II Timothea 4:5. Nang erawh chu engkimah fimkhur la, hreawm tuar la, Chanchin Tha hriltu lam hna thawk la, i rawngbawlna kha hlen rawh.
———————————————————————————————————————
II Timothea hi Paulan khawhar taka a hun tawp lama lung in atanga a ziah a ni a. Dam rei a inring tawh lo hle niin a lang. Rawngbawl hna thawka hun tam zawk hmang thei tur Timothea chu engkima fimkhur taka awm tur te, hreawm tuar tur te leh Chanchin Tha hril a, a rawngbawlna hlen turin a fuih a ni.
Rawngbawltu tam takin fimkhurna kan tlakchham thin avang leh hreawm kan tawrh peih loh avangin kan rawngbawlna kan tlawmsan fo thin. Kohhan hruaitute hmanga Lalpan kan rawngbawl ve theih tawk min pekte hi ngaihlu thiam ila. Mi thenkhat, rawngbawlna incheina atana lo hmang pawh kan awm mek zel a ni âwm e! Incheina chi a ni lo, tawrhna leh chânna a ni zawk tih hre thar leh ang u.
Source: Chhung Inkhawm Bu : August ni 7
Similar Posts:
- Thalai rawngbawlna enfiah a ngai e
- Missionary a inchhal mibum hmang
- I kawngzawh lai kha chhut ngun rawh..
- Hei Pawh!!
- Nang erawh chu engkimah Fimkhur la…..
August 8th, 2011 at 12:39 pm
H.V chu i RAU ta riau mai in ka hria a…!
Report this comment
August 8th, 2011 at 12:54 pm
Deuh thut che chuan, tha khop mai…
Report this comment
August 8th, 2011 at 12:55 pm
Rawngbawlna a taihmak leh fimkhur chu a ngai khawp mai. Mi dangin min hriatpui emaw hriatpui lo emaw Isua Krista hming chuan neih loh ngam, chan ngam leh, kan tih theih loh te tih zel duh na hian kan nunah kan rinna awmze neiin a lantir dawn ani. Kan chawl tur ani lo.
Report this comment
August 8th, 2011 at 1:23 pm
Khai aw..Misual ho kan va rau ta hlom ve le. Hey den rial rah chhuah nge..khawvel hi a tawp dawn tawh zawk le aw
Hey den rial
Report this comment
August 8th, 2011 at 1:40 pm
Rawngbawlna tlansan mai duh leh chak chang a awm ve fo. He thu hi infuihtharna thu tha tak a ni. Nang erawhchu hrehawm tuar la, i rawngbawlna kha hlen rawh
Report this comment
August 8th, 2011 at 1:53 pm
pu hairehai hi ‘chhung inkhawm bu’ te a nei ve thlap nia… tak2 a, kha lam kohhran chanchin te han post la maw le.. He lamah hian hmu ro tak2 che u hi an tam a.. in lo ‘ro’ reng em?
Report this comment
August 8th, 2011 at 1:57 pm
Serchhip lam nen a inang ta lo ve …
Report this comment
August 8th, 2011 at 1:59 pm
Kan nitin eizawnna hi Pathianin min pek ni a ngai a, theihtawp chhuah a rim tak leh rinawm tak a thawk thin te hi Pathian rawngbawltuah ka ngai tlat, keizawng. Kan hna neihdan leh hmuh dan atang erawh chuan a danglam viauin ka ring bawk a.
Report this comment
August 8th, 2011 at 2:18 pm
A va han tha tak em. Tunah hian khawpuiah kan awm a, a nawm hmel viau a. Hostelah naupang 155 kan beng muk tan a. Engvang pawhin kan kut a an awm laiin lo thi ta sela, min sathlum duh ngei ngei ang. Engmah mu leh mal pawh hre lova an dam loh chang te, na tak a an inhliam changte, an lo tlan chhuak a, kan zawn hmuh lawk loh changte hian, Keichu Captain ka ni a, ka bihruk emaw ka tlanbo emaw a thiang lo. “Hmun dangah min post mai sela aw” tih rilruk vawng vawng chang ka ngah mai. Mahse a thutiam ang ngeiin Lalpan min awmpui tlat thin tih ka hria. Naupang damlo serious lutuk leh Rulchuk hial pawh an Lu chunga kut nghata ka tawngtai chuan thil pawi a thleng dawn lo tih ka hre tlat thin. second 1 lek chhung pawh Lalpa hian min kalsanin Setana kutah min pe ta mai se…??
Report this comment
August 8th, 2011 at 2:31 pm
Serchhip lam nen chuan a in ang talo hle tak mai ….
Halleluyah, Amen
Report this comment
August 8th, 2011 at 3:16 pm
saint sammoo #6 Khawvel hmun tinah, Kristian rinna ro tak2 (i tih ang) an awm theuh ang. Chutiang chuan Mizoramah hian America chanchin hi sawi zeuh2 a awm thin anih ngei ka ring. Engpawh nise, America (United States) hi eng sakhua pawh zalenna ram a nih ang hian Kristian chauh lo pawh, ramhuai bia thlengin an awm teuh a ni.
Ka hmuhdan leh hriat chinah chuan an mahni sakhaw zawm theuhah, (sakhaw biak nei an nih chuan) an rinawmin an inpe hlawm khawpin ka hria. Mizoram anga Sunday/Saturday inkhawm fashion show ang mai hi a awm ve lova. KTP/TKP inhmuhkhawm tam lutuk ang chi hi a awm ve hran lova. Tin, biakin/kohhran tam takah chuan Sunday khatah pawh hian inkhawm a chhawng chho duah thin. Mihring hman hun a inang lova an hman darkar a an inkhawm theih nan tia hun remchang insiamsak te pawh anni awm e.
Kristian ni a, a nihna zirtirna zawm bawk chuan meizial an zulo tlangpuiin ka ring. Tin, kohhran a inkhawm thin zu rui buk2 an awm ka hrelo bawk.
Kan kohhran han sawi tel lawk ila:
Khawvel ka inkhawm tawh naah Mizo Presbyterian Church (USA) hi hun vawngdik ber a ni awm e. Kan pastor hi mi inhawng tak niin ka hria a, an in pawh hi kohhran mitin, naupang atanga a upa ber thlengin kan inpui ber anga kan hman ngam theuh a ni. Kan pastor Jacob Rodawla hi a beramte ngaihven tak niin, kei, inkhawm hun nei thei manglo pawh inah min rawn tlawhin chhung-inkhawm min neihpui fo mai. Kohhran upa hmel kan inah bik chuan an lang khat ta khawp thung.
Kan kohhranah hian Pathian thu lam zirchhuak, pastor lo ni thin emaw, Pathian thu lama Doctorate degree, master degree etc. an awm nawk avang hian an Sunday sikul zirtir a benvar thlak thin khawp mai.
A tlangpuia lakin United States ah hian Kristian chhung bik han thlirin, an rinnaah leh inpekzawhnaah entawn tlak tak an niin ka hria. Miin, “Kristian ka ni,” an tih chuan an sakhaw rinah an nghetin an rinawm tlangpuiin ka hria. Mizoram anga Kristian anga inchhal a Kristian anga nung silo tam zawk ang hi an ni velo niin ka hmu. Kristian angin an naupan laiin baptisma chang mahse, an lenhnu a an practice siloh chuan “Kristian ka ni,” an tih ngai ka hrelo, ” Ka practice lo emaw,” an ti mai zawk thin. An nih ang angin an lang pawp a ni ber.
Report this comment
August 8th, 2011 at 3:17 pm
#11 thuhlawm tawp ber “Ka practice lo emaw,” tih khi, “Ka practice lo” tih zawk tur ani e
Report this comment
August 8th, 2011 at 4:24 pm
chhung inkhawm bu te chu nei ve thlapzzz …
Report this comment
August 8th, 2011 at 4:43 pm
troxx #13 ve thlap e mawle. Kan hmang tangkai khawp asin, nu berin in a chhiar a, an nufa thum an in tawngtai chhawk thin. Kei chuan kalo dawngsawng (absorb) thung a
Report this comment
August 8th, 2011 at 5:47 pm
An nufa thumin an in tawngtai chhawk thin..hehehe. Pa ber khawiah nge?
Report this comment
August 8th, 2011 at 6:43 pm
Infuih thar na ṭha tak a ni
Mi thenkhat, rawngbawlna incheina atana lo hmang pawh kan awm mek zel a ni âwm e! Incheina chi a ni lo, tawrhna leh chânna a ni zawk tih hre thar leh ang u
Mi ṭhenkhat ni lovin rawngbawl tu tam zawk (ka hmuh dan)
Report this comment
August 8th, 2011 at 8:10 pm
Pu HVa post a va ang lo ve. Mahse Pu HVa post a nih vang hrim2 in ka chhiar chhuak tho.
Report this comment
August 8th, 2011 at 8:55 pm
Mawia Pachuau #15 sawi tur i hriat loh hmel, i zawhna khi i sawi chin piahah chiah chhanna a awm khi mawle
ChhanaPa #17 Chhung Inkhawm Bu ami chu ka rawn theh chhuak fo asin
Report this comment
August 8th, 2011 at 10:04 pm
A Pathian thu zawng kherlo pawn mahni rawngbawlna/duty hlenchhuak pap pap thei mi hi chu an lo puitling in khawkhat pa rawn an kai nge nge. Chhungkua a mawhphurhna te, thian zaho zinga kan tihtur te, kan hnathawhna hmuna kan duty te, khawtlang a mawhphurhna te hi hlenchhuak zat zat thei mi nih hi thil ropui tak a ni. Kei chuan ka harsat khawp thung.
Report this comment
August 8th, 2011 at 10:13 pm
Tha Fu Ni…
Report this comment
August 8th, 2011 at 10:22 pm
Kei chu rawngbawlna hi inchei nana hman hi a thra ka ti tlat a nih chu. Kan rawngbawlna threuh hi kan incheina ni thei se a thra ka ti. Kohhran kawra hman te hi an han sawisel ngot a; kawr atan pon kohhran hi a lo thra ber nge nge fo thrin tih hi ka pawm ve dan a ni tlat. Nansi khan a hlaah khan ‘Kristianna leh Kohhran kawra hmanga..’ tihte kha a rawn sa a; kei chu Kristianna leh kohhran hi kan hnam hian kawrah nei tlat ila, chu chu hnam dangte pon min hriat dan ni thei se ka ti khop a sin mawle.
Rawngbawlna tih leh mawhphurhna tih hi thuhmuna kan hman dawn chuan hlenchhuah ve ve chi an ni. Puitlingzia a ni tlat.
Report this comment