Zawhna- Khawnge i fa??
Chhanna- Hostel-ah ka dah.
He chhanna pawh hi a va tlanglawn ta em!! Abikin khawpuiah hian a tam zual emawni chu aw a tih theih awm e. Fate hostela dah theih te chu inlak changkan nan kan hmang emawni tehreng ni.
Naupang chumchiap lutuk, class-I vel atangtein Hostel-ah kan han dah ta mai thin a. Nu leh pa thlazarna hnuaia an awm hi kan ring tawk lo nge, keini enkawl aiin midang enkawlna kan ring zawk? Kan inrintawkna chhiatzia a tilang chiang hlein ka hria; hetiang kara kan fate kan thanlen tir chuan an inrintawkna (pa in a pek tur) chu a dawng lo phawt a, a hmalam hun chu a hriatthiam theih mai awm e.
Tin, naupang hostela dah tam lutuk hian enge a nghawng tha lo ni thei leh ang. Tet te atanga hostela awm te hian awm ve lo te ai hian nu leh pa hmangaihna hi an tlachham tlangpui. Chuvangin i fa khan nangmah hmangaihna leh inzawmna tak tak nei tura i duh anih chuan nangmah ngeiin enkawl puitling rawh.
Naupang hi kum 10 an nih tlin hi chuan an damchhunga an nih tur ang ang an ni tawh tiin an sawi thin a. Hemi chhunga i fa kawngdik nia i hriat i zirtir lova midang kuta ngaihngam taka i dah anih chuan chhia leh tha a hriat hnua a duhloh tur leh nang pawhin pawi i tih lutuk tur a lo thleng anih pawhin a mawh chu nangman i phur tlat ang.
Sap thufingin “Strike while the iron is hot” a lo tih ang khan, i fa chu i duhdan dana i khalh theih laiin a damchhunga a lawm em em tur nun kawngdik leh nakina a la chapopui em emna tur chein a nun enkawl sak ang che. Fanaute hi Lalpa laka kan rochan an ni si a.
I fa avanga i damchhunga i la tah loh nan i fa chu a hun takah tah tir ang che.
Similar Posts:
- Khawnge i fa? Part-1
- Hmangaihna – Naupang ah
- Ka nupui hnena lehkhathawn (Valentine’s Day pual in)
- Khawinge Hmangaihna zawk niang le?
- Naupang pangchang hi!
October 16th, 2011 at 11:02 am
Fate hi Lalpa laka kan ro chan anih ang ngeiin enkawl fimkhur a pawimawh…1st
October 16th, 2011 at 11:09 am
Vairama lehkha zira awm tam tak te hi..an khawsak dan leh chhet dan te hi han hmu ve si..engtin tak ti ang mo o…fel zir chhuak tam tak an awm lai a..nawmsip bawl nana lo hmang ho hi….k 2 em o..
October 16th, 2011 at 11:10 am
khai a!! min lo pakak khalh chuh!!
October 16th, 2011 at 11:19 am
advantages leh disadvantages awm thei thil chu ni e, a tlem ber ah pawl 4 tal hi nu leh pa kut hnuaiah pass thei se…..
October 16th, 2011 at 11:23 am
Kum 10 thleng tal nu leh pa te bul a khawsak tih khi ka pawm zawng tak a ni.
October 16th, 2011 at 11:24 am
@5, kei pawh.
October 16th, 2011 at 11:26 am
Keipwh..@7
October 16th, 2011 at 11:34 am
Keipawh……@7
October 16th, 2011 at 11:35 am
A hun taka á¹ah tir chat hi a har a ni e 🙂 Post tupa pawh hi fa a neih hun chuan a duatsual lo ang a tih theih loh. Kan zirtir thiam bak a thlen hunah midang kutah, chu chu ka ngaihdan. Hmuh phak loh a faisa ringa fate dah hi 100 a 70 vel chuan an thatloh pui zawk ka ring e.
October 16th, 2011 at 11:39 am
Sheldon,ka ngaihdan chiah a ni… In kan sa dawn a, a foundation midang kan sak tir te te a, chumi hnuah kan in chu a lo nghet ta lova, thiah theih a ni ta si lova, mawihnai leh tha elkhenin kan chei a. A foundation a fuh tawh loh avangin a ding ngheh phah chuang si lo, a nghet lo tulh tulh tawh mai a ni.
October 16th, 2011 at 11:46 am
Nu leh Pa bula awm tam na na na chuan hmangaihna pawh an dawng tam asin.. Tin, tunlai tleirawl/rawlthar te hian FB ah hian hostel an luh [leh] dawn avanga an peihloh thu an post fo mai te hi…. Nu leh Pa te tan ngaihtuh angai..
Thiamna zir chhuak tur emaw kan tih kha, Nungchang diklo a hruailut tu pakhat ani tlat.
October 16th, 2011 at 11:48 am
Ni e,i ngaihtuah tlang teh tak ang u khai. (I)
October 16th, 2011 at 11:48 am
Kei pawh a tul tawp khawk, loh theih loh arpa tui hal tawpah lo chuan hostelah ka dah dawn lo hri hri. Kei ngei pawh hi vairampur hostel a awm vanga zi chhuak hlei thei ta lo ka ni. Ka unaute pawh. Kan thawhpui pahnihin hostel hnaivaiah kum khat an dah ve, an la chhuak leh nghal. An sim hmak,an lo danglam hman fe tho zu nia!
October 16th, 2011 at 11:52 am
Hostel a kan dah duhloh fur mai chuan hostel siam a hlawk nang!! 🙂
October 16th, 2011 at 12:01 pm
Saitawk, i inkhawm nange? I rinlohna hi i dampui zawk elo? Nge ban velah i Mi(sual) nghal? or Sunday school i tlan bo zawk?
October 16th, 2011 at 12:07 pm
ultimate, Baptist ban a hun daih tawh alawm le… Baptist te chu sermon inkhawm leh sunday school nen kan zo leh diam tawh zel..;-)
October 16th, 2011 at 12:10 pm
@ultimate, misual tak ni chungin kan inkhawm mawle. 😀
October 16th, 2011 at 12:14 pm
eheu! In kal pah puat puat mai ni maw? In cowboy novel chhiar zung zung mai emni? Tak tak a, Baptist unaute tih dan thlakah chuan dar vuak dan in ti danglam ta hi tha ka la ti ber mai. Sorry OT tawh lovang.
October 16th, 2011 at 12:25 pm
lol..ka post te chu ka duh ber ka sawi tawh a..duh duh sawi theih tawh alawm..
October 16th, 2011 at 12:30 pm
Duh duh sawina Post atan ka hawng e. (Y)
October 16th, 2011 at 12:32 pm
Nu leh pain an fate an zirlaiah an tranpui thei lo a nih pawhin tuition arrange sak mai se la, hostela an senso aia tlem zawk fe in tutor tha tak an hmuhsak theih hrim hrim.
Mizoramah hian nupaa hna thawk eizawng buai em em hi kan tam a hei hi hostel-a kan indah nachhan a ni pakhat ve ang. Hei hi chu a tha lo khawp mai. Vairamah chuan kan hmuh angin pain hna a thawka nuin an fate a lo buaipui a, school ah an hruaia an ban hunah an haw pui leh a, hetiang hian ti thei vek ila a tha ngawt ang.
October 16th, 2011 at 12:43 pm
@21 kan ti thei vek si lo hi kan buaina a nih hmel 😛
October 16th, 2011 at 12:51 pm
Kan fate hlutzia hi man chiang ila chuan kan thei mai lawng maw le… Lunghlu kawl ila kan thenawmte enkawl mai mai atan chuan kan ti lo ang mawle, kan office san anih pawhin midang ina dah that ai chuan keimahni inah uluk deuhin kan kalh hnan anga; chu ai pawh chuan kan taksa beta dah reng kan thlang zawk ngei ang..
October 16th, 2011 at 12:52 pm
Phai/hostel a fa dah hi chu zirna tha leh changkanna duh vang anih rualin nu leh pa thenkhat chu fate enkawl leh zirtir peih loh vanga dah bo te an awm an ti.
October 16th, 2011 at 12:52 pm
Part hmasa lamah pawh khan ngaihtuah ngun a ngaihthu in ka comment a, tunah pawh a ngai tho hi ka ngaihdan a la ni e.. Nu leh pa te tan a pawimawh zual e… i rila rah i fate kha eng ti zawng pawha nu leh pate an na nei miah lo chu ngaihtuah tham tak a ni.. fate chuan chhungkua leh nu leh pa ah an khawvel nun dan tur zir thei se a va tha em..
October 16th, 2011 at 1:03 pm
hostel-a dah dawn paw’n pawl 10 an zirin dah tan se a tawk velin ka hria,vuak pass chawp ngaite hi an awm a nia 😛
October 16th, 2011 at 1:08 pm
Nupui i neih dawn chuan a nu en rawh an tih pawh kha hetianga thanglian nula ah hi chuan apply har tak a ni.. 😀
October 16th, 2011 at 1:22 pm
@24 awm teh meuh mai, kan thenawmnu pawn fate dah bo vek ila ka free deuh ang a tih chu… an motor poh engatinge in hralh daih a an tia, naupangin an la chhuak chhen sia, dah bo zo ila a thar kan lei leh mai ang chu a ti hemz mai.?. chuvang chuan enkawl peih lo vang a hostel/phai vela dah hi chu an awm chiang a ni..
October 16th, 2011 at 1:27 pm
kei pawh hi hostel leh hmun dangah khan min dah ve thin sia…. ka nu leh pa te hian min lo enkawl peih vak lo te hi a niang a…. :p
October 16th, 2011 at 1:37 pm
gud post
October 16th, 2011 at 1:50 pm
Ngaihtuah theih tak a ni e…
Kan tet lai chuan hostel awm emaw/phai a lehkha zir kan chak em em…silchar hmu tawh pawh thiante zingah an intithei deuh.Tunlai chuan mahni in a nuam tawh lutuk a,hostel a awm tir ngai te pawh an awm tawh zawk mai thei a ni.
October 16th, 2011 at 3:28 pm
Heta in thil ziah ho chu lo hre ru kiau ila, mahni fate enkawl nan lo hmang tangkai zaih mai teh ang, han sawi belh zel teh u, ka la kham lo a nia. kum 8, kum 6, kum 4 leh kum 2 na hmang mek fa pali ka nei a nia. (H)
October 16th, 2011 at 4:10 pm
tihian comment-ah in ngai mai teh ang (Y)
October 16th, 2011 at 4:18 pm
Game la khelh loh na ah chuan ball pet lo leh phawt mai teh ang 😛
October 16th, 2011 at 4:44 pm
Chemtatrawta chu kaikuangin a lo zuam ve thlangawt che kha a tisual chhiava a lo nih hi akhek khek khek… 😀
Kei pawh tumkhat chu ka fapa class 7 a zir laiin, an zirtirtuten an tih tlat si avangin hostel-ah chuan kan dah ve tawh alawm, ka zawngchhang lo chiang kher mai. Nungchang dik tawk lo, sawi thiam har tak si uangthuang ka tihsak mai, a rawn hawn tlat mai bakah, tun thleng hian chhungkuaa chawhlui kila thutho ringawt pawh a peih lo a, a thleng chawiin hmun hran a pan tlat zel! Chhungte ruala chaw kil a harsat tlat mai hi mak ve tak chu a ni. Hei hi thil ho mai mai anga a lan laiin, ka ngaihtuahna erawh a tikal thui tlat. Post tha tak a ni e (Y)
October 16th, 2011 at 4:53 pm
Post leh comment zz ka chhiar chhuak vek a, a tha hlawm hle mai.Ka fate 3- hi chu Class Vii thleng kan bulah kan awmtir ve tlat a, mahse MAK tak a ni… Fa enkawl hi chu a lo har a nih hi !
Mi fate chungah kan duhtui a, mahni fate chungah chuan kan thiamlo tih bak hi sawi tur ka hrelo e.
Vawikhat Failed avanga beidawn erawh ka tum chuang lo. Fanau enkawlah hian a pawi ber chu Nu leh Pa thenkhatin “A tih ngaihna pawh ka hre tawh lo e ” kan ti thin hi a ni. Kan fate enkawl leh kawngdik kawhhmuh tura Nu leh Pa te ber kan beidawn chuan a tawp chiang dawn em mai. Tan lak zel chu a pawimawh a ni.
October 16th, 2011 at 5:06 pm
Post tha leh pek khawp mai. Kei class 8 atangin hostel-ah ka awm a, hnathawhnain a lo zir lo bawk nen, class 7 ka pass hnuin nu leh pa bulah ka tal tlem khawp mai. Ka nau te pahnih, mahni inchhung atanga lehkha zir chhuak ai chuan ka nu leh pa te hi ka ngai lo zawk fe tih pawh ka hria. Ka hmangaih lo zawk erawh ka ti phal lo thung.
October 16th, 2011 at 5:11 pm
Fa enkawl hi chu alo har ani ange. Ka pa nau hi fa 1 neiin a nuthlawi a, a fapa class-VI a zir laiin pasal dang anei leh a, a pasal neih hnu lawk atangin a fapa chu hostel ah an dah ta char2 a. Pawl 12 a pass atangin phaiah an dah ta a…
Phaiah kum 5 vel a awm hman, tunah chuan AIDS avangin mahni inah rilru beidawng em em in a hun a hmang mek.
Ka unaupa nun atanga ka hmuh ve chu hostel ah a hun tam zawk a hmang a, chhungkua hlutna hi a hrelo reng2. A chhungte bula awm ai chuan a bialnu inluah (Delhi) a awm a thlang thin.
Kei chu ka fa te chu ka bulah, ka hmangaihna hnuaiah, thahnemngai takin ka enkawl dawn ani zi ri thrawh!!
October 16th, 2011 at 5:50 pm
A theih chhung chu ka fate hi ka bulah awm se, tih ka duh a. Loh theih loh va hostela dah an ngai a, duhthlan hleih theih a ni lo. Hetiang hi tam tak an awm vein ka ring.
October 16th, 2011 at 7:26 pm
Van hlu hlawm tak em..experience kan in share tawn hian kan in educate tawn a lo ni thin.. Hetiang hi chu tupawh mai hian zir ila kan inchhir lo tlangpuiin ka ring thin..
October 16th, 2011 at 8:10 pm
A bengvar thlak hle mai. Naupan tet atanga hostel a thanglian ho hi chuan chhungte ngaih an ti na lo, independent taka awm hi nuam an ti zawk tih hi ka experience tangin ka hrechiang ve khawp mai. Nu leh pa bula thanlen tir tluk a awmthei in ka ring lo.
October 16th, 2011 at 8:17 pm
Misual zingah hian Pasaltha tak tak tur hi chu an awm maw le. A…an ni deuh vek awm e. Keipawh ka fate hi a theih ang a rei ka hmuh phak a awmtir ka tum. Tawngtaina nen a ven zui reng an ngai ngei ang.
October 16th, 2011 at 8:20 pm
Fa enkawl lama Mizo ten, Thaibawih tawngkam kan la hmang zeuh zeuh hi a fuhlo ka ti.
Tumna hi han nei hmasa ila, tum tang tang bawk ila. Chumi hnua kan hlawhtlin tak loh leh tih ngaihna awm lo ani mai a, thurawn earwh kan pe chhunzawm zel turah ka ngai. Fa enkawl that, an naupan lai atanga zirtir kha kan hna a ni tlat.
October 16th, 2011 at 8:47 pm
Ka faten an nu nen, ni tina kan tawngtai lai hi hre pha zel se ka duh a, a theih loh hun a la awm dawn tih erawh ka chiang. A theih anga rei erawh hriattir ka tum. Kan hmangaihna mita kan en aia an mamawh leh an tana hlu a awm theiin ka ring lo.
Khawvel thiamna leh finna duh vanga fate chhuah khawlo ta, khawvel zirna sang zir zawh tir a, hringnun zirlai zir zo thei si lo, sum leh pai tam tak thawk chhuak, chatuan nunna nei tura thawh leh tih nei si lo hi an va tam em!
Thiamna hi a hlu, mahse nungchang nena thleng ka phal lo. Sum leh pai hi a hlu, chatuan nunna nena thleng ka phal lo.
October 16th, 2011 at 8:47 pm
Kei ka tum dan ve mai mai chuan nupui te kan hmu zo ve a fa kan nei anih chuan primary thleng hi kan bulah school ah ka kal tir anga, middle leh high school hi phai ah english an zir that theihna tur berah ka dah ang a, chuan higher school ah ka la let leh anga, kan bulah ka kal tir leh ang. Higher an pass a, technical line an kal duh anih chuan phaiah bawk in dah loh theih ani lo vanga, technical line a kal lova, general line an kal anih chuan master an pass thleng ka bulah ka kal tir leh ang. Chuan master an pass chhuah chuan an rilru pawh a puitling tawh anga, phai ah an duh zawng a hlawhtling thei turin an tuina zawng mil pui coaching kal turin ka tir ngam tawh ang tiin duhthu ka lo sam vel 😀
October 16th, 2011 at 8:57 pm
Sheldon170, ka sawi hi ngaithla ta che. Khatia nu ber in min support miah lova post dang i comment zut zut ten mahni in ka hlawhtling thei nang 😛
October 16th, 2011 at 9:15 pm
doc, chhunlamah ka sawi teuh tawh kha 😛
October 16th, 2011 at 9:21 pm
hemite nupa bawk leh chu.. 😀
October 16th, 2011 at 9:23 pm
Kum 12 ka nihin ATS (Jowai, Meghalaya) ah ka pa in min dah a. Thiltha ka puak chhuah chu english tunthlengin ka man phah ve deuh chauh hi a ni maiin ka hria.
Thilthalo chi hrang hrang ka hmelhriatna hmun chu helai hi a ni tlat. Seol ah min hruai lut hman thelh thelh a lawm le.
Fa te ka’n la nei ve anih chuan ka bulah an seilian ang.
October 16th, 2011 at 9:28 pm
@chemtatrawt, fate hnawk tih vanga hostel vela dahbo an awm ka tih kha a dik, khi an rawn confirm chiah khi 🙂 Keipaw’n a takin ka hria alawm.
Sherlock Holmes chu a fa enkawl dan tur a duang lawk fel thlap thlap khawps mai 😀
October 16th, 2011 at 9:46 pm
doc_lib nen hi chuan innei thei kan nilo chiangsa pang mai….. kan duh dan a inmil dawn lo. Fate avangin kan inhau fo dawn a ang tlat…. doc, innei lo mai ang aw
October 16th, 2011 at 11:50 pm
Sheldon… a fimkhur lutuk anga a nei ngam leh lawi si lovang tih erawh ka hlauhpui khawp mai..doctea hi chu..
October 17th, 2011 at 1:28 am
Hostel a indah hi nu leh pa thlazar hnuai aia an rin zawk vang lam a ni lo. Tunlai sanah zirna a pawimawh tawh em hi. Amaherawhchu, i sawi ang hian nu leh pa hmangaihna chu mahni inchhung lum atanga zirlaite ai chuan a tlahniam fe tih chu a hmuh theih.
October 17th, 2011 at 10:37 am
Post a tha in, comments chhiar a manhla e
Nia, UG kan zirlai a ka thianpa pakhat pawh, Primary school atang a hostel awm char char a ni a. Kar tawp a hostel atang a kan chhuah chang paw’n in ah a haw ngailo, a thiante a kan kual mai thin
Kum 12 ka nih thleng nu leh pa te uapna hnuai ah sikul ka kal a, hemi hun atangin zirna leh hna avangin inchhungkhur ah ka awm ta meuh lo. Mahse ka nu (fam) leh pa te hi ka mi ngaih ber an ni tho. A chhan chu: ka zirna ah min pui thei lo mah se, ka nu leh pa hian, ka kalchhuah dawn apiang in tawngtaina in min thlah thlap thin. Hei hian ka nun ah awmzia a nei hle in ka hria.
Ka in atang a an zir theih chhung chu, ka fate hian nu leh pa uapna hnuai ngei a an zir hi ka duh ang. Chunvangin, nupui tur ka’n zawng tan teh ang…, nakum chu
