Khita lung leh ram khi luaithli Pilluti, Pilluti
Ka lam chhaka buhtunte
Ka lam thlanga Temlawki, Temlawki
Chiri Chiri thlang vai dawnlung zialah
Aw ki va la la, chalrang aw ki va la la, aw ki va la la
Phaiphek bulah hawng lang hawng lang maw
Arsi te maw tui va chawi, tui va chawi
Phaiphek leh khuangpui ring e
Kaikuang mu lip tirh terh, Kaikuang mu lip tirh terh
Tila’n kawl a kap e, a kap e
Sailoliana’n Saidura’n kawl a kap e, a kap e
A nun lai dawng zelin nge Kawldepi, Kawldepi
A pan lai dawng zelin nge Kawldepi, Kawldepi
Arsi ka tawng van lai ka tawng
Mawn tai pu re ru, pu re ru
A mawi love mual laia kelte ri tlet tlet, ri tlet tlet
Ri tlet tlet e, saruh pu ve ve, pu ve ve
Man thei lo
Pawih chem tawnga ka khawha tek sawr tek sawr
Chu veleh kawmkarah,
Hmeithai te kan dan, e kan dan
Kan dan khi tawk tawk.
A khi tlangah khian ainawn tlangah khian, tlangah khian
Zuksial an chhun ui tang ar a lak, tang ar a lak
Neih khaw dang a hel
Khawidangin vi vi a ti, vi vi a ti
Khawidang hnuaiah puan kan khawng
Kai kun kual rim rem, kual rim rem
Muala pi pa pu lera
Neih chang sawma sawmah
Mim rawnga saithang zai maw, thang zai maw
Fang rawnga saithang zai maw
A nu lu chungah thang zai maw
A pa lu chungah thang zai maw
Hren kaih hum laih tih laia, hum laih tih laia
Pi sa Pu sa Kelpa thin banga hlukralah, hlukralah
A khi tlangah khian aizawn tlangah khian
Pem letin inkhawng inkhawng e
Mual lai su dum su dum e
Pu RK. Lalhluna, Padma Shree (literature) nen kan inhmu fuh hlauha, kan titinaah hmanlaia kan pipute khan hla chham mi, tunlaia ‘rap music’ kan tih ang hi an lo neih ve reng thu min hrilh a, pipute rap hlahril a lo lakkhawm chu mi(sual) thiante theh atan ka rawn chhawp chhuak ve ngawt a ni. A hla thu hi Mizo hnahthlak tawng hrang hrang inchiahpiah niin ka hriaa, a awmze hriat loh ngial ngial pawh ka nei nual mai. Hla upa tak a ni a, a chhama an chham mai thin a ni. Pawnto hla a ni lova, nau awih hla a ni hek lo, an hla tualleng ve thin erawh a ni ngei tih upa tawh takte sawi atangin a hriat theih. Kan lo sak ve thin a ni em? 
Thluk kawng hmang bik chu a nei ngei mai, mahse a thiam chuan han rearrange deuh se tunlai takin a ‘rap’ hmiah hmiah thei mai thei.
Similar Posts:
- Thikthu chhia
- Van-lal-chhelo-chiangkuang-a
- Thuamluaia Mual
- Aizawl-ah Paragliding
- Airtel Mizo customer care
June 8th, 2011 at 2:35 am
E khai ava tha ve. Chhiar pawh a nuam hle mai.
Report this comment
June 8th, 2011 at 2:48 am
Chhiar thiam a va ngai ve le !
Report this comment
June 8th, 2011 at 3:01 am
A tha hle mai. Mahse i’n ti teh ang. Engatinge hetiang hla hi kan historiante leh literature lama kan mi chhuanvawr tak takte hian an va ziak ngai lo ve. Phuahchawp deuh a ni thei mai lo maw? Nge ni a an lo la hrefuh chiah lo zawk?
Report this comment
June 8th, 2011 at 3:06 am
A ngaihnawm kher mai very very very like dot com
Report this comment
June 8th, 2011 at 3:48 am
Mizote’n ziak leh chhiar kan thiam hma, kum 1894 hma lam zawng kha chuan tawngkain thu kan inrochun thin a. ‘Unau thawnthu sawi mah a dang’ tih ang deuhin, kan thu inhlanchhawnah pawh phuahbelh emaw a awm nualin ka ring. Ziaktu hmasate ziah Mizo chanchin tam tak pawh kha dikhlel deuh a awm nual ang!
He hla hi phuah belh anih ka ring. Kan pi leh pute khan chhamhla chu an lo nei na meuh mai, an hla zawng zawng kha chham chi deuh vek alawm anih le. Chuan, heti ang hla hi lo awm ta pawh nise, naupang pawnto hla mai mai anih a rinawm.
A enga pawh chu nise, post tha tak a ni a; Mizo chanchin chhuizau mekte leh chhui tumte tan he hla hi bihchian a tha khawp ang.
Report this comment
June 8th, 2011 at 3:59 am
First ka tum a sin maw le…chhiar phawt teng.
Report this comment
June 8th, 2011 at 4:02 am
A nih khi..a har hle mai, ka sawifiah thiamloh tur ka hmu nual mai..A hlu hle a ni @ muante
Report this comment
June 8th, 2011 at 4:57 am
Uluk taka chhiar chuan naupang pawnto hla pawl hnih a inthena in chhawna sak chi aniin ka hria..
Report this comment
June 8th, 2011 at 5:49 am
Beng a var leh ta.. Kan pi leh pute kha hlaah an lo hausa ngawt mai. A hlathu thenkhat khi a thûk hlawm viau! Kawli tih hming a han lan takah chuan in lama thangchhuahna kawnga Tumphît pathumin malsawmna dila Pikawli an hauh hla ka hre chhuak zawk. Inzawmna an neih ka ring nghe nghe.
Pîkawli chhu dep chhu dep,
Kawl-dângi chhu dep chhu dep.
Report this comment
June 8th, 2011 at 7:08 am
Ka sawi tawh ang khian he hla hi pawnto hla a ni lova, phuahbelh mai mai pawh a ni lo. Padma Shree RK. Lalhluna hian a nu ngei pawhin a chham zau zau thin a ti, tin, a nu pawh chuan an naupan laiah pawh an chham thin thu a sawi bawk. Pu RK. Lalhluna hian a nu leh midang atanga a hriat leh a collect a ni a, tunhnua phuahchawp mai mai chu a ni love.
Heta ka rawn tarlan bakah hian a la awm nuala zahmawh rawng kai a nih nual avangin rawn tarlan loh mai a ni. Khitah pawh khian zahmawh lam chu a la awm hram tho khi.
Ziak leh chhiar kan thiamna pawh kum za erh awrh chauh a nih avangin thu leh hla tam tak hi tawngkaa inhlachhawn mai a ni lo thei lo. Unau thawnthu sawi mah a dang an ti a, kan Zoram pumah hi chuan kan history hriat dan inan loh avangin han inhnial deuh rap rap pawh a awm lo thei lo. Kan ziaktu dangten an ziak loh avang ngawt erawh chuan kan pipute chin thin a ni lo a tih ngawt theih loh. History lamah phei chuan kan la pachhiat em hi. RK. Lalhluna hi thuziakmi a ni a, Padma Shree hial a dawng tawh nghe nghe. Tunah hian he hla hi zaithiam pakhat Radio-ah a sak tira, mahse music accompaniment a tha lova ka rawn post duh lo mai zawk a ni e.
Report this comment
June 8th, 2011 at 7:30 am
Report this comment
June 8th, 2011 at 7:40 am
a va lawmawm ve,hetiang hi kan nei tih k lo hre ngai hauh lo,k lehkhabu chhiar thin te hian minla hrilh hauh lo mai,phuahbelh te hi alo tel reng ang t a hlauhawmin k hria,nangma phuahbelh ka tihna niloin
Report this comment
June 8th, 2011 at 9:11 am
Rawn hit fuh leh tlat mai a,a ngaihnawm hle mai…
han phuah thiam ve zia zang kan ni si lo…shailendra leh kawlhawk te han che se la mawle.
Report this comment
June 8th, 2011 at 9:35 am
Tu ber nge rap ta ang le…
Report this comment
June 8th, 2011 at 9:53 am
tha khawp mai,vincy khan haq rap se tha tur nia sin
Report this comment
June 8th, 2011 at 10:10 am
@muante, chhiar zawng pawhin lu a hai map thei mai a!! A va un rem rem ve! Hetiang te hi kan hnam/culture tihausatu tha tak a nih hi! Record fel thlapa dah that tlak a nih hi! Good post!
Report this comment
June 8th, 2011 at 10:56 am
Keini pawh kan naupan lai khan..Vengthlang a ka len ka len… Kan chham ve awt awt thrn kha le…!!Tu phuah tak ni maw
Report this comment
June 8th, 2011 at 11:14 am
Thluak a tibuai map thei alawm le…
gud paws! 
Report this comment
June 8th, 2011 at 11:16 am
Hla chhammi kan lo nei ve khiau hi a lawmawm khawp mai. Thangtharte tan pawh modern version-in a rap theih mai ang chu.
Misual Rappers line up:
1. Kawlhawk (a sam lem nen)
2. ZG (lukhum khum lo se)
3. Sandman (a hmingah a nih duh hmel)
4. Hlatekhua (a lu um a mawi)
5. Benny (a rawng leh rap a inmil)
6. Keimah (ZG nen an size a inmil)
Side dancers:
1. Mate ainawn
2. TuaiSiala
3. Tluanga (TSa nen an lo phuah belh zel ang)
Report this comment
June 8th, 2011 at 11:19 am
Save keuh teng
(Y)…..hriaththiam loh a tam em mai…..
Report this comment
June 8th, 2011 at 2:02 pm
A tha hle mai. Thu leh hla hlui inhlanchhawn hi a har in a hlu em em.
RK. Lalhluna leh a nu, kan lawm e.
Muantea, kan lawm e.
Report this comment
June 8th, 2011 at 5:04 pm
Background vocals-huuu húùûùù hùúûû lo ti turin:
1. Maisek
2. BMW
3. Mate ainawn
4. Miss aduhi
Report this comment
June 8th, 2011 at 10:12 pm
Mah reng reng se, khitiang khi kan pi leh pu ten an lo nei ve reng ni maw… Chai Hla hi sak a nuam, han phar nghal vah mai ila. Khi pawh khi, a music arrange fuh chuan nuam mai mai ang chu aw. mi(sual) MI hrat ho khan a music han arrange se la, tum khat nanana chu “Lai-tawh-khawm” hunah kan la sa ngei dawm lawm ni…
Report this comment
June 9th, 2011 at 12:13 am
Amah Pu Hluna pawh hian RAP hla a phuah thin alawm! RD & The 3 Rappers ho pawhin an sak thin kha…
Report this comment