Archive for February, 2012

84th Annual Academy Award sem a ni ta!

Monday, February 27th, 2012

Academt Award vawi 84-na chu sem zawh a ni ta a. A pumpuiah film dang tluk rual lohvin ‘Hugo’ leh ‘The Artist’ chuan chuan award hui hnem berin award 5 ngawt an hui.

Best Picture
* The Artist
* The Descendants
* Extremely Loud & Incredibly Close
* The Help
* Hugo
* Midnight in Paris
* Moneyball
* The Tree of Life
* War Horse

Actor In a Leading Role
* Demián Bichir in ‘A Better Life’
* George Clooney in ‘The Descendants’
* Jean Dujardin in ‘The Artist’
* Gary Oldman in ‘Tinker Tailor Soldier Spy’
* Brad Pitt in ‘Moneyball’

Actress In a Leading Role
* Glenn Close in ‘Albert Nobbs’
* Viola Davis in ‘The Help’
* Rooney Mara in ‘The Girl with the Dragon Tattoo’
* Meryl Streep in ‘The Iron Lady’
* Michelle Williams in ‘My Week With Marilyn’

Actor In a Supporting Role
* Kenneth Branagh in ‘My Week With Marilyn’
* Jonah Hill in ‘Moneyball’
* Nick Nolte in ‘Warrior’
* Christopher Plummer in ‘Beginners’
* Max von Sydow in ‘Extremely Loud & Incredibly Close’

(more…)

Posted in News | 21 Comments »

Rawtna Tlêm

Monday, February 27th, 2012

Rawtna fing han phuh chhuak tûr khawp chuan ka tlâk loh tih inhre reng mah ila, hmasâwnna tlêm azâwng a thlen theih tâkin tih thuah ka rawn târlang ve a ni. He site chungchang kan sawi hian ka thian pakhat chuan “Kei chu ka lût peih lo, a site hrim hrim hi a nuam lo êm mai” a ti a. A tihchhan chu ka hre chuang law, han active tak tak tâkah chuan duhthusam lo lai a awm ve zeuh zeuh a. A site hrim hrim hi a load a muang deuh ‘emaw ni le’ te ka tia.

1. Comments: Comments pêk chungchangah hian hei aia loading rei lo zâwk hian tih theih dân awm se a duhawm ngawt mai. Ka net that loh vâng nge chu ka hre law, nghah deuh hlek a ngai ziah hi a ninawm ve têp. Fb lama comments a rang ang hian tih theih dân a awm em le?

2. Like: Comments leh posts-te hi like ve theih ni ta se a nuam lehzual ngawtin ka ring.

3. Published: Vawi 3 lai draft-a ka save a lo in-post tawh a (eng emaw tihsual vangin ‘submit for review’ ka lo click palh nge chu ka hre lo). A pawina êm êm chu awm lo mah se, rin loh tak maia a lo in-post chuan a hrilhhai thlâk letling hial. Draft-a save hi submit loh pawhin administrators-te hian an lo publish thei tihna em ni?

4. Chat: Chat hi awm thei ta se, a nuam lehzual ngawtin ka ring.

In sawi ve hun…

Posted in Advice, Ask | Help | Suggest, Internet | 57 Comments »

Lawmthu sawina

Monday, February 27th, 2012

A hmasain –
Ni 25/2/2012 (Inrinni zing dar 2 vel) – a Aizawl Bazar-pui kangah kan tel ve thu (kan chhiattawhna) hriaa phone call/ message/ facebook leh email hmanga tawrhpuina thu min thawntu zawng zawng – mi(sual) fel tak takte chungah thinlung takin lawmthu ka sawi mawlh mawlh e.

A kan chhan –
Kang tuar zawng zawngte ngei pawhin vawiin thlengin a kan chhan kan hre lo! A hmun nghaktu – kan chowkidar-te nupa pawhin an hre hek lo. Anni nupa phei chu “Zing dar 3-ah rawn thlen kan tum a nia, lo tho hma rawh u” tia kan nuin a chah avangin dar 2 : 15 am (?)-ah alarm an kam a, chumi alarm avanga harh chauh zawk an ni awm e. Kan harh meuh chuan dawr vel chu thelh rual lovin a lo alh hluah hluah tawh… an ti. Chuti ni suh se, nupaa kan hlum mai pawh hlauhawm tê a ni.
(more…)

Posted in Luangliam | 54 Comments »

Pu Khuma Thlahrang – 2

Monday, February 27th, 2012

(Lawks: ‘Pu Khuma Thlahrang’ tih kha ka post tawh a, a thui viau bakah thlahrang post lawm vak lo kha kan tam riau a, ka post inthlahrung viau tawh mai; Mahse ‘two’ hi post ve leh hrim hrim ang.)

Mahni ruang ngei, kuang chhunga mu zan mai han hmuh chu thil nuam a ni hlek lo ang; A rapthlak tih tawngkam te pawh hi hmang ta hial ila thil awmlo lutuk a ni awm lo e. Chuvang a nia Pu Khuma, he leia a awm lai pawha thlarau khawvel nena inlaichin reng mai leh a dam lai pawha mitthi thlarau nena in hnimhnai awl lo pawhin menah a thlak theih miah loh.

Mi pangngai tana ngaihzama ngawihpui mai mai chi loh tur kha thil tam tak a lo tawngin a lo tawk a; Mahse a thian tha, ka pu te takngial pawh a lo hrilh ngai miahlo. Amahin a lo sepui ruah tuar tlawk tlawk mai chu a nia- ama ruang ngei a hmuh hma kha chuan! (more…)

Posted in Adventure, Fiction | 38 Comments »

How creative…Our God is…

Sunday, February 26th, 2012

I thil siam mawi tak tak te hian I ropui zia an lantir e Lal Isu…Fak lo thei che ka ni lo Lalpa.

Sava anga van sanga thlawh ve theih hi ka chak á¹­hin..

(more…)

Posted in Nature, Pictures | 84 Comments »

Oscars 2012: Best Picture Nominees

Sunday, February 26th, 2012

Zanin hi a nia, Best Picture nominees te hi lo en mai mai ang u:

Hugo
Graham King and Martin Scorcese, Producers.

Midnight in Paris
Letty Aronson and Stephen Tenenbaum, Producers.

Moneyball
Michael De Luca, Rachael Horovitz and Brad Pitt, Producers.

The Artist
Thomas Langmann, Producer.

The Tree of Life
Sarah Green, Bill Pohlad, Dede Gardner and Grant Hill, Producers.

War Horse
Steven Spielberg and Kathleen Kennedy, Producers.

The Descendants
Jim Burke, Alexander Payne and Jim Taylor, Producers.

Extremely Loud & Incredibly Close
Scott Rudin, Producer.

The Help
Brunson Green, Chris Columbus and Michael Barnathan, Producers.

Source: here and here

Posted in Movies and Videos | 27 Comments »

Inkhawmnaa Hmeichhe Thusawi Hi Phal a Ni Lo

Sunday, February 26th, 2012

I Korinth 14:34 “Women should remain silent in the churches, they are not allowed to speak, but must be in submission as the Law says.”(NIV)

“Kohhran inkhawmnaah chuan hmeichhia chu ngawi rengin awm rawh se, anni zawng an thusawi phal ani silo, Dan lehkhabuin a sawi ang bawk khan thuzawmin awm zawk rawh se”.

Inkhawmnaa hmeiche thusawi ve thin te hi kan Bible hian a khap tlat a nih hi maw le! Nimahsela hmeichhe thusawi thin Upa/rawngbawltu hi an awm ve nual bawk si a, Bible thu kalh hian kohhran hote hi kan kal a ni thei mai lo maw?? A chunga Bible chang tarlan ah khian chiang takin a sawi a ni. Hei hi hrilhfiah na lamah chuan tiin sawi mam theih deuh mai chu a ni a, Bible chang dang en leh ta ila –

I Korinth 11:5 ” Amaherawhchu hmeichhia lukhum khum lova tawngtai emaw, thuhril emaw apiangin an lu an ti mualpho ani, ziahkawn nen thuhmun reng ani sia.”
(more…)

Posted in Opinion | 64 Comments »

Dan leh Khawngaihna (Sunday Pual)

Sunday, February 26th, 2012

Vawiin chu tlema khal tha deuh lam I han thlir ho teh ang u. Dan leh Khawngaihna hi Ringtuten kan thliarhran chian thiam loh chuan FB group hrang hranga zirtirna danglam leh mak tak takte kan chhiar thin hunah kan buai chhe palh hlauh dah ang e.

Dan leh Khawngaihna hi Pathian thuin a thliar hran, chawhpawlh loh tura a tihhran tlat a ni. Chuvangin an hun (Dispensation) pawh a dang ve ve a ni. Dan hi Mosia hmanga pek ani a, khawngaihna erawh chu Isua Krista avanga lo awm a ni.(Johana 1:17).

“Dan” tih hian Mosia dan Pathianin Sinai tlanga Mosia a pek kha a ni tih kan hrereng tur a ni. Tin, dan hi thuah thum a ni.
1. Rilru lam dan (Exodus 20:1-17 =Thusawm pekte)
2. Vantlang dan (Exodus 21:1-24
3. Serh leh sang dan (Exodus 25:1-40)
(more…)

Posted in Religion | 27 Comments »

Tunlai khawvel

Saturday, February 25th, 2012

Tunlai khawvel.

Khawvel  tukverh  lam hi kan hawi khat em mai! Kan post ve mai mai, link vel ka dah lo a, an hming pawh a sipel ka thiam hlawm lo a, ti tawp tawp mai ang aw..

2012 kum tir lam ani a, khawvel nuclear scientist ten Iran in nuclear bomb a siam leh siam loh an inspection pawh an zo leh a. Inspector sap ho an lungawi lo hle a. Iran  lah chuan bomb siamna tur ani lo e. Electric leh damdawi (cancer treatment) atan ani e ti chung siin an siamna hmunpui ber ah inspector sap te luh an phal lo. Israel ho tan chuan lungmuang tak a mut a har tial tial ang. Iran beih chu an in ready bik chiah lo na a, enge lo thleng zel ang le? Khawvel in hrem mahse an nuclear program hi thulh an tum thak lo! Israel hian bei thut ta se enge lo thleng ang le?
(more…)

Posted in More than words | 49 Comments »

Most Famous Scientific Theories That Turned Out To Be Wrong

Saturday, February 25th, 2012

Thuhmahruai

Pathian thilsiam hi a ropui a, a mak a. Thilsiam (created being) mai kan nih avang hian Siamtu Pathian (Creator) thilsiamte hi chiangkuang tak leh a nihna ang chiah chiaha chhuichhuah fiah-fai-fel-keuh a har a. Scientist-ten he Pathian thilsiam mak leh ropui tak tak te hi an chhui chhuak a, an hmu chhuak a, an hrechhuak a, ropui kan ti a, mak kan ti!

Mahse, scientist-te thil hmuhchhuah leh hriatchhuah te hi mak kan tih mek laiin, a dik tawk lohna te, a felhlelhna te, a mak lehzualna te nen lam kan hre zui leh nghal thin!  Science thil thlir dan È›ha em em mai chu…dik tawk lo a awm chuan a pawm leh mai È›hin!  Ringtu dik tak nun nen a inang ka ti. Ringtu dik tak chu a flexible tur a ni a, tih dik loh a neih chuan a pawmin, a insiam tha thuai mai thin.

Scientific theories te hi research changtlung zawk neihna aÈ›angin siamÈ›hat, tihdanglam leh belhchhah hi a awm reng a, ngaihdan hlui chu a tharin a thlak a, kim lo leh fiah tawk lo te kha kim zawk leh fiah zawkin an rawn phochhuak È›hin. Chuvangin, tunhma scientific research & research finding-te kha an “dik lo hulhual” tihna erawh a ni lova, ngaihdan thar chu “a kim zawk a, a rintlak zawk” (new theories are more complete & reliable) tihna anga ngaih tur a ni an ti!

 
(more…)

Posted in Nature, Opinion | 30 Comments »

« Older Entries
Newer Entries »