Ka veina a rei tawh bawk a, ziak ve phawng teh ang. Nangni pawhin in vei ve theuh ka ring. Abikin nu leh pa lam tan chuan he thil hi a veiawm tak meuh meuh a, ram leh hnam hmangaihtu tan phei chuan zanmu pawh chhing lova ngaihtuah tham a tling tawh.
National Defence Academy/ Naval Academy Examination kha class 11 ka nih lai khan ka ziak ve alawm mawle. Class 10 level Maths tih kha a ni a inti ve a, Arts la mah ila Mathematics ah chuan class 10 zirlai na na na kha chu ka thiam vek avangin ka huphurh lem lo a. Mahse kan han exam chiah chu, Class 12-a Maths la ho te pawh khan chhan ngaihna an hre lo a chha chu a ni e.
Chutah, 3rd year B.A ka zir tan a, thla hnih awrh chauh class kan la la tih chuan Combined Defence Service Examination kha ka pe leh a. Indian Military Acadamy pawh ka lo tick ve avang chuan Maths(Class 10 level) chu har ka ti leh hle mai.
Ka ngaihtuah zui ta a, kan zirlaite hi a va lo hniam dawn ve aw ka ti rum rum mai. Class 10 result kan en a, Maths ah mark 100 te an hmu a, over-all ah phei chuan mark 3/4 tein full mark an hmu lo a, a then chuan. Mahse, kan zirna class hi a lo sang lo em anih dawn hi ka ti rum rum mai.
A pawina em em chu Sipai officer lian tak tak leh India rama hna sang tak tak Mizote’n kan thawh dawn chuan heng hi subject pawimawh tak anih vek tawh avangin kan zirlaibu hi kan enfiah a tul hle mai. Chutiang lam hawi ahnekin, Mizorama kan mihlui tu emaw leh India rama mithiam lar em em pawh ni lo ho ziah kan lo zir a, keimahni buatsaih ngei anih hi tia kan chapopui khanglang avang hian kan zirna hian chhiatlam a pan mek a ni.
Hmanlai huna Central officer an chhuak zut zut kha an taihmak leh thawhrim chu thuhran ni se, a hunlai ngaihtuah khan Mizoram education kha a sang em a, Central level ah pawh Mizote kan duai ngai lo. Text book kan thlak kual vel sek a, central sorkar zem zen chu kan tlem tulh tulh thung si anih hi.
Sawrkar thar apiangin zirna kalphung, education calendar leh Text book thlak an tum thin te hi sim vat a hun. Education system ah hi chuan change hi a that viau rualin stability a pawimawh zawk a ni. Kan decision lak fuh loh avang hian zirlai tam takin an tuar phah bakah, kan Zoram hi ramtuileilovin kan chhuah thak thei tih hriat a pawimawh hle mai.
Pu Hlatekhua te hi chuan chiang lehzualin an hriatfiah thiam ngei ka beisei. Kan Zoram zirna hi a tlachhe mek a ni. Kan zirlaibu te hian rual a pawl lova, heng kan zirlaibu hman mekte hi state dang khaikhin chuan zahpuiawm tak a ni.
Engvangin nge MBSE hian hetiang thil tul lovah hian sum leh tha a sen duh. NCERT leh CBSE text book hi a rin theih loh em ni ang? Keini pawh kan zir ve lai kha chuan NCERT hi kan hmang thin a, tuna naupang zirlaibu ka keusak te hian ka rilru hi a na thin. A chhung thu aiin a behbawm leh a rawng(colours) an ngai pawimawh emaw tih tur khawpin a rang bei buai mai. Cartoon sepsel te te a chuang teuh bawk. A chhung thu lah chu a dawrawm em em lehnghal.
NCERT textbook leh MBSE textbook hi han tehkhin ve chiah mah ula, a inthlauhzia hi in hre ve ngei ang. Civil Service inbuatsaih tur pawhin NCERT atang hian bul tan angai tih thufing pakhat atang mai pawh hian NCERT textbook chungnun bikzia a langchiang hle.
Heng lehkhabute hi kan zirlaite zir atang kan it lo nge, kan zirlaite hian an zir pha lo kan ti; tribal kan nih avangin quota kan nei tho thin a, a awl deuh kan zir mai dawn nge textbook siamna project atana sum tam tham tak lo luangliam hi kan hotute hian an it zawk ni ang???
Similar Posts:
- Zirlaibu nuai 8 chuang maw?
- Maths is a religion!
- Mizorama Zirna – a bul fuh lo
- NIT zirlaite’n lungawi lohna lantir
- Sikul tha tehna kan mamawh
(Y)
January 22nd, 2012 at 9:09 am
MBSE hi chu a hniam deuh chu a ni Central te ngaihtuah chuan. Mahse zirlai nih chuan han taima phot mai sela. Taima na na na chu an thleng sang nge nge a nia. Kan thianpa poh ICAR JRF all India ah 2na a ni thei a. Vai ho chuan tluk lo ve tak an ni.
January 22nd, 2012 at 9:13 am
nia
January 22nd, 2012 at 9:34 am
NCERT leh CBSE text book hman chu a that ka ring. Maths thiam tak tak mizo ah hian awm nual ang, mahse naupang hnen a sawifiah thiam an tlem thung an ti. Good post (Y)
January 22nd, 2012 at 9:36 am
MBSE hian NCERT textbook hi ngaisang lovin han hmang duh lo kual kikawi vel eng ang mahse, India sorkar lakah chuan NCERT textbook aia tha leh rintlak dang reng reng a awm lo. A bu man a tlawm a, a page quality a sang a, reilote teah update zung zung a ni thin bawk.
Ka’n sawi belh ve mai mai. Kan nau pakhat chu Central sikula lut tluan chhuak zak a ni a, Class XII science a zawh hnuah CBSE buatsaih entrance exam ah a tel ve a, Bawngkawn sipai camp ah a rawn exam ve a. A exam na atana a in puahchana lehkhabu ka’n en sak chu e….. NCERT textbook bak ka hmu miah lo. Mak ka ti kher mai. A textbook a chhiarin a zir nasa bawk aniang, a in underlined thluah mai a. Mi te’n lehkhabu manto pui pui leh chhah tha pui pui hmangin an inbuatsaih laiin, ani chu a lehkhabu a pan lutuk. Ka beisei sang ngam lo hle. Mahse chiangkuang takin a tling a, tunah chuan BE a zo tawh.
NCERT terxtbook ngaisang miah lo MBSE hi inenfiah se la, India sorkar hian zir tlakah a pawm hmak tih hi hre rawh se.
January 22nd, 2012 at 9:45 am
ni eee
January 22nd, 2012 at 10:15 am
A va tha kher em, hemi chungchang hi ziah ka lo tum mek a, i rawn ziak hlauh chu ava tihzia em. Mahse ka vei ve em em pakhat post hranah ka la rawn ziak ve hram ang.
January 22nd, 2012 at 10:24 am
A tha khawp mai, theihtawp a au chhuahpui ve hi kan tih theih chhun chu a ni mai hrih si a.
Mizoram chhungah kan zir a, intithiam tawkin phaiah zirna sang zawk kan han bel ta a, Vai thiam tak tak nen kan in zir ho thin ta hi chu mang a ang duh thei khawp mai. Ka thianpa pa thusawi hi ka hrenreng thin, ” A root system-ah Mizoram chu a fuh lo em a ni, Eduction system reng reng hi a hmawr thuai ngawt chi a ni lo, muangchang a a bul thut atanga siam that chi a ni asin mawle”, a ti ve bai bai thin.
January 22nd, 2012 at 10:32 am
Tha dap dap ve aw (Y) ..
He’ng zawng zawng aia ka la ngaihpawimawh chu College level ah subject pakhat fail a kum khat pumhlum tawp loss a ngai hi. A awmzia hi ka hrethiamlo re re, eng thluak kaw-rawng atang nge hetiang ngaihdante hi an pawm theih. Mirethei, thingtlang atanga harsa taka kal, taima taka mahni inhlawh chunga lehkhazir, subject khat chauh avanga an kumkhat hnathawh zawng zawng a thlawn titih ang hiala kaltir hi enge a awmzia ?
Hetiang ngaihdan lochhuahna hi creativity ni lovin crazylogy a ni zawk ang. NOI
January 22nd, 2012 at 10:34 am
Ngaihtuah a ngai hle tak mai a.
January 22nd, 2012 at 10:37 am
Ka hrethiam ve chiah talo. Hmanni khan hotuten Mizoram math ah kan chak an ti deuh bawk si :-S NOI
January 22nd, 2012 at 10:42 am
Post tha tak a ni e. (Y)
Tribal kan ni a, tribal standard-in zirlai bu kan nei a, tribal quota-in competition kan hmachhawn a, kan elpuite erawh chu non-tribal, general category ami an ni a kan buai leh thin a ni ber e.
Thingtlang naupang zawng zawng huam tel an ngai bawk si. Kan ram dinhmun hian ala zir thlawt lo a ni ber e. Khawpui chu tlem chuan kan changkang a, zirlai bu changkang deuh neih pawh kan tlin ve tawh mai thei, ram pum erawhin kan la tlin lo maithei.
(thingtlang tih hi hmuhsitna tawngkam a ni lo, tunhma atanga kan lo hman dan a niin ka hria, tunlai hian hmuhsitna tawngkamah kan ngai ta lek lek mai, kan Mizo tawng pangngai reng a ni e.OT)
January 22nd, 2012 at 10:44 am
caribou@4 (Y)
January 22nd, 2012 at 10:48 am
Tha khawg mai. Mahse, kan lehkhabute an update ve zel chuan ka hria. ( Y )
January 22nd, 2012 at 11:16 am
MBSE sallybus chu a tha reng..mahse topic har deuh mahse pawimawh lai chu an omit zel…hei hi a pawi lai chu a ni…
Mizoram board hnuaiah maths thiam viau mah ila vaiho level a kai chho tur chuan class x emaw xii level a topic har mahse poimawh ho kha kan zir nawn leh vek a ngai c a…zirlaiin kan tuar a ni….
MBSE ho thiam awm ve na chu,,chung topic har chu maths teacher tam tak te pawhin an thiam lo a, zirtirtute berin an thiam miau loh chuan zirtir chu kaha a hi ringawt..
kan inang viau..class XII (Mizoram) ka zirlaiin NDA ka pe a, mathematics ah question 2 chiah ka thiam…
A hnuah CAT ka in prepare leh a, Class X ka zirlaia MBSE in sallybus a omit a tih zawng zawng kha kan zir nawn leh vek mai a…mahse ka duh seat chu ka hmu ta chuang lem hlei lo a….
January 22nd, 2012 at 11:25 am
kan sawi ve mai mai ang e…lungte pawh a leng thar alawm mawle…class 12 ka zawh khan NDA/NA khi ka pe ve a….vanneihthlak takin ka first choice, NA-ah chuan ka tling ve hlauh mai..mahse., interview tura ka kalna tur flight min cancel-sak avangin ka chhunzawm ta lo..ka sawi duh zawk tak chu…kan level chu a hniam zawk zawk bik lo…theih tawpa zir chuan vaiho (CBSE chhuak) ai pawhin a tih that theih e..
January 22nd, 2012 at 11:27 am
He thil hi keipawh ka veina a rei tawh khawp mai..tunlai ah chuan matric leh Xii level ah pawh naupang an thiam tawh a, ful mark dawn dawn an hmu reng a,
Chuvangin Zirlai ten Vaiho kan elpui ve theihna tur chuan Zirlaibu kan neih that a tul a…
Zirlai thiam chungchuang ho in a an zirthiam a, vaiho nena an in compete phak ngei theihna tur zirlaibu tha nei ila, thingtlang lam ho tan lah a harsa an omit pawha an pass ve theih tho na turin question hi set thiam leh mai ni zawk se…
TIn, Mizoram a zirtirtu ten mark an pek dan pawh hi ka ngaihmawhna a rei tawh ngawt mai..Math tih loh ah a bu a mi ang thlap a kan chhan a, sawiselna tur an hriat loh hian mark 4 out of 5 te min han pe a, Kan thiam chian em em ah pawh 80% kan hmu nghal ngawt.. kan lo thiam chiang vek si lo va,,mark hmuh hnem a har em mai…
Chutih laiin CBSE hnuaiah chuan English leh Mizo subject ah te pawh letter mark an hmu thup zel mai c a….Mizoram a MBSE leh Zirtirtu te hi chuan an mark pek dan an inenlet a tha ngawt mai..
College luhna tha lah XII mark hmang vek a ni bawk si…
January 22nd, 2012 at 11:30 am
English leh Mizo subject-ah hi chuan ka hmai a uang lo khawp mai..
January 22nd, 2012 at 11:39 am
“Zoram zirna tluchhe mek” tih chin ringawt pawh hi debate theih tak ani. Aizawl nu leh pa engemaw zat chuan zirna hi a tha tawk, zi han ti tlat a! An fate state dangah emaw, foreign ramah emaw an dah daih pawh ani mahna.
Hetia syllabus thlah sek leh math teacher te quality tha tawk chu thu dang, primary school teacher tura political appointment tam lutuk te, MBSE siam tute’n sorkar school ah an fate an dah loh vangin a ‘care’ lo, tih te, zirtirtu ai kal, leh aikal takngial pawh kal ngai reng reng lohna school a tam lutuk.
Tichuan heti zawng hian kal ta ila:
Sorkar hian school hi run tum lo law law sela, private school hi sum in tanpui bawk lo sela. Mahse naupang school fee tum sak deuh vek sela (a vai vai lovin). Private school te pawh sum pe lovin, interest free loan leh ram pawh thlawn deuhthaw in pe sela. Tichuan kar lovah school tha tak tak nei, sorkar in sum tam tak save bawk siin kan awm mai dawn ani. Politican tan erawh chuan duhsak zawng hna inpek a theih bau lovang. Chung school chuan an duh danin MBSE, CBSE, IB leh syllabus/curriculum an duh ang ang zirtir sela, school kal hun, chawlh hun pawh an thu thu in. Tute nge competition ngam a hriat bakah naupang tan pawh thlan tur (choice)a tam pah viau ang.
Medical lamah pawh chutiang bawkin. Mipuite medical insurance premium tum sak thung sela. Chu pawh chu vai vai lovin.
January 22nd, 2012 at 11:42 am
Tunah pawh Education Department chuan Zirtirtu za chuang a la thar leh ta a, heng zirtirtu an lak thar te hi an chhiat vaih chuan zirlai tan a pawi anga, mizoram education system in a chhiatpui ngawt ang….Education system a a kung pawimawh chu Zirtirtu te hi an ni si a…
January 22nd, 2012 at 11:52 am
Hmanah chuan, hmanah chuan
Vailal nupuiah ka awm a
Tunah chuan, tunah chuan
Ka pu saza-a nau ka awi e
Ka ti ir iak, ir iak e
January 22nd, 2012 at 11:53 am
English hi ka thiam vak lo..ka graduate hnu in saptawng hi ka zir tan chiah ka ti thin..ka inngaihtuah let a, high sikul hi sawrkar sikulah ka kal chhuak a, Ka han ngaihtuah let leh hian Class VIII – X ka zir chhung khan kan english teacher khan english min lo zirtir reng reng lo a, english note min byheart tir mai mai a lo ni tih hi tun hnuah hian ka hre chhuak….
Kan english teacher note min pek ang thlap thlap a ka chhan thin avangin term exam ah chuan above 80% kha english ah ka hmu ziah a, board kan han exam chiah mai chu..uluk lutuk in ka chhan dan ngai te in kan chhang leh mai a..48 ka hmu..tun thleng in ka thin a la rim…ka theih ang tawk chuan khatih lai khan ka zir ve a sin ma le
ka experiance ka rawn sawi na chhan chu zirtirtute pawimawhna rawn tarlan ka tum vang mai a ni e..
January 22nd, 2012 at 11:58 am
@hehe, in zirtirtu pa in a lo hmu ru reng che ang ah, i comment hi..hahaha. In inmelhtai hlei thei tawh lo ang e
January 22nd, 2012 at 11:59 am
High School pakhat a zirtirtu an lak thar ka hriat chu an Headmaster in SS zirtir tur in a ti a. Ani chuan a thiamlo ani awm e. Party thiltihtheihna leh induhsakna atanga zirtirtu kan lak chhung chuan kan ram zirna hian hma a sawn lo khawp ang le.
January 22nd, 2012 at 12:00 pm
Ka vei zawng tak pakhat a ni tlat…Post tha e…
Ni e…Zoram hi kan in ngaihtuah a va han tul tak em. Zirtir tu te pawh hian zirlai ngawr ngawr bak ah CBSE lehkha bu te hi rawn tel ila, chu mai piah lamah chuan Syllabus bak te pawh hi zir tir thei ila a va han tha dawn tak em.
Central School ah zirtir tu in ka awm tawh a, High School leh etc etc ka zirlai a kan zir thin te kha tunah chuan Class VI ah te an zir tawh a, class VIII a Computer kan zir thin “Basic” te kha tunah chuan Class III atang in an tan tawh a, a in thlau rem rem hle mai….
kan unau mizoram class XI leh XII zirlai bu te ka bih ve thin a, hetiang lai a kan zirtir thin nen chuan khai khin tlak pawh a tling lo.
pakhat ah chuan Competition kan nei lo lutuk hi zoram hian kan tuar dawn mawlh in ka hria…..
Tlang mi thluak hi a chak that viau nen, kan thluak hi kan hmang peih lo tel bawk si…
Zirlai bu that lo, Syllabus mumal lo, lehkha zir thatchhiat a in fawmkim vek in kei chuan ka hria….
January 22nd, 2012 at 12:02 pm
post thra tak a ni ,zirna cc post siam ka tum mek ka la puitlin hmanlova..
#3 te (Y)
zirtirtu anlakthar leh dawn chuan zirtirna a tui leh inpezo mahni inzirbelh peihmi la theihram se,tin, zirtir thra peihlo leh sorkar guidelines thra duan sa(eg CCE etc) te zawmthra peihlo hi ban tawptawp se, nu leh pa in complaint theihse complaint tawk te hi warning pe se warning chuti zat hmu chu ban tur tih DAN te hi awmse.. 😀
January 22nd, 2012 at 12:03 pm
a tar tawh lutuk…a hmu awm lo em mai…he he…
‘around the world in 80 days’ kha min zirtir a, english kha a intithiam, inti lam no thin bawk si a….ka la hriat reng chu khami bu ah khan bordeaux tih kha a awm a….bor de aux…. tiin no tawk in a rawn lam tralh tralh a..chutih lai chuan a lam dan dik ka hria phei chu a ni law….he he
January 22nd, 2012 at 12:10 pm
@sangpuiipa, chutiang te chu thilmak vak a ni hleinem. Hindi Teacher tur an lak teuh te kha an tam lutuk leh si avangin High School ah an dah teuh. Chutih laiin Class 8 lah middle ah an sawn thla leh daih a, 9 leh 10 in hindi zir ve hek lo, LDC atan te, mizo subject zirtirtu atan te, a thiam deuh te chu zirtirtu senior thawk tha peih lo ho chhawktu atan te an hmang kual mai mai. Chung ho tan chuan SS subject chu lo thiamlo pawh ni se mak ka ti lem love
January 22nd, 2012 at 12:12 pm
@26, Passepartuuuuuuta te ho kha maw? Hahaha, an hming kha lam a har ve em bawk a ni
January 22nd, 2012 at 12:14 pm
he he…nia…..
January 22nd, 2012 at 12:17 pm
Ngaihtuah ti thui tak paws a nih hi, mahse ka ngaihdan ve pakhatah chuan MAHNI hi kan pawimawh hmasa ber, heng MBSE zirlaibu hmang hian vai ho tluk loh kan ni thei tih hi ka chiang ve khawp mai 😉
@14 hehe sawi ang khian topic pawimawh kan omit fo hi chu a fuh lo ka tiin ka lo vei ve qhin khawp mai :-O
January 22nd, 2012 at 12:22 pm
@Cyberthug, ani ngawt mai tiraw. Mak ka tih zawk tak chu High School zirlai te chu harsa vak a awm pawhin ka hre silo a. Science leh Mathematics tihloh te chu an Qualification han ngaihtuah in thiam ve mai tur ah ka lo ngai deuh a.
January 22nd, 2012 at 12:24 pm
Tin, zirtirtu an pawimawh khawp… in byeheart tir ringawt kha chuan kawng thui min lo hruai lem lo 😛
January 22nd, 2012 at 12:24 pm
Sawi zel teh u, a ngaihnawm tlat!
January 22nd, 2012 at 12:36 pm
Pu Chema hi ka thian hnai tak a ni bawka thuziak thenkhat valid tawk lo leh subjective lutuk anga ka ngaih ka lo thur chhuak teh ang:
1. He tian i lo ziak a-‘ Mathematics ah chuan class 10 zirlai na na na kha chu ka thiam vek avangin ka huphurh lem lo a. Mahse kan han exam chiah chu, Class 12-a Maths la ho te pawh khan chhan ngaihna an hre lo a chha chu a ni e’ tiin. Hei hi ngun taka enin a i thutlukn siam hi a valid lo ka ti. Maths class X sylabus hi a tha thawkhat viau a. Class X thiam chuan a hnuai lam pawh i thiam ka ring. Mahse pawimawh ber pakhat exam dawn hian i inbautsaih em tih lam pang hi a ni.
Class X hi hnehsawh ka inti ve hle a. Thiam ka intih rual hian enlawk hmasa lo chuan ka zirtir ngai lo. Tihsual palh a awl.
Tin, Class XII lamain an chhang thei biklo tih pawh hi subjective lutuk a ni. A chhan chu Class XII lam atanga exam tute hi tu te nge an nih a hriat loh. Maths lama ti tha thinin exam se chuan an chhang thei hrim hrim ang. Class XII pawh hi kum 3 chuang ka zirtir tawh a; mahse zir tha duh lo pass ringawt tum mizo kan tam em tih hi ka chiang. Maths problem thiam anga awm mahse Physics leh Chemistry lamah a pangngai ang chiaha awm mahse chawk leh thei si lo hi an nih dan a ni fur hlawm. Chuvangin i thutlukna hi a fuh lo deuh ka ti. 😉
2) Zirlai bu lam i puh vak a hei pawh hi ngaihtuah chian ngai tak a ni. NCERT lehkhabu leh kan lehkhabu hman lai hi a danglam vak lo hle. Tin, engemaw ti hunlai phei chuan CBSE sylabus chiah chiah a ni kan zir. National Curriculum Frame Work ah chuan naupangte hriatthiam theih dan ber turin zirlaibu leh presentation pek tur, hnawk nuai emaw milem lang fiah lo lutukte hman tlem tur ti zawngin a ziak kual kawi nuai a ni. Chumi ka sawi tumna chu kan zirlaibu hman hi kan tlak chhiatna chhan a ni lo tih hi a ni.
Kan tlakchhiatna chhan nia ka hriat pakhat chu ZIRTIRTUTE hi a ni. Puh awm an ni ber a ka puh ta bawk. Zirtirtu la thintu kan hotute pawh a puh theih bawk ang chu. Zirtirtu tha kei hian ka tawng teuh a, vannei ka inti hle. Mahse zirtirtu tha tawng lo mizo naupang hi ka hmu nasa em em. Hlawh duh vang chuaha hnathawk an tam. An taima tawk lo. CCE pawh hi a hlawhchham ang tih a hlauhawm hle. CCE impliment chu sawiloh training naa an zir pawh sawi thei lo zirtirtu kan tam em mai!
Tin, a dawt lehah chuan exam kan inteh dan hi a fuh lo. Vawng tam tam emaw maths lamah pawh chawk vawng tam tam mark hmu tha thei turin question kan set tlat thin a. Hei hi tih danglam a ngai. Question set taima lo zirtirtu vang bawk a ni thei ang. Hre thiam a ni tih lanna tur ang chi question hi awm tam sela a tha ang.
NCF ah pawh hian question set dan tur an lo siam dap a. Question chu hlawm pathumin an then a- Understanding, knowlegde leh application ang zawngin. Mahse MBSE leh zirna ina kan exmna questionah chuan a bu ami hi an lo copy leh ngawt zel. Hei hian vawn lamah tan min lak tir a ni. Vawn loh tur chu ka ti miah lova mahse vawn baka chhannna hi a awm a ngai a ni. Sikul ka kal ve lai pawh khan zirtirtu note siam loh danah ka chhan chuan mark min cut sak duai zel khangte kha thil tha lo tak a ni. Note inpek lamte pawh hi kan hlamchhiah tulh tulh a ngai.
Thian leh thian ngam tlakah thlirna tlang dang atangin i thuken ka lo pawtsawi dawrh mai. I thuziak ti puisuih tu a nih ka beisei. 😉
January 22nd, 2012 at 12:43 pm
comment chu van tha dap dap ve
January 22nd, 2012 at 12:56 pm
Ignatia #34 sawi khi ka ring nghal mai ang e 🙂
January 22nd, 2012 at 12:59 pm
#24 chuan a ziak tha mange IGNATIA nge2 🙂 a rawn dah ZERO hle mai a 😉
January 22nd, 2012 at 1:12 pm
Kan ram zirna chung chang post a ni bawk a, kan sawi ve a nge.
Kan zirna tlak hniam chhan hi zirtirtute’n mawh anphur nasa ber. Textbook te chu thlak fo tura duan a ni a, update ngai reng a nih avangin duhaiin kan update theilo mah mah zawk.
Central school chuak hi ka lo thawhpui ve tawh a, Pu Kaptiala Primary Sikul chhuak aia thiam lo te anni ve tho.
Zirna siamtha tura ka ngaihpawimawh thin chu, mithiam / educated kan tih te hip lut thei khawpin zirtirtute dinhmun siam tha i la, an pay ah ringawt nilo a, an kaisan dan tur te ruahman sak se la, a that ka ring.
Tunah hi chuan teacher senior pui pui, in update peih lo, kaisanna tur awm chuang silo, kan thu kun lup niberin ka hria
January 22nd, 2012 at 1:21 pm
Paws tha tak a ni. National level a compete tur chuan syllabi tha a pawimawh rual in qualified zirtirtu te leh zirtirna kalpui Dan te a pawimawh leh zual a ni.
January 22nd, 2012 at 1:22 pm
34@ Ignatia (33-115 AD), comment ka super like e. I comment ka hmu hman lo, lo hmu ila chuan ka ring nghal ang.
January 22nd, 2012 at 1:24 pm
Ka tum loh lama ka chhiar chu..
Keichu a zirlaibu ai chuan Teaching system, note leh by heart system hi a pawi ka ti..
St.Pauls te hi enga tinge kan Ram a zirna tha ber annih?
1.A thiam thei hlir anla em ni?
Ans: nilo, test an buatsaih a, a tling an lut
2.Zirtirtu an thiam em ni?
Ans: Thiam biklo, mahse school teacher dang ai chuan an hah lawr lak
3. Enga tinge?
Ans: zirlai te note an pe ngai lemlo in zir lo theilo in an siam.
Bakah COMPETITIVE SPIRIT ZIRLAI TE ZINGAH A AWM.
Hei hi a pawimawh, ri luih2 leh activities tam society ah hian competitive minded student an tlem tial2.
January 22nd, 2012 at 2:06 pm
A va dik tak em! Kan education system hi chu siam that deuh chua ngai ani. Awlsam taka kan pass theih na hian nakinah competitive exam ah min la thingthla leh tho ngei ang
January 22nd, 2012 at 2:27 pm
Ignatia, a dik reng mai tiraw? Sawi vek dawn chuan post a sei dawn lutuk a ka ziak duh ta vek lo anih kha. Arts ka lak hnu pawh hian high school naupang ho khan Maths chu Science la ho zirtir ai chuan ka zirtir kha an thlang thin. Tin, Class 10 Maths text book 3 kan hman kha hneh takin vawi 15 vel chu ka chawk chhuak vek a, ka thiam ve tho chuan ka ngai mai. 😉
Tin, Class 11 Maths pawh pass thei chuan class 12 maths pawh chu a hnehsawk tawkin ka lo ring ve ringawt mai a. Class 10 leh 11 maths inthlauhzia chu i hrechiang zawk awm e. Class 11 pawh a pass theih chuan Class 10 level maths chu hnehsawh hle turah ka ngai mai.
Kan zirlaibu hian han zir phawt mai sela, a zirtir thiam lo tur zirtirtu chu awtawmatik-in kan nek chhuak mai turah ka ngai thla ve ngawt. 🙂
January 22nd, 2012 at 2:41 pm
ka support e,kan education system leh standard hi a hniam lutuk.
January 22nd, 2012 at 2:55 pm
math leh science hi mizotawng ngei a zirtir nise a tha ang. language hi english, hindi bakah a dangte lak theih se..french, mandarin etc..
January 22nd, 2012 at 2:56 pm
Ka OT mai daw aw? In thurawn ka mamawh si a, zirna chung chang tho anih avangin inthlahrung takin ka inthlahrung lo lui ta mai.
Kan nau hi tunah Class X exam tur a ni a. Stephen Hawking lehkhabu ziah te tui takin a chhiar thin. Science subj a tui em em a, a bikin physics, Maths a interest hle bawk. SS lam chu a interest lo a tawp a, class XI ah chuan Sc lak tir ka tum a, Mahse XII zawhah hian khawi kawng nge ka zawh tir ang? MBBS lam chu kal chi a ni lo thung. Thu min han rawn teh u
January 22nd, 2012 at 3:08 pm
@Rumtea, zirna ah hian eng kawng pawh hi a tha vek a, a pawimawh ber chu in nau khan eng kawng nge a zawh duh tih kha a ni. Class-X zir tawh chin chuan tum mumal a nei tawh ang ka ring. Anmahni tuina hi a pawimawhzia kan sawibelh mai mai ang a. Kan thian hnaivai tak, an fapa kha Doctor ni se an duh lutuk a, amah tuina lam an ngaihtuahna ah a lut lo, a ni naupang thuawih ta chu MBBS chu a nu leh pa thuawih in a zir a, kum 2 a ti lui peih hram.
January 22nd, 2012 at 3:18 pm
Rumte, pawngpaw suggest a har khawp mai. Basic science ho hi a tha tho a, mahse scope a tlem em em zirtir tu a tawp ani deuh mai a. Sawrkar hna chauh a tawp tur ang zirna ang hi tha ka ti ta miah lo.
Btech lam, computer lam thiam hi india mai ni lo ram changkang zawkah te kal a awm hmel viau. IIT ah emaw luh tum se a tha ang chu.
Asteric a te hian an hria ang chu.. 🙂
January 22nd, 2012 at 3:23 pm
NCERT lehkhabu hi chu hmang ila a tha khawpmai, keipawh hian tun thleng hian 10, 11, 12 ho hi ka peih chang changin ka la chhiar thin. 🙂
January 22nd, 2012 at 3:25 pm
A tla chhia pawh nilovin a kal awn alawm. lolz 😛
January 22nd, 2012 at 3:41 pm
47@ sheldon, 48@ lrpa, dik khawp mai. Kan nau hi, science leh maths a tui em em a, TV a en chuan science channel a ni mai. Universe lam phei chu a en reng peih. Zir chhoh ngawr2 chu in sawi ang khian tha ka ti lo. Proffesional line chu a rang lamin zawhse ka ti. Tin, naupang hi an subj tui zawng en a, an line thlan sak a ngai a ka hriat vang a ni e. An interest subj ah hian eng prof. Line nge awm an hrelo a, keimah tiamin. In thurawn ka ngaichang e.
January 22nd, 2012 at 3:52 pm
Funny, hei Rumtea hi han suggest sak teh..IIT JEE angte kha, ka hre ve vak lo ania..
January 22nd, 2012 at 4:01 pm
34.Ignatia (33-115 AD) hian a rawn khak tha fu chuan ka hria.
“Kan tlak chhiat chhan” rawn ti lovin, Funny-a sawi ang hian, “Kan kal awn chhan” rawn ti nghe nghe bawk se.
January 22nd, 2012 at 4:20 pm
Rumtea: In nau chu kan pawl a lo tel chi anih chu. hehe
A peih chuan IIT JEE tun atangin in buatsaih tir rawh. A lut leh lo anih pawhin nakinah a inchhir lovang. Science pangngai a kal leh dawn pawhin BTech zawha in leh leh hian kum 1 an hlep thei, MSc tih chhung kum 5 aiah Btech kum 4 zawh ah research an tih zawm thei.
Tunah chuan IIT an hawng thar nual tawh bawka tlin a awlsam tawh(Tunah hian 15 niin ka hria IIT awm) rank a 1000+ vel pawhin IIT Gauhati an la chang thei, Engineer pangngai ni chiahlo, BTech in physics tihvel te course a awm bawka physics vela kal zawm duh pawhin kum 1 hlep na short cut tha lutuk ani.
Bakah IIT-JEE exam atana inbuatsaihna ang hi science ah chuan eng entrance ah pawh a tangkai vek BSc zawh thleng pawhin. Chuan KVPY te exam tir bawk la IIT-JEE nen question pattern a in ang reng. National physics/mathematics Olympiad tehi heng exam na atana in tuai hriamna tha tak an ni bawk, henga ti tha reng reng hi IIT-JEE ah pawh an rank a sang vah zel, zir dan a in an avangin.
Ka ngaihdan mai mai chuan, board exam a tih that hluai aiin first a pass tur tawk a zir a heng exam ho atana inbuatsaih daih hi a tha berin ka hria. Henga ka thiante pawh hian chutiang chuan an ti tlangpui. Mizoram atang pheichuan post sawi ang khian kan zir dan tehi a fuh chiahloh avangin future ngaih pawimawh zawk thiam a tha khawpin ka hria. Mizoram board syllabus chauh kha zir lo sela a tui phawt chuan a future entrance atana pawimawh tur hi zir tel teuh sela a tha berin ka ring, ka ngaihdan chuan. Junior Science Refresher tih angreng magazine ho hi keipawh khan ka lei thina chung tepawh chu zir tel ve thin sela a future a bright zawk ang, board exam tur atan ringawt a zir tluk tluk aiin. hehe
Ka ngaihdan anih teh duah hi, midang ngaihdan nen a in millo maithei.
January 22nd, 2012 at 4:34 pm
KVPY through hian IISER ah kum 4 course Integrated MSc a zir theiha scholarship (an ti pung tawh anih loh chuan) 5000/- per month an dawng bawka. General a kal a BSc kum 3 + MSc kum 2 kal ai chuan kum 1 an hlep ta tho tho anih chu. Tin hetiang inbuatsaih nana kum 1 tawp chawlh tehi a pawi miahlo it’s worth it.
January 22nd, 2012 at 5:02 pm
@54 and 55 funny™, lawm awm e. KVPY hi khawnge centre hnai ber ang. XI ah exam a pek theih tiraw. Astrophysics kan awn deuh a, bachelor degree ka hmu mai lo a, M.sc, Phd tih a ni fur mai. KVPY In buatsaih nan junior sc refresher chu subscribe nghal ang. In buatsaihna tur dang tha la sawi teh.
January 22nd, 2012 at 5:17 pm
Rumtea hei an website ah hian a awm alawm. Sample question hlui pawh a awm nghal hi. A zir peih dawn chuan materials kalo zawn khawm sak ange i email ah a soft copy in kalo thawn thin dawnnia. Min zawh duh a neih pawhin min zawt hrehlo sela ka thiamloh pawhin thiante kalo zawt ve leh chhawng thin dawnnia. hehe
http://www.kvpy.org.in/main/
Olympiad lehkhabu hi IIT-JEE aiin tlemin a tough deuha mahse olympiad zir chuan IIT-JEE chu a harloh phah anti thin. Nakinah zir chho sela a line tur chu aman ala thlang thiam mai ang, academic ah pawh line hot deuh leh funding tha deuh tur tehi ngaihtuah angai ve a. Nano science lam tehi tunlai chu a hot in sum a tam. hehe
January 22nd, 2012 at 5:27 pm
funny, rumtea25@yahoo.com. Mamawh ka neih chuan ka la rawn pawt buai viau maithei che a ni. Lawm awm e.
January 22nd, 2012 at 5:31 pm
Kan thiam lo, kan zirtirtu an tha tawk lo, kan zirlaibu a tha tawk lo… tih fo mai hi a dik ber pawhin ka hre lo. Hnamdang angin theihpatawp (aia tlem hret pawh?) kan chhuah chuan kan pangai ve khawp asin. Mahse lehkha han zir tak tak dawn hian keini chu distraction leh neuh neuh hi kan ngah deh hlek thin a.
All-India level exams ah pawh hian ti tha fe fe chu an awm ve tho a nia, kan zingah!! Entirnan, kan admin pakhat pawh India ram zau pumpui a entrance test sang tak pakhatah ST rank 1 a hmu tawh
January 22nd, 2012 at 5:32 pm
Okhay naupang zir peih deuh hi chu puih theihna ka neih chuan ka puih chak zawng tak tuition ka pek ve pawhin an zir peih viau chuan a man ka la lo thin a then chu.
January 22nd, 2012 at 8:06 pm
Ka tlawh loh chhungin Chemtatrawta’n post pawimawh a lo vawrh chhuak leh a nih hi! A sawi ang hian kei tehlul chuan ka hre chiang lo nasa mai. Ka hriat loh thil a ziak teuh zawk. Ka fapa pakhat hian military service lam hi a rilruk deuh a, mahse an maths chu a har hmel riau, ka huphurhpui ta sawt mai.
MBSE ka hriat ve dan chuan zirlai standard siama textbook ngaihtuahtute hian anmahni lehkhabu ziak textbook atana hmantir an ching khawp. A then chu a tha tho, mahse tha tawk lo a awm phah fo niin ka hria. Mahni aia midang thiam zawka dah duh lo an nih deuh fur thin vang a ni pakhat.
Kan standard tisanga han thlak danglam hi thil tha leh duhawm a nih laiin ngaihtuah tel ngai a awm teuh a. Entir nan, maths-ah te ngat chuan tuna an standard zirtir thei zirtirtu an indaih lo nasa a, a aia sang phei chu tlin lo an tam viau ang. Zirtirtuin tlin lo, zirlai pawhin tlin bawk lo an awm teuh thei. Chuvangin state puma thlak danglam kher lo hian CBSE leh ICSE hmanna sikul, zirlai thiam thei deuh leh tum nei sa te’n an pan theih hi nei nual ila a remchang zawk mai thei.
Posttupa, pawl 10 maths i thiam vek mai chu i ngaihsanawm ka ti thlawt (kei chuan ka thiam vek lo).
January 22nd, 2012 at 8:53 pm
School a ka thawh ve chhung rei lo tê khan mak angreng chu class-ah theihtawpin kan han zirtir a (a changin Mizo tawngin), note-te pein test/exam-te kan han neihpui a, tha takin an rawn chhâng a. Mizo tawngin han sawi teh ti ila sawi ngaihna an hre ngai lo! By-heart ringawt loh tur tih a ngai fo. Note ang lo deuhin nangmahni own word-in chhân thiam tum rawh u ka ti fo thin. Own word-a chhâng tam tak chuan phuahchawp lutukin common sense tel map lovin an la chhâng zui a! Subject/Topic basic-ah bawk lêtpui an ngai fo. Kan zirtir thiam tawk lo pawh a ni mahna.
Professional line hi a that rualin tuina kawng a inang lova han innawr chiam pawh a theih loh, tin a nawlpuiin sorkar hna pangngai thawh kan la duh ber fo. Chumi thawh theihna kawng chu competitive exam beih a ni. State chhungah hnain min daih si lo, central civil service lam kan awn lo thei lo. Mahse hetiang exama kan mutân chu maths bawk hi a ni leh thin a. Tunlai chhanah phei chuan maths a titha lêm lo tan central service ang chi chu kawng a ping angreng viau tawh. Tuition/Coaching kalna pawh thlan uluk a pawimawh khawp mai, zirtir thiam bik an awm tlat avangin.