mi(sual).com

Nichin lawka post tha deuh mai Mizoram fimkhur tura fuihna kha a tha khawp mai a. Chutih rual rual chuan Manipura cheng Mizo, engtiklai pawha Mizo, an pawl neihchhun te pawh YMA, MZP, MPC leh MLS (Mizo tih tel vek) te khi kan hmer tel palh ang tih ka va hlau em. Zomi, Kuki leh Hmar politics ina a chhimpil zawh loh te an ni ve a. Buai lai ber pawha Mizo tang tang, Mizoram atanga chhanchintha penchhuahpui hmasa te thalhte khi “lawm ek cheh” an tih ang deuhin midang Mizoram chauha inti Mizo te nen kan hmer tel palh anga an tan kan tum loh lamah thil hrehawm tak kan barhlui palh ang tih a hlauhawm hlein ka hria.

Kan hriatzaunan thil pakhat kan sawi ang a. Tuivai kana Manipur rama pem lut hmasa ber Mizo (Lusei) tawng hmang te khan “Aw Lalpa nangman chanchintha min pe” tih hla sa chungin zu lut a maw le! Chu vang tak reng chuan Zo hnahthlak dang te tan pawh chanchintha meichher kengtu an nih mai bakah a tak taka chhi nungtu an ni a.

Chuvang chuan an chhevela mi te thik khawpin malsawmna pawh an dawng a ni. An fanau, tu leh fate thlengin hei hi a hmuh theih; zirna kawngah leh eizawnna kawng hrang hrangah. Chutia malsawmna an dawn nasat zia tilangtu pakhat chu Lushai (tunah chuan Mizo) kha Manipur Board in High School MIL subject a a pawm hmasak ber te zinga mi a lo ni a. Chumin hnu kum sawm fe hnuah chuan heng Paite, Hmar, Thadou-Kuki etc. te hi a pawm ve leh chauh a ni. He thila hma latu te hi Mizo Literature Society niin Mizo Academy of Letters a in affiliate tang tang zu ni a maw le.

Mizoramin zalenna a sual a, Mizote chhenna phawt a nghawng a. Khatih laia Mizo pasaltha te khan rammut nan Manipur leh Burma ram an hmang nasa em em mai a. Khatih lai khan Manipura Mizo tak tak te kha “full support” lo pe tu, a hnahthlak dang tena Mizo an nih ngam loh lai pawha Mizo vanga lo tuar tang tang tu te an ni a. Martyr leh ramtuileiloa awm ta tam tak an awm a ni. An va fak awm tak em! Mizo nunphung dik tak chu Zoram par tlan tur ringawta Mizo ve zauh zauh a ni si lo a. Mizoramah cheng lo mah se hnam dang te laka Mizo mawina ti vultu an va ni em. Ka thianpa pakhat chuan, “Imphalah khuan Meitei hovin eng hnam nge i nih tiin zawt che se la, Mizo i tih chuan an chung en daih ang che. Eng vang nge kan tih chuan Manipura Mizo tak tak chengte hian Mizo hnam hming ti chhe turin engmah kan ti lo mai nilovin Mizo nunze dik tak hi kan vawng nung tang tang a ni” zuk ti a maw le!

Ka sawi teuh lo mai ang. Hriatzau tumin I tawng thin zawk ang u, Mizo II ah kan vua leh vang tak tak te kan khung palh ang e!! But decision is yours.

Similar Posts:

• HPC-D Ho Hi Engtia Tih Chi Nge!
• RAM LEH HNAM HUMHALH – IV
• Tute nge Mizo?
• MZU hna lakna ah Manipur mi tling an tam ber…
• Arbawm awmna apiang Mizoram: MP Hminga

Recent Posts:

• NGAIHNAWM KAWLEKSAWN – 2 :
• Pathian Kut Dinglam {Sunday Pual}
• ZO NUNMAWI HLUTNA
• NGAIHNAWM KAWLEKSAWN – 1 :
• Kawnpui dai sex video a leakout!

This entry was posted on Wednesday, December 1st, 2010 at 10:00 am and is filed under Opinion. You can follow any responses to this entry through the RSS 2.0 feed. You can leave a response, or trackback from your own site.