Thuhma:Pu HV an post tha tak maiah fa enkawl chungchang min hrilh na a la reilova. Helam chungchang a ka ngaihdan hi ziah ka lo rilruk ve reng tawh avangin tunhnai hemi topic a kan rilru kan senlai ani bawk a, a thir a lum laiin tuboh dangin han chhu ve teh ang.
Nupui fanau la neilo tan pawh insumna tur chi ah ka ngai lo mai e. Naupang enkawl hi ka tuina ve lam anih avangin ka chik ve thin a. Ka nu leh pa te’n min enkawl dan te leh kan thiante tam tak inchhung in relbawl dan te, an than chhoh ve dan te ka chik ve bawk thin a.
Tin, kan u te’n fa te an enkawl dan a kip a kawi kan hriatpui ve bawk a. Nupui fanau la neilo tan pawh insumna tur chi ah ka ngai lo mai e. Ka hriatna lam aiin ka thahnemngaihna min ensak ka beisei.
“Fa enkawl hi chu a awlsam ania” ti reng reng ka la tawng lo va. Ka tawn pawh ka ring hek lo. Amaherawhchu nu leh pa tam tak chuan hei hi chhuanlam tha taka hmang an awm ve tlat mai.
An fate tana tha tur ni a kan hriat han hrilh ve te hian, an fate diklohna leh anmahni thiamtawklohna thup na’n “Fa enkawl hi a lo harsa ani” an ti daih zel. (Heta an sawi awmzia tak tak chu “nang pawh fa nei ve la i thiam bik tak tak dawn chuang lo, min advise ve khanglang lo mai teh” an tihna daih ani) ‘A nuamin a harsalo teh ania’ tiin kan hrilh pawh ani si lova!
Mi tin mai kan mizia a dang angin, naupang enkawl kan thiam dan chin – kan duat duh dan chin te, kan discipline duh dan chin te, thil kan zirtir dan hmang te chu a dang theuh mai. Tin, nu leh pa hmun kara piang reng si hi mahni zia hranpa te te hi an rawn pianpui ve lehnghal a…
Thildang ah ka sawi thei lo, amaherawh chu hei hi chiang takin ka hria: ‘Fanaute hi Lalpa laka kan rochan anni. Pathianin he ro hi ama duh dan anga enkawl turin min beisei’ tih hi.
Tunlai Mizoramah misual leh mi diklo kan tam ni a kan hriat chuan a enkawltu nu leh pa te’n an mawhphurhna an hlen zo lo tihna ani. Kohhrana mi fel tak tak te, khawtlanga mi chhuanvawr tak tak te’n an fa te an chhuah zero ve leh tlat zela. Chu mai nilovin tunhma deuh te phei kha chuan Pastor/Kohhran Upa fa te hi a sual sual leh ruihtheih thil a inhnamhnawih anni ti te’n miin an sawi thin anih kha.
Hei hi chhan tha tak a awm niin ka hria. Nu leh pa tam tak hian mahni chauh fel an duh, an fate felloh an vei lutuk lo. An han vei meuh chuan a tlai fe tawh hnu a inhmuchhuak anni tlangpui. Chanchintha leh Pathian thu hi anmahni tan chauh an duh, an fate tan a takin an duh lem lo.
He statement hi ka sawi huai viau inti mai thei a. A dik tlat si ani. Kan fate thutaka an awm hi kan hlauh ber anih chhung chuan sikul tha anih vang ngawt in kan kaihhruai phak lohna tur hmunah kan dah ngawt dawn lova. “Mami, mama inkhawm ru, a tha ania” tih mai ah kan duhtawk bawk lovang.
Tin, a bik takin nute, Kohhran leh khawtlanga an inhman lutuk chuan tuin nge a fate zirtir a, enge anmahni room ah computer ah an tih pawh ngaihtuah/hre hman lo an nih chuan a dik tawh lo ani. Anmahni khawtlang hma a felleh tha tak anga lan kha an duhtawk a, khawhar ina kal tur an fa te tirh ai chuan anmahni in tih an duh a, hnatlan leh khawtlang/kohhran thiltihah an fate lang ve lo mahse pawi an ti lova. Mizo zia hre hauhlo mahse an pawiti vak lo. English an thiam kha pawimawh an ti zawk!!!
Nu leh pa tam takin an fate Lalpa thutak a an awm aiin – rual an pawl loh te, thenawm fate aia an thiam theihloh te, hna tha an hmuh loh te, an changkanloh te – an hlau zawk daih. Chu chu an fate tan hai chi rual ani lo. Naupang thang chhovin engmah an hai lo. Keini hian enge kan hlauh ber thin le?
He laia kan awmna hmun a vai pastor retired tawh pakhat chuan tihian kan thianpa a lo hrilha, “Dam nawmna pawh ka hre tawh lo, kan fanu neihchhun pasal nei tawh chuan US atangin nitin a thiante a rawn phone thei a, keini a nu leh pa te hian thla khat a vawi khat call pawh kan hlawh ngai si lo.
Sum leh pai ka tlachham love, in lian tak kan nei a, a luah man ringawt pawh kan eiseng lo. Kan fanuin lehkha a thiam lovang tih hlauvin sikul tha tha ah kan kal tir a, engineering a zir chhuak a, hlawhtling takin pasal a nei a, min ngaihsak leh si lo…” Ka rilru in ‘aw, a fanu chuan khawvel zirna tha ringawt a neih umin, thlarau zirna a lo thlahthlam tir anih chu mawle’ ka ti.
Pathian malsawmna zarah a tul angin Kristian nu leh pa te fa chuan zirna te pawh a nei ve ang. Hei hi Pathian thu a chawm leh enkawl seilen aia kan dah pawimawh anih vaih erawh chuan, pawi kan la ti anga, “Naupang chu a kalna awm kawng ah chuan zirtir la, alo upat hnu pawhin a thlah lovang” tih thu hi dik lo se kan tih rum rum hun a la thleng mai ang.. Tunlaiah inelna a sang a, thiamna a sanga, mi zawng zawng an intlansiak a.
Chumi boruak ah chuan keini hian fate enkawlna challenge kan hmachhawn mek zel a. Lei lam intlansiakna hi chuan chin lem a nei lo. Thlarau lam intlansiakna ah kan fate kan hruailut hmasa em?
Tunlai thangtharte ah phei chuan, mahni pawh nu leh pa te chawm lai khan, an chawm belh tur nupui nei ve ngawt in fate an han nei a, an enkawl chhoh dan tur hi ka ngaihtuah a, tan lak a ngai hle in ka hria. Kan sawi tak ang khan a inti thiam ber pawhin fa enkawl hi “ka thiam tawk” an ti thei ngai dawn lova. Kan theihloh leh phakbak a awm ngei dawn.
Chuvangin fa nei apiangin Lalpa hnenah hlanin a tanpuina dil ila, a duhzawng anga enkawl leh thutaka hruailut turin i inbuatsaih ang u.
August 25th, 2011 at 3:32 pm
.
Report this comment
August 25th, 2011 at 3:37 pm
A pawimawh hmasa khawp mai
Edit theih miah loh le
Report this comment
August 25th, 2011 at 3:48 pm
I hmanhmawh thawt thawt lutuk a nih kha
Report this comment
August 25th, 2011 at 3:49 pm
Fa enkawl hi chu a har a ni. Ka fapa kum 3 pawh la tling lo hian a duh duh in min bawl kual thin chu a ni si a.
Report this comment
August 25th, 2011 at 3:58 pm
Va ziak tha e, hriat kar tur anih hi..
Report this comment
August 25th, 2011 at 4:08 pm
jesuslovesmem heihi maw comment atan chuan a sei dawn lutuk ilo tih kha. A sei hran loh hi mawle hairehai. Tha lutuk
Fa te hi Pathian laka kan duty an ni. Kan fuih anga, kan zilh anga, kan zirtir tur a ni. Kan fuihna te, kan zirtirna te keimahni nunah an hmuh tel angai thung.
Kan zirtir leh kan vil chhoh reng hi kan hna a ni a. Tha takin an puitling ang tihna erawh anilo. Mahse zirtir loh fa ai chuan tha taka an puitlin theihna a sang dawn a ni.
Hrilh a, zirtir a zawm duhlo tlat annih chuan ka mawhphurhna tur pawh ka hre hauh lovang, ka bei erawh a dawng turah ka ngailo. Ka pa pawh ka chungah a bei a dawng ngailo! Ka hrilh ngai lova, entawn tlaka ka nun bawk hekloh erawh chuan an suahsualin chumi mawh chu ka chungah a thleng thung ang (ka ngaihdan).
Report this comment
August 25th, 2011 at 4:10 pm
Ziak tha khawp mai
Fanau enkawl hi chu nupui fanau la neilo tan hian sawi huai a awl zawk daih ania
Chhungkua hi society lungphum a nih avangin fanau enkawl that leh chhungkaw kaihhruai that hi hna hmasa a ni lo thei lo. “If the family fails, then all other institutions
of society will fail…..” said Dr. Kenneth
Chafin.
Report this comment
August 25th, 2011 at 4:11 pm
En kawl har e a, kan In ah chuan a te te in TV remote an chang mai
Report this comment
August 25th, 2011 at 4:29 pm
Fa enkawl chungchang Pu HV-a ziah kha ka comment hman ta lova… Fa enkawl hi maw – a zir zirchhuak pawn an thiam chuanglo. Fa enkawl dan bu ziaktu te fate pawh OD ten an thi a, sawn te an pai ve mai mai bawk ania. Zu zuar kumhlun pawn fanu/fapa fel tak a nei thei. Naupang fel leh fel lohah chuan a chanve hi nu leh pa mawhphurhna, a chanve dang chu chunglam duansa te ka ti mai mai thin. Nia, han duat ila, an pawng ang tulh tulh a, han khauh ngawt ila, a tha lo an ti leh bawk sia, manganthlak!!
Report this comment
August 25th, 2011 at 4:39 pm
No Comment.
Report this comment
August 25th, 2011 at 5:11 pm
No comment.
Report this comment
August 25th, 2011 at 5:12 pm
No Comment
Report this comment
August 25th, 2011 at 5:20 pm
No comment tih ai chuan ngoi mai ta ula..
Report this comment
August 25th, 2011 at 5:28 pm
Pathian zara kan la zir ve tur chu a ni sia,a chang chuan ka chak ve tawh lek lek thrin.
Report this comment
August 25th, 2011 at 5:29 pm
Hei pawh a thaleh hle mai.
Nupui fanau ka neih hma khan naupang enkawl ka thiam zawk
Report this comment
August 25th, 2011 at 5:46 pm
Ziak ve thiamlo ho hi chuan mi ziah sa hi lo AMEN em em zel ila nimai
Report this comment
August 25th, 2011 at 6:00 pm
Post-tu chu sawi tha khawp mai.
Nu leh pa te, a bik takin Presbyterian Kohhranah, kan fate Baptisma kan chantir hian an thlarau nun enkawl turin Pathian leh Kohhranho-te hma ah khun khan takin kan intiam thin a. Amaherawh chu, kan intiam ang taka bawh zui ta erawh kan tam lo a ang tlat. Pathian pawh hi a zahawm ngawt mai! I tang tlang teh ang u khai.
Report this comment
August 25th, 2011 at 6:46 pm
Ni e naupang enkawl hi thiam a har dawn khawp mai. Post tupa nu leh pa thenkhat in an mahni anga an fate Pathian hnaih an phal lo i ti hi dik ka ti. An fate vanga inkhawm loh ai chuan pawisa nena thlem thin ka hre fo.
Kei ka ngaihdan chuan Pathian rawn chung leh an tana tha tura an mahni mizia nena inmila uluk taka enkawl hi a tha berin ka hria.
Report this comment
August 25th, 2011 at 7:07 pm
Report this comment
August 25th, 2011 at 7:42 pm
Fa te chungchang ani bawk a:
Nimin khan ka fanu naupang zawk sikul kalna turah chhungte leh naupang ho kan kalkhawm a. Chutah chuan naupang leh chhungte hmaah zirtirtu leh sikul a hnathawk te min inhmelhriat tir vek a.
Tin, pawl inang, entirnan KG ang pawh a hmaa an lo test tir tawhna atanga an thiamna/rilru phak tawk anga zirtirna tur an duan lawk angin an classroom a dang nual hlawm bawk. An zirtirtu tur te theuh an inhmelhriat tir leh a.
Chumi zawh chuan an mahni class room tur theuhah naupang te nen kan kal a. An sikul nurse hnenah an hriselna lam, doctor lehkha pe tawh mah ila, form dangah kan ziak tha leh a, information a dik em tih en nawn lehna kan nei bawk a.
Class chhungah chuan an zirtirtu tur chuan amah introduce tha lehin, an kalphung tur leh a experience neih tawh (zirtirna lam) a sawi leh a. Chumi zawh chuan an innel hma theih nan, zirtirtu chuan kan awmlaiin thawnthu a hrilh leh a. Zawhna kan neih ang te kan zawh hnuin kan haw ta a ni.
Naupang te kan lam dan tur, an sikul kal dan tur…bus nge, motor a thlah nge ke in, tih chiang takin kan ziak a. Alam tu tur te hming kan ziak bawk. Heta hming chuanglo chu tuma hnenah kan fate an hruai tir dawnlo a ni.
Tin, an class tanni hi a kar hmasa ber chuan a inang dawnlo hlawm khawp mai. Group tlem te te a thenin an kal tir dawn. Ka fanu chu kar leh Nilaini zing hi a sikul tanni tur chu a ni. Hetia an tihna chhan chu an zia an inhriat hma theih nan leh an innel zawk theih nan etc. tih hriaa an duan a ni awm e.
Ka rawn tawmpui (share) ve mai mai che u.
Report this comment
August 25th, 2011 at 7:53 pm
@HV in awmna lam leh kan awmna lam chu a inang lo deuh a nih chu
ka fapa hi anganwadi-ah a kal ve mek a, nuam a ti ve thei khawp mai. A upa ber erawh hi chu a kal duh miah lo, hna thawka ka chhuah hlanin a nu hovin kan te berte nen inah an lo awm thin
Report this comment
August 25th, 2011 at 7:55 pm
#20 Sharing tha hle mai. I fanu chu ka duhsakna sang ber ka hlan e.
Report this comment
August 25th, 2011 at 8:05 pm
Breaking news : Vawin tlai khan Durtlang taxi driver 1, a hming Lalsinthara in, hmeichhe naupang unau kum 4 mi leh kum 7 mi Sihphir lamah phur chho in, Pu K lianthanga, Rescue team te awmna bul maiah a upa zawk hi a pawngsual a, an man… !
Source : FB chanchinthar
Report this comment
August 25th, 2011 at 8:06 pm
#23 huiham
Report this comment
August 25th, 2011 at 8:07 pm
K edit thei lo tlat mai..taxi driver hming khi Laldinthara a ni zawk e…
Report this comment
August 25th, 2011 at 8:08 pm
A va thinrimthlak ve, chiang deuh zawkin
Report this comment
August 25th, 2011 at 8:23 pm
He lam chu a ngai te bawkin, a game ka la khelh loh ani bawk a, attacking game khel lo teh ang, goal ah ka shoot ngam lo ve tiin kan comment leh mai ange
Report this comment
August 25th, 2011 at 8:25 pm
tiang ho hi chu an til lak sak mai tur
Report this comment
August 25th, 2011 at 8:42 pm
Misualpa pawh
Report this comment
August 25th, 2011 at 8:43 pm
Misualpa pawh……..
Report this comment
August 25th, 2011 at 8:46 pm
Ka Edit thei looooooo
Report this comment
August 25th, 2011 at 8:56 pm
Mi(sual) tlangval leng lai ho chuan an va “no comment” nasa sup sup ve.
Report this comment
August 25th, 2011 at 9:19 pm
fa neih leh naupang enkawl challenging zia hi!
african ho thufingah pawh “it takes a whole village to raise a child” an tih kha mawle
Report this comment
August 25th, 2011 at 9:24 pm
Fa te enkawl chungchang leh bawk maw? Ka lo chhiar tui leh hle mai. Pawngsual news khi han sawi belh chiang teh u, a va mak leh ve.
Report this comment
August 26th, 2011 at 12:28 am
Pu HV @6: (i ngaihdan) khi a dik ka tih zawng tak. A harsa ani tih vang ngawta, indah thiam hlauh tur kan ni lo. Kan theihtawp kan chhuah hnu ah pawh kan duh ang an phak zo chuang lo mai thei ani. Mahse chumi avang chuan kan enkawlna leh tanlakna zawng zawng kha a sawt miahlo tihna chu ani lo.
Tin, mi thenkhatin enkawl ‘thiamna’ an la vung thin. Fa enkawl hi THIAM LEH THIAM LOH a teh leh en chi ani lo. Ka experience ah pawh, ka nu leh pa te’n mawlmang takin min enkawl ve a, lehkha thiamlo tih takah min duat ngai bawk lova, tul ka tih lem lohna ah pawh ka pa te pawhin min vuak chang an nei a, THIAM LOHNA tam tak an nei ve tho. Mahse ka hriat reng thin chu, ‘Pathian thutakah kan awm lovang’tih aia hlauh an neih ka hre ngai lo.
Nu leh pa te duhzawng leh an lawmzawng an hai lo. An sawi aiin an nun atangin fa te’n an zir nasa zawk. Khawvela mi hlawhtling ber leh chhuanawm ber ni lemlo mahse, fate hian nu leh pa te nun atanga an zir PATHIAN TIHNA chu an upat hnu in an thlah ka hre ngai lo. I rest my case.
Report this comment
August 26th, 2011 at 12:33 am
Naupang pawngsualtu te hi chu a na lo berah life-imprisonment ka duh sak.
Naupang (Psyche)a tichhe vek thei a, India ram hmun dang ah phei chuan an tan beiseina awmlo khawpin khawtlang (society) dinhmun pawh a tichhe nghal thei a. An intihhlum phah duh hial thin ani. A pawi..
Report this comment