Nu leh pa te hian fate kan hmangaih tih hi thudik awmsa ani. Chutih rualin kan hmangaihna erawh a inchen lo thei ang. Tin, kan enkawl dan, kan hmangaihna kan lantir dan pawh a inchen lo ngei ang. Fa enkawl hi khawvela hna harsa ber a ni hial awm e. Fa enkawl dan chhiar senloh khawvelah hian an lo ziak tawh thin a, a ziaktu te ngei pawh an fate sawiselbo in an awm thei biklo. Chuvangin Pathian kuta dah chunga kan thiam ang tawka enkawl hi kan mawhphurhna a ni. Ka ngaihtuahna tlem kan tarlang ve mai mai –
1. Hmangaihna kan lantir dan hi a pawimawh ber mai in ka hria. Fa te chu hmangaih teh mahila thin an tihrim chang a awm a, nu leh pa thinchhe tak kara naupang seilian chu a nunchhoh dan a buai ngei ngei. Kut thlak leh vin hlawh, rawng taka enkawl naupang chuan nunrawnna a seilenpui ngei ngei. Chuvangin naupang te hi dimdawi te a enkawl hi tharum leh talhfiak nena enkawl aiin a hlawhtling zawk fo.
2. Hitler-a nunrawn zia kan hria a, a pa in rawng takin ransa ang tluk lekin a enkawl thin, chu chu a thanlenpui a, a hmelma te pawh mihring anga en lovin ui tluk lekin a hmu. A pa kha Juda thisen kai anih vangin Juda zawng zawng huat namen lohin a haw bawk. Heng zawng zawng thlen tirtu chu a naupan laia hmangaihna tel lova enkawl anih vang ani.
3. Naupang hauh an tul anih pawhin kan hmangaih ani tih hria se, thinrimna leh tharum tello in zilhhau ila. Hmangaihna a enkawl seilen chuan hmangaihna tho a nunpui ang. Naupang I vuak chuan vuak nawn a ngai fo. Kan thin a rim anih pawhin thinrimna chuan min thunun lo se. Awmze neia thinrim thei turin mahni inthunun kan zir a tul ber in ka hre mai.
Kan fate erawh hi chuan kan hmangaih tlukin min hmangaih let ve lo tih hria ila, beisei chin tawk neih a tul khawp mai 
‘I fate kha I hmangaih viau ngei ang. Mahse, I hmangaih ang tluka an hmangaih let ve kher che beisei suh. Nun hi hma lam panin a kal a, a let lo. Chutiang bawkin hmangaihna hi a chhuk zawngin a luang a, chho zawng a a luan ve loh vang ani’ Khalil Gibran.
Similar Posts:
- Tu hmangaihna nge thuk ber ang?
- Khawnge i fa? Part-3
- Pa Hmangaihna!
- Mi â pawhin hmangaihna an hria asin!
- Khawinge Hmangaihna zawk niang le?
March 30th, 2012 at 11:40 am
Naupang enkawl hi thil har tak chu ani, mihring ve tho, ngaihdan hrang nei, anmahni a engmah la ti thei tak2 silo an nih na lai hi lawm buaithlak
Report this comment
March 30th, 2012 at 11:46 am
Ka pawm zawng tak a ni e. A-nu-sheldon, i fate tan nu tha tak i ni ngei ang…
Tawnhriat nei ho vin han sawi leh phawt teh u…
Report this comment
March 30th, 2012 at 12:06 pm
A va tha em.
Nupui chu sawi loh, ngaihzawng pawh la hmu zo lovin ka’n pawm tak em em chu a. Hairehai!
Report this comment
March 30th, 2012 at 12:13 pm
A siam lai leh enkawl hi chu inthlau ngawtin ka ring
A tlangpuiin pa ai mahin nu ho hian fate an hmangaih zawk niin a lang, pa hovin fate an hmangaih lo ka tihna chu a ni chuang miah lo…
Report this comment
March 30th, 2012 at 12:24 pm
Report this comment
March 30th, 2012 at 12:36 pm
Fa neih ve hun atan tha hle mai.
Report this comment
March 30th, 2012 at 12:41 pm
Ka nupui hual hi chuan a fate hi a vin/vaw dawn lo hrim hrim aaa(h)…
A pawi ta ber chu, hetiang nula hi ka la hmu zo tlat lo… 
Ka nu(fam) kut min thlak. Ka nau (hmeichhia) nen kan inhnial a, chu chuan hmunphiahin ka nau nen min vaw taih a, kan nui vur vur
Ka pa erawhin theitein ka chalah min vawm tawh, ka mawl vangin
Theipui lo turin min ti a, kha khan engin nge min mawlh teh reng ni? Ka ipte chanve hmawk mai kan theite rah sen/no ka lo pek a nih kha. Hnai set sawt atanga ka chala min vawm pahin, ei zo vek rawh min ti a. Theite sen khak khak nen, engtinnge ka ei zawh theih teh lul ang? Ka u chiahin min tanpui vat. A mal te te in chhuat awngah ka thlak a, ani’n kan inhnuai atangin a lo paih char char thung… 
Hettiang Nu leh pa ka nei hi ka vannei…
tin, min support-tu U ka nei pawh hi.. 
(ka’n tlak leh tak duah chu a… 
)
Report this comment
March 30th, 2012 at 12:49 pm
Mizote hian fa enkawl chung changah ‘tough love’ kan apply a ngai ka ti..duat leh hmangaih thliar hrang thiam lo nu leh pa an tam mai
Report this comment
March 30th, 2012 at 12:49 pm
Fate enkawl kawngah chuan, Mipa aiin hmeichhia an pawimawh, hmangaih pawh an hmangaih, Mipa pawhin an hmangaih tho, mahse, hmeichhia angin kan ti peih ve lo tlat, hmeichhia zawng zawng erawh an ni vek kher lo. Ka lo tawn hriat atangin.
Fate an sual chuan rilru a hah duh khawp mai, kan naute hi kumin khan kum 3 a tling ve ciah a, mahse, engkim a hria, kan tawng thleng a kan fimkhur a ngai, kut inthlak aiin tha deuh a fak chung zel a enkawl nuam a ti, Fa nei tawh ho khan lo zir ve mah teh u… kut thlak/Vin vak vak/ Vau ai chuan a fel a nia https://www.. Bawihtea/Bawihtei hi chu ti ila, nikhat-ah vawi 5 tal i tih chuan alo sei len hnuah pawh sual a hua anga, sual kawng zawh har a ti dawn a ni.
Tu mihring mai pawh hian Vuak/Sawisel/In vau ai chuan in fak hi nuam kan ti zawk vek a rinawm, te kan ti deuh luam a nih chu
Report this comment
March 30th, 2012 at 12:50 pm
nupa tanrual a pawimawh khawp mai.. pakhatin a hauh/zilh chuan lo suport ngei2 tur. “..a nu chu a sual emai..lokal daih rawh..” adt. tih miah loh tur. An naupan deuh lai chuan, Khawih suh, ti suh tih vak vak ai chuan a ‘object’ zawk kha dah bo maia tha zawk fo. eg. I laptop khoih i phal loh chuan dah bo mai rawh. TV a khawih reng chuan pawm sawn la, thil dang pe rawh. Thian thlan sak rawh. ‘kan thenawm naupang 3 chu kan black list hmiah’
A pawimawh ber chu an sual pawn, an fel pawn kan no. 1 an ni reng tur a ni. Chuan,.. an entawn tlaka nun a va pawimawh em!
Report this comment
March 30th, 2012 at 12:52 pm
# A dik chiah…
Report this comment
March 30th, 2012 at 12:56 pm
Fate an sual chuan rilru a hah duh khawp mai, kan naute hi kumin khan kum 3 a tling ve ciah a, mahse, engkim a hria, kan tawng thleng a kan fimkhur a ngai, kut inthlak aiin tha deuh a fak chung zel a enkawl nuam a ti, Fa nei tawh ho khan lo zir ve mah teh u… kut thlak/Vin vak vak/ Vau ai chuan a fel a nia https://www.. Bawihtea/Bawihtei hi chu ti ila, nikhat-ah vawi 5 tal i tih chuan alo sei len hnuah pawh sual a hua anga, sual kawng zawh har a ti dawn a ni.
Tu mihring mai pawh hian Vuak/Sawisel/In vau ai chuan in fak hi nuam kan ti zawk vek a rinawm, te kan ti deuh luam a nih chu
Report this comment
March 30th, 2012 at 1:15 pm
ka van sawi vak chak em!
Ka fate hi tap belh an awm lo. ‘an tah avangin ka rilru ka thlak ngai lo. Tap chunga ngen leh tap chung nawr kha awmzia a awm miah lo tih an hre thiam hma khawp. Ka sawi angin ka ti thin. ‘i tih leh/luih chuan ka beng ang che ka tih chuan ka beng tak tak mai. An nu hian a rukin a lo tahpui fo. Sunday chawhnu lam hi kan fate tan kan inpe tawp. Kan lenpuia, kan zaipuia, bawng lemah kan changa, nutling patling hi arpa lemah te changin kan insual der chiam thin. Kan nupa inchhar dan, kan hun tawng langsar, chumi kha mi tum..adt. Drama in kan chang leh thin.. kan faten an lawm thei raps..
Report this comment
March 30th, 2012 at 1:21 pm
Vuak pawh vuak tur atul phawt chuan, Hmangaihna vanga vuak hi a sawt lutuk. In duat lutuk pawh hi atha lo,vua pawh ni ila kan hmangaih ani tih hria se. Duatsual pawh hi awm theih tak ani ve..
Report this comment
March 30th, 2012 at 1:28 pm
# 13… Kan nupa inchhar dan, kan hun tawng langsar, chumi kha mi tum..adt. Drama in kan chang leh thin…
In drama chu ka en ve chak hle mai.. 
Report this comment
March 30th, 2012 at 1:29 pm
‘ah’ tih khi han dah bet law law la ka va ti em aw…!
Report this comment
March 30th, 2012 at 1:39 pm
hnarliana sawi hi a dik chiah…Billy Graham chanchin ka chhiar a ka rilru a awm reng chu hemi a sawi hi—–> “Now a days, lots of highly qualified child psychiatrists claim that beating a child warp the child’s personality. My mother often beat me when words were not enough, she might have warped something in me, but I don’t think it’s my personality”
Report this comment
March 30th, 2012 at 1:57 pm
Sheldie chu van huai ve..la khelh loh game ah ball a pet e
Kei chu ka lo tual dawih sorkar leh phawt ange, a game ka la luh chilh lo emai.. 
Report this comment
March 30th, 2012 at 2:00 pm
# 16, TuaiSialA , KZP
Report this comment
March 30th, 2012 at 2:02 pm
An mize mila enkawl thiam a pawimawh.
Min enkawlna kawnga Ka Nu hi demna ka neilo. Ka rilru a nem a, chuvangin min hau mai mai ngailo in kut pawh vawi 2 vel bak minla thlak lo.. Tunthleng hian min hauh chuan ka mittui ala tla trep thin. Vawi khat a phalloh chu mal khalh ni mah ila, nuar eng eng mah ila a phal phah ngailo. Sweet pakhat pawh nise.
Kan veng hi drug addict tamna hmasa ani a, khawlai len a hrisello in a phal heklo.. Racquet, cycle, ball boot te kha ka awt ve thin, mahse “khawlai i len tam phah ang ” atia mi lei ngailo.chutih rualin tinkle,tintin,video games etc te kha chu a phak ang tawkin mi lei ve thin in thian kawm a phal lova, kan ina ka thiante an rawn len kha chu a phalin ka lenloh phahna tih a hria a, hnawksak chang awm mahse kan in kha inkawm khawm ber nan kan hmang a, a hah phah hle. Kan rawlthar chhuak a ngaihzawng kan neihin min phurpui der thiam a, thurawn pe chungin min sawipui thin.. Khatianga min enkawl chung pawhin heti mai hi ka nia, tiang khan min enkawllo se engtakah chhuak ang maw ka inti thin. Ka tet laia ka kawm leh ka rualpui te chu addict lo an awmlo reng a..
Report this comment
March 30th, 2012 at 2:05 pm
Tlangval senior hian sawi ve teh ang!
Hmangaih leh Duat kan hre hrang lo. An duh ang, an ngen apiang tihsak thei nu leh pa hi a hnuah an buai fo. Rethei te pawh ni ila an zirna, ei tur tha, health care, manner te hi zirtir ila. An ngen ang apiang pe ngawt lovin.
Report this comment
March 30th, 2012 at 2:50 pm
Unau mipa hlang kan ni bawk a,Ka pa hian ka hmangaih che u,ka duat che u beisei suh u a ti hmiah zel mai a. Naupang lungmawl tan chuan a hahthlak duh thin khawp mai,mahse tun hnu hian tough tura min lo train nasat zia kha kan hrechhuak rawng2 mai ani. Naupang enkawl chungchang chu sawi tur ka nei ve hauh lo,kum a tling tawk2 chauh ani sia ka fapa ve chu. Khi’ng te khi hriatreng tur anih khi. Mahse ka mimal ngaihdan ah chuan an thanlen laia duat a an duh2 tihsak ai chuan an puitlin hun atana enkawl ala ni ve fan. Ka pa atanga ka adapt ani ve miau sia le.
Report this comment
March 30th, 2012 at 3:00 pm
@doc_lib, a khelh loh game tih i chiang chiah maw? I tawng huai pap pap hle mai.
Report this comment
March 30th, 2012 at 3:16 pm
Tha kher kher si ve.
Report this comment
March 30th, 2012 at 4:08 pm
Kan Sorkar kumthar tur vel vang a kan buai em em mai chuh. Post ka submit tih pawh ka lo hre tawh hleinem. Comment tu te zawng zawng chungah lawmthu ka sawi e
Report this comment
March 30th, 2012 at 4:09 pm
Tuaite @16, ah tih khi ‘naupang’ tih nen khian ziahzawm tur tihna mi??
Report this comment
March 30th, 2012 at 4:18 pm
Pi Sheldon sawi ang khian, Parenting strategy-ah hian, “Common Sense” leh “Biblical Resources” hi a pawimawh khawpin ka hre ve.
Thil mak deuh pakhat chu, Nu & pate fel em em, sawisel-bo tawp, Fate pawh tawngkam leh chet-ziaa zirtir tha em em, mahse, an faten nu & pate hnung zui tlat lo hi an awm ve tlat nia! Ngaihtuah a ti-thuiin, sawi tur hi a tam thin e,
Report this comment
March 30th, 2012 at 4:28 pm
Mizo ah chuan Pa in fate kan ngaihsak meuh lo. Primary an kal lai phei chu Nu kuta dah hlawm tawp kan tam khawp mai. Thu an awih loh leh an tihmawh deuh ah chiah Pa te hi kan rawlh ve niin ka hria, entirnan: “I thu i awih loh chuan i pa in a vua ang che,” “Ṭap tawh suh, i pa ka ko dawn a nia”….. Kutthlak an ngaih leh a hlauhawm chin, thunun an har chin ah chiah hi Pa te hi kan sawi ṭhaih ṭhin tlangpui a ni. Chu chuan relationship tih ṭhat lam aiin in hlauhna a thlen a, luhlul leh a ruka thil tih duhna a hring ta ṭeuh ṭhin ni hian ka hria. “Naupang chu a kalna awm kawng ah zirtir ula, a puitlin hun pawhin a thlah lovang” tih hi naupang Nu leh Pa te tana ziak a ni a naupang tana ziak a ni lo tih kan hriat nawn fo hi a ṭha a ni. Pa nih avanga kutthlak chin ah chauh in rawlh tum hian chhungkaw hlimna a ti darh ṭhin a ni.
“Nu leh pa te u in fa te ti thinur suh u” tih ziak pawh a awm kha.
Report this comment
March 30th, 2012 at 4:49 pm
#26 Ni chiang e.
Report this comment
March 30th, 2012 at 4:58 pm
Post leh comment a tha hlawm e. Nupa tanrual a ngai a, pakhat zawk tal khauh feng fawng emaw, naupang care tak an awm a pawimawh khawp mai. Keimah anga mi nem leh ngaihsam hi nupui nei ta ila kan hlawhchham ka ring. St.Sammoo-a comment leh Lamea25 te comment khi ka ei zual. Ka nu hian vawikhatmah kut min thlak lo va, ka pa hian ka nau mipa ve tho nena kan insual tumin kan mawngtamah na lutukin min hlap ve ve a, kan vial ngawlh ngawlh a, kan tap ngam miah bawk lo va, kan hlau hlen tain ka hria.
Report this comment
March 30th, 2012 at 6:40 pm
POst tu nu/pa hi nupui tur chi an tih ang hi a niang, tlangval ho kha tang teh u
Report this comment
March 30th, 2012 at 6:45 pm
In comment zawng zawngah ka lawm e. Bible pawhin thil zawng zawng zingah hmangaihna a ropui ber a tih kha. Naupang enkawl danah ka expert lo, mahse, ka hriatphak ang tawk ah hmangaihna nena enkawl a thaber ang tih a ni. Kei aiin in hre zawk fe ang, han sawi teh u.
Report this comment
March 30th, 2012 at 7:09 pm
Fa neih hma hian fa enkawl chu a awlber in ka hria,mi fa sual te hi, ‘kei chu ni ila…ti chuan ka ti ang etc’ kan ti kur duah a, mahni ngeiin han neih ve meuh chuan a lo har khawp mai keimahni sawi ang te kha kanlo apply thei leh lova… psychologist etc ten vuak a thralo antia skulah pawh anphallo a nih hi,chutih laiin Bible hian chuan a phal mai a nilova a trul a tih hmel hle mai bawk si..
Report this comment
March 30th, 2012 at 7:28 pm
Han sawibelh tur ka hre lem lo ‘a dik hmel khawp mai’ tih bak chu…hmangaihna hi a mi thinlung hnehnan a lo tha ber a ni e. Lal Isua zirtirna hi he khawvel atan hlei hlei hian a lo pawimawh mai…
Report this comment
March 30th, 2012 at 7:34 pm
Misual pakhat nen kan MI mek..Shailendra chu nise..”Mini MI” a tih ka ring.
Good post
Report this comment
March 31st, 2012 at 6:29 pm
a tha khawp mai comment pawh a tha e. fa enkawl chu a har fahran tih ka hria
Report this comment