Tunlai hian vawileh khata hlawhtling thutte leh lar chhuak thutte hi kan ngaisangin kan chawimawi nasa hle thin tih hi kan hai hauhin a rinawm loh. (Entirnan : Idol, Icon etc.)
Tin, Chiahpuam kan tih ang chite pawh hi vawi leh khata hausak thut kan duhnain a hrinte zing ami ni ngeiin a lang bawk. Heng lo pawh hi sawi tur eng emaw zat ala awm thei awm e. Then khatte hi chu ngaihsan tlak, chawimawi tlak takte pawh an awm tho awm e.
He tih rual hian kan in enchian a, kan in enfiah erawh a tul hle awm e. Tute hi chawimawi tlak a, tute hi nge ngaihsan tur tih hi kan chhut ngun a tul tak zetin a lang. Tunlai kan ramah Idol, Icon etc. tihte a larin kan rilru nansa takin ala tih kan hre theuh awm e.
Idol, Icon-a No. 1. ni kher lote pawh kan khaw mi emaw, kan chhehvel amite emaw, kan tan zawngte emaw chu nasa takin kan chawimawi thin. Chawimawi an phu a, ngaihsan pawh an phu hle reng a ni. He tih ruala kan hriat ve reng atana ka duh chu, kan khua, veng ti hmingthatute : Zirna kawngah emaw, Hnathawhna lamah emaw, eng emaw kawnga hlawhtlina ropui tak neitute hi kan hlamchhiah deuh lo maw?
Mi harsa ve tak, mahse, a taimakna leh a thawhrimna avang liau liau-a lo dingchhuaktate pawh kan veng leh kan khuaahte an awm ve nual tho lo maw? Tin, Zirna avanga chhungkaw berh ve tak tak lo ding chhuak ve tate pawh kan velah hian an awm nualin a rinawm.
Hengte pawh hi chawimawi a, chawisan an phuin ngaihsan an phu hliah hliahin kan hria em? Kan hria a nih chuan kan chawimawi tawk em? Kan ngaisangin kan ngaihlutna kan lan chhuahtir takzet em? tih pawh kan in zawh a tul hlein a lang.
Vawi leh khata lo lar chhuaktate leh lo dingchhuak taphutte kan ngaihsanna hian kan thalaite nunah eng thu nge a sawi tih hi kan ngaihtuah tel ngai em le? Rinawm leh taima taka thawh rah senga dinchhuah aiin vawi leh khata dinchhuah duhnate hian an rilru a hneh tawh zawk mah lo maw?
Chu chuan thatchhiatna leh rinawm lohna nasa tak a thlen ang tih a hlauhawm hlein a lang. Tin, kan chawimawiate leh kan ngaisanate ngei pawh hian vawi leh khat/thawk leh khata dingchhuak an nih avang hian awm dan tawk an thiam loh phah hial lo maw? Kan ngaihsante hring nun pawh hi kan venpui a tul hlein a lang bawk.
Thawk leh khata kan tih chiam a, a hnu lam engmah awmzui lova kan tih thinna hian an nunah harsatna a thlen ngei ang tih pawh a rin theih bawk a ni.
Chuvang chuan keini Mizote hian chawimawi tlak kan hriat a, chawimawi dan kan thiam a tul hle a ni. Tuna kan tih dante hi a dik lo va, kan chawimawiate hi an dik lo ka tihna lam ni lovin, fimkhurtak leh ngaihtuahna zau zawka thlir chung a, chawimawi tlak tak takte kan thlan thiam a tul a ni. kan ngaihsan leh kan chawimawite hi an mawiin an hlu zel mai si a, chu chu mi tinin kan duh leh kan chak alo ni zel bawk nen, chu dinhmuna ding tura kan Thalai (Thangthar zawkte) inbuatsaihna tur thlir tel chung zel a, rilrufim leh ngaihtuahna fim zawk kan hman a tul tak zet a ni.
Similar Posts:
- Pafa ka ngaihsan Saiawi pafa
- Ka Rilru A NaThin…
- Nu Leh Pa Chawimawi
- Reality Show ka hmuh dan
- Zan Lam Thlalak
October 24th, 2011 at 11:03 am
1n chhiar i1a..
Report this comment
October 24th, 2011 at 11:09 am
I va han sel peih mai mai tak e. Chawhrualin he post hi a HO.
Report this comment
October 24th, 2011 at 11:21 am
keichu a HO ka ti lo
a pawimawh ve tho ka ti DAH MAI A 
Report this comment
October 24th, 2011 at 11:23 am
Post tha tak a ni :D(Y)
Report this comment
October 24th, 2011 at 11:27 am
A ni ve thei tho mai.. Chawimawi tlak chawimawi thiam hi a pawimawh khawp mai.. Idol or Icon te pawh an thiamna vanga chawimawi ve tho an ni. Sawisel vak erawh a tha chuang lo. Chawimawi tlak loh hi chuan chawimawina an dawng lem lo, ngaihsan/ngaihhlut hlawh ho hi chuan eng emaw zawng takin thatna an nei a ni mai.. mihringte ngaihsan leh ngaihhlut zawng a in ang vek lo tlat..
Report this comment
October 24th, 2011 at 11:30 am
Mizoram reality show hoah hian mahni kalna lam lamah, a mihring cheng zat phu loin contestant hi chu kan tam thin deuh chuan ka hria.
Engpawh mai hi tiin thawk ila, Pathian malsawm tlakin thawh i tum phawt mai teh ang u.
He khawvel a kan inchawimawina te hi zawng malsawmna tluantling a ni lo tih kan hriat tlan vek hi.
Report this comment
October 24th, 2011 at 11:36 am
Hahtak leh rimtaka thawk te ang thova chawimawi phu vek an ni. Chawimawi tlak kan chawimawi hi mihring nihna a ni. Phu bik an awm lova, hlawhtlinna reng reng a tê emaw a lian emaw, chawimawi hi intihhmuh zel ang u.
Report this comment
October 24th, 2011 at 11:42 am
Vawi leh khat a kan tih lai tak khi kan la sual palh ve thei tho mai ka ti !!!
Idol/Icon, fiamthu thiam a engapawh chu nise, hetianga invawrh sang pawl ni chho chin hi chuan hetiang thlen nan hian an hun leh tha engemaw zat mipui mimir hriat lohin an lo hmang ve vek tawh tho mai thei a ni. Zaite hi zan hnih khat leka thiam chi a ni lo, thiam tuma zirna nena vawi za tam zai te a ngai asin, i ngai hnual lo teh ang u.
Report this comment
October 24th, 2011 at 11:43 am
Thil zau tak hlir mi i ti ngei ang.Post tha tak a nih hi.
Report this comment
October 24th, 2011 at 12:05 pm
Post tha khawp mai. Idol/icon a khaw nawt a kan chawimawi luih2 mai chuan kan khua in chawimawi tlak kan la nei lo lem loh vang pawh ni ang. Tin, kan khawtlang level a sang vak lo tihna a ni thei bawk. Chuan, idol/icon hian- kohhran, khawtlang leh ram hmasawnna min thlen ka hre lo
Report this comment
October 24th, 2011 at 12:14 pm
Post tha tak ani..icon/idol a thleng sang ho te hi chawimawi chu an phu teh meuh mai,mahse zirna lama thleng sang tak ta te hi kan la chawimawi nep deuh em aw ..heng IIT/IIM (adang pawh la tam,heng aia sang ) a zir chhuak thei chin ngat phei hi chu a veng/khaw mipui hian lo chawimawi luih2 se va tha dawn em …!!!
Report this comment
October 24th, 2011 at 12:42 pm
Dik khawp mai, kan lehkha zirna lamah vai lam compete ve thei tura kan tan a pawimawh khawp in ka hria,,, icon, idol vel chu kan neih sa ho hi an tam tawk viau tawhin ka hria nakin ah chuan mipui tam zawk hi idol, icon kan ni vek mai ang,,,
Report this comment
October 24th, 2011 at 12:59 pm
Dik ka va ti em ve le..
Report this comment
October 24th, 2011 at 1:04 pm
Mihring hi kan puitlin tirh atang kum 50-60 kan nih thleng lian telh telh ila, tichuan retire ila kan rilru leh ngaihtuahna a kal dik ber an ti. Naupan (kum 30 hnuai) nih laia vawrtawp (peak) thlen hi a bak an than zui loh chuan rilru biauna (depression) a awm duh an ti. An vaiin anni lo va. Mahse Britney Spears te anga lar hma lutuk hi awh chi ani tehchiam lo. Football star nupui nihte hi rin aiin an awhawm lem lo asin.
Report this comment
October 24th, 2011 at 1:29 pm
‘Ngaihhlut zawng’ tih leh ‘Ngaihsan zawng’ tih hi thil inhnaih tak inang hauh si lo a ni. Chuvangin ngaihhlut tlak loh kan ngaisang fo. Ngaihhlut tlak hi ngaisang ila chuan kan tisual lo turah ka ngai. Kan ngaihhlut tur tam tak zingah dikna te, rinawmna te leh taimaknate hi Zofate hian kan mamawh zual hlein ka hria. Ngaihsan zawng mihring kan nei a nih pawhin chu nu/pa chu ngaihsan tlakin a rinawm em? A taimain a dik em? Belchian a dawl em?
Kan ngaihhlut zawng hi dik hmasa phawt sela chuan kan ngaihsan zawng pawh a dik zui ve nghal mai ang. Mizote hi kan thil ngaih san zawng a ho a nih si chuan kan thil ngaihhlut zawng hi a dik tawk lo tihna a ni thei mai ang em le?
Report this comment
October 24th, 2011 at 1:38 pm
hei hi k veina a rei tawh mai idol,icon,man hunt,look alike mi ang lo siam chhuahna ang chuah a ni… hmasawnna min thlen lo, hetianga kan chawimawia kan chawisan zel chuan zirna leh hna thawh ngaihsanna lamah kan pa chhe viau thei bawk….. post tha tak a ni.. mawl tak taka comment erawh ka hmu
Report this comment
October 24th, 2011 at 1:39 pm
“Vawi leh khata lo lar chhuaktate leh lo dingchhuak taphutte kan ngaihsanna hian kan thalaite nunah eng thu nge a sawi tih hi kan ngaihtuah tel ngai em le? Rinawm leh taima taka thawh rah senga dinchhuah aiin vawi leh khata dinchhuah duhnate hian an rilru a hneh tawh zawk mah lo maw?
Dik lutuk!
Post tha tak a ni.
Report this comment
October 24th, 2011 at 1:56 pm
Mizo te hi mi fak leh sawi chhiat kawng ah hian kan uchuak ve ve in ka hria. Thil a nihna bak bak a vawrh ching kan nia, kan chawimawia te kan ti chapo hrâ a, kan rel a te kan ti kawlh hrû bawk ṭhîn.
Hun kal tur ngaihtuahlo, vawi lehkhata phur thut thil tih hi kan la ngah viau a ni. Pakhatna pawh nilo Top 10 a tling ve chang chang kha in hmun pek an han intihhmuh deuh ringawt peka, zaithiamlo pawh an zai ta sup sup a, a inelna pawh vai velh ang maiin a ek chhe pun ta hluai lehnghala. Top 10 pawh kar lohvah an lo tam ta hluai e, in hmun inpek zawh sen rual a ni ta lo. Thil tih harsa tak aṭanga hlawh chhuak chu nise heti em em in a punlun lo tur. Nakin lawk ah chuan lawm taka hmani lawka VCP in a pek kha nuih thik chungin “Idol/Icon hlawh inhmun anih hi, a pe tu chu…..ania” te pawh an la ti ta ve ang.
A minister thlengin kan bang lo, tuemawni pawh DGP ah thu maia hlan kai nghal em ni a nih khah! A hnu ah an hlankaina chhan leh chawimawina dawn an hlip leh ta reuh si a. Chu mai pawh nilo in Matric pawh pass lo hna chelh atan chuan a sang mah mah lo maw ti an awm leh a, a hnuai officer ten hrawn hrehawm a tih tak luai luai mai hi. Pen hum chungah thil tih turah rawn tlak leh tak tak si loh ti a sawi te pawh a awm. Lengpuia ropui taka alo haw lai kha chuan hetiang hi an ngaihtuah thleng pha der lo, chawimawi an nih lai chuan khaw hmu lo in, a phawvuak ah lam chunga lawmpui em em tute kha an nia.
Tin, Mizo thu belh ching tih tak ah kan sawisel a te chanchin hi an nihna bak belh hret hi kan ching tel bawk leh nghal a. Hriat chianloha mi sawi chhiat chiam mai te, fak an phu tih avanga uchuak taka mi chawimawi hi kan sim a ṭha khawp mai.
A mawi hawih zawn tum avanga mi fak der te hi a ṭul reng reng lo, fakna chu a tak tur a ni a, sawichhiatna lai pawh a tak bawk tur a ni. Bawl tih ṭawngkam pawh kan leklam tak êm hi, a dera thil tih kan chin vang a nia. Hnampui ho frank zia hi sawi tur tam tak ka hria…..
Report this comment
October 24th, 2011 at 2:06 pm
Idol, Icon chungchanga ka ngaihdan:
Reality show hi khawvel pumin an ngaisanga, keini pawhin kan ngaisang. Ngaihsan dan tawk erawh kan thiam lo deuh.
Cable TV Operator-ho sumdawnna a ni a, ngaihsan dan tawk thiam a tha.
Tan zawng neih hian a en a tinuam.
A hmuhnawmnaah hian duhtawk ila a him ber mai.
Hnam/veng/khua feeling lo vawrh phei hi chu a tihchi loh. Tum khat atana intihsiak mai an ni a, kumhlun tur ang maia lo sawngbawl hi a tul ka ti lo.
Report this comment
October 24th, 2011 at 2:08 pm
A va tha kherr em ve aw….Vanglaini lamahte pawh chhiar turin awm ve ta se….
Report this comment
October 24th, 2011 at 2:23 pm
Cable TV War kawng tam takin mipuiin kan chhawr a, thil tha pawh hi a famkim thei bik lo tih a hriat e. Sawi tur neuh neuh a ti tam ve a, a nuam viau alawm le.
Report this comment
October 24th, 2011 at 2:26 pm
Post tha tak ani. Zaithiam te hi an thlang nasa tawh lutuk a, nakinah chuan zaithiam lo te hi kan la lar zawk ang. Saw pa/ saw nu sawn album / music vedio a la siam ve miah lo nia han tih kha chu, milar nihna a la ni mai tur a sin.
Huaihawt duh an awm chuan lo huaihawt mai mai se. A en tur leh boruak ti hot tura school naupang sn sawm thin hi thil tul lo tak, naupang rilru hruai sualna, school naupang zirna lam aia huau huau lam ngaihsan tirna kawng ani. Hei hi chu tumah in ti tawh lo se ka ti
Report this comment
October 24th, 2011 at 2:44 pm
@doc_lib: a dik chiah, ka en apianga ka ngaihtuah chu Comedian Search a audience atan zirlai an hmang te hi a ni.
Tun ṭum a mi pawh St.Lawrence School emawni leh nghal an Principal ho in, ṭul lo tak a ni. Zirna danga naupang ho a ti sahâwk in thuk takin an rilru ah nilo lam zawngin a influence thei tih hriat a ?ha.
Report this comment
October 24th, 2011 at 3:12 pm
Chawimawi tlak leh chawimawi phu chu an awm teh meuh mai. Chutih karah chuan he post siam chhan nia ka hriat chu Mizo Idol/Icon sawisel tum a pehhel kual niin ka hre thung!
Harsa tak atanga hlawhtling te, harsa lemlo atanga mi hlawhtling te, intihsiakna chi hrang hrang a mi hlawhtling te, an mahni thiltih theuh a hlawhtling te chu an lawmpui awm theuh mai. Theih bik nei te chu kan chawimawi thiam a tul a, nihlawhte chu kan lawmpui bawk tur niin ka hria.
Mizo Idol a top 10 nih hi a har zekin ka ring asin. Ka zaithiam lo bawk a, tel pawh ka tel ngam miahlo mai! Tin Idol kan tih te ang hian, mipui hmaa din zahna (stage fright)awm thei te lakah te inzir nan/zah loh theih inzirnan te pawh tha deuh turah ka ngai.
Thil reng reng hi neutral rilru puin a negative leh positive zawngin han thlir ila, positive leh negative hi a intluk thuak thinin ka ring. CHutih karah chuan thil reng reng hi a lutuk chin a awm a, a lutuk leh ram leh hnam tana pawi thei te erawh chu a positive/tha zawnga inenlet nana hman thiam/tum fo hi a finthlak ka ring.
He post siamtu hian Idol tih vel tam a ti ta deuh pawh ani mahna! hairehai
Report this comment
October 24th, 2011 at 3:23 pm
Ka OT lutuk lo ang chu maw. October Ni 22 zing dar 1 leh dar 2 inkar vela maxi cab Silchar thlen hma lawka lo suamtute beilettu, thian chhan thih ngam Mizo tlamgval pahnih, Assam Regiment chhuti haw lam, Laltanpuia Tachhip khua leh Lalmuanchhunga Samlukhai khuate hi an ngaihsanawm ngawtin ka hria. Pathian awmpuina leh thlamuanna an chan zel theihna tur leh, misual kut an tawrhna hliamte a dam leh thuai theih nan pawh i tawngtaipui teh ang u khai.
Report this comment
October 24th, 2011 at 4:09 pm
Lar thut/hausak thut hi mizo te hian kan atchilh lo ngawt zawk alawm le,vai/sap ho ina an atchilh ngawih2 dan te hi. Bakah hetiang hi chu khawvel kalphung ani e,a pawimawh berah chuan keimah ni theuh kan in en angai ani mai. Chawimawi hi an tha ka ti,mahse tawk chin awm se. Reality show pawh kan sawisel thin,channel dang hi en tur a tam uchuak,en loh ngam a a chanchin hriat loh ngam te hi i zir zawk ang u hmiang sawisel sawisel lo hian. Chu zawng ai chuan tawng leh film hi ka haw tawp,haw tak ka ni. An lam dan hre tur in subtitle te dah ta zawk se a hlawkpui awm zawk ngei ang.
Report this comment
October 24th, 2011 at 4:12 pm
Lamji #26 i huat khi ka lo ngaimawh ve lutuk. “Hnamdang tawng lehlin dik silo lehnghal,” an tih kha. An tawng kan hriaa kan letling duh anih pawhin hnamdang/changkang zawkte tih angin, a hnuaiah ziakin dah ve zet zet mai hi a fuh ber. An hmuiphun a buai lova, an mahni ngei an la tawng reng a, kan hrethiam tho bawk a!
Report this comment
October 24th, 2011 at 4:23 pm
No. 25. Sipai huaisen pahnih kha passanger mipa dang ten pui mah se misual ho khan an tam hneh hrim a, an huai tehlul nen, tihchi ani vak lo. Police hian hetianga misual beih let hi an recommend lo khawp mai.
Report this comment
October 24th, 2011 at 4:38 pm
Keimah hi min ngaisang ber mai rawh u. Chuan nakinah ka in candidate anga min han vote tling anga ka eiruk kan ei tlang dial dial dawn nia.
Report this comment
October 24th, 2011 at 4:51 pm
#14 Sony,, ‘Fooballer star nupui nih te hi rin aiin a awlsam lemlo asin.’ … I ni tawh ami?
:khu tulh,bo nghal:
Report this comment
October 24th, 2011 at 5:00 pm
@sony police te chuan eng ber nge an recommend le, tiang thilah chuan ,hriat atan va tha ve aw neih zawng2 zatleh zata insem puiah lo sawm tur mi niang le.
Report this comment
October 25th, 2011 at 1:14 am
he post hi a that viau nen thil dangah in pakaisan daih a. He mi chungchangah hi chuan kei chuan media lama thawkte hian mawh an phur nasain ka hria. An duh duh min ngaihsantir vel hi chu anih ber mai hi maw.
Report this comment
October 25th, 2011 at 9:09 am
28 @Sony, Police chuan mi khawih let ve thei lo tur leh, an ngam zawngte khawih hrep kha an recomment i tihna em ni? Thian chhan thih ngam tih lai tak hi kei chuan ka recomment lai chu a ni e. Thih ngam lai tak hi a ropui ka ti a, ngaihhlut tlakah ka ngai. Chuti ang hnam huaisen chu ni reng thei ila, kan chheh vel hnam hian min nuthuri zuam lutuk fo lo ang.
Inti fing dawihzep si ho hi ka huat zawng tak an ni. Chuti ang mite chu ngam zawng lakah an sual tlangpui, an verther duh phian bawk, ngaihhlut tlakah ka ruat lo a, ka ngaisang lo mai pawh ni loin, ka ngaihnep zawng tak a ni tlat mai ka ti he he he..
Report this comment
October 25th, 2011 at 9:43 am
25.boihapa, ka lo chhiar ve a, ka rilru an dek za zak mai.(Post ka duh a, mahse Vanglaini ho pawi sawi ka hlau deuh si a) Mizo tlangval 2 te khi an huaisen ka ti tak zet. Nakum Republic day a Huaisen chawimawina an dawn loh vaih chuan, hetiang chawimawina an pek thin hi engmah lovah ka ngaih phah hial thei ang. Mipa dang awm ve te khan an lo thlir mai mai em ni? Tih ka inzawt nghal. Tiang hi ka la tawng lova, tawng ve ta ila, ka hnung zui ngam an awm chuan ka lawm hle dawn tih ka hre si. Lawi rual pawhin Sakeibaknei rual kut atangin an thiante an chhan ngam asin maw le. Hetiang mi te hi chawimawi/ngaihsan tur dik chu an ni phawt mai.
Report this comment