chuan ngawi rengin min en thap mai bawk a. Chutah, “ Eng’e kan zir ang?” ka ti ta ringawt a, zirtirtu sawi loh tur ka sawi chiang kher mai. Ka han melh kual a, a tlar laia thu hmeichhia, ka thinrim ber lai pawha min nuih ver ver thintu chuan min lo nuih leh ver ver a, ka nui ve sak ringawt a.
“Sir, thawnthu sawi mai rawh” naupang pakhat chuan a rawn ti a.
Nidangah pawh thawnthu ka sawi ngai silo. Tunah pawh sawi tur ka hre ta lo kher mai!
“Tlangval pakhat hian nula hmeltha tak mai hi a ngaizawng a, mahse, chu nula chuan thian atan chauh a lo duh si a. Chu tlangval chu a rilru a na em em a,” ka han ti ta phawt a.
“Sir. Sawi zel rawh. Chuan, engtin nge ni zel?”
“Ka hre tawh lo”
Naupangho chu an phun mur mur a, chutah “Sir, e’ngati nge i damlo em ni? Vawiin hian maw i awmdan hi nidang a ang lo reng reng” an ti a.
“Nia, kan awmdan hi a inthlak ve fo thin alawm”
“Tunah khan eng’ati nge i awmdan chu a inthlak a?”
“Ka sawi theilo, ka sawi chuan in hrethiam vek ang! Class-X in pass hunah ka hrilh zawk ang che u”
Hmeichhe naupang min nuih ver ver thintu chuan zawite hian, “Nichina i thawnthu sawi ang khan i awm em ni?” nui var var chung chuan min ti a, ka phu zawk a.
“Le, duhtawk tawh ang u. Thil ho mai mai sawi nan i hmang lo ang u” ka ti a. An zirlaibu chu ka zirtir ta a.
Tlai lam dar 3 a lo rik chuan ka thawhpuinu Miss Seni nen kan haw dun a. Miss Seni chuan, “En teh, sâwng meikhuin a bawh chiai te sawn thinlung an tipik ngawt mai tiraw? Kan naupanglaite khan lungawi lohna kan nei lem lo va, kan len deuh hnu hi chuan ngaihtuah tur hi a tam ngawt mai. Thil hi i ngaihtuah ve vung vung ngai em?” a ti a.
“Aw”
“Chuti, ngaihzawng te hi i lungkham nasa thei viau lo maw? Thil hi i ngaihtuah leh vung vung zel thin si a ”
“Ka hmangaih leh hmangaih loh a thu a ni mai”
“I ngaihzawngte i hmangaih vek ngai lo em ni?”
“Ka ngaihzawngte chu ka duh thin lutuk a lawm, a hun lai te chuan”
“Ka zawhna che min chhang miah lo a nia” a ti a. Chutah, “I hmangaih loh pawh i ngaizawng tho em ni?” a ti a.
Kei chuan, “Ngaihzawngte chu hmangaih vek an harsa alawm. Ka ngaihzawng kher lo pawh ka hmangaih mai thei si a!” tiin ka chhang a.
“A va’n mak! Ka awi lo! I ngaihzawng pawh ni lo chu engtin nge i hmangaih theih ang?”
“Mak deuh asin. Amaherawhchu, chu thil chuan thinlung hi a hliam nasa thei em em a, tihdam a harsa viau ang”
Miss Seni te in kan thleng a, keimahin ka kal ta zel a. Mipa naupang pakhat hian “ Good afternoon, Sir!” min lo ti a. Kan school zirlai hlui a lo ni a, Eng nge atih ka han zawt a, a lu a lo meh tir hi a lo ni a. Chutah, keipawh lumeh ka hun tawh hle tih inhriain lumehna dawrah ka lut a.
“Engtin nge kan meh ang?”
“I duh duh danin!”
Mi duh loh tan duh dan sawi a rem tawh lo ka ti rilru nauh nauh a. Lumettu chuan ama duh danin a met a, a meh zawh chuan in lam ka pan leh ta a.
Kawngkhar ka’n hawng a, zinga ka kalsan ang chiah chiah khan a lo la awm a. Ka naute tu emaw ber lokal se aw! Mahni chauh chuan khawsak kan ti awlsam a; rilru hah nen a buaithlak em mai ka ti a. Ka inbual nghal a.
Kawngkhar an rawn kik a, “Lo lut rawh” ka han ti a. Pitar pakhat hi em phurin arawn lut a.
“Chawhmeh i lei duh ve ange’m?”
“Eng te nge i neih a? Khawimaw, ka lo enchhin ang’e”
A em chu a nghat a, Tomato, Zikhlum, Parbawr, etc te chu a rawn phawrh a. Tomato chu ka han la a, a hmel a mawi tawh lovin a lo dup dul tawh a. Lei sak loh ka hreh si a ka leisak ta a. Pitarte chhuah hnu chuan Tomato chu keimahah ka’n inchan a, ka hnuk a ulh teuh mai a, “A hma chuan tomato pawh hi a hmel a mawiin a leitu tur tan a itawm em em a, mahse, a leituin a lei ni chuan a hmel a mawi lovin duhthusam a ni ta lo. Kei ngei pawh hi ka hmangaihin ka hmangaih tih a hriat hma chuan ka hlim em em a, mahse, ka hmangaihna leitu chuan Pitarte ka khawngaih vanga ka leisak ang bawk khan, ka hmangaihna chu a lei a, mahse, kei chu ka lo dupin ka duhawmna reng reng a lo bo zo ta si a. A tan chuan chawhmeh pakhat, ei tlak loh mai ka ni” ka inti a .
Kawngkhar an rawn kik leh a, kan thenawma Class-X zirlai tleirawl, Deborah-i a rawn lut a.
“Sir, Mizo Note min lo siam teh, a tihngaihna ka hre lo. Naktuk ah kan test dawn si a” arawn ti a.
“Khawimaw, ka lo en ang e” ka ti a. A lehkhabu chu ka han en a.
“He hla thu hi explain dan ka thiam lo” tiin a han kawk a. Ka han en vang vang a, Vankhama hlaphuah ‘Zawlkhawhermawii’ tih hla chang-2na hi a ni a:
“Khuandimin zamualpui pawh liam mahsela,
A mi tawnah hraileng chawi mah sela;
Kei ka thinlai her chuangin a mawi ne’m maw,
Nghak zel nang, lenlai dinthar Zawlkhawhermawii.”
“A va mak tak em! Hetiang hla te ka explain sak i han ngai chu!” ka ti a.
Zawlkhawhermawii chuan pasal neiin fate pawh nei mahse, ka duhna hi a reh theiin ka ring chuan lo va, a nuthlawi hun tal pawh nghah ka inhuam e, tih lam hawiin ka explain sak ta a.
Ka explain dan chu ka han chhiar a, Deborah chuan, “Sir, hetiang hian mipain hmeichhia an hmangaih thei dawn em ni?” tiin min zawt ta khauh mai a.
“Kei chuan ka hre chiah lo. Mahse, hmangaih berte tan chuan eng pawh hi a tih theih a, theih loh hi a awm lo an tia lawm”
“A van mak! Anih leh hmangaih i nei ve tawh em?”
“Hmangaih chu nei e, mahse, min hmangaih ve tlat lo alawm”
“Chu hmeichhia chuan a van ti ang lo! ngaihzawng dang a nei em ni?”
“Nei chuang na’ng!”
“Engtin nge i hriat?”
“Pathianin min hrilh!”
“Dawt sawi suh! Kei chu hmangaih hi nei ve i la chuan ka rilru a hah thei ngawt ang”
“Hmangaih i la neilo chung pawhin ahah thin tho si em ni?”
Deborah-i chuan, “Ka sawi duh tawh lo, hmangaih i neih loh hunah ka hrilh ang che” a ti a. Lawmthu min hrilh pahin a chhuak ta a.
Eng nge Deborah-i bulah khan ka sawi tak? Inngaihtuah map lovin thil ka lo sawi leh phawng phawng mai zel hi chu aw!!!!!!
…………………………………………………………………………………
(G) 
December 1st, 2010 at 8:00 am
Good Morning to all..uluk deuhin chhiar phawt teh ang.
Report this comment
December 1st, 2010 at 8:08 am
Good morning Zephenath…
Ka rawn second e…
Report this comment
December 1st, 2010 at 8:11 am
Romantic
Report this comment
December 1st, 2010 at 8:12 am
Zeph, good morning to you too!
Report this comment
December 1st, 2010 at 8:31 am
A van ngaihnawm ve le…
A tawpah khian i rawn khalh Goal nalh hle mai, hla chang sawifiah tur i rawn thur chhuak te khi a fuh lutuk tlat.
Idea i nei tha. Ka ngaisang che.
Report this comment
December 1st, 2010 at 8:42 am
a ngaihnawm reuh hle mai,mahse a tawi mah mah..chhunzawm zel rawh.
Report this comment
December 1st, 2010 at 8:56 am
@Tluanga.. 9thseptember@gmail.com ah hian min lo mail thei em? Just say ‘hi’. Thanks
Report this comment
December 1st, 2010 at 9:05 am
Hmangaihna hi chuan zirtirtu leh zirlaite pawh huang khatah min khung khawm anih ber hi maw…Deborah-i hi an test ah chuan a ti tha ber pawl a ni hrim hrim..
Tawngkau chheh chhiar a nuam e… chhunzawm zel tur a ang.. :roll:
Report this comment
December 1st, 2010 at 9:16 am
Phuah thiam hle mai, a ngaihnawm e!
Report this comment
December 1st, 2010 at 9:26 am
Deborah khian a hriatthiam loh vang anih ka ring chiah lo. :lol: :lol:
Chhunzawm leh vat teh, a ngaihnawm tlat.
Report this comment
December 1st, 2010 at 9:43 am
I Zirlai hmeichhia ten an nel hle mai che.
Report this comment
December 1st, 2010 at 9:52 am
Hmangaihna lam thu hi zawng, min sawipui teh suh u! In duh leh mi(5ual) zing ami ‘keimah’ hi zawt teh u, a fuh berin ka ring. (A hla phuah ropui takte avangin)
A tisa lam zawngin nge a thlarau lam zawngin…? Hmangaihna aia ropui leh zahawm hi enge awm ang le?
A hming ringawt pawh hi a zahawm em avangin ka ngaihzawng hi “Ka hmangaih che” ka ti ngam chiah em? Ka ngaizawng nge, ka duh nge, ka hmangaih? Chung Pathianin hnam tin awmna ri a khamsak lai khan Hmangaihna ah hian ramri a lo kham ve kher em? Ka hmangaih tak tak chiah em? Hmangaihna chu enge a nih ka chiang chiah maw?
Kum 45 ka ni ta! Hmangaihna kawng ka zawh tawh zawng zawngte, a tisa leh rau zawng pawhin, a khawvel leh a van lam zawng pawhin, Hmangaihna Khurpui-ah, tawrhna namen lo nena ka lihluh fe hnuah pawh a chhangtu aiin a zawttu ka la ni fan … “Hmangaihna hi eng ni? … tih hi!
Hla pakhat erawh a lo pian belh phah ta hlauh a ni!
KA THLAN LOH KROS tih hi!
Report this comment
December 1st, 2010 at 9:56 am
A va REAL tiah tiah ve le…
Heti ang hi thil awm thei, thil thleng mek leh vawi tam tak la thleng leh tur chu a ni. Nang chauh i ni lo. Hmangaihna hi a mak a, mi thenkhat tan an Chakna hnar a nih laiin thenkhat ding chhuak leh ngai reng reng tawh lo tur a dinhmun hrehawm a dintirtu a ni hlauh thung.
Deborah-i anga naupang khawngaih thlak,an rilru hahna pawh tu hnenah mah sawi chhuah rem si lo hi mi tam tak an awm. School in enkawlna huangah chuan Teacher leh Student chu a ni ngei mai. Mahse, hmangaihna chuan chuti ang zawng chuan a thlir tlat si lo a ni..
Report this comment
December 1st, 2010 at 9:57 am
aw ka nu!!!
ka duh.
Report this comment
December 1st, 2010 at 10:30 am
Lung hlui i ti leng reuh mange..
Report this comment
December 1st, 2010 at 10:42 am
mi5ual thenkhat hi chu thu leh hla lamah hian arukin in la lar ang mawle. :lol:
Report this comment
December 1st, 2010 at 10:46 am
a ngaihnawm reuh khawp mai…a ninawm hman hauh lo…
Report this comment
December 1st, 2010 at 11:34 am
ngaihnawm khat khawp my… Chhunzawm zel teh… Chhiar nuam bawk si, lung i ti leng dawn lawm le
Report this comment
December 1st, 2010 at 11:41 am
16: evergrreen hi chutiang atan chuan ka hual
Report this comment
December 1st, 2010 at 11:50 am
Chhiar nuam hle mai…
I school naupang te khian i lakah engemaw rilru a neih hmel te ka ti mai2 ka chhiar a ka hriatthiam ve dan in… :oops: :oops: :oops:
Report this comment
December 1st, 2010 at 12:59 pm
AWi ka nu, ka trap dawn…. :lol:
“khuandim zamual mi liamsan suh;
Sul ang min tum lo mahla,
Ka thlir ang che nghilh loh mi U
Thlafam dairial ka chan hma zawng.
Ka hrilh ngamlo suihlunglen biahthu,
Thadang zun lengah i uai si;
Mahse sawilai chawnpui par mi u;
Nghilhni i awm lo dawn lungrukah”.
He hla ka ngaihthlak lai taka,…( ka chan phei chu ani chuang lawwww :lol: :lol:
:P) Rilru erawh i ti thar mang tak e, nunhlui minti ngai 
…. mahse Nula leh Tlangvalte kara Hmangaihna kan tih ve fo thin hi thil ho tak niin ka hria, a kumhlun lo em mai, :lol: Nachhawkna ang vel lek niin ka hria…hairehai.. 
Report this comment
December 1st, 2010 at 2:13 pm
kum 18 la tling lo chu case awrh nawlh ang e auh….. emotion atanga lo chuak thu leh hla hi chu a mi den dan a dang zar zel… :wink:
Report this comment
December 1st, 2010 at 3:08 pm
don’t say that i’m a dreamer
coz i don’t wanna be a loser
just tell me when you’r ready….
baby ready to hold my hand
i’l be there to take you home…
tih hla min ti hre chhuak………… :wink: :wink:
Report this comment
December 1st, 2010 at 4:04 pm
Post tha hle mai. Mahse fimkhur rawh aw, i student i ngaizawng hlauh ange. A mawilo ania.
Report this comment
December 1st, 2010 at 4:29 pm
thawnthu thar lam a ni lo tlat mai…lo hallai hun ani tlat mahse angaihnawm tho e…hmanni ah hnamdang pakhat mizorama zirtirtu a thawk tawh nen kan in kawm a,mizo zirlai hmeichhia te chu zirtirtu annnel lutuk a, chhunah hau hrep ila tlai lam chuan sir thil min lei an ti leh a.Zirtirtu zahna chang leh nelchin tawk an hrelo a,awmdan mawi an hre lo a ti nuah nuah a.
hemi ka rawn thailan na pawh a thuziah hmang hian zirtirtu nelawm tak lah fel an tih tak chu i ni ngei ang le.Mahse zirtirtu tan nelawm lutuk a awm hi atha ber em ka ti? :?
#24 awmawmpuia sawi ang khian fimkhur la aw….
Report this comment
December 1st, 2010 at 4:50 pm
Zirtirtu tan hian nelawm taka awm tluk chu a awm lova. Tih deuh khur khur mai hi a fuh ber lova..’old school’ min tih chuan engkim hi a har talh mai a nia..classroom-ah chuan teacher-student relationship ni se..pawnah chuan friends angin inkawm thei ila..a fuh berin ka hria.
Report this comment
December 1st, 2010 at 5:03 pm
Teacher in an student te an ngaizawng hi a tha zawnga thlir chuan a lawmpuiawm viau na a, mahse a then hi chu an uih hmuk, lerh vang hrim2 ho hi. He’ng ho hi ka hre ve nual ta.
OT: Tuai chunchangah ka comment a lang theilo, engati why?
Report this comment
December 1st, 2010 at 5:16 pm
@27 Atom c, keipawh ka comment thei lo.
Report this comment
December 1st, 2010 at 6:35 pm
@27 & 28, Tuai comment ve an phal lo a. :lol:
:lol: 
Report this comment
December 1st, 2010 at 7:01 pm
@29,Tuai coment awih loh i tih aiah ka coment tho ang,i zaklo em mai. a buin han ti chhuak thuai thuai
Report this comment
December 1st, 2010 at 7:05 pm
29&30
:lol:
Report this comment