I Korinth 14:34 “Women should remain silent in the churches, they are not allowed to speak, but must be in submission as the Law says.”(NIV)
“Kohhran inkhawmnaah chuan hmeichhia chu ngawi rengin awm rawh se, anni zawng an thusawi phal ani silo, Dan lehkhabuin a sawi ang bawk khan thuzawmin awm zawk rawh se”.
Inkhawmnaa hmeiche thusawi ve thin te hi kan Bible hian a khap tlat a nih hi maw le! Nimahsela hmeichhe thusawi thin Upa/rawngbawltu hi an awm ve nual bawk si a, Bible thu kalh hian kohhran hote hi kan kal a ni thei mai lo maw?? A chunga Bible chang tarlan ah khian chiang takin a sawi a ni. Hei hi hrilhfiah na lamah chuan tiin sawi mam theih deuh mai chu a ni a, Bible chang dang en leh ta ila –
I Korinth 11:5 ” Amaherawhchu hmeichhia lukhum khum lova tawngtai emaw, thuhril emaw apiangin an lu an ti mualpho ani, ziahkawn nen thuhmun reng ani sia.”
Hetah hi chuan thuhril chu a phal a, mahse lukhum khum turin a phut a ni. Tichuan thuhril tih leh inkhawmna a thusawi tih hi thuhmun ah kan ngai em? Tlem chuan a danglam deuh chuan ka ngai a, thuhril hi chu inkhawmna ni lovah pawh an hril thei mai a, inkhawmnaa thusawi erawh chu sawifiah dan dang a awm thei chuang pawhin ka hre lova, inkhawmnaa thusawi kha a ni mai. A nih leh heng thu pahnih te hian an sawi tum a in ang reng ah lo ngai ta ila, Bible thu hi amah leh amah a inkalh dawn a ni. I Kor. 11:5 ah hian thuhril a phal a, I Kor 14:34 ah hian thusawi a khap bawk si a.
Ka ngaihdan : Bible a kan hmuh ang hian Hmeichhia hi chuan inkhawmna ah hi chuan thu hi sawi ve lo mai rawh se, Bible in a khap bawk si a. Khawlai ah te emaw, inkhawmna ni lemlo intawhkhawm leh awmkhawm naah te chuan sawi ve mai ang hmiang…… A bak ngaihdan dang ka la neih chu comment lamah kan la sawi dawn nia..
In sawi ve ni……..
Similar Posts:
- Hmeichhe Pastor
- Pre-Conception & Pre-Natal Diagnostic Techniques Act, 1994
- WEIRD LAWS(Khawvela dan maksak deuh deuh te)
- Mi chesual ve te..
- Hmêl leh chêtzia pawhin (Sunday pual)
February 26th, 2012 at 10:12 am
Why-blame it all on women!
February 26th, 2012 at 10:22 am
Tirkoh Paula hian Korin kohhran hnena a thawn a ni a,mi zawng zawng tan erawh a niih a rinawm loh. Hei hi mi thenkhak hnena thawn mai a ni a, mahse he lehkha thawnah hian chatuan hawlhtlang thu nung a pai tam em a vangin,Bible-ah hian an seng lut ta a nih a rinawm.. tuna mi tak hi chuan mi zawng zawng a huap zo loh bakah,chatuan thu nung zawng a ni ve pha lo deh em aw…? korin ho context pawh kan hriat tel a tha khawp mai,,, Sawizau a tan a that hi…
Post tha tak zawng a ni e… (Y)
February 26th, 2012 at 10:49 am
Thuthlung Tharah hian Pu Tirhkoh Paula hian hmeichhia chungchang hi a sawi lang deuh ber a. Han thlir thuak thuak dawn chhin teh ang: Priskili kha Pathian thu zirtirtu ngaihsan awm tak- Pu Appolova zirtirtu a ni(Tirh. 18: 26). Pu Paula pawh kha a tlang nel khawpa an inah a thleng ngat thin a ni. Korinth khuaa kohhran Pu Paula dinpuitu a ni hial a ni(I Kor. 16:19)
Tin, Philipi khuaa Pi Eudii leh Pi Suntuki pawh kha lam hmaih chi an ni hauh lovang. Hmeichhe dinhmun hniam laia Bible hi ziak a nih avangin an rawngbawlna hi lang chiang lutuk lo mah se rawngbawltu pawimawh tak an niin a hriat theih( Philipi 2:4)
Tv Timothea pi duhtak- Pi Loisi leh a nu Pi Eunuki kha kohhran lo ding hmasaahte khan dinhmun zahawm leh pawimawh tak an chelh ni ngeiin a lang bawk(Tit. 2:3). Pu Tirhkoh Paula phei chuan a ngaisang hle a nih kha.
Rom 16na lama Pu Paula mimal chibai bukna duhawm tak a ziakah pawh khan hmeichhia rawngbawlna chawimawi tlak nia a sawi a awm teuh a ni. Andronika leh Junia phei chu tirkohte zinga hming thang tak niin a ziak hial asin, Post tupa.
Tirhkoh Paula thuchhuak zawng zawng hi Pathian thu a ni vek lem lo a. Thenkhat hi chu mimal thahnem ngaihna avanga ziak a ni. Tin, a thu leh hla tamtak hi sermon pawh ni lo lehkhathawn a ni, maw Pu Posttupa. “Hmeichhia zirtir ka phal lo”(I Tim. 2:12) tia a sawite hi kohhran zawng zawng tan ni lovin a tulna bik leh tulna hun awm avanga sawi chauh a ni zawk.
Thuthlung thar hunlaia Judate leh Grik hmeichhiate dinhmun hniamzia kan hre vek awm e. Chutiang chunga rawngbawl thei an ni hi dangdai a ni mai lo a, tun atan pawh hian a relevant a ni.
Kaisari khuaa Pathian thuhrilhtu Pu Philipa phei chuan fanu pali a nei a, Pathian thu hril thin a nei a ni tih a lang leh keuh bawk.(Tirh. 21:9).
Hetiang zawng hian lo chhut ve thin la i ti sual vak lo mai thei a ni. Bible thute hi a context thlira chhiar chi leh zawm chi a tam a nia. Lak vawng chi vak a ni lo.
February 26th, 2012 at 11:17 am
Kan thurin bua inziak a nih chuan kan zawm mai tur a ni.
February 26th, 2012 at 11:21 am
AS THE LAW SAYS … tih hi hriat chian phawt a ngai.
Paula hian hmeichhiate a khap kawngah hian TORAH ziak ang nge TANAKH ziak ang tih hi chhui chian belh a ngaih hmel. TORAH chin chauhva ziak angin khap ni se, SYNAGOGUE an la nei hman lo tih hre hmasa leh ila.
TANAKH kalphunga rawn sawi ni se, SYNAGOGUE kalphung pawh an hre sil hle tawh bawk ang. Chuti a nih chuan, Korinth khuaah pawh hian Synagogue system an hmang hman daih tawh tih a hriat a. In hriat theuh angin synagogue-ah chuan a khirh zualte kha chuan hmeichhia leh mipate thutna daidang turin m’chitzah (bang pindan) an nei thin.
Tin, hmeichhe thusawi a khapna a chepa kai/hauhuk kai kan hriat a pawimawh leh a … thuhril (prophesying) leh tawnghriatloh (speaking in tongues) chungchangah a nih daih kha. Hmeichhe rak benchhen theihna lam chi leh nghal!
I Korinth 11:5-ah hian inkhawmnaa hmeichhe thusawi chu a phal lawi si. Tin, hmeichhia chu ngawi renga thu tur leh in lama an pasalte zawt mai turin a tihah hian NULATE tan chance a vang dawn hle.
M’chitzah phen atanga mipa thusawi, hmeichhiain aw rawl ringin, inhmu thei lovin rawn zawt ta sek mai se, inkhawm service a buai phah viau lo’ng maw?
An khatih hun lai khan CHURCH BUILDING an nei vak ngai lem lo va, HOUSE-CHURCH an hmang mai thin bawk a. Corinth hmeichhe nasa ve tak tak te kha an thawm a na dawn hle hian a hriat … LALPA Zanriah takngial pawh ei khawm thei lo khawpa a then rui thle hman tawh, undisciplined church ni lutuk an ni tih kan hai lo. An thatna tur zel khan a fuih a. Ephesi, Colossa, Corinth, Thessalonica te an behavior a dan ang zel leh an theology neih dan hrang hrang zilhfing khan Paula khan a admonish hlawm thin a nih kha.
Tunlai chuan, Kohhrante hian kawngkal fel thawkhat theuh kan nei tawh hlawm a. Tawngtai leh thuhril laia VEIL khim hmeichhia pawh kan nei fer fur tawh hlawm. Thawhlehna chanchin tha hriltu hmasa ber hmeichhia kha pasal nei lo, a kawchhung atanga ramhuai pasarih Nazareth Yeshuan a hnawhchhuahsak hial a nih kha … zirtirte (metethes)-ho phei kha chuan Magdalini thusawi kha awih-ah an chang lo hial ni te pawh khan a lan kha! Mahse, chanchin tha hrilh a nihna apiangah ‘he hmeichhe chanchin pawh hi’ an hril ve ang, titu kha a lo awm hman daih tawh thung si!
Galatia 3:26 Krista Isua rin avangin Pathian fate in ni vek si a;
3:27 in zinga Kristaa baptisma chang apiangte kha Krista chuan in inthuam tawh si a.
3:28 Chutah chuan Juda mi a awm theih loh va, Grik mi pawh a awm theih hek loh, chutah chuan bawih a awm theih lo va, bawih lo pawh a awm theih hek loh, chutah chuan mipa leh hmeichhia pawh a awm theih loh; Krista Isuaah chuan in zain pumkhat in ni si a.
3:29 Tin, Krista ta in nih chuanin Abrahama thlah, thutiam anga roluahtu turte in ni.
Nimahsela, Galatia mite hnena a lehkhathawn hi hmeichhia a duh duh pulpit lawnkaina thupek thar chu a ni hran lo. Korinth hmeichhe nasa tak, ornament nena intuaihnum em emte kha an sambu-a ornament zozai hliah bo tur khan a duh zawk ni te pawha lan avangin leh an pasalte zahpah lo culture kha chu siksawi danglam a ngai viau reng a ni. “Hmeichhe lu chu MIPA, mipa lu chu Krista, Krista lu chu Pathian …” tia a ben harhte an ni tak reng kha! Lu zawk nei chho kan nihah hian ‘hmeichhe lukhum khum’-a tawp mai chi pawh a ni hek lo.
Inkhawm service a buai loh nan … pasal nei tawh te chuan in lama an pasal an zawh chu a finthlak. Nulaten zawh tur an neih ve loh erawh chuan … tihngaihna tak a awm lo ve.
February 26th, 2012 at 11:47 am
#4 a dik ka ti. “Ka ngaihdan chuan..” tih hi mimal ngaihdan mai ani a, Kristian chuan Kristian kan nih chhan Isua Krista thuthlung rawn siam, Thuthlung thar chu kan zawm mai tur a ni.
Isua zuitu inti siin, Isua Thuthlung kailek kan tum talh zelte hi a diklo ka ti.
Mu daih teh ang zing dar 1:17 ari tawh
February 26th, 2012 at 12:06 pm
Isua Krista Thuthlung kaih lekna lam a awm ka hre law!
He posta Bible chang hi hi kan pawm thlap dawn a nih chuan Bible thurin hi kan tan a inkalh lutuk ta ve ang!
Hmeichhia ngaineptu leh hmu hniam thintu hi Kristiannaah hian a nasa ber. Chu chu keimahniah pawh a lang zel. Ngainep ngawttu kristiante hian Biblical argument pawh an pe ngai lo bawk!
Pu Chawnghilha commentah hian a chiang kek kawk hle!
February 26th, 2012 at 12:09 pm
Post tha bawk a niang comment a thui thei e mai. A beng var thlakin a hlawk thlak thlawt e,
February 26th, 2012 at 12:12 pm
Chutia Tirhkoh Pawla sawi zawng zawng kan zawm dawn chuan bawih neih te pawh phal asin. Rev. Hnuni chungchanga kan debate pawh khan Pawla ziah hun lai leh tun hun chu tehkhin tur ani lo ,ka ti tlat. Joyce Meyers te, Paula White te ang hmeichhe evangelist tehi kan khap dawn em ni? Hmeichhiate hnuaichhiah sakhua chu hmeichhiate’n bansanin Buddhist ah inlet phiar sela, mipa chauh Kristian ni ta dual dual ila in duh dan anih bik ka ring lo.
Pawla ziah theuh theuh Galatia 3:28 ah
“Chutah chuan Juda mi a awm theih loh va, Grik mi pawh a awm theih hek loh, chutah chuan bawih a awm theih lo va, bawih lo pawh a awm theih hek loh, chutah chuan mipa leh hmeichhia pawh a awm theih loh; Krista Isuaah chuan in zain pumkhat in ni si a.” anih kha.
Lal Isua sawi ngei ngei aia Tirhkoh Pawla ziak ngai pawimawh hi kan tam riau. Isua khan vawi khat tal pawh hmeichhiate thusawi lo turin a sawi loh kha.
February 26th, 2012 at 12:20 pm
Ignatia-a comment-ah khian Pathian Thu kalh ka hmu bik lo.
Mahse “Tirhkoh Paula thuchhuak zawng zawng hi Pathian thu a ni vek lem lo a. Thenkhat hi chu mimal thahnem ngaihna avanga ziak a ni. Tin, a thu leh hla tamtak hi sermon pawh ni lo lehkhathawn a ni,” a rawn tih tak khi …
Biak In-tea hmeichhe thusawi khap chungchangah Paula hian “AS THE LAW SAYS” tih tanchhana a thawn a nih avangin, an hun lai leh kohhran kalphungah a sermon tlachawp tui laklawh a hmang em chuan a lang lo. Pathian thawkkhuma ziaktira awm ni thin a ni miau va … TANAKH rawn chawimawi zui pah thlapin.
February 26th, 2012 at 12:27 pm
Bucko hi NUN a mi lolz
February 26th, 2012 at 12:49 pm
Chi dang deuhvin i sawi kai leh teh ang —
Let your women keep silence in the churches :
Korinth khaw nuho hi biak inah an thawm a bengchheng tih a hriat khawp mai! Ngawi chipcham turin Paula hian a duh nachhan a awm chiang hle ang.
for it is not permitted unto them to speak —
tawng lo tura khapna hmu hial an lo ni tawh a nih ber hi!
… to be under obedience —
thuawih nachang hre lo, thu awih ve tawh tura NGENNA THUPEK a ni chiang mai. Genesis 3:16 Hmeichhe hnênah chuan, “I hrehawmna leh i nau paina chu nasa takin ka tipung ang a; hreawm takin fa i hring thîn ang a; nimahsela i duhzâwng chu i pasal lam a ni ang a, ani chuan i chungah thu a nei fo vang,” a ti a.
Pasalte hnial pawng pawngin an che hle a ni ngei ang, thu an awih lohzia … a intarlang chiang.
Hetiang hmeichhe pawngpawrh tak hi chu khawi Biak In-ah mah thu sawi lo se a tha reng a ni.
And if they will learn anything :
Zir tur thil engpawh an neih chuan HOME MISSION lamah ni mai se “let them ask their husbands at home” tih a ni leh mai a … pasal nei chut deuh leh thuzir lama sak ve tak neite chuan an zir duak duak thei lo ve mai thei a ni.
For it is a shame for women to speak in the church … zak lo fa fa chu an awm tawh. Veng pakhata inkhawmnaah pawh nu pakhat hming an han lam a. Chu nu chuan, ring tawk thle velh vawlh chung hian —mi zawng zawng hriat theih turin, “Khati lo deuh khan ka hming kha ziak ve tawh ula maw le …” a ti e, an ti.
Eng dang a ni lo va, khatih vuakvet lai khan Doctorate degree a lo dawn ve vang a ni awm a … sawi leh nuihza siam nan takah an hmang zui.
February 26th, 2012 at 12:52 pm
He thuah hi chuan sawi belh tur vak ka hre lo (nei teuh tho mah ila) (Y)
February 26th, 2012 at 12:59 pm
Kan bible thu hi a nih ang a pawm mai dawn chuan thu inkalh a awm leh thin a nih hi maw…. entirna: Rinna chungchang pawh hi, Paula’n thiltih a ni love, khawngaihna a ni zawka a ti a, Jakoba chuan thiltih tel lovin rinna chu engmah a ni lo a ti ve leh bawk si….. hriatthiam a har khawp a nih hi..
Tuna kan sawi ho lai erawh hi chu hetiang hian ngaihdan neih theih a ni a, ka pawm theih dan deuh ber pawh a ni :
Kohhran hi Krista Taksa, Pathian chhungte tia sawi a ni a, chuvangin Pathian chhungte leh Krista taksa ngei in hmeichhe thusawi hi a pawma, a phal a nih chuan a tha a ni mai.
@littlerascal…. NUN hi nih ai mahin fimkhur pui a tul zawk lo maw?? ha ha ha LOL+
February 26th, 2012 at 1:29 pm
korin kohhran mite hnena Paul a Lehkhathon a nia, keini min huam ve lo ti zonga kan tang dawn a nih cuan… Bible chhunga bu reng reng hi keimahni hnena thon a om lova… chuvang chuan engmah hi pom a ngai lo a ni mai lo mo?
Chuan Paul an Pathian thu lo ama thu a sawi dawn chuan chiang takin a sawi hmasa thin.. chutiang lam he thu ah hian a awm lo..
Bakah hemi thupek hi Korin lehkhathawn ah chauh hian awm se chuan a hriatthiam theih deuh mahna.. mahse lehkhathawn dangah pawh zu han awm tlat a!
Priskilla hi khi amah cbauhvin a zirtir ngai lova, a pasal Aquilla nen an zirtir thin…
Junia hi tirhkoh a nih thu kan hmu lova. Tirhkohte zingah a hmingtha tih chiah a ni.. Bakah Junia hi hmeichhia ni lovin mipa a nih a rinawm zawk bawk!
February 26th, 2012 at 1:52 pm
Paula hian ama thu sawi dawnin a sawi hmasa ngai lo pawh kan ti law!
Priskilla pawh amah chauhin a zirtir tih thu pawh kan sawi ka hre lem lo.
Junia hi Pathian thuzir leh kristian tam zawkte chuan hmeichhia a ni tih hi kan pawm dan a ni e tih hi lo hre ve mai mai la Laimizodagreat a pawi vak lo mai thei a ni. Laifa, marafa, lushaifa theologian chhuakte hian hmeichhia a ni tih hi an pawm dan a ni tlang pui e. Greek leh Latin mauncript-ah chuan JUNIA emaw JULIA emawa inziak hi hmeichhe hming a kawk e. “Junius” tih emaw “Junianus” tih emawa ziak ni awma ngaitute hi an tlawmna a rei ve tawh a ni mai thei tih pawh lo hre tel bawk la a pawi vak lem lovang!
February 26th, 2012 at 2:11 pm
“Paula hian ama thu sawi dawnin a sawi hmasa ngai lo pawh kan ti law!” I ti pawh ka ti bik lo!
“Priskilla pawh amah chauhin a zirtir tih thu pawh kan sawi ka hre lem lo.” I sawi ka ti bawk lo!
Junia chungchang ah khi chuan hmeichhia a nih leh nih loh pawh a chiang lo… i duh duhin lo ring mahla hmeichhia a ni tih chiang taka sawi chi chu a ni lo deuh.. Bakah thu a sawi thin thu a inzia lova, Tirhkoh a nih thu pawh a in ziak hek lo….
February 26th, 2012 at 2:13 pm
An sawi thin ami? Kan biakin ah chuan Puithiam in thusawi(homily) a sawi thin. 😀
February 26th, 2012 at 2:15 pm
Ka nuih a za mang e. Junia hi Pu Tirhkoh Paula sawindan chuan Tirkohte zinga mi hmingthang, amah aia Kristaa mi hmasa niin a inziak. Bible hi chhiar ve thin MAI TEH!
February 26th, 2012 at 2:22 pm
#15 i van bo ve le.. mak thin ngei mai.. Bible zawng zawng hi lehkhathawn a ni lova,Lehkhathawn bik hi chu a context leh background zir uluk a ngai.. khi comment hmasa lamah khian a chian em khi… Nehrua’n a fanu hnena a lehkhathawn kha kan vaia tan a ni lo a,mahse mite fuhtu a tana athat em a vangin zirlaiahte a tel a,miten an ngaina em em zawk a nihhi maw…
February 26th, 2012 at 2:23 pm
Amah Paula aia Kristaa chungnung zawk i tihna mi?
February 26th, 2012 at 2:31 pm
A reng reng ah mihring nih chuan thil hi a tihsual theih a, kan thurin te pawh a dik tawk lo lai a awm thei. A dik lo lai a awm a nih chuan tha deuh a in hrilh tur. Chutilova a deuhsawh zawng leh a tiel (sarcasm) zawnga in hrilh hi chu a Kristian tih chi lo deuh te ka ti mai mai a…
#20 Nia Bible hi lehkhathawn vek chu a ni lo. Chutih a nih chuan Thuthlung Thara lehkhatawn ho hi kan hnena thawn a ni si lova… zawm a tul lem lo tihna a ni mo?
February 26th, 2012 at 2:37 pm
Miin eng pawl pawh zawm se, pawl dan bu leh inkaihhruaina a zawm a ngai thin. A zawm thei lo anih chuan pawl member a nihna a hlih a ngai thin. Kristian te thurin bu hi, kristian kan nih duh chuan, kailek lovin, kan zawm ve ngam a ngai.
Korinth khaw tan bik alawm, Ephesi khaw tan bik alawm, Timothea tan bik alawm a ziak, kan tih zel chuan innghahna bulbal nei lovin Kristian kan inti ve ngawt ah a ngaih theih ang. Thuthlungthar Bu na na na hi chu, a zawm theih theih kan zawm a tha. Zawm theih ngang loh a awm anìh chuan thuhran nise… Kristian te thurin bu bera inziak chu, keini Kristian te hian “Kei ka ngaihdan chuan…” tih kawi tih kawi chi ah ka ngai lo.
February 26th, 2012 at 2:43 pm
#22 zawm tur chin chu a awm ve hi maw…! Chatuan thunung chu a awm a lawm, mahse a chehvel a tullo lai leh inthliar thehna awm ang chi hi chu zawm kher a ngai lem dawn em ni..
“Drink no longer water, but use a little wine for thy stomach’s sake.” 1 Timothy 5.23.
Mizoramah chuan kan zawm lo chiang ngawt ang.. 😛
February 26th, 2012 at 2:53 pm
#24 i sawi tum ka hrethiam.. hetiang peripheral issue avang hi chuan in en hran tur a ni ka tihna lam a ni lo… Amaherawhchu tute emaw rilru tihnat hlauh vanga compromise kan siam zel dawn a nih chuan thil tha a nih ka ring lo. Kan Bible hi chu a theih chen chen a dik thei ang berin zawm kan tum tur a ni…
zawm lai tur chu engtin nge i hriat theih bik a?
February 26th, 2012 at 3:04 pm
#25 ka chang tar lan pakhat lek khi i zawm duh em…Mizo hian zawm vek ila tha i ti em?
February 26th, 2012 at 3:18 pm
ka zawhna i la chhang lo.. han chhang phot la, i zawhna chu ka chhang dawn nia..
February 26th, 2012 at 3:27 pm
ka hriat dan chu maw a thu hi mitin tan a applicable em? thlarauah leh rinnaah min ti hma sawn em? chung thu ho te te hmang chuan ka hre mai a lawm…
February 26th, 2012 at 3:30 pm
#26 ka zawhna i la chhang lo.. han chhang phot la, i zawhna chu ka chhang dawn nia..
February 26th, 2012 at 3:42 pm
#29 ka chhan tawh khii 28 ah khiann
February 26th, 2012 at 3:49 pm
i tehfung hman chu tha ka tih viau rualin a ‘subjective’ deuh ka ti tlat.. eng hi nge mitin tana applicable leh applicable lo leh rinna lama tihhmasawnna a nih leh nih loh tak kha nangmah ngaihdan leh duhdanin i han hliarhrang dawn chu nia.. a subjective deuh ka ti..
i chang thlan khi chu chhan dan thiam a har nih khi..
😛 Tak takina kan Bible a lehkhathaw te hi context nei a ziah an ni , an ni lo tiin ka trang ngai lo… chuvang chuN i chang thlan khi chu Timothea hnena ziah a nia, mimal tana ziah a ni vangin mi zawng zawng tan a applicable lo mai thei.. Mahse ka mimal ngaihdan chuan zu tlemte rui lo toka in hi chu a pawina ka hre lo…
February 26th, 2012 at 3:54 pm
mahse inkhawmnaa hmeiche thusawi leh sawi loh chungchangah hi chuan Bible hi a chiang khawp mai.. A chhan pawh chiag takin a sawi (1 Tim 2:11-15)
February 26th, 2012 at 4:00 pm
Phun phun lo khan àlu kan kha ei mai mai teh u 😛
February 26th, 2012 at 4:18 pm
#31 kha mimal hnena thawn i tih ve leh tho kha, sawi fiah ngai interpret ngai a ni a lawm… kan sawi tum chu a in ang reng mai
February 26th, 2012 at 4:45 pm
#34 Bible hi interpret a ngai lo tiin ka tang lova, amaherawh chu wrong interpretation hi a awm thei thova. Kan rilru rem lo zawng apiang kan hnawl zel chuan a dik ber lovang.
I comment atang khian a topic thupui ah enge i ngaihdan chiang takin i la sawi si lova, OT deuh hlekah kan lo inhnial niin a lang. Mahse inkhawmnaa hmeichhe thusawi chungchangah hi chuan Bible hi a chiang khawpin ka hria, a chhan pawh chiang takin a ziak e, kohhran mal tana thupek a ni lo tih pawh a chiang viau in ka hria..
February 26th, 2012 at 5:06 pm
ehe Chawnghilh leh Ignatia comment a ngaihnawm daih zawk post ai chuan 🙂
February 26th, 2012 at 5:07 pm
Hmeichhiate pawh chu sawi tir ve ila, A an puia siam theuh teuh maw lee…..
February 26th, 2012 at 5:15 pm
Sawi tir ve loh ngawt chu a, a rau rau anni ve sia 🙂
February 26th, 2012 at 5:19 pm
Kan Bible thu zawng zawng hi 100% chu seng luh chi lem loh ang… kei mahni culture leh kan tunlai dinhmun a zir a kaihrem ngai leh herdang lam ngai,a nihna tak leh a kawh tum bo si lo a kan kal pui thiam a tha khop mai… (Y)
February 26th, 2012 at 5:21 pm
Dik chiah.Century I hun laia Middle east leh 21st Century a Asia ram chu tehkhin chi ani lovang. Mahse Islam ang maia Kristianna kalpui tum hi an tam riau.
February 26th, 2012 at 5:28 pm
1 Tim 2:11-15 hi chhiar ula, I Century Middle East ho culture mai mai chu a ni thei dawn a mi?
February 26th, 2012 at 5:31 pm
Pagan culture-ah chuan hmeichhiaten mipa an hnuaichhiah zawk; mahse chu culture chu kalsan a, Bible culture-a luh a ngaih zawk vang hi a ni thin. Pagan Rome Culture seng luh hnem a ni tawh te hi a manganthlak tawh reng a ni.
February 26th, 2012 at 5:50 pm
I Timothea 2:8 Chutichuan, mipa hovin hmun tinah kut thianghlim pharin, thinrim lo leh inhnial lovin tawngtai sela ka duh a ni.
2:9 Chutiang bawkin hmeichheho pawh inthlahdah lo leh inbel lutuk lovin, thuam inchawih tawkin inchei sela, sam phiarin emaw, rangkachakin emaw, tuikeplungin emaw, puan man tam tak taktein emaw inchei lovin;
2:10 amaherawhchu (hmeichhia, Pathian ngaihsak intite chu inphu tawkin) thiltihthatin inchei sela ka duh.
2:11 Hmeichhiain thu awih tlatin ngawi rengin zir rawh se.
2:12 Amaherawhchu, hmeichhiain zirtir zawng ka phal lo, mipa chunga thuneih ka phal hek lo, ngawi rengin awm zawk rawh se.
2:13 Adama chu siam hmasak a ni a, chu mi hnuah Evi chu siam a ni a.
2:14 Tin, Adama chu bumin a awm lo va, hmeichhia erawh chu bumin a awm a, bawhchhiatnaah a tlu ta a.
2:15 Nimahsela, rinna leh hmangaihna leh thianghlimna neiin, rilru fel tak nena an awm fo chuan fa hrin avangin chhandamin an awm ang.
February 26th, 2012 at 6:13 pm
Tirhkoh Paul-a hian hmeichheho mizia leh rilru chu a man chiang hlein ka hria 😀 (daih mai a)
tren tren
February 26th, 2012 at 6:44 pm
#23 a dik (Y)
February 26th, 2012 at 7:15 pm
Nia, phun phun lo khan hmeichhe eirawngbawl sa kha va ei mai teh u 😛 😀
February 26th, 2012 at 8:13 pm
Bible thu pawh chu in va hre zet zut hlawm ve maw le! Pathian hian mipa chu a hmang tam zawk fe naa a tling leh tlak a hmuh apiangte a ko mai thin niin ka lo ngai a. Entirnan, Debori te pawh kha a hman mai kha. Thuthlunghlui hun a ni lehnghal. Inhnial inhnial hi a buaithlak, hmeichhe tel lovin mipa fa tu mah kan awm rei theih chai loh hi. Hmeichhia chu mipa tanpuitu leh awmpui tura Pathianin a din a nih avangin an thusawi hi A khap tlat bik a rinawm loh. A duh phawt chuan mipa emaw, hmeichhia emaw a hmang mai a ni. A huamchin tih vel hi chu kei, ka hmuhdan chuan, bible thu leh tawngkam reng reng hi a hun lai khawvel leh a mi chengte khawsak phung mil zela sawi chhuah a nih avangin tun lai khawvel nena a inmil dan zawn chhuah hi a ngai thin. Ngawi t’u, a va sei duh ve maw le.
February 26th, 2012 at 9:04 pm
He post hi a tha ka tih viau rualin Pathian thu zir a, Bible-a lehkhabu awmte chinglet a, kan Bible ngei pawh Biblea pawm chhoh a nih dan hrechiang bawk a, a weak point hrang hrang leh a chhunga thu inziakte ziak a nih chhoh dante hrechiangho chuan ‘Yes’ an tih ka ring lem lo.
February 26th, 2012 at 9:30 pm
OT loks: Tun mai 9:25 pm vel khan lir a nghing engzat a naa tak ni maw
February 26th, 2012 at 9:39 pm
Iau
February 26th, 2012 at 9:40 pm
Hlauhawm ve @49
February 26th, 2012 at 10:00 pm
Kan bible hi a inziak ang anga pawm tawp a nih dawn chuan kan buai hle ngei ang. Chuvangin tuna topic ka han chhawp chhuah pawh hi hrilhfiah leh sawi zau deuh chu a ngai chiang a ni tih a lang reng mai. A chhan chu khawvel ram hrang hrang a ringtu zawng zawngte hian hmeichhe inkhawmnaa thusawi hi an phal deuh vek tlat mai. Tuna bible changkan sawi chhuah in a phal loh bur ang hi chuan an kal lo deuh chu a nih hi…
Post tu ber pawh hian phal loh tur a ni e ka ti hmiah bik lova, he thu hi sawi theih leh inhnial theih tak ami a nh avangin kan ngaihdan te i han sawi ho ang u tiin ka post a ni a.
Ka ngaihdan chuan a hrilhfiahna lam ah chuti khati chuan a ti tih ai chuan Kohhran hi Krista taksa a nih a, Pathian chhungte kan nih bawk chuan, kohhranin hmeichhe thusawi hi poi lo a ti a, a khap loh chuan a tha kan ti in kan zawm mai tur ah ka ngai mai.
Comment hrang hrang avangin Bible thu tam tak ka hriat belh a, ka lawm hle a ni.
February 26th, 2012 at 10:08 pm
#52 you should be, this is a boring topic :not:
February 26th, 2012 at 11:44 pm
He thu vang hian Hypatia pawh an thah phah anih kha. Ti daih ila Korinth khua ami te hian paula hi lehkha an thawn let ve a ngem le? “Rawngbawl pui duhtak kan unaupa pawla, i lehkha thawn kan hmu a kan lawm hle e” te an ti a ngem le? :
February 27th, 2012 at 12:06 am
1. Deborah (roreltu & zawlnei (prophetess) Rorel.4:4), Huldah (zawlnei, 1Lal.22:14), Nula & tlangvalte thu hrilhlawkna (Joel 2:28), Pentecost-ah a thleng (Tirh.2:4). Philip-a fanute (Tirh.21:9), etc., atang hian Hmeichhia-te hi Pathian thu an sawi leh an hril hi phalsak an ni.
2. Judaten public-a hmeichhia-in Pathian thu a zirtir an phal lo. Rabbi Eliezer (Bammidbar Rabba, sec. 9, fol. 204) chuan, “Let the words of the law be burned, rather than that they should be delivered to women” a ti hial. Juda tan a ni a, Judate tan an Culture leh Torah a inzawm tlat avangin an ngai pawimawh hle. Keini chuan Judate tihdan chu kan zawm ve kher a tul lo, mahni pawl inkaihhruaina leh dan te, leh kan Culture milh-a Pathian kan biak hi phalsak kan ni (cf.Tirh.15, 17:24-31).
3.1Cor.14:34 “Inkhawmnaa hmeichhia thusawi” (Greek- en tais ekklêsiais sigatôsan) tih hi Korinth khuaa kohhran-a inkhawmnaa buaina (conduct of the devotions in the church) chungchang a ni. Korinth kohhran-ah hian harsatna chi hrang hrang an tawk a ni – tawng hriatloh hman avang te (1Co 14:28), thuhril rawngbawlnaa thusawi inchuh avang te (1Co 14:30), hmeichhia-ten lu khuh lova thu an sawi avanga te (1Co 11:2-16), hmeichhia-ten an chhungkaw thu (thildang pawh) kohhran inkhawmnaa an sawi avang te (1Cor.14:34) leh thlarau thilpek avang & inkhawmnaa duhdan leh tihdan chungchanga harsatna etc.
4. Korinth kohhran-a hmeichhe thenkhat chu fing tawka an inngaih avang leh an intih-thlarau-mi avangin, a hun leh hmun ngaihtuah lovin, ruat pawh ni lem lovin, Kohhran hruaituten Pathian thu an zirtir laia lo tibuaiin (interrupting Lectures), “Pathianin a ti” tiin, an lo inrawlh buai a, mipa-te anga Pathian thu lo zirtir ve phet tum leh zirtirna hna lo chuh ve thin an awm a, hei hi Paulan a duh lova, “Hmeichhia-in Pathian thu a zirtir theihna tur dan kan neih loh avangin ka phal lo” a tihna a ni an ti, Hei hi Ephesi kohhran-ah pawh hmang turin a ti nghe nghe (cf. 1 Tim 2:11-12).
5. Korinth kohhran hi thlarau lama an dinhmun avang hian an buai-nuaih a ni ber mai. Hmeichhia-te chuan an pasal-te chu Kohhran mi tam laiah an nupa kar boruak te, an chhungkaw boruak-te thlengin zawhna at-thlak tak tak leh personal tak tak-te leh thurin chungchang (questioning, finding fault, disputing, doctrine, cases of conscience etc.) te thlengin an zawt thin a. An pasal-te tih-mualphona hun emaw tih hial tur khawpin an nupui-te hi an che nasa a ni awm e. An thiltih hian an pasal-te a ti-mualphovin, kohhran boruak a tichhe nasa em em a. Hei hi Paulan tha a ti lova, hriat duh an nei a, harsatna an neih pawhin in lamah pasal-te zawt turin a ti hlawm a ni (cf. Gen 3:161, Cor 11:3; Eph 5:21-22,24, Titus 2:5; 1 Peter 3:1). Chuvangin, “hmeichhia” tih laiah hian Greek tawngah pawh “gynaikes” a hmanga a. Hei hian “pasal nei tawh hmeichhia” a sawi tih a chiang a. “Pasal zawt rawhse” tih hian a tichiang lehzual. Pasal-te chu vantlang zinga ti-mualpho mai lova, Bible zirtirna ang taka pasal-te thuawih a, zah turin a hrilh nghe nghe a ni (Ge 3:16,
6. Thuthlung Thar zirtirna atanga thlir a, Paula lehkhathawn dangte nena enrem chuan, 1Cor.14:43 thu-a Paulan Hmeichhia-te thusawi a phal loh hun leh hmun hi Korinth khuaa kohhran member-te an kim vanglai leh an punkhawm tam lai hun bik (whole church gathering on special occasion) (1Co 14:23)-ah chauh nia ngai Bible scholar thenkhat pawh an awm bawk.
Tin, Post-tupa zawhna siam, “Thuhril” leh “inkhawmnaa thusawi” tih hi thuhmunah kan ngai em?” a tih hi. Thuhrang daih a ni. Thuhril (prophesying, Greek- profeétees) & Inkhawmnaa thusawi (speaking, Greek- lalein) hi thil hrang daih a ni e. Tuna kan khel lai mek tak pawh hi “inkhawmnaa thusawi” (speak, Greek- lalein) tih a ni.
February 27th, 2012 at 12:16 am
#54 nia…a lehkhathawn hi a sei hrep lehnghal a.. boring ti ve fe fe pawh an awm mai thei a ni. Reply ve chu a awm ka ti…
February 27th, 2012 at 2:23 am
bible a dan bawhchhiah kan ngah emmmmm mai…
February 27th, 2012 at 3:03 am
Bible lam chu sawi ve lo mai teh ang. Ai ai ka hlau ka tlanchhia phiiirrrr!
February 27th, 2012 at 3:15 am
Khawnge maw ARYAN a hi aw…
February 27th, 2012 at 8:08 am
Dr John : I fawmkhawm kim hle mai. A bengvarthlak belh lehzual.
February 27th, 2012 at 2:08 pm
Dr. John a ziak ang khian ngaithiam vek se chuan kan kohhran hruaitute hian hmeichhe sermon an phal tur. Missionary, hmun hlauhawm leh hrehawm taka thawk tura tlak kha biakin chhung luma thusawi an khap mauh mai hi a zialo khawp mai. Kan kohhran ah pawh hmiachhe pakhat Thlarau Thianghlima khat a awm a, ani aiin mipa thusawi thiam tehchiam lo in an sawi zawm zat a, chu nu lah chu Catholic a lo ni khanglang si a. A zialo ka ti khawp mai. Mipa ho hian an duh lai lai Pawla ziah an la vung a. Rom bung 8 ah chuan rannung chunga ngilneihte asin a ziah, an ignore duh zawng tak, vawksa heh ho hian.
February 27th, 2012 at 6:53 pm
Pathian thu in van hre hlawm em em, Camping ah in luh hnem tawh hmel hlawm( FIAMTHU)
February 27th, 2012 at 10:08 pm
Pu John-a chu i va duhtawk mawi ve! He post i TLIP dan hi a turu hle mai!
Pathian hi Juda culture-ah a inpuang a, kan kristian dan hi anmahni mila kalpui a tha a, chutih rual chuan keimahni bila a hrang hlaka tih tur pawh a awm reng a ni!
February 28th, 2012 at 12:15 am
#62, Ka’n Nuih Huk Chu..le…
Chawnghilh, Sony, Ignatia, PKfanai etc, in khabe liam changin ka lo dak ve mai mai alawm,
In Hriatna zau tak leh Thuk tak tak-te avangin Ka Hlawk Tak Zet Zet E, 
He Platform (misual.com) hi ‘Zoram Ringtute Tihchak Nan’ leh ‘Zoram Nuam Siam Nan’-a hmangin i Tang-ho Zel Ang U,
September 24th, 2014 at 3:28 am
Find Your Investigator
Inkhawmnaa Hmeichhe Thusawi Hi Phal a Ni Lo | mi(sual).com