Nia, thalai muhilte thawh a hun tak zet ta. Zing ni chhuah ruala i thawh loh khan ka dem lo che a, in vawkpui chaw ngen ngek ruaih ruaih pawhin a tih harh zawh loh che avang pawh khan ka dem chuang lo che. I nu`n tukthuan ei tura a kaih thawh a tum che a, Suangpuilawn a la ti ta ta deuh deuh tih mai tura i puankawp i la sin that surh surh kha mak ka ti lo.
Mut hi a nuam a, taksa tan pawh a tha ngei alawm. Mahse maw, i mut tam lutuk chuan i pang tite a lo kham ang a, natna tha lo zawk in a nangching mai ang che. Chumi a thlen hma chuan tho la, tho thuai rawh.
I ram tana i thawh pawh hi a hun tawh asin. Rorel lai party thil tih that loh sawisel rengtu chuan i sum ngainat luat avangin inthlan dawn meuh chuan i lo angel var hmuh leh mai zel a, an hnathawh tha lo tak takte leh hna tha an thawh lohte chu hmuhhmaih ni awm takin i lo thlang tling leh thin si. Tu thiam loh nge? Tunge inde thei chuang? Nang leh kei lo chu ram rana tho tur kan awm chuang lo asin.
Mi fate chuan i puankawp i pawh sawih sawk sawk lai khan hmatiang sawn zai an relin, chemtum nen thlawhhma lam panin an liam suau suau tawh asin. Nang lah thlamuang takin i la mu thlurh thlurh mai si. Aw, ka thian,i dawn chiang lo a ni. In chhungkaw inghahna i la ni mai dawn tih i hre lo em ni? Nge, chakna reng i nei tawh lo?
I dawn ve ngai em? India rama lal ber nena kan intlukna awm chhun chu vote pakhat kan nei hi asin. Chu thil hlu tak chu nang chuan sum them hle tak hmangin i hralh a, chumi rual chuan i zahawmna pawh i hralh tel ve tih i hre lo a nih pawhin i hralh tel ngei alawm.
Kan ram thenawmte hi han thlir teh. Hmatiang sawn zai rela an kal mup mup tawh hi. I ram, ka ram, kan ram Zoram tana kan thawh a hun ta.
“Ka nu ka pa, ka theih tawpin ka lo zir chiang ve a, kan party mi leh sa pawh nimahse ani hi chu ka vote thei lo ang”
I ti ngam lo a nih pawhin India khua leh tui i nihna a i dikna kha hre reng la, i duh tak i thlang thei a, i nu leh pate bula i sawi chhuah chuan an thinlung sakhat chu i tinem mai thei asin. Politics tui nuin a pawlh loh thalaite kan awm asin i ti ve thei ang em? Tho har hle mahila, a la tlai lo asin.
Aw, muhil tho la tho thuai teh
Zoram tan tho la
Chakna reng ka nei love i tih hma leh thihna kut vawtin a nan hma ngei che khan tho la, tho thuai rawh.
Muhil thawh a hun e.
___________________________________________________
P.S: ElDirectory ka siam ve a, stream dah ka duh avangin ka la zo mai thei lova, a duh apiang tan in blog leh website-te hetah hian submit theih reng a ni e.
Note: Mipat hmeichhiatna rawngkai lam chhuahna reng reng chu kan pawl love
Similar Posts:
- Hmangai CFL min dawn pui ve la…
- Kan Vanglainun
- Hun kha leh chen ka tawng lo che kha
- Love Story- IV (Ka Thài)
- Mangtha
(Y) 
May 3rd, 2011 at 9:36 pm
Tunge inde thei chuang? Nang leh kei lo chu ram rana tho tur kan awm chuang lo asin.
Chhiar a va har first ve?!! Tha khawp mai, I harh teh ang u!!
Report this comment
May 3rd, 2011 at 9:37 pm
2iak tha hle mai!
Report this comment
May 3rd, 2011 at 9:38 pm
Tha hle mai,
Thawhhma kan zir ve tawh ang e.
Report this comment
May 3rd, 2011 at 9:38 pm
Post hma khian vawi hnih khat tal spelling check thin ni theise a va tha em
Report this comment
May 3rd, 2011 at 9:39 pm
Ka chhiarchhuak e. Tha hle mai. Fuihna lampang article hi kan tan a tha…..
A thupui avang hian thenkhatte chuan an chhiar lawk lo ngei ang le… Hmana dr lip-a ziak pawh kha a thupui ah ‘Thiamthu a sawi velo’ tih emaw ni kha a dah in ka hria a. Chuan tuemaw ni chuan sermon pangai emaw a ti a,a chhiar lawk lo ni awm e, ka nui nasa ngei mai.
Report this comment
May 3rd, 2011 at 9:44 pm
A tha khawp mai. I vei bawk a, i ziak tha e! Tin, i directory siam hi enkawl a awlai vak lo mai thei a nia! I inpekna a fakawm e.
Report this comment
May 3rd, 2011 at 9:48 pm
Ka chhiar chhuak parh……..
A tawp rin phei hnuai ziak hi ka hrethiam map lomai, kei leh pek hian……..
Tho sung sung teh u… thalai te u… harh a hun e..
Report this comment
May 3rd, 2011 at 9:54 pm
Tlem lai deuh a thalai Mutna chang hrelo, thawhna chang hre bawk silo kan vei ho kha chu an tlem deuh ta ni chuan alang.
Ram siam thatna kawng ah pawh hian thalai te hian mawhphurhna lian tak kan nei ani tih hria in theihtawp i chhuah teh ang u.
Report this comment
May 3rd, 2011 at 10:15 pm
Ziak tha khawp mai, nangni la thalai kha tho thuai thuai teh u…….!
Report this comment
May 3rd, 2011 at 10:18 pm
In va mu rei, ‘Mu chiten sa an ei . . .’ In chaw lak in sa lak a tha phian si! Buh in duh si, a kung em pawh in la hmu si lo. Zing zunchhuak takngial pawhin a kai harh zo na che u nge. Tlai ni tla aia zing ni chhuak mawizia hmu lo hian in liam takngial dawn e, tho teh u. Siamsa lem ringawt hi in thiltum em ni. Takamten an lehpel tawh che u asin! Karimganj tlangval lakah kut in la dawh mai tur a nia! An biri bungin in rizai sin lai an mut kang mek asin! Daileng tur talin tho sang sang teh un. Ni a tlak leh hma hian! Vawiin in hmu chiang lo leh dawn a ni maw?
Report this comment
May 3rd, 2011 at 10:21 pm
misual vang hian ka mut hun leh thawh hun a tlai phah. Enge mi hmantlai ve thin te. Hman a ka hla phuah ‘Tho la, ding ta che’ tih ka ngaihtuah chhuak, phuah zawm ta che, chang khat chiah ka la phuah
I naupan hmel ang hu in i puitling.
Report this comment
May 3rd, 2011 at 10:24 pm
Post tha hle mai, vei tham a ni tak meuh.
Pa pakhat sermon ka la hriat reng tunlai thalai sual zia a sawina; pulpit tlang mum a dawm ang ren rawn a, banga sana intar kha khawh pawkin an melh ‘thatchhe si, mu rei si, tho tlai si, duh ngah si, phunchiar si, chapo si’…ai uarin ‘hmelchhe si’ a tih kha ka bengah a la cham reng.
Report this comment
May 3rd, 2011 at 10:25 pm
Ka chhing sek e ka tia, ka rawn harh deuh chiah a ni
Report this comment
May 3rd, 2011 at 10:30 pm
#12 ‘hmelchhe si’ tih lai khi……………. ka van nui nasa ve
Report this comment
May 3rd, 2011 at 10:56 pm
min lo hrethiam ru..kan hun neih dan hi a inang lo em atin ni.
Report this comment
May 3rd, 2011 at 10:59 pm
# el inthlahrung suh zoho nen kan lo vilsak char char ang che. Kan hman dun a lawm – duh duh kan lo sawi ang.
Report this comment
May 3rd, 2011 at 11:28 pm
ka mut a chhuak raapthlak a nia, ka vil hman teuhlo.@Vakul- I post a chhuak tep darkar 4 chiah a awm tawh, nangin lo vil hram hram rawh, ka post chu naktuk zan lam anih daih hmel, pathian hmangaihna lam rawn post rawh i ti bawk a, ka rawn post a nia aw…
Report this comment
May 3rd, 2011 at 11:31 pm
Thianpa Zoho i mut hun ala thleng lo. Fb lamah i online duh mang si lo.
Zan a reh ta deuh a naupang deuh mut a hun tawh ni….
Report this comment
May 3rd, 2011 at 11:37 pm
Ka post maw lo chhuak har tawh Aduhi hian min break chiang
Naktuk zan.hmm dar 10 hnu lamah ka lo lut anga ka lo en ang.
Pathian hmangaihna kha Textual&Literary Criticism khan i rawn nuai chho leh roh si ang a.
Tak taka ka chhiar chak tawh hle mai; i post reng reng hi zangkhai deuh hian i rawn sawi kaw zawt zela a tha riau
A ka’n OT tak vak chu, viltu nih manah ni mai.
Report this comment
May 3rd, 2011 at 11:37 pm
E he, Thianpa Krista, i va vang ve, Fb hi ka en puat, ka duhtawk der zel. Mu chungin ka ti vel a, mut a chhuak tan der mai mawle. @El hi tho hma turin min fuih a, ka zawm sak dawn emaw ni le te ka ti deuh.
Report this comment
May 3rd, 2011 at 11:41 pm
ka unau inkhel en tur muhil thawh a hun vel chiah ani
Report this comment
May 3rd, 2011 at 11:43 pm
#21 mak thei ee
Report this comment
May 3rd, 2011 at 11:45 pm
aduhi hi maw, saw post pakhat ah sawn ‘….mihringte hian …englo….. h*r hunbi kan neilo’ a ti a, ka nui char char, ka kap chak, mahse ka hlau deuh bawk sia, min delete mai ang tih.
– a mu tawh emaw ni dawn ni?
Report this comment
May 3rd, 2011 at 11:51 pm
ka kap chak fe a, mahse ka sawia mawiah ka ngai lo mai a ni. A rawn tang ve lutuk kha
Awh khaih Hva’n mahni ngaihdan sawi chhuak ngam lo milem min ti dawn ta tlat mai
Report this comment
May 3rd, 2011 at 11:59 pm
ka tho peih rih teuh lo mai a
Report this comment
May 4th, 2011 at 12:42 am
kei chu tunah chuan ka la harh a,mut a hun tep zawk a ni e.hehe
post tha khawp mai
Report this comment
May 4th, 2011 at 1:06 am
Very very good post..
Thalaite thawh harh tum in an in zi mar tan a ang khawp mai!
Report this comment
May 4th, 2011 at 1:12 am
Thawh a?? Ka la mu ve reng reng hleihnem. Huhu. Fair lo em mai, if i drive to office sleep-deprived, hna ka thok tha theilo nga sin.
Nichin khan ruah tlem atla. motor ti spot tok lekin, sala.
Report this comment
May 4th, 2011 at 1:15 am
@ 12 Vakul, ka nui nasa lutyk. Nih duh hmel e.
Report this comment
May 4th, 2011 at 1:32 am
man u leh barca final an lut ti ila, kan tisual lutuk a ngem aw
Report this comment
May 4th, 2011 at 2:31 am
Nia, I harh ang u.
Mi dik vote tu mai nilovin midik I nih tum theuh ang u tihna a nih khi. Mahse kan dik loh chuan mi dik vote lovin sum a vote lei tute kan vote kan lei tira ka vote tih na nen.
Mdikin Mi dik a vote, mahse midik chu hmuh har tak ani. An dik leh dik loh an lal hnuah chauhte hian kan hria a.
Abraham Lincoln’an a sawi ‘If you want to test a man’s character, give him power.’ – ‘Mi nungchang I fiah duh chuan, thiltih theihna pe rawh.’ tih hi a dik hle.
Report this comment
May 4th, 2011 at 11:00 am
Post tha tak a va ni chiang em.
Report this comment
May 4th, 2011 at 5:48 pm
Report this comment
May 4th, 2011 at 7:03 pm
nia..a pawimawh..a sawi ringawt hi chuan kan insawichhuak dawn lo tih hi a chiang reng a..kan nunpui a hun ta khawp mai..keimahni theihna kan chhuan chuan a harsa ang..amaherawhchu..engkimtithei Pathian kan nei a..Ama chakna ring chuan kan ti thei ang tih hi ka ring tlat a ni.
Report this comment