Thlemna hi Bible min zirtir ang chuan mi Ringtute FIAHNA a ni ber mai. Thlem thlukin awm se, va tihna lam ni lovin, Engang mi nge a nih chiah, a dingnghet dawn em? Rin tlak leh chhawr tlak a ni dawn em? Pathian a hmangaih tak tak em? A inpe tak tak em? Pathian hi a ring ngam tak tak em? tih te tichiangtu tha tak a ni thin.
Tin, thil thalo lutuka va ngaih tur pawh a ni lem lo a, mitin chunga thleng theuh ani tih hi kan hre reng tur a ni. Chik zawkin I han bihchiang dawn teh ang le.
Thlemtu chu.
1. Sual tura thlemtu bulpui ber chu Setana a ni. (Genesis 3:1, I Chronicles 21:1, II Korinth 2:11, 11:3Matthaia 4:1, I Thessalonika 3:5, I Petera 5:8)
2. Mahni tisa chakna (Desire) : Gen 3:6(Evin Thei chu eimi ani tih leh rah itawm tak ani tih a hmu), Gen 13:10 (Lotan Zoar khaw lam itawm takin a hmu) Jakoba 1:14, (Mitin mahni chaknaa hruaiboin an awm thin), II Samuela 11:2 (Davidan Uria nupui inbual lai a hmu).
3. Misualte : Misualin an thlem che chuan zawm suh” (Thufingte 1:10, II Petera 2:18)
Thlemna Do zawh loh Rah:
1. Khawlohna (Tenawmna)- II Korinth 11:3
2. Thuawih lohna – Genesis 3:17
3. Bawhchhiatna(Misual nihna) – I Timothea 2:14
4. Rah chhuah lo – Marka 4:19
5. A taka Hlepna bawlhhlawha tluk luhna – I Timothea 6:9
6. Thlarau Thihna – “In ei chuan in ei ni la lain in thi ang” (Genesis 2:17)
7. Pathian hming sawichhiatna – “Pathian hming chu nangmahni avangin Jentail te zingah tihchhiatin a awm ta a ni” (Rom 2:24
8. Thlarau a Lungngai thin – Ephesi 4:30,31)
Thlemna chu engtin nge kan hneh theih ang?
1. Tum tlat na in – “Daniela chuan chung Lal chawtui hmel (Daniel 1:8)
2. Tlanbosan tur – (I Timothea 6:11)
3. Hawisan tur – (I Timothea 6:20)
4. Pumpelh tur – II Timothea 2:16)
5. Talchhuah tur – (Genesis 39:12)
6. Thuthlung neih tlat tur – (Joba 31:1)
7. Kaihhruaina Tha – Thufingte 11:14)
8. Nghet taka dingin – II Lalte 5:16)
9. Pathian thu khawlkhawmin – Sam 37: 31, 119:
10. Dawhthei taka tuar hram hramin – Thupuan 3:10)
11. Inring renga Tawngtai chungin – Matthaia 26:41)
12. Mahni taksa thunun tlatin- I Korinth 9:27)
Pathian hian Mihring ten kan tuar theih tur tawk bak hi, kan chungah Thlemna a lo thlen hi a phal lo tih hriat tur a ni (I Korinth 10:13). Thlemna rualin Tlanchhuahna kawng a hawng nghal thin.
Tirhkoh Paula meuh pawh khan, khati taka rawng a bawl hnuah pawh khan, Suala tlu mualpho thei ani tih a inhrechiang hle mai a, a taksa kha a tichhel a, a thunun tak meuh a ni. Chutiang mi Thlemna laka insum hram hram a, hnehtute tan chuan Pathian hian , “Chhethei lo Lallukhum” a buatsaih tih min hrilh bawk a ni. (I Korinth 9:24-27)
Thlemna tuar hram hramtu chu a eng a thawl thu leh fiaha a awm hnuin NUNNA LALLUKHUM chu Lalpan amah hmangaihtute hnena a tiam chu an hmuh dawn thu Jakoba 1:12 ah kan hmu bawk a, Tin, a tawp ber atan chuan, a kut dinglama Arsi pasarih kenga khawnvar pasarih dahnaa vei veia khan, “Thih thlengin Rinawmin lo awm rawh, tichuan nunna Lallukhum ka pe ang che” tiin mi sawmin min fuih a ni tih I hre reng ang u.
Similar Posts:
- Thlarau Thianghlim (Pentecost Pual)
- Intodelh Nan – Rinawmna Leh Dikna
- Thlarau lam Indona(Spiritual Warfare) – {Sunday Pual}
- Chhandamna (Sunday Pual)
- Rawngbawlna hlen
March 4th, 2012 at 1:06 pm
Report this comment
March 4th, 2012 at 2:13 pm
tha hle mai..(Y)
Report this comment
March 4th, 2012 at 2:21 pm
Nula hmeltha hian an hriat miah loin min thlem thin
Report this comment
March 4th, 2012 at 2:33 pm
Condensed and encouraging Topic.
πειρασμός (peirasmos)… Thuthlung Thar-ah hian vawi 20 vel a lang.
Matthaia-ah vawi 2
Marka-ah vawi 1
Luka-ah vawi 6
TT-ah vawi 1
1 Korinth-ah 1
Galatia-ah vawi 1
1 Timothea 1
Hebrai-ah vawi 1
Jakoba-ah 2
1 Petera-ah 2
2 Petera-ah 1
Thu Puan-ah 1
NAS-ah chuan vawi 21 lai a inziak thung a.
temptation 12, testing 2, trial 3, trials 4 tiin saptawng lamah chuan a inziak thung —Grik tawngin πειρασμός (peirasmos) tih a ni tlangpui a.
A chhe em em thila thlemna ni lo pawhin, tha awm deuhva lang thilah pawh thlemna hi a awm thei.
Diabola khan tactic chi thum hmangin Nazareth Yeshua Messia kha a thlem a. TORAH Bu hnuhnung ber Deuteronomy atang chauhva chang pawimawh tawi kimchang thurchhuakin Nazareth Yeshua khan a lehthal thei lutuk mai kha … Bu 65 dang kan nei a … ran thisena inthawina tel miah lo pawhin Thlemtu chu TIH ZIAK A NI tih hmanga hneh theih a ni pang tawh a; Messia thisen chhuak leh theh (shed and sprinkled) hnu-ah meuh tawh chuan Setana hian CHANCE hi chu a nei thei lo ngawt ang … keimahnin kan zir thlawt lo a nih ngawt loh chuan!
VERY IMPORTANT POST
Bonus : Josefa leh Davida hian DEBATE nei se, in ngaithla chak ve em? Judge atan Samsona ni se.
Report this comment
March 4th, 2012 at 2:35 pm
Thlemna hneh theihna dan tur Point 9 na Sam 119: tih ringawt khi, Sam 119:11 tihtur a ni. a chang(verse) ka lo chhut hmaih palh anih khi. “I chunga thil ka tihsual loh nan,I thu chu ka thinlungah ka khawl khawm a”.
Report this comment
March 4th, 2012 at 2:49 pm
Pu chawnghilha i tha thin e. Lal Davida tanfung tura ka rin chu,”Josefa te chu Sal/Chhiahhlawh a nia, a nunna atan pawh a hlauhawm lutuk a, kei te chu Lal ka nia ka duh duh nupuia nei thei ka nia lawm. Tin, ani te chu Negro nu vuai tawh kha a nia…kei te chu…” a ti ang a? (Fth).
Lal Isua Thlemna tah chungchang hi ka telh tep tak tak a. 1.Setana khan,Mihringin dan ang taka a mamawh ngei mai kha, Mihring nihphung kalh rapin, a Pathianna power kha tullo zeta hman tir a tum pek a. 2.Pathian thu “tihziak” ngei hmang khan Rau lo zet leh “Lalpa i Pathian fiah suh” tihziak kalh ranin a han thlem leh pek a. 3. Pathian hnenah chauh pek tur ‘True Worship’ kha mi tenawm tak Setana hnena pe turin a han thlem phei kha chu Isua kha a ‘Sa’ ve ngawt ang.
Report this comment
March 4th, 2012 at 3:04 pm
Ziak tha leh pek e
Mawlte fiah tak maia Pathian thu i sawi thin hi a ropui. Nangni ang rawngbawltu hi khawvel hian a mamawh takzet a ni.
I thuziak hian he hla hi min ti hrechhuak:
… thlemna(te) ka tawh changin, hnehtheihna min pe la;
Van-In kawng ka bo dawnin ka banah min kai la.
Sual hliam tuar chungin chau thin mahila
Rinhlelh changte awm mahsela
Aw nem zaidamin min zirtir langin
Nunnem Thlarau Thianghlim..
Ka hrechhuak tawh lo
Report this comment
March 4th, 2012 at 3:11 pm
A tangkai dawn khawp mai.
Report this comment
March 4th, 2012 at 3:18 pm
Achilles Heel kan neih hi Setana hian a hre kar mai si a —thlemna a hman dan pawh mi tinah a inang vek dawn lo. HNEHTU apiang an nihlawh dawn a ni mai!
Diabol-a’n “tih ziak a ni” tia Sam a’n phih chhuak ve ngawt kha … Nazareth Yeshua lah Temple chhip zumah a dah a … a hnuai chu Jews-ho Temple —pindan leh bungrua, puanzar etc., a awm tih a hriat reng mai a … Mosian ruangam a lo din aia Messia dinhmun pawimawhzia kha a lang chiang hle.
Misinterpretation hi Diabol-a chakna thahrui a ni tih hai miah loh tur! A hranpain Bible a nei ve der si lo va, Bible hi a theihna lai laia hrilhfiahna dik lo leh bel dan dik lo hian tan a khawh nasa hle zel a nih hi!
Fimkhur a ngaih em avangin, loh theih lohva Greek/Hebrew thumal hi a ngaih hun a awm thin. Heng hi mausam mai chi a ni lo va, Septuagint Bible hmang khan a nia Messia leh Diabola pawh kha an inbitum!
“Pathian Fapa i nih chuan …” —hmana van chung sanga a lo elrel tawha kha a hre chiang bawk e; mahse, revenge engemaw ti kawng zawng taka lak a tum ve … a BAM chiang lawi si!
Report this comment
March 4th, 2012 at 3:27 pm
Pu Donald, i hla rawn tarlan khi ka hla duh ber pakhat a ni. Ka vawikhat ngaihthlak na atanga ka duh nghal thlawp(Love at first heard?) te zinga pakhat a ni. A phuahtu lah hi misual permanent member ani tlatin ka hre lehnghal. Mizo Pathian fak leh chawimawina lam hla a phuah chhunzawm talo lutuk hi chu ka ui/haw ngawt mai.
Report this comment
March 4th, 2012 at 4:32 pm
Post leh comment a thain a bengvarthlak e.
tren tren
Report this comment
March 4th, 2012 at 4:46 pm
Post tha comment pawh post tluk a tha
Report this comment
March 4th, 2012 at 5:13 pm
A ṭha hle mai. Tlanchhuahna awm tih hre reng mah ila thlemna hi ka do zo loooo leh ṭhin a
Kan chaklohna hi Amah kan rinchhan theihnan Pathianin min pek a ni a, chu chu Bawlte-a hian alo hre ve kar maia Amah rinchhan lova keimahni theihna hmanga tlanchhuah kan tum apiang hian kan chau ting mai bawk a. 
Isua khan a chhang thiam khawp mai. Thlaler ah ril ṭamin a awm a, a mamawh ber ni a lang chu ‘Chaw’ a ni. Bawla lah khan khawngaih thla la niawm tak khan a kaw puarna tur alo hrilh ve nih chu, Isua chhanna kha hre lo ila chu Bawla thlemna ṭawngkam kha thlemna ni tih kan hre miah lovang chu. Hmangaihtu aw ka nen a in ang tlat alawm. Mahse Pathian Fapa a nih leh nihloh fiah tirna tura ti a ni tlat a ni, A ni tawh renga Isua tan khan fiah a ṭul si lo. “Pathian Fapa i nih chuan heng lung hi chhanga chang turin thu pe rawh,” a ti a. Isua lah chuan “Ka ril a ṭam lo” emaw “Chhang ah Ka chan tir theilo” emaw “Ka duhlo” emaw a tih chuan dawt a sawi dawn si a, chu chu Setanan alo chang ve kar a ni. Mahse Pathian thu awm sa in thiam takin, Deut. 8:3 a mi angin a chhang a “Mihring hi chhang chauhvin an nung lo vng,’ tih ziak a ni” a ti ta daih maia Setana tum chu tlawlh chiang hle a ni. A hnu ah Setanan Pathian thu Sam 91:11 ziak a mi changchawiin a rawn hmang ve leh a (a hman hun lovah tunlaia kan hman ṭhin ang hian ;). Tichuan Isua in Deut 6:16 leh 6:13 hmangin a chhang ve leh a, a dang ta zel a nih kha.
Chuvangin thlemna kan hneh theihnan Pathian ralthuama in thuam turin Pathian thu hriat hi kan mamawh a ni tih hi ka pawm a ni
site hi a muang hle mai. Ka comment thei hram a ni
Report this comment
March 4th, 2012 at 6:10 pm
Asteric : Good job, excellent commentary. You delved out what I deliberately omitted.
Report this comment
March 4th, 2012 at 6:29 pm
Pathian thu ningnel tein kan han post ve a, in rawn tiphuisui khup khup thin a, ava tha thin tak em. Kan mithiam leh mirilte chochhuak thei tur rawn post zel ka tum nang e.
Report this comment
March 4th, 2012 at 7:07 pm
Pu Pk: Thlemna chu kan tan tlukna a nih loh nan i hawlhphel hnehsawh hle mai! I post hi ka duh lutuk e!
Thlemna hneh danah khian kan Lalpa Isua Krista’ inring renga tawngtai tur a tih la tak khi ka ngaipawimawh thin khawp mai. Amah kha mi tawngtaimi (man of prayer)a ni hrim hrim bawkna khan kan nunah hian thil awmzia tak a tuh bawk a ni. Dr Luka phei chuan a tih dan pang ngaiin Oliv tlangah A Pa hnena tawngtaia be turin a kal leh a ni a ti a ni awm e, a tawpna atan. A zirtirte’n an zui bawk a. Chuta a thusawi kha, “Thlemnaa in luh loh nan tawngtai rawh u”, tih a ni. Hei hi Krista thihhmaa a thusawi, lungngai taka a awm laia a chhakchhuah a ni ve ngei a ni. Ngaihpawimawh sak hi a va phu tak em!
Lungai avanga muhil ta a naute chu a hmaa a thusawi pangngai chiah sawi nawn lehin a hrilh lawm lawm a nih awm kha maw.
Thlemna do danah hian tawngtaina leh Pathian thua chen hi a pawimawh ka tih ber pawl a ni, keimahah chuan.
Report this comment
March 4th, 2012 at 7:14 pm
Power Supply ni 2 kan nei lova, ka Misual thei lo. PKfanai i ziak tha leh khawp mai,
Chawnghilh sawi ka thlawp a, tangkaina a neih ve takin, ka’n belh ve:– Thlemna kan tih hi Grk.Peirasmos (Eng. temptation, testing, trials) tia dah a ni a. Zir tur pawimawh tak tak a awm :–
1. Pathianin amah ringtu rinawm leh rinawm loh a fiahna (cf. Job.1 & 2), “thlemtu” hi Setana a ni a, fiah (thlem) tura “permission petu” chu Pathian a ni . Joba hi a rin tawk em avangin Pathianin Setana cho nan a hmang a ang hle.
2. Thlemna hi mihring (mahni) chhungril lam atanga lo irh-chhuak, mahni (leh midangte) thil sual ti tura chet-chhuahna hi a ni (cf. Jak.1:12,13). Jewish doctrine “Yetzar ha ra’” ah chuan “thil sual tih chakna” (evil impulse) miin a neih chu a intanna a ni a ti. Helai “chakna” (Gk.epithumias) hi thlemna hringtu, “a pui” (mother) angin a sawi hial (cf.Jak.1:15). Jak.1:14-15-ah hian Thlemna kan tawh dan leh kan tluk dan hi STEP 7 lai a awm thu a inziak.
3. Thlemna hi Pathian Fiahna a nih rualin, a bulpui ber, a lo kalna chu Setana atangin a ni. Pathian atanga zichhuak a ni lo (God is not the author of temptation) tih hi Jak.1:12,13 (cf. John 10:10) ah chiang takin a sawi. Chhunglam (rilru) leh pawnlam (external) leh keimahni zinga mi (own people) te chu hmanrua-ah an tang thei (cf. Mt.4, Lk.10:30, 1Thes.2:14, Heb.10:32,33 etc).
4. Mihring-te hi Pathian anpui (tselem) leh ang tak (demuwth)-a siam kan nih avangin kan “chhia leh tha hriatna” leh “kan duhthlanna” hi Setana hian min ti-lui (force) thei lova, Pathian tak ngial pawhin min zah-sak bawk. Matt.12:37, “I thu chuan thiam a chantir ang chia, I thu vek chuan thiam loh a chantir bawk dawn che…”
5. Lal Isua ringtuten engti kawng hawi pawhin thlemna hi tawk ila, “lawmna hlira ruat” (count it all joy) turin min zirtir tlat nia! (cf. Mat.5:11,12, Rom 5:3ff, Jak. 1:2-5,12, 1Pet.1:6-9). Hei hi a sawi chhan ber nia lang chu, Pathian hian kan hneh theih ngei ngei tur thlemna chauh kan chunga a thlen a phal niin alang, “mihring tuar theih ang chauh lo chu thlemna reng reng in chungah a thleng ngai lo. Pathian zawng a rinawm a ni, ani chuan in tuar theih tawk aliam chu thlemna in tawh a phal lovang, in tuar theihna turin thlemna rualin tlanchhuahna kawng a siam nghal zawk ang” 1Cor.10:13. AMEN!
6. THLEMNA TUAR CHHUAK-TE LAWMMAN hian khar ang :–
(1). Chatuan nunna (Nunna Lallukhum),
(2). Deeper relationship with God,
(3). Thlemna tawk ve dangte tanpuitu-ah kan qualified,
(4). “I hneh-in thlemna dang i hneh thei zel ang” KHB No.406.
Report this comment
March 4th, 2012 at 8:02 pm
16
Ignatia (33-115 AD) Says:
“Thlemna do danah hian tawngtaina leh Pathian thua chen hi a pawimawh ka tih ber pawl a ni, keimahah chuan.”
Lal Ignatia, I va han thawdik thin em!
Pka hla duh tak ka rawn sawi khi keipawh ka duhna chhan em em chu hei vang hi alawm. Mahni chaknaa do hneh thei ka nih lohzia hi ka inhrechiang tulh tulh mai a, tawngtaia Krista hnena tlukluh mai hi hnehna chu a lo ni reng mai. DAN chuan ‘AWT SUH’ a ti a, awh loh ka tum poh leh awhna chu keimahah a nasa si. Ka chung ava pik tak em! Sual man (DAN bawhchhiatna) chu thihna a ni bawk si.
Kristaah erawh kei misual (danbawhchhepa) chu thiah min lo puangin, Krista ruala tholeh, Krista nun thianghlim ang neituah Pathian chuan min lo pawm reng tawh tih hriatna leh rinna, Krista zirtirna ang zela nitin nung tura inbuatsaih thar zel hi Pathian thuin HNEHTU a tih chu a lo ni reng mai.
Pathian thutiam hi a a va ropui em!
“Lalpa chuan amah ngaihsaktute chu THLEMNA ata chhan chhuah dan leh fel lote chu rorel ni atan chuan hrem chunga khek dan a hria” [2Pt 2:9]
“Ka chhelna thu i pawm avang khan leia awmte fiah tura khawvel zawng zawng chunga FIAHNA hun lo thleng tur lakah chuan kei pawhin ka humhim ang che” [Thup 3:10]
Report this comment
March 4th, 2012 at 8:03 pm
Dr.John lo tel thar hi Pathian thu lamah a lawmawmin kan hlawkpui tan viau mai. A lawmawm lutuk e.
Report this comment
March 4th, 2012 at 8:06 pm
Midang hohi chu mahni tui tuia tui ve leh mahnia inhai kaw chawp kan ni tlangpui a, Pu Donald-ate, Pu Vakula te in lo inrawlh thin hi a lawmawm tak zet a ni.
Report this comment
March 4th, 2012 at 8:12 pm
Hets Pk, min PU bik ziah mai.. min tih upat hmel
Ka pu nen in inkawm thin kha aw .. hihi
Report this comment
March 4th, 2012 at 8:39 pm
Amah ngei chuan thlemna tawkin a lo tuar tawh avangin, thlemna tawkte chu a tanpui thei a ni – Hebrai 2:18
Report this comment
March 4th, 2012 at 10:56 pm
Tha khawp mai a, .
Nang zawng i post thei reng mai a, i postho lah hi a zir tham viau zel mai bawk si.
Report this comment
March 4th, 2012 at 11:10 pm
Pu Donald: Kan Pathian thu ngaihdante awmze nei takin i lo tuihnih thin a hlawkthlak thin khawp mai. Ti hian keini tan malsawmna i ni zel mai. Lo ti zel ang che…. I comment kan lo chang reng thin.
Pu vakula pawh lo chhuak zawk mai lawm. A inla reh khawp mai. Engmah hi a sawi tha duh tawh lo va. Seba Lalnu a tih fo kha a hlau deuh emaw ni….ha ha ha
Report this comment
March 4th, 2012 at 11:35 pm
Het, Ignat, ka computer a nuar char char a, a nawrh loh lai lahin ka nuar ve ngar ngar bawk a-vaipa ka ko va, a CPU chhunga mi zawng zawng ka herh thlawntir vek a, puk chawpin a thar HLAK ka vuahtir a, a la nuar leh lo. Pumpelh dan kawng ka zawng ngar ngar a, ka pelh seng lo ani.
Ka la hmuh si lohah chuan i ngaihawm ka ti khawp mai, ka inlar ve leh tan thei ta…
Report this comment
March 4th, 2012 at 11:48 pm
Pu Vakul, i ngaihawm vawng vawng e!
A va zia lo ve aw! Lo tluang tawh ang che. Home minister lam a nih ka lo ring lutuk a..ha ha ha.
Welcome back! I awm hian a nuam leh zual em em a nia. Pi BMW phei chuan a ngai leh zual ang che…
Report this comment