Mi thil chik mite chuan thil reng reng hi chhuan thumna alo pakai meuh chuan tihdan phung pangngai leh pipu te thurochhiah ang vel ah alo chang tawh thin a, a tak ram chu an lo hlat fe hman tawh thin ani an ti a, engemaw chen ah a dik thui fu in a hriat thin. Tu emaw in thil eng emaw a hmu in a hre chiang em em mai a, chu chuan a nun pumpui mai chu fanchhuak vek in a nun a inlet thawk thin, chu chu a fapa a hrilh chhawng a, a fapa chuan a nun ah a tawng in a hre chiang ve lem tawh lova, mahse a pa nun ah a chian em avang in ala vuan nghet hle thin, mahse a fapa an hrilh lehchhawng chuan a tak leh a tak loh alo chiang tawh thin si lova, thurochhiah naran ah alo chang tawh mai thin a ni.
Mizo Kristianna pawh in chhuan thum (a then ah chhuan li) hmel lai alo hmu ve tawh ah han ngai ila, engtiang chiah in nge thutak chu ngai ah kan lo neih a, engtiang chiah in nge Kristianna chu a tak ram dai ve tawh mang si lova, a phawvuak a urhsun tak leh ti dik zel niawm fahran a kan lo kalpui tawh a hriat thiam theih mai awm e. Chhuan thum alo liam a, an dazat tawh dan tur zia chu hrelawk in Tirhkoh Paula chuan Ephesi Kohhran chu alo vei lawk em em a, hlauh ang ngei ngei in A.D.98 ah chuan Ephesi Kohhran chuan Krista a hmangaihna hmasa chu alo hloh tawh reng mai ani tih Thupuan ah Lal Isuan a rawn nemnghet ta chiah reng ani.
Hetah hian Zoram kristian zawng zawng te tan darthlalang a rawn hung ta ani. Chanchin Tha lo thlenna centenary alo liam tak hnu hian Zoram kristian te hian engnge tih dik loh kan neih a i rin le? Kristianna chuan mawlna ram atang in changkanna ram ah chuan min hung lut ngei mai, kawng tin reng ah hma kan sawn zia chu mit a hmutute kan ni theuh alawm. A ram pum ang in ziak leh chhiar ah India ram pum ah pahnihna kan ni ta ! Kan Biak In te chu a ropui hlawm ngei tawh mai, thawhlawm pawh kan ram economy ngaihtuah in kan thawh hnem, Kohhran ah pawh mi tha tak tak kan ngah ta, Speaker thu sawi thiam tak tak lah kan ngah, kan piangthar zing, kan inhmuchhuak zing, kan hlim zing, inkhawm lah kan inkhawm hnem, Committee lah kan nei zing, zaipawl pawh kan thiam, uniform pawh a nalh. Heng zawng zawng hi pakhat mah kan pawngpaw sawisel ngawt thei lovang, mahse khitiang khawp khi kan Kristianna chevel chu a nih tak si chuan, Zoram chu a va han nuam dawn teh reng em tih tur ani si, mahse…… a teuh lo mai.
India ram state a Corruption hluarna ber pawl, thalai zing a drugs hluarna ber hauh thei deuh thaw, hmeichhiat mipatna a sang em em, fa ten nu leh pa te thu an awihlohna ram, rinawmna in hmun a chan tawhloh na, thatchhiat luat vang a ei leh bar a intodelh lo, kutdawh ram, a sawi sen ani lo. Thilmak um ram, Jakoban rinna nghet lo, luang thli chhem nghin a sawi ang mai kha kan lo ni zo ta em ni? Kan Kristianna in chhuan thumna hmel alo hmuh tak hnu ah hian, dazatna ah kan lo lut zo tawh em ni ? Ringtu inti si hian kan hriat hi kan ring zo tawh lo ani lo maw? He thu tawi “Believe in the word of God and trust in Him” tih ah hian a chanve hmalam chauh ring hian a Pathian tak rinna hi kan neitawh lo zawk emni?
Mi tamtak “Bible in a sawi chuan a dik ani mai” ti a tang huai fe fe ti hi Bible in a sawi Pathian thu laimu heng dikna , hmangaihna , rinawmna leh thuhnuairawlhna te zawm chuang si lova bawhchhe fo thin te zuk ni fur lawi si a. Liberal ho in an lo zirtir sual in an lo pawm zau ta deuh pawh ani thei e, inti fundametal leh conservative em em, diklo theilo a an pawm Bible a thupekte leh thuchahte kan zawm duh chuanglo leh ngai pawimawh leh chuanglo leh Bible min petu amah Pathian kan tih chuang map lo hi chu kan nun hi inbihchian a ngai em em e !
Similar Posts:
- Last Generation hi tute nge?
- Engvangnge? Mi ten min chhiar, min hre reng e !!
- Pathian hian mi zawng zawng nun dan tur hi a hre lawk vek ang em?
- Mang Rama Cheng Mizo-te
- Inkhawmnaa Hmeichhe Thusawi Hi Phal a Ni Lo
June 5th, 2011 at 5:34 am
chhiar ang le….
Report this comment
June 5th, 2011 at 5:37 am
Ka lem diak duak e. Chang tawpna ber khi ka duh zual
Kan dah nawn leh teh ang:
Mi tamtak “Bible in a sawi chuan a dik ani mai” ti a tang huai fe fe ti hi Bible in a sawi Pathian thu laimu heng dikna , hmangaihna , rinawmna leh thuhnuairawlhna te zawm chuang si lova bawhchhe fo thin te zuk ni fur lawi si a. Liberal ho in an lo zirtir sual in an lo pawm zau ta deuh pawh ani thei e, inti fundametal leh conservative em em, diklo theilo a an pawm Bible a thupekte leh thuchahte kan zawm duh chuanglo leh ngai pawimawh leh chuanglo leh Bible min petu amah Pathian kan tih chuang map lo hi chu kan nun hi inbihchian a ngai em em e !
Report this comment
June 5th, 2011 at 5:41 am
Report this comment
June 5th, 2011 at 6:19 am
Post tha khawp mai, a zawm lam hian tanlak nasat a ngai a ni.
Report this comment
June 5th, 2011 at 6:26 am
Chhuan lina tur te hi train that an ngai hle dawn a ni…mahse, tunge pangparthi chu awrhtir ta ang le?
Report this comment
June 5th, 2011 at 6:35 am
Pathian thu hi hre viau in a in zir fin theih khawp maia, mahse a nunpui lam chu a kawng a dang daih a ni, kan hriat leh chhiar te hi kan bawh zui vek lo tih kan in hre theuh ang. A enga pawh nise hriatna ti zau tu a kan hmang hrim hrim hi chu tha ve reng reng e. A thu har khel a tawng hrang leh a ziah hun/kum etc. buaipui chiama nun lam ngaih pawimawh leh si loh aichuan dikna , hmangaihna , rinawmna leh thuhnuairawlhna hi Bible in min zirtir a tum ber zawk chu a ni.
Post tha khp mai
Report this comment
June 5th, 2011 at 6:50 am
Pathian hian a phut a min phut tlat a awma, chu chu Bible kan zir chhan leh a Goal a ber zawk chu a ni. Hre teuh in Pastor te hial pawh ni mah ila heng (a hnuai a mi) te hi kan nunpui loh chuan Pathian ram kan lut chuang lo ang, a serh leh sang/bawlhlo ah chauh hian Pathian a lungawi vak lo…
“Eng nên nge LALPA hmâah chuan ka lo kal ang a, Pathian chungnung hmâah ka kûn ang? Hâlral thil hlante, bâwngno kumkhat mite nên a hmâah chuan ka lo kal dâwn em ni? LALPA chu berâmpa sâng tam tak emaw hriak lui sîngte emawah a lungni dâwn em ni? ka bahchhiatna avângin ka fatîr chu ka pein, ka thlarau sualna avângin ka taksa rah chu ka pe dâwn em ni?
Aw mihring, tha chu a entîr tawh che a ni; LALPAN a phût che chu eng nge ni? Dik taka tih leh khawngaihna ngainat leh i Pathian nena thuhnuairawlh taka lendun a ni lo vem ni?(mika 6:6,7)”
Report this comment
June 5th, 2011 at 8:46 am
Ni e
Thuchah ropui leh in enfiahna tur thu pawimawh tak a ni e.
Report this comment
June 5th, 2011 at 12:24 pm
@zoho : May God bless you and your ministry. Mizoram lags third in literacy NOW in India.
Chhuan khat hi dan naranin (Biblically) kum 40 chhung vel a ni. Matthaia 24-a “this genertion” tia Isuan —Judeans-ho a lo sawite kha, AD 30 atanga AD 70 inkara mite an ni a, “Chhuan bengtla lo leh uire hmang,” tia sawi an ni bawk.
Mahse, kan Zotawng Bible-ah hian “he chite,” tia dahsak kan ni mauh mai a, tunlai JEWS-ho sawina ber emaw kan ti ang tih chu a hlauhawm hret.
Titus-a’n Jerusalem leh Temple a tihchhiata Judeans-ho tawpna (Grik : telos) kha hriat chian a manhla a; “hun/khawvel tawpna” Grik tawnga ‘suntaleia’ nena ngaihpawlh kan tam ang tih ka hlau thin. Matthaia 24-ah ‘telos’ leh ‘suntaleia’ hman a ni ve ve si a. Ka OT duhthawh hret! Pawi em?
A reng reng thu-ah Khawi Empire mai pawh kha chhuan nga kha chu an daih lo vek mai! Babylon, Media-Persia, Greek leh Rome-te pawh khan … tunlai Nations pawh hi a zuih tan ta riau mai! Min barakhaih thut tur thil engemaw riau chu a hnai ta! Be prepared!
Report this comment
June 5th, 2011 at 12:41 pm
A va tha kher ve em em ve leh!
Report this comment
June 5th, 2011 at 12:49 pm
Engemaw chen reh vang vang hnuah Thianpa zoho-a sermon nung zet ka’n hmuh chu(h).
Tha khawp mai, ka pu. a dang pawh…
Report this comment
June 5th, 2011 at 1:53 pm
OT lawks : Ka thian pakhat, Misual-ah a in-register ve duh a, a nick zawng zawng pawh a dah lut fel ve vek a. Ama e-mail ID-a PASSWORD lo chang ve mai tawh tur thu a dawng nghal vat a. Darkar 14 dawn thuak a liam ta —nghakhlel takin a e-mail ID a check chhen a. Password a rawn thleng chuang si lo va. In e-mail ID zawkah te khan a rawn kal sual palh a ni lo maw?
Report this comment
June 5th, 2011 at 1:54 pm
Va hlap tha leh hem hem ve aw… In ngaihtuah deuh chu a ngai a ni. Khawi emaw laiah hian kan ti fuh lo a ni.
A ngaihnawm lutuk lo a, mahse tha ka ti khawp mai.
Good Post.
Report this comment
June 5th, 2011 at 2:00 pm
@chawnghilh: Email-ah hian password a thleng har thin khawp mai. Rediffmail-ah hian a thleng har bik emaw ni lehnghal ni! Yahoo leh Gmail-ah chuan a thleng hma ve viau thin.
Contact form-ah khian admin-te contact sela, a password chu an lo hrilh mai ang.
Report this comment
June 5th, 2011 at 2:02 pm
“Mizo Kristianna pawh in chhuan thum (a then ah chhuan li) hmel lai alo hmu ve tawh ah han ngai ila,”
Chhuan khat (Generation khat) hi engtia rei nge i chhut danah hian?
Kan kristianna hi chhuan ngana a ni tawh zawk lo maw?
Report this comment
June 5th, 2011 at 2:20 pm
Apostol Kohhran dik tak pawh kha kum tlem te chhung khan … Apollova Pawl, Kipha pawl, Paula pawl angte khan a kak nghal kha a nia! Tin, Gnosticism leh Docetism khan a rawn pawlhsawp thuak thuak ta mai bawk reng a. Tin, Apostol Thurin dik tak ep tur khan Judaism an pawngpawrh ang chiah khan, Zoram tlangtluanah pawh hian a dik tak zawh fuh aiin saphun (inti-Juda)-te an rawn bawngkhawtlai hnial chuang lo.
Mizo-te pawh hi Pathian thu ngaihsak tak tak, Pawl hran din kan tamna chhan hi eng dang a ni lo va, Bible letlingtuten min lo lehlin sual palh zauh thenkhat lai changchawia Pawl hran din an ni nual asin le! Lehlin sual hi thlarau sual hian hmanruaah a hmang duh viau!
Church kha Organization thawthangin, Organization pawh Association ang rawngkaiin … heresies hian ram a la zau ta zel zawk thin a.
Keini ang driver mawl ve tak pawh hian, keini aia mawl zawk handyman neiin, driver-ah kan han hrualchhuak ve a. Anni pawh chuan an aia mawl leh huihphai hret an han nawp zui ve leh a. Engnge kan an tak zel ang aw?
Hriatna ril leh bulbal nei zawk lamah chuan Mizo Kristian chhuan khatnate kha chu kan khum a ni thei e; moral lamah chuan kan fual fe tawh zawk si! A awmzia ber chu kan thu hriat hi ril zawk leh zung kai thuk tak tak pawh ni se, kan zarpeng leh rahchhuahna lamah hian kan pachhe lam zel a ang tlat! “Sualnate a la pung ang,” ti lamhawiin kan pen ta zawkmah a ang.
Christian zungpuak kha Christendom-ah kan dazat chho va, christianity aiah Churchianity lamah kan til a then ta mah zawk a nih hi! Rul thlahte u …
Report this comment
June 5th, 2011 at 3:12 pm
HAIREHAI !
Report this comment
June 5th, 2011 at 3:17 pm
Chhuanthumism!!! tha khop mai…
hi sum dawnna pakhatah kan ngai thin hi a ni. Rulling party mi lehsa thenkhat chu Department lam ten ‘Thil dila’ tih te poh an awm a ni om e…
Liberal theology hi chuan chuti takin min la hneh lo niin ka hria… engvanga dazat ta viau nge kan nih erawh ka rilru a thil pakhat awm thin chu Kristianna leh thil dang heng: Politics, NGO etc. angte kan dah hrang lutuk thin hi ni pakhatin ka hria… Politics
Report this comment
June 5th, 2011 at 7:54 pm
Pathian thu lam post hoa comments te han en hian, confused fe fe kan tam tih hi chu a hriat theih thin khawp mai. Heng misual.com a thu post te pawh hi a tui pui lo tan chuan Vawk hmaa tuikep lung vawrh ang lek ani ang tih ka va hlau thawng thin em. Lalpan a thu malsawm sela, la confused mekte chhawr tangkai theih tur post pawh lo pung zel rawh se.
Report this comment
June 6th, 2011 at 1:17 am
Kan nunpui lo telh telh te ka ring bawk a sin..Mizo tan chuan Zu leh Kristian a kal kawp thei ve lo a, Zu khap bur na dan hlih duh tam dan a ţang hian kan la dazat zel duh hmel..!! meizial tuibur,sahdah, khaini te nen chuan a rem lo hran lo a nih hmel..!!
Report this comment
June 6th, 2011 at 1:35 am
A tha leh khawp mai.
Report this comment
June 6th, 2011 at 2:09 am
vawiin nileng ka online hman lova, zan ah hei virus attack vangin ka Desktop zawk ka buaipui leh leh char char, mahni post pawh chhiar/comment loh chu ka rawn lut zuai,mu phawt mai teh ang. Post dang chhiar chakawm deuh deuh pawh ka chhiar hman ngang lo. In comment ah ka lawm lutuk e. Good night phawt.
Report this comment