Kum 5 kalta chhung khan Mizoram-ah Ni za inhlawhna (Mahatma Gandhi NREGA) hmangin cheng Vaibelchhe 775 chuang kan hmang tawh a. Hmun thenkhatah sum senso nena inphu leh tha tak tak a awm laiin, hmun tam takah chuan mipui ten engmah lovah cheng tam tak kan luanral tir mek a ni.
Hlawk zawk leh tha zawk, kan ei leh bar zawnna kawng tiphuisui tur leh lei rem kan rah theih nana chhawr tangkai tur kan ni a. Chutiang atan chuan hetiang hian rawtna neih hunlai hian rawt ta ila :
Job Card nei, mahni huan lo ram nei zawng zawng chuan Lo nghet nei turin tan ila ang u :
1. Leilet neitu leh Terrace siam duh tan ‘Land Development’ hnuaiah hna thawk ila;
2. Sangha dil siam duhin “Water conservation and Water Harvesting” hnuaiah siam ila;
3. Serhuan, Grape chin, Sapthei chin (Horticultre lam) siam duhin “Works on individual land” hnuaiah Huan nghet siam ila;
4. Mau, Thing, Coffee leh Thingpui ching duh te tan “Afforestation” hnuaiah hma la ila;
5. Leilet neitu, Tuikawng siam mamawh tan “Flood Control and Protection” hnuaiah hma la ila;
6. Khawtlangin kan chhawr tangkai tur leh kan mamawh Vantlang Tuikhuah lian te hi “Water Conservation” hnuaiah Material Component hmangin;
7. Mahni huan pawh nei lo emaw ram nei si, mahni huan pawh chei duhlotute chu kawng “Rural Connectivity” thawkin, Dan in a sawi angin nikhatah darkar 9 thawk bawk se.
Mipui an inthik ang ?
Thik lovang. Khaw thenkhatah lo inthik deuh an awm anih pawhin a rei lovang. Mahni huana thawk duh lo, mi huanah pawh thawk duh lo chuan kan thawh pang ngai, ‘Kawnglaih’ hna kha thawh tur a la awm reng dawn thova…..
Engtin nge kan thawh ang ?
Kumtin October 15 ralhma ngeiin khawtin kumthar lama hnathawh tur ‘Plan’ kha P.O hnenah thehluh a ngai a. Mahni Huana thawk duh chuan hnathawh tur hming leh a zau zawng te a rang thei ang berin Vantlang inkhawmin rel se, thurel chu P.O-ah a rang thei ang berin thehluh tur a ni.
Chunglamin an pawmpui hnuah kumthar sanction a lo chhuah veleh atangin hma lak tan thei ang. A huho (inlawm)-a thawh theih anih chuan duhthusam a ni a. Inlawm theih loh pawhin mahni huanah theuh a feh mai theih a ni.
Thawk lo an tam awm em a, a tha lovang, kan inveng seng lovang ?
Thawk lo an tam lovang. An lo awm palh anih chuan in man chhuah a har lo tura ngaih a ni. Zau tinah ‘MGNREGS ZAU KOMITI’ kan din theuh ang a. Chung mite endikna hnuaiah an thawk ang a, chu Komiti-in an thawk ngei tih an hriatpuina tel lo chuan HLAWH pek chhuah loh mai tur a ni. Khaw tinah VMC kan nei sa bawk a, a tidiklotu chu mipuiin kan hrechhuak rang thei hle dawn a ni.
Thawh tur neilo khua te hi engtin nge kan tih ang ?
Thawh tur neilo khua a awm theih tak lohva, kan ramah hian thawh tur a tam hle a ni. Thawk peih lo ten thawh ve an tum avangin Ni za inhlawhnaah hian eirukna a nasa hle a ni. Entirna atan : Khaw lian tam takah chuan mipui ten Dan anga thawh an duh loh avangin, mipui inhlawhna tur pawisa kha an ‘cut’-a Dan ina a phal reng reng loh ‘Khawl’ rawih nan leh thil dang atana hmang tur angin an ti a.
Mahse, hmun tam takah chuan an hmang lem lo. Ni 10 inhlawhna turah mipui ten ni 2 te an thawk a, ‘Khawl’ rawihna atan ni 2 hlawh te an ‘cut’ hnuah a bang ni 6 inhlawhna tur chu thawk lovin mipuiin an EIRU TA CHIAM MAI a ni. Hmun tam takah phei chuan thawk miah lovin zah leh zahin an insem thin anti !
Entirna pakhat dang pe leh ta ila. Kumin kum kal lai meka Mahatma Gandhi NREGS hnuaiah Central atanga kan pawisa dawn tawh hi cheng nuai 10,895.54 a ni a. Mizoram-a Job Card nei zawng zawng inhlawh ta ila, Ni 55 vel inhlawh daih chauh a ni. Amaherawhchu, Inhlawhna mamawh, thawh tur nei chauh hi inhlawh ta ilang chuan Ni 90 vel chu kan inhlawh thei ang.
Mamawh tehchiam lovin kan thawh ve hian mirethei te chanvo kan Eiruk sak a ni. Rangkachak leh thi inbel tuar chunga Mobile Handset changkang nena Ni za inhlawhnaa thawh ve hi thil inhmehlo tak a ni.
Hnathawh tur neilo khuaa mite tan a neite khuaa inhlawh tur siam sak hi P.O mawhphurhna a ni.
Engtin nge Eirukna lakah kan fihlim theih ang ?
1) Thawh tur kan neih loh chuan thawk lo mai ngam ila. A mamawh lo tak zet te chuan mahni Job Card ‘Delete’ tir daih ila.
2) Ni 10 thawk tura sanction a rawn kal chuan thawk ngei ila. Midangin thawk duh lo mahse, nang tal chu ‘Ba-al hmaa thingthi ngai lo’ nih tum la.
3) I thawk lo chunga i hminga hlawh la an awm nia i hriat chuan Programme Officer-ah thlen la, anih loh pawhin Police-ah FIR submit mai nise. Dan in a kawng zawh ve ta mai se.
Mahni Huana thawh hi Dan hian an phal teh reng em ?
Phal e…. Section 16 (1)-(4)-ah hian V.C ten vantlang inkhawm thutlukna anga ruahmanna an siam tur anih thu leh a Dan chhunga awm (Permissible works) anih phawt chuan chung lama miten an tih danglam theih loh thu a tarlang a. Section 4(3) in thuneihna a pek angin Schedule – I(1) hnuaiah hengte hi ngaih pawimawh dan indawt chu a ni :
i) Tui humhalh lam;ii) Ngaw siam; iii) Tuikawng siam; iv) ST/SC te tana Tuilak, Huan nghet siam, zawl siam, pangang khawi; v) Tuikhur hiah fai; vi) Land development; vii) Tuilian dan; viii) Khua leh khua inkal pawhna siam; x) V.C in tur siam; x) State sorkarin central sorkar rawn chunga thawh tur atih apiang.
Heng zawng zawng khaikhawmna atan chuan kan hnathawh te hi kumhlun leh mipui ten kan chhawr tangkai tur, kan ei leh bar zawnna kawng min tihphuisui saktu tur a ni {Schedule – 2(2)}
Mipui ten duh taka hnathawh tur an thlan chu chunglam a miten Dan chhunga phal ang hna anih phawt chuan an lo tihdanglam sak thei lo. Mipui hriat lova an thawh tur lo ruahman sak chu Mahatma Gandhi NREG Dan kalh anih avangin Section 25-na angin a lo khawih danglamtu chu cheng 1,000/- thlengin chawi tir/hrem theih a ni.
—————-
Similar Posts:
- Ni 100 inhlawhna kan chhiatpui ang nge thratpui dawn ?
- Ni 100 inhlawhna in thatchhiatna a hring
- Rukru hnam kan ni lo
- Engtin nge ni za kan inhlawh theih ang?
- Tuizem lian
(Y) 
October 8th, 2011 at 6:44 pm
every dog has its day………… vawiin hi ka today a ni chiang mai
Chh1ar ang le.
Report this comment
October 8th, 2011 at 7:09 pm
sei tha ve, chhiar ilaa
Report this comment
October 8th, 2011 at 7:12 pm
Post tupa chu i post tha lauh lauh hle mai. Mahse he Kan zoram of the world ah hian kei chu ka bei dawng ta.. IAs/IPS tlingte aia mizo icon/idol an ngaih ropuina Zoram..Mizoram chhunga in elna ten ropui taka lawmpui an hlawh bung bungna Zoram, ( zai lam chauh ni lo en tir nan central services a tling te leh MCS a tling te ). He Zoram ah hian khua a var dawn lo..Tihian i i tawngvai mai mai ila, tun a tanga kum 30 hnuah kan la ral thak dawn nia. ‘If u can`t beat them, join them’ tih policy hmangin I tlan ral raih ang u. Chumi kan ral hma a Vanneihthlak taka Jesus 2nd coming a thleng a nih hlauh chuan a tha tawh zawkah ka ngai mai kei chu
Report this comment
October 8th, 2011 at 7:19 pm
I thil rawn sawi khi a tha khawp mai, a applicabul em erawh ka hrechiang ngamlo. Sawrkar hnathawk te hi chu job card hian huamlo se ka lo ti ve mai mai thin, mahse kan chanvo a ni vek sia, engtia ngaih tur nge ka hrethiam chiahlo.
Report this comment
October 8th, 2011 at 7:45 pm
Pu Vanneihtluanga’n a thusawina pakhat a a sawi “thenawmte hrechiang lo ber kan ni” a tih kha a dik thui hle mai.
Post-tupa sawi hi kan kawmthlang Tripura a RD Block thenkhat ah an hmanna a rei tawh. Khawtlang hnatlang pawhin an tih theih tuikhur hiah leh a kawng sam etc., a sum hman ai chuan “huan nghet neihna tur a mahni huan ngeia nitin hlawh nei chung a hnathawh” hi a tha e.
Report this comment
October 8th, 2011 at 8:12 pm
@3, doc_lib Keipawh a chang hi chuan ka beidawng thin a sin…. Mizoram hian ka bei a ti dawng thin a. Muhil thei lovin zan engemaw zat hi Zoram hmasawnna tur ngaihtuah hian ka hun ka lo seng ve thin.
Mahse, a chang hi chuan a eng lam ka thlir leh a. Tunlai Thalai zingah mi tlemte, Eirukna duh lo, thawkrim leh hmasawn duh ka hmuh hian ka thaw a veng veleh deuh hawk thin
Report this comment
October 8th, 2011 at 8:15 pm
@ 4, RenghangMan, Sorkar hnathawk leh a chhungte hian Job Card neih hi phal niawm lo tak a nia. A chhan chu ‘unemployed’ tana siam a nia. Anni chuan hna an neih tawh avangin nei awm lo tak chu an ni… Mahse, Mizoram sorkar chuan Sorkar hnathawk chhungkua pawhin neih a phal tlat
Report this comment
October 8th, 2011 at 8:19 pm
@ 5, pa-para, A sawi dik. Tripura chauh nilovin, state thenkhat, Andra Pradesh te hian an chhawr tangkai. Orrissa tak ngial pawhin. Mizoram-ah chuan a thlawnin pawisa kan insem mai mai a ni….
Mizoram khawthlang lamah chuan Tlangval pakhatin Rui tawkin MGNREGS thawktute hnenah lawmthu a sawi mawlh mawl a. A chhan chhu Ruihna tur pawisa an pek avangin
Report this comment
October 8th, 2011 at 8:24 pm
@doc: zoram leh a chhunga cheng zofate hmabaka ‘eng’ ka hmuh hi a chau khawp mai.mahse, nangni leh sir. Pk-a. adt. te tawngtaina azarah kan hmalama beiseina eng hi chhem alhin a la awm em ang chu.
Report this comment
October 8th, 2011 at 8:42 pm
officer lian eiru leh polotician-te kan sawisel kan sawisel a,nia sawisel an phu ve reng bawk a,mahse mipui hian kan zir lo ve em bawk atin ni. Mitin rilruah rinawmna kan intuh that a ngai,ka OT em aw
@post-tupa i post khi a tha viau a mahse MIPUIte hi…
huan nei lo pawn huan zau tak nei angin (k)an inziak leh tho lo’ng maw??te ka tia
Report this comment
October 8th, 2011 at 8:44 pm
A sei via na a ka chhiar zo hram e. Rawtna ang hi chuan kal theih nise a tha ngawt in ka ring. Mahse ataka practice tur chuan buaithlakna laite chu ala awm nualin ka ring.
Report this comment
October 8th, 2011 at 8:47 pm
@ 10, century child, kan inziak leh tho mai thei. Mahse, ka post-a ka tarlan ang hian ZAU KOMITI hi zau tinah din ni ta sela, a veng theiin a rinawm. Chuti chung pawha an la eiruk ngam tho chuan Social Audit-ah mipuiin an phawrh mualpho tho dawn a, chutiang an ngam leh anih chuan… ka hre tawh lo..
Report this comment
October 8th, 2011 at 8:51 pm
Post tupa rawtna ang hian kal han tum chhin phawt ta ila, tuna kan kal dan ai hi chuan a ziaawm ngei chu ka beisei tho tho mai.
Report this comment
October 8th, 2011 at 8:52 pm
@ 11, PimPom, Champhai District khaw thenkhat, Serchhip District khaw thenkhat, Saiha District khaw thenkhat leh Kolasib District khaw pakhatah an kalpui chhin a, a zawngchhang tlak hlein an sawi.
Tak ni maw ? Champhai Dist.-a Lianpui khuaa Hmeithai pakhat chhuan nikum chhung khan IWDP tanpuina leh MGNREGS hmanga mahni huana a thawh rah a reng a, nikum khan a Grep Huan atangin Rs. 10 lakhs a lei chhuak niin an sawi.
Report this comment
October 8th, 2011 at 8:54 pm
ruatruatapa chu kan Pu lo ni reng a.. chanchinbu lam ah ka lo chhiar tawh a, a tak a hman a chakawm tawh khawp mai.
Report this comment
October 8th, 2011 at 8:55 pm
#14
, Kan vengah pawh hian tunah hian mipui lam atangin heti zawnga rawtna hi a awm deuh ut ut a. Engtin nge an tih dawn ni.
Report this comment
October 8th, 2011 at 8:58 pm
Ruatruatapa, ni 100 inhlawh lam hi ka lo hre lo a. He scheme vang hian kan that pui em?
I thil ziah danah hi chuan tun thlenga a kal phungah chuan lawmna tur teh chiam a awm lo ani maw?
Post sei tak anih hi a
Nikhat ah cheng engzat nge maw an hlawh reng reng le. Cheng 200 lo nita se, 20000 chauh ani a, chauh ti ila thingtlang lam tan chuan a tha tho e.
post tha leh tangkai tak anih hi
Report this comment
October 8th, 2011 at 9:01 pm
@15, Bodom Pautu : I Pu ka nih pawh ka hre lo
I Kid rinawm tak ka nia.. 
@ PimPom : Ti thei sela a va tha dawn ve. Mahse, in khaw VC te chuan an duh vak lo mai thei. A chhan chu.. Kawng an lai hian an hlawk zawk
Report this comment
October 8th, 2011 at 9:09 pm
@ 17, lrpa, I zawhna te chhanna leh sawifiahna :
System kan change vat loh chuan a sawt chu nasa tak a niang 
1. Mizoram-ah hian Ni 100 inhlawhna hi thatpui an awm laiin thatpuilo an tam. Thatchhiatnaah Mizo te min hruai lut mek a ni. Input leh Outcome hi Economics measure chu nise, Zero pawh a kha lovang Minus 50 vel a niang
2. Hmun thenkhat lawmna tur a awm laiin, a tam zawkah chuan Corruption hmunpui a ni mek a ni.
3. Nikhatah Rs. 129 an hlawh a, kum khatah Rs. 12900 an hlawh thei a ni. Thingtlang tan chuan a tam lova, mahse, innghah nan berah tunlai chuan an hmang tawh. Vawi khata pawisa pek teuh lo hi mipuite tan a tha zawk a niang e.
Report this comment
October 8th, 2011 at 9:16 pm
#18. Ni e, kawng laih bak hi chu an ngaihtuah duhlo a nih hmel hi.haha
Report this comment
October 8th, 2011 at 9:21 pm
NREGS hna hi chu a hahthlak lo viauin ka hria, thahrui ngah lutuk lemlo tan pawh.
Thawk lo an tam awm em a, a tha lovang, kan inveng seng lovang ?
– He zawhna i chhandan khi a tha viau tho a, mahse a harsa tho tho in ka va ring em. Mizo mipuite hi chu kan inhre tha em em vek a, mahni veng/khua a mite phei chu sawiloh law law zawk ila. Chutiang a nih avang chuan a diklo deuh hlek a titute chunga action la ngam thlap thlap tur chuan a harsa viauin ka ring, nitin invil theih a ni tawh dawn si lova. Tlangnel takin, ” Kan thawk a lawm, tun thla chu kan pa a nuam sam silova duh angin kan zo theilo mai mai a nih khu, minlo tihsak hram hram teh..(chuti khati vang chu nia, nang ilo ni hlauh a i zarah……etc)…”, an tih miau chuan buaithlak tak tur a ni. A thalo lamah inlainatna leh inkhawngaihnate hi kan ngah ru riauin a hriat si a. Nakinah thianthate kan intimualpho/inhek angin a kal leh lawi si ang a, vengchhung boruak kan tichhe thei hial zawk lo’ng maw ?. Mi pakhat harsatna hriatthiam sak chuan pahnihah a kai leh vat ang a, a pung chak viau maithei a ni. A endiktute lam hi mahni veng/khua nilo theuh ah dah ta zawk se, a zia-awm zawk a ngem ?. Chutianga indah thei tur chuan mahni inchhung uap hman lova thawhchhuah a ngaih dawn a vangin hlawh tha pangai tak chu a ngai ngei ang a, pahnih/khat chauh kuta dah chi a ni silo. Budget in a tuar ang em ?? Central Sawrkar hian chutiang chu ngaihtuah lawkin plan a nei em ni zawk ??? (NOI)
Report this comment
October 8th, 2011 at 9:24 pm
19..Ruatruatapa
Ekhai, hman dik loh chuan a va hlauhawm ve. Ka rilru a lo lang zawk chu ‘easy money’ vang hian kan thatchhe lutuk palh ang tih a hlauhawm anih hi.
Report this comment
October 8th, 2011 at 9:29 pm
@ 21, Atom c, I sawi hi a dik khawp mai. Tunah hian Mahatma Gandhi National Rural Employment Audit of Schemes Rules 2011 a awm tawh a. Mizoramin pawh tihhlawhtlin tumin a inbuatsaih mek. He danah hi chuan mahni khua a mi ni lo, khawdanga thalai inhlawmkhawm ten an endik pui tawh dawn a ni. Heng mite hian a hranpain hlawh an nei tawh ang.
Mi thenkhatin mahni huanah thawk si lovin, thawk angin insawi sela, hlawh la sela, a tuartu tur chu anmahni tho kha a ni. Engpawh nise, tunah pawh thawk lovin hlawh an la tho thova, a dang chuang lem em mawni le te ka ti mai mai.. Kei misual hian..
Report this comment
October 8th, 2011 at 9:34 pm
Ka lo hriatdan chuan mahni huana hnathawh hi nitin ni 100 chhung mahni huan tete a thawk hrang lovin group (10 to 30 members in ech group) in an inthen a, pakhat huanah an thawk huk a, nidangah midang huanah, chutiang zel in. Thawk thei lo chuan hlawh an la lo mai.
Report this comment
October 8th, 2011 at 9:34 pm
@ 22,lrpa, a dik a sin. He thil hi kan siam that vat loh chuan Mizo mipui tam tak, thingtlanga chengte rilru hi a chhe vek dawn….. Tunah chuan Dawt sawiin, awlsam takin pawisa an la mek a ni. Mahni huanah ngei thawk ngei turin kan hotute hian tur se chu chu tuna tih theih hmasa awm niin a lang.
Report this comment
October 8th, 2011 at 9:39 pm
@ 24 pa-para : A dik mai thei, Block thenkhat chuan i sawi ang hian an kalpuiin ka hria.
Mizoram-a Huan neitute hian tin 3 hmun thlo turin kum khatah Ni 125 vel an mamawh niin kan thianpa hian a sawi a. Pu Shai-a ten an hre zawk mai thei.
Report this comment
October 8th, 2011 at 10:52 pm
#23, A nih chuan a tha khawp ang chu. Mahni hna hlawh neia thawh theihte chu duhthusam a ni ang chu. Mi taima tak tak inthlahdahna pe si lovin thatchhiate a ti taima ang a, rilru nei tan chuan NLUP double dawn ai pawhin a thlanawm zawk daih mai. Easy money ang policy a nihna ka hrelo tlat, thawh hmasak phawt a neih chauh tur a nia, thawh hma a dawn lam chu a nihloh hi. Thawh hma atanga dawn lam buaipui hmasak hian a lawm minti khawlo zo vek tawh.
Report this comment
October 8th, 2011 at 11:05 pm
@ 27, a dik chiah. Thawh phawt hnuah hlawk lak tur a ni a. A thawk ngei e tih hriatchian te chauh hlawh pek tur a ni. Dan lovin Mizoram-ah hian kan kalpui mai mai thin niin a lang.
Report this comment
October 8th, 2011 at 11:27 pm
Mahni huana thawk, hlawh nei bawk. TURU tak a ni. Lung pakhata sava pahnih vawmtlak theihna chu hei ngei hi a lo nih dawn hi… A ziaktupa hi ka hre lova, mahse, ka ngaihsan zawng tak a nih ka ring nghal e…
Report this comment
October 9th, 2011 at 5:48 am
Sawrkar hnathawk tan Job card neih khapna Guidelines ah hian a awm lemlo. Amaherawhchu, hna nei renga thawh ve talh tum chu thil awm ang lo takah ka ngai. Chhungkua member unemployed an awm anih chuan..chung chuan thawk mai se.
Report this comment
October 9th, 2011 at 5:58 am
Ruatruata Pa chu rin aiin ziak lamah a lo chungnung hle mai.
Report this comment
October 9th, 2011 at 9:35 am
He post pawh chu chanchinbu leh hmun dang a chuah chawn atan tha ka va ti em.. Post tha tak a ni e.. Internet hmang pha lo ten an chiar ve theih nan chanchinbu ah han chuah chawng teh..
Report this comment
October 9th, 2011 at 11:12 am
A va tha ve.
Report this comment
October 9th, 2011 at 11:59 am
Niza inhlawhna ang hi ramdang ah pawh an tlakchhiat leh retheih laiin an ching ve hle. Germany rama khawvela hmingthang khawpa kawngpui tha motor speed limit pawh awm lova duh tawka chak a tlan theihna autobahn te khu German sawrkar in an ram mirethei te hna leh eitur neilo te inhlawhna a siamsak atanga an laih mup mup ania. America ramah pawh electric siam chhuahna tur tuikhuah te, relkawng te kawngpui te an siam/sa/lai bawka. Heng kawngpui tha leh power hnianghnar taka an neih vangin America leh Germany chu khawvela ram ropui leh hausa ber an ni reng ani
Mizoramah ve thung chuan sawrkarin inhlawhna asiam a khawtlang mipui in tiamruallin hnathawh ai chuan a zat ve lek hlawh pawn JCB rawih daih kha an thlang zawka. khawtlang VC atanga a chung lam pang level tinah lo eiruk dan an ngaihtuah bawka. Hnam ten awm, rinawmlo, corrupt leh thatchhia in nihna hi a langchiang thin teh e.
Chutihlaiin Mizoram roreltu CM vaihawla lah chuan “kan Pathian nung” tih leh “roreltu te hi Pathian ruat an ni” tih Bible chang chhuan lamin duhtawkin a eiru hmiah hmiah bawk sia. Mizo mipui te pual a ram tur AR ho ram pawh a fapa drug ngawl vei , drug overdose a thi ta hming in alo Pata hmiah mai bawk si.
In chung a pik teh e!
Report this comment