He zawhna hi Mizorama nu leh pa tam tak hi zawt ila, abikin khawpui lama nu leh pa te. An chhanna hi a dang fur thei ang. Chhanna hi a dang dang a awm ang bawkin, naupang hmakhua pawh a dang thei bawk ang.
Chhanna pawimawh tak pakhat hi i han thlur bing dawn teh ang aw..
Zawhna – Khawnge i fa?…………
Chhanna – Kan awmpuite nen an awm kha….
Kan rochan atana Pathianin min pek, kan fanau te hi an hlutna kan va hre lo em. Pathian hnen atanga A ro kan kawl a ni a, midang hnenah pe lova keimahni hnena petu hian midang(awmpui) te enkawl tur atan kan fate hi min pek ka ring lul lo.
He khawvela a aiawh turin nu leh pate hi fate lakah mawhphurhna Pathian hian min pe tih hi i hrenawn thar leh fo thin ang u. Kan enkawl that loh hian Pathianin rawngbawlna kan kova a nghah kan hlen lo a ni.
Awmpui neih hi kan intihhmuh ta hle mai. Nu leh pa tamtak hi chu kan hmanlo hle a, a awm lutuk e. Amaherawhchu, kan fate tan hian ka hun leh tha hi chu i ui lovang u. Kan inchhung khawsak eirel te hi chu awmpuite chuan lo ti rawh se, amaherawhchu kan fate lehzel hi chu an kutah i dah lo ang u; kan dah anih zawngin kan fate hi kan inchhung bungraw pakhat ang lekah kan ngai tihna tluk a ni ang.
Awmpui thenkhat phei chuan an nau awm peihlo hi damdawi(ruihhlo) te an pe a, an muttir vang vang thin tih thawmte pawh a lo rik tawh thin kha. Engtin nge kan fate hi awmpuite hian an enkawl tih kan hriat a tul, kan hman nganglo anih pawhin.
Awmpui fel tak leh tha tak chu an awm pawh a ni thei a. Amaherawhchu, kan thisena kan hrin, thi leh thau pawlha harsa taka kan hrinchhuah, kan rila rah kan fa hian nu leh pa hmangaihna leh enkawlna an dawn hi, kan tihtur(duty) anih rualin an dikna chanvo(right) a ni tih i hrenawn thar leh fo teh ang u.
Tihtur (duty) kan tih hian mi pangai kan ni a, mi dikna chanvo (rights) kan chhuhsak erawh chuan mi pangai kan ni pha lo.. In ngaihtuah teh ang…..
Similar Posts:
- Khawnge i fa? Part-3
- I fa te khawiah nge an awm? (Nu leh pa ni tur te tan pawh)
- Mi ram thil Pathian thu a neihna chuan Zoram thil pawimawh a chim pil
- Birth control hi kan mang pui dawn.!!
- Buonglienkung a boral
June 14th, 2011 at 10:08 pm
paeia, nangpawhin rawn chhunzawm teh…fa nei tawh ho chawhphur nan ka ti alawm..tawnhriat nei tawh lam hovin han chhunzawm ula…
Report this comment
June 14th, 2011 at 10:22 pm
edit keuh
Report this comment
June 14th, 2011 at 10:28 pm
ka chhiar hman tho eh…
Report this comment
June 15th, 2011 at 12:10 am
A van tha kher em.
Hei hi ka vei em em a ni. Hei vang hian kan inneih hnu ah fa kan neih hma in kan nu chu a sawrkar hna atangin ka ban tir hmiah. Ka fa te chu an mahni hringtu in a awmtlei tur a ni tawp mai. Miin a nupui fanaute a chawm zawhloh chuan chi thlah tlaklo ah ka ngai mai bawk.(naupang pawisawilo in an tuar ka phallo)
Ka ti lutuk maithei. Mizoram economy chhe lutuk leh cost of living sang lutuk hi ka ngaihtuah chang hian, sawrkar hi ka haw lo theilo. Hei vang hian mipa in thawkrim hle mahse a nupui fanaute a chawm zo lo, chuvang chuan nu ber in eizawnna a dap ve a ngaih phah, chuvang chuan an fate an awm hmanlo a, awmpui te kut ah an dah phah a ngai ta hi kan sawrkar hruaitute hian hnam pawi an khawih tih hi zuk hmu thiam reng reng lo va.
Report this comment
June 15th, 2011 at 9:18 am
zoho…
Report this comment